المساعد الشخصي الرقمي

مشاهدة النسخة كاملة : لاند مارك 2


x5x5
23-02-2005, 07:39 PM
سمعنا في مشروع مركز تسوق لاند مارك 2 في منطقه جنوب دحيل
هلا هذا الكلام صحيح افيدونا
ولو الكلام صحيح متى بيبدون في المشروع
سوبر سهم
23-02-2005, 10:57 PM
اللي اعرفه ان المجمع جنب حياة بلازا واوشك على الانتهاء

ويسمونه لاند مارك 2 نسبة لمالك الاند مارك الاساسي
بس اللي سمعته ان اصلا مالك الاند مارك تشاركوا معاه مستثمرين
غير قطريين


واللي سمعته بعد انه بيكون مجمع متخصص واغلب محلاته تأجروا قبل لايكتمل البناء
من شركات المانع

ومايعطون محلات حق اي حد لازم ايعرفون ايش بتفتح

يعني صادو اللي بيلعبون ببيع المحلات وسالفة الخلو :)


وبس

سلالالالام
Qatary
24-02-2005, 12:01 AM
المجمع اسمه Vilaggio

بين استاد خليفه وحياة بلازا

وسموه اللاند مارك 2 لانه نفس الشكل تقريبا من برى

بس اللي سمعته بيكون تصميمه خيالي

وأرقى من مستوى محمع ماركاتو في دبي
قـطـريـه
24-02-2005, 02:17 AM
المستقبل مجمع لكل مواطن

من كثرنا
كل يوم مسوين لنا مجمع

الله يبارك لهم,,,,,,,,,,,
qatar_moon
24-02-2005, 02:47 AM
صحيح المجمع جنب حياة بلازا

بس الي تقول عنه ولا مره سمعت فيه :confused:
بنت قطر
24-02-2005, 09:33 AM
صح قتري انا قريت ذا الأسم عليه

بس صراحه انا اعتبر مجمع حياة بلاز فاشل

علشان يفتحون مجمع جنبه؟
خله هو ينجح بالأول

==========
شكلهم كذا اختي بالمستقبل كل مواطن مجمع يتسوق فيه بروحه وعلى راحته وبلا ازعاج

======

و لا يقولون لكم ان كارفور اللي بيفتح فيه اكبر من كارفور اللي في الستي سنتر
سمعت اللي يشتغلون في كارفور يقولون
امي اتقول من كثر الناس اللي يجون المخازن الكبرى الحين
اتقول بعد ما يفتحون كارفور هناك بيطيح كرت المخازن الكبرى موليه

=========

واخابر ان الاند مارك حق اعيال الربان مع بعض الشيوخ

==========
سوبر سهم
24-02-2005, 11:18 AM
حق وحده من ال ثاني زوجها من الربان
بنت قطر
24-02-2005, 11:55 AM
والله مب متاكده

بس المتاكده انه اصحابه فيهم عايلة الربان وآل ثاني ذا الأكيد
الغشمري
24-02-2005, 01:20 PM
السلام عليكم يا جماعة المجمع الي بالقرب من ستاذ خليفة وحياة بلازا
راح يكون كارفو في لوحة كبيرررررررررررررررررررررة معلقة :)

كاتبين عليها قريبا كااااااارفوا
eXpert*
24-02-2005, 02:21 PM
بس صراحه انا اعتبر مجمع حياة بلاز فاشل
علشان يفتحون مجمع جنبه؟
خله هو ينجح بالأول






و لا يقولون لكم ان كارفور اللي بيفتح فيه اكبر من كارفور اللي في الستي سنتر
سمعت اللي يشتغلون في كارفور يقولون
امي اتقول من كثر الناس اللي يجون المخازن الكبرى الحين
اتقول بعد ما يفتحون كارفور هناك بيطيح كرت المخازن الكبرى موليه






هم متعمدين يفتحون جنب الحياة بلازا :

1) علشان يصكرون المجال امام الحياه بلازا .
2) يصكون على المخازن الكبرى (( لانه لاند مارك 2 بيحتوي على كارفوور بدل من ميجا مارت )) .
3) استراتيجيه الموقع هناك (( لاتنسون هناك العديد من الاجانب يسكنون في المجمعات السكنيه مثل البيفرلي هيلز الخ ،،،، ومع قرب اسياد ال 2006 بتزيد المجمعات السكنيه اهناك وبيزيد عدد السياح اللي بيقطنون تلك المنطقه .


