أرجوكم أبي رد أسرعة ...؟؟؟

[ريم]

أنا مكتتبه في دلاله أب 30الف سهم وموزعتهم على أربع بطاقات يعني بطاقتين فيهم 10 الاف سهم في كل بطاقه وبطاقتين فيهم 50 الف سهم في كل بطاقه ياليت بس أتقولون لي كم بيخصصون لي لانه والله مب فاهمه الحسبه مالتهم والي عنده خبر أكيد عن التخصيص أيفهمني كم بيطلع لي وشكرا ..؟؟

[ahmed jasim]

492+492+892+892=2768 سهم

[ريم]

492+492+892+892=2768 سهم



تسلم أخوي بس أكيد 2768 :con2: ولا فيها كلام ثاني لانه الصراحه مب هاي الي كنت متوقعته وبعدين أنا سمعت أيقولون ماراح ايخصصون أكثر من 50 سهم يعني هاي الكلام مب صحيح

[عزيز]

492+492+892+892=2768 سهم


مشكور أخوي علي االمشاركه

بس ممكن تقولي شلون حسبتها؟؟ :court:

[Millionaire Mind]

الشق الاول من السوال
10000 سهم في بطاقه
رقم واحد 10000سهم ناقص100 سهم=9900 سهم
رقم اثنين 9900سهم ضرب 8 في الميه = 79200
رقم ثلاثه 79200 /100=792
الزبده 100 سهم من التخصيص الاصلي والباقي من النسبه 792 المجموع 892 في البطاقه الوحده ضرب اثنين يساوي 1784
الشق الثاني السوال غلط مفروض اتقولين خمس الاف لانه قلتي خمسين الف سهم ...يمكن تقصدين خمسين الف ريال في بطاقه المهم انتي تقصدين خمس الاف سهم في كل بطاقه
5000 سهم في بطاقه
رقم واحد 5000 سهم ناقص 100 سهم = 4900 سهم
رقم اثنين 4900 سهم ضرب 8 في الميه = 39200
رقم ثلاثه 39200 / 100 = 392 سهم
الزبده 100 من التخصيص الاصلي والباقي من النسبه 392 المجموع 492 في البطاقه الوحده ضرب اثنين يساوي 984
المجموع الكلي يطلع 2768 طبعا نفس كلام احمد ....اعزيز اعتقد انه حسبها كد' ا
ريم الحين لو خصصوا 50 سهم قولتج يعني ماراح ينقص منج الا حوالي ميتين سهم
846 في 2 = 1692
446 في 2 =892
بيطلع لج 2584

[qshark]

قالوا انه كل بطاقة بيكون الحد الادنى للتخصيص 100 سهم ، وفوق الـ 100 سهم نسبة وتناسب ، مبدئياً 8% ، فاذا اكتتبتي بـ 10,000 سهم ببطاقة وحده ، بتاخذين 100 سهم اكيد وبيبقى 9900 نسبة وتناسب ، 9900 x الـ 8% = 792 ، يعني 100 + 792 = 892 سهم للي مكتتب بـ 10,000 سهم ، واذا 5000 سهم ، بيصير له 100 سهم الحد الادنى + ( 4900 ضرب 8 %) = 100 + 392 = 492 سهم . وسوي حسبتك !!!

(( علشان تحسبين الـ 8% ، اضربي الرقم اللي تبين تطلعين نسبته في 0.08 )).

[كحيلان]

2768* اذا قلنا60 ريااااال = 166080- راس المال27680 = الربح138400 بس حاولي يا اختي تسألين شيخ عن كيفية تطهيرها من الربا

لأني سمعت الشيخ القرضاوي في خطبة الجمعه كأنه يقول انها حلال لأنها في الاصل شغلها وساطه بين البائع والشاري اذن هي حلال ولكن توجد فيها اموال ربويه بسبب تعاملها مع البنوك الربويه كذلك ضرب عدة امثله منها ناقلات والصناعات جميعها في الاصل شغلها حلال ولكنه قال تعاملاتها مع بنوك ربويه مثلها مثل دلاله.

لكي تقطعي الشك باليقين طهري منها وانشاء الله تكون لقمتك حلال *حلال

[ريم]

تسلموووووووووووووووووووو أخواني على الرد الواضح وماقصتروا ويعطيكم العافية والله

[رجاءاً من غير ليش]

شباب تره الرقم هذا مو نهائي لأن البنك التجاري لين الحين ماطرش طلباته للوطني ... ولأن الطلبات المكرره راخ تلغى ... يعني احتمال تزيد النسبه ..

[ريم]

يعني تتوقع ايزيدون عدد الاسهم الي راح ايخصصونها .... بس مااتتوقع راح أتقل ...؟؟؟ مادري هاي الي انا انا فاهمته من كلامك ...؟؟؟

[رجاءاً من غير ليش]

اي صح لأن الطلبات اللي وصلت انتهى امرها لكن بس باقي طلبات التجاري وهي تقريبا .. ب 80 مليون ريال ...بس فيها المكرر وراح يلغى.... والالغاء يؤدي الى زيادة التخصيص..

فهمتي الحين..

[السهم الازرق]

اي صح لأن الطلبات اللي وصلت انتهى امرها لكن بس باقي طلبات التجاري وهي تقريبا .. ب 80 مليون ريال ...بس فيها المكرر وراح يلغى.... والالغاء يؤدي الى زيادة التخصيص..

فهمتي الحين..


اخوي كلامك معناه ان التخصيص راح يقل مب يزيد..!!

لان طلبات البنك التجاري اللي ب 80 مليون ما تخصص لها اسهم للحين ..

يعني راح يتوزع عليهم من الحسبه الحاليه و بالتالي يقل التخصيص ..

و بالنسبه للطلبات و المكرره و المخالفه نسبه بسيطه وما بيكون لها تأثير يذكر بقدر تأثير طلبات ب 80 مليون حسب ما تقول انت ..

تحياتي