المساعد الشخصي الرقمي

مشاهدة النسخة كاملة : نصيحة عاجلة جدا ( وقبل فوات الفوت )



أبو عبدالعزيز
23-02-2005, 07:48 PM
النصيحة منكم لي

توافرت سيولة بحدود 350 ألف من بيع أسهم في البورصة ( والحمد لله بربح كبير )

وناوي بكرة اشتري بها أسهم مرة ثانية

ومتردد كثيرا بشأن الشركة اللي اختار بين الشركات الآتية :

1. الملاحة .. باعتبار إن جمعيتها العمومية الأحد 27 فبراير وأرباحها 20% أسهم و40% نقدي

2. الإسلامية للتأمين .. باعتبار إن جمعيتها الأحد 6 مارس وأرباحها 66% أسهم

3. الإسمنت .. باعتبار إن جمعيتها الأربعاء 9 مارس وأرباحها 50% أسهم

4. العقارية .. باعتبار إن جمعيتها الثلاثاء 15 مارس وأرباحها 5% أسهم و20% نقدي و95% اكتتاب

(ملاحظة : باقي الشركات (1) إما عندي مجموعة من أسهمها (2) أو أخشى مفاجآت غير سارة لتأخرها في تقديم بياناتها بشأن الأرباح وموعد الجمعية (3) أو متحفظ بشأن طبيعة نشاطها من الناحية الشرعية )
(ملاحظة 2 : استثني وقود والنقل البحري ، وأفكر فيهما بقوة أيضا لأن هناك توقعات متفائلة بشأنهما والعلم عند الله )


توجد فكرة كالآتي :
اشتري من الملاحة قبل الجمعية ثم أبيع بعدها بيوم ، ثم نفس الشي مع الإسلامية للتأمين ، ثم الإسمنت وهكذا
فإيش رايكم هل هي فكرة جيدة أو فيها مخاطرة ؟
وبانتظار الإفادة

sulai6i
23-02-2005, 07:54 PM
اخوي عبدالعزيز

المفروض احنا اللي ناخذ منك النصحية

ما شاء الله عليك شكلك عارف السوق

واقتراحاتك حلوة .. بس لو انا مكانك بستبعد الإسلامية للتأمين .. سعرها الحين وايد وايد عالي وما اعتقد انها تستاهل هالسعر

وعسى الله يوفقك يارب

Spread Trader
23-02-2005, 08:08 PM
غريبه ماجبت الدولي الاسلامي في الاختيارات ! ماتظن انها يمكن تلحق باقي البنوك في 300 :)

أبو عبدالعزيز
23-02-2005, 08:16 PM
أشكركما على التفاعل
وبالنسبة للإسلامية للتأمين فصحيح سعرها مرتفع
لكنه في نظري متناسب مع باقي الشركات
بالنظر لتوزيعاتها العالية جدا (66%)

أما الدولي الإسلامي فأنا متفاءل له كثير وأتوقع إنه السهم الذهبي عند توزيعات سنة 2005
لكن عندي كمية منه وأحب التنوع والتعدد


آمل التركيز على إبداء النصح والإفادة
خصوصا في أيهما الأفضل : عمل محفظة أسهم من الشركات المذكورة أو أشتري الأولى ثم أبيع ثم الثانية وهكذا ........

sulai6i
23-02-2005, 08:20 PM
والله يا بو عبدالعزيز

اذا تبي نصيحتي ..

قرر بنفسك .. ولا تاخذ مشورة حد . لأن كل واحد رايه غير عن الثاني .. و بيصير عندك ( زعزعة ) في اتخاذ القرار

مر على هالموضوع

http://www.qatarshares.com/vb/showthread.php?t=579


ويا هلاااا بك

سوبر سهم
23-02-2005, 08:24 PM
صحيح الدولي سعره الحين حلو ترى

لو فرضا شريت بال 350 الف

1200 سهم (اشيل الكسور منها) × 30% =360 سهم مجاني

350الف ÷ 1560 =224 ريال (تكلفة السهم)


تصبر عليه شوي بيطير فوق طبيعي

ولو فرضنا بعته ب 260 =55600 صافي ربحك


بالنسبة للمصرف هل عندك توجه ؟

او عندك اسهم ترى اذا عندك احسب تكلفتها لو بتزيد

يمكن زيادة الخير خيريين


والله ايوفقك:)

أبو عبدالعزيز
23-02-2005, 08:26 PM
والله يا بو عبدالعزيز
اذا تبي نصيحتي ..
قرر بنفسك .. ولا تاخذ مشورة حد . لأن كل واحد رايه غير عن الثاني .. و بيصير عندك ( زعزعة ) في اتخاذ القرار
مر على هالموضوع
http://www.qatarshares.com/vb/showthread.php?t=579
ويا هلاااا بك


أشكرك على مشاركتك الطيبة وما تضمنته من معلومات هامة
وفي نفس الوقت الواحد يستفيد من آراء إخوانه ولو اختلفت يوازن منها ، ثم يقرر بنفسه بعد التوكل على الله ( فما خاب من استشار )

سوبر سهم
23-02-2005, 08:27 PM
اسمح لي يوم كنت اكتب الرد شكلكم رديتوا ومانتبهت


الاسلامية انصحك فيها

وخصوصا انها شركة تامين اسلامية وارباحها تبشر بالخير سنة عن سنه

وبعدين قطاع التأمين ماادخلوه الاجانب


بالنسبة للبيع والشراء واحده ورا الثانية فيها مخاطره
شوف مثال شركة الخليج للتامين كم اسبوع بالموت انباع شي فيها