وعلى فكرة كان المقرر بناء اللاند مارك 2 جنب اللاند مارك القديم بس كان اهناك فيلا تعرقل المخطط وعرضوا على صاحب الفيلا مبلغ 4 ملايين ريال قطري علشان يتنازل عن الارض والفيلا بس صاحبنا طلع عنيد . وتفركش الموضوع (( هالكلام واصلنيّ من مده على لسان احد مسؤوليّ قسم العلاقات العامه في اللاند مارك )).


ودمتم
x5x5
24-02-2005, 05:29 PM
كلا مكم هذا كله على عيني وراسي
بس معلومات اكيده بخصوص مشروع لاند مارك 2 راح تجد موقعها في جنوب دحيل وحتشوفون.
وفوق هذا شركه الفطيم الاماراتية تفكر ويمكن اكيد مول كبير في قطر راح يظم هذا المول أسماء محلات معروفه مثل
Toys R Us و محل المفروشات الضخم والمعروف IKEA

ومشكورين على مشركاتكم وارئكم التي لاغنى عنها
qatar_moon
24-02-2005, 06:00 PM
الحين شنو الفايده من ذكر العائلات

ماله داعي والله
x5x5
24-02-2005, 06:59 PM
qatar-moon
هههههههه ههههه
أنا قلت شركة الفطيم ما قلت عائلة الفطيم

تحياتي
qatar_moon
24-02-2005, 07:14 PM
انا قصدت الي اذكروا العائلات القطريه لا وبعد فلانه زوجة فلان
العنود
24-02-2005, 08:13 PM
x5x5
الله لايغنينا عن اخبارك الطيبه
x5 اكيد عندك BMW
x5x5
25-02-2005, 08:17 AM
مرحبا يالعنود
بنت قطر
27-02-2005, 07:37 AM
شدراني
انا قلت المالك ما حددت
قتر مون
زوجة فلان او فلان
مش انا
وما تكلمنا بشي غلط

ذي عوائل معروفه
وتجار

ولا اعتقد ذكرناهم بغلط لا سمح الله
يا قتر مون
qatar_moon
27-02-2005, 08:36 AM
هلا بنت قطر

انا ماقصدتج انتي

ولاتزعلين :)

انا قلت هالكلام لان الموضوع اصلا ماكان يستدعي نقول هذا لمن او ذاك لمن :confused:
nor85
07-09-2005, 06:04 AM
انا صراحة اتمنى محلات ايكيا يفتح في الدوحة
srs
09-09-2005, 06:06 PM
وانا اتمنى وجود فنادق بقربة
auto body
09-09-2005, 11:50 PM
الاند مارك تو الي بيفتح جنب حياة بلازا بيكون مفتوح مع استاد خليفة لفرصه تسوق رواد الاسياد مع المجمع ومن ناحيه تانيه لفرصه تنافس الاسواق في المنطقه
روكي
11-09-2005, 07:58 PM
بالتوفيق انشاء اللة اي شيء حياة اللة
فقط قطر
18-09-2005, 01:54 PM
بعد احسن من كذا ما فيه....في كل منطقة بالدوحة مجمع....وبعد ابشركم...بيسوون مجمع في مدينة الشمال...أن شاءالله
Northman
21-09-2005, 12:30 AM
بعد احسن من كذا ما فيه....في كل منطقة بالدوحة مجمع....وبعد ابشركم...بيسوون مجمع في مدينة الشمال...أن شاءالله

في مجمع بينبني في دخان .. و واحد خلص مادري قريب يخلص في امسيعيد

....... ههههههههههه شكله الموظوع ضج.. مجمع لكل مواطن :d :d :d :d :d
The Greatest
21-09-2005, 02:25 AM
أخي المشارك

الرجاء الالتزام بأدب التحاور والنقاش ..
وعدم التعرض للاعضاء بأي خطأ متعمد ومقصود

والرجاء قراءة الرسالة الخاصة لك..

تم تعديل المشاركة من قبل المراقب العام
بسعود
15-10-2005, 11:58 PM
الارض جنب الاند مارك
الخفي
17-10-2005, 02:27 AM
المفروض يكون فيه كشف للمشاريع المستقبليه
]¦[DraGon]¦[
10-11-2005, 06:59 AM
بالتوفيق انشاء الله
المــستشار
10-11-2005, 07:39 AM
السلام عليكم ........

أول مره أسمع هل الكلام ويعطيك العافيه
سحـــاب
10-11-2005, 08:30 AM
بسم الله الرحمن الرحيم ..

بنات و شباب ...

موضوع لاند مارك 2 .. عند مدري وين ولا مدري فين .. ماله اساس ...
المشاريع الي بتسويها الحين الشركة الي ماسكه لاند مارك .. اثنين ..

المشروع الاول .. فيلاجيو ... :court:
والي من ضمن تصميمه .. نهر يمر داخل المجمع على غرار فينيسيا المدينة العائمه .. و بيكون فيه قوارب تقدر تستأجر و تتمشى في المجمع على راحتك ..

المجمع بيكون كلاس .. يعني بالعربي .. ادش في مخباك 1000 ريال .. يمكن تطلع بكيلو برتقال ...
:con2:
فيلاجيو .. بيضم تحت سقفه أكبر مخزن لكارفور .. الي طبعا بيشد الرحال من سيتي سنتر .. لفشله هناك ... :funny:
كارفور بينقل لفيلاجيو ... :app:
فيلاجيو بيكون أرقى من أي مجمع دخلته أو شفته في دبي أو غيرها ...

تصميم مجمع فيلاجيو .. على شكل قرية ايطاليه حتى من اسمه .. لافيلاجيو يعني القريه بالايطالي ...

تصميم فيلاجيو نفس تصميم موول موجود في سان فرانسيسكو و من أضخم المولات الموجوده هناك و ماخذ نفس فكرتها ..

فيلاجيو .. بيضم ماركات ماكانت موجوده في الدوحه .. و انشالله بيجيبونها مع افتتاحه ..

فيلاجيو المخطط ينفتح قبل شهر سته الفين و سته ...

المشروع الثاني ... توسعة لاند مارك ...
شفتوا شرق لاند مارك .. القطعه هذي لين شيشة البترول مملوكه لنسايب خليفه الربان .. الي هو المالك الفعلي للشركة الي ماسكه وادير اللاندمارك ...
وسالفة الفللا واشاعتها و اربعه مليون ماصارت ..
لان الارض مثل ماتشوفون محد باني عليها ..
المشروع توسعة لاند مارك حتى يصير حجمه الدبل ..

والسبب .. كثر الضغط عليه .. و خاصه من ميجا مارت اللي طالبوا من ادارة لاند مارك توسعة خاصه لهم هم بيتكفلون فيها ...
والمفروض ان المشروع بدا .. بس مدري ليش متأخر ...


...........

المعلومات هذي كلها .. من راس توماس .. مدير الشركه الاستشاريه للاند مارك ...
والي يبي يتأكد يروح اللاند مارك .. صوب المصلى .. بتحصل درج اطلع لفوق .. بتحصل سكرتيره .. قول لها ابي اقابل بارباتشن توماس ... بخصوص فيلاجيو والتوسعه في لاند مارك ...


على العموم سلام عليكم ...

زهقتوني من كثر ماتكلمتوا عنه ..


بدون تعليق ( --- )
ريانة العود
09-12-2005, 02:17 AM
مرحبا

الي اعرفه ان الي جنب حياة بلازا

بيفتحون (كارفوور ) مب لاندمارك2..

ويعطيكم العافيه .
Qa6ar
09-12-2005, 11:32 PM
وانا بعد واللافته واضحه اصلا
بو سالم
15-12-2005, 03:00 PM
انزين الحين عرفنا لاندمارك 2 الحين نبي نعرف لاندمارك 3 وين








:confused:
سحـــاب
19-12-2005, 08:09 PM
شباب ... :) ... و بنات ...

فيلاجيو ... اهو المجمع الي بيفتح جنب الحياة بلازا .. و كارفور الي تشوفونه في السيتي .. بينقل هناك .. أو بيفتح فرع ثاني له ... والي وصل لنا انه بينقل ...


على العموم .. ياخبر اليوم بفلوس بكره يبئا بلاش ...

:)


نشوفكم على خير ..


بدون تعليق ( --- )
المخلب
27-12-2005, 10:56 AM
الي جنب الحياه بلازه كارفور
ابن قطر البار
28-12-2005, 08:23 AM
ايييييه ..... ننتظر ونشوف محنا بخسرانين شي