وانانصحك اتركز في شي واحد

او اتزيد مجموع اسهمك في الدولي ترى سعره فرصة


والله اعلم

أبو عبدالعزيز
23-02-2005, 08:44 PM
اسمح لي يوم كنت اكتب الرد شكلكم رديتوا ومانتبهت
الاسلامية انصحك فيها
وخصوصا انها شركة تامين اسلامية وارباحها تبشر بالخير سنة عن سنه
وبعدين قطاع التأمين ماادخلوه الاجانب
بالنسبة للبيع والشراء واحده ورا الثانية فيها مخاطره
شوف مثال شركة الخليج للتامين كم اسبوع بالموت انباع شي فيها
وانانصحك اتركز في شي واحد
او اتزيد مجموع اسهمك في الدولي ترى سعره فرصة
والله اعلم


أخي الكريم
جزاك الله خير على نصحك وإفادتك
وحقيقة شعرت بأنك إنسان صادق ومخلص مع نفسك والآخرين
أتمنى أن يوفقك الله لخير الدنيا والآخرة

وبالنسبة للدولي فعندي منه ( 500 سهم ) أما المصرف فـ ( 1336 سهم )
والإسلامية للتأمين لا شيء
وبالتالي أفكر بقوة أن أشتري جزء في الدولي وجزء في الإسلامية للتأمين

أتمنى لو تسلط الضوء على مخاطر شراء تلك الشركات بالتعاقب ( الملاحة ثم الإسلامية ثم الإسمنت ثم عقارات )
وشكرا
ملاحظة : عندي مجموعة من أسهم صناعات هل تنصح بالاحتفاظ بها على أمل إرتفاعها أكثر
أو إن بيعها حاليا والدخول في غيرها أحسن ؟

سوبر سهم
23-02-2005, 09:45 PM
ويجزاك كل الخير اخوي ابو عبدالعزيز
حاضرين اخوي :)
أهم الشي الدعوة الصالحة بالتوفيق.

بالنسبة لتسليط الاضواء :
بكل صراحة انا مش من متابعين اسهم الملاحة او الاسمنت
فمااقدر احكم عليهم لكن اقدر اسلط الضوء على الاسمنت باعتبار كمية اسهمه المجانية مجزيه
هذا اولا وثانيا الله ايسلمك
انا احس ان فيها مخاطره لان الوقت بينهم قصير ولين يرتفع سعر السهم الى سعره العادي
لان مثل ماعرفت من انتعاش ان بعد توزيع الاسهم يقسمون سعر الاغلاق على نسبة التوزيع+1 وبذلك اكثر الاسهم بتوصل الى مئة و ستون او ثمانون والله اعلم....

بعطيك التحليل وانت اختار:

لوفرضنا الاسمنت بكره 340

350000÷ 340= 1029 سهم

1029× 50% = 514 سهم


المجموع = 1543
350÷1543 = 226.8 تكلفة السهم

هل تتوقع يوصل سعره 280 ؟ والله انا مش من متابعين السهم بس اخوي انتعاش بيفيدك في هالنقطة
وعلى العموم دخول الاجانب ايغير كل التوقعات

فلو فرضنا بعتهم ب 280 (دائما احب اخذ اقل الاسعار عشان ماانصدم)=82040صافي ربحك باذن الله


============================

الاسلامية

لو شريت ب 380 بس انت حاول تشتريه اقل ماتفرق ريالين بس محاوله:)

350÷380= 920 ( دوم شيل الكسور)

920 × 66%=607

المجموع 1527

350÷ 1527 = 229

لو فرضنا بعت مثل الاسنمت ب 280 صافي ربحك=77560

=============================

82040- 77560 = 4480 فرق بسيط

الحين عليك انت تاخذ القرار

تشتري الاسلامية ولا الاسمنت او تشتري وتبيع

والعقارية امرها سهل لانها بعيد وايد وتقدر اتجيبها باذن الله من الربح اعلاه
===============================

بالنسبة لصناعات بكم شريتها ؟
وهل انت مقتنع بالربح فيها ؟
وكم انت اتوقع توصل؟؟

احسب لو بعتها الحين وشريت غيرها وربحت فيه باذن الله ورجعت شريتها حتى لو ارتفع سعرها

وشوف ايش اللي احسن من رأيك

:)

سهم عتيج
23-02-2005, 09:58 PM
أول شيء هل تريد أن تشتري أسهما للمضاربة,, أم للاستثمار؟
يجب عليك أن تفكر في هذا السؤال أولا
أما نصحيتي لك فهي ان كل الشركات التي ذكرتها شركات قوية ومراكزها المالية تصبح أقوى يوما بعد يوم,, وأعتقد بأن المبلغ لو تم توزيعه على أكثر من شركة,, وبالتحديد شركتين من الشركات المذكورة فهذا شيء طيب,, ولو نوعت من حيث القطاع فهذا أفضل,, يعني شركة في قطاع البنوك,, وشركة في قطاع التأمين,, وشركة في قطاع الصناعات,, وشركة في قطاع الخدمات فهذا هو أفضل شيء,, لأن هناك مواسم لكل قطاع تتحرك فيه الأسهم,, وبذلك تضمن الاستمرارية والزيادة لاستثماراتك باذن الله,,
والله الموفق

أبو عبدالعزيز
23-02-2005, 10:01 PM
ويجزاك كل الخير اخوي ابو عبدالعزيز
حاضرين اخوي :)
أهم الشي الدعوة الصالحة بالتوفيق.
بالنسبة لتسليط الاضواء :
بكل صراحة انا مش من متابعين اسهم الملاحة او الاسمنت
فمااقدر احكم عليهم لكن اقدر اسلط الضوء على الاسمنت باعتبار كمية اسهمه المجانية مجزيه
هذا اولا وثانيا الله ايسلمك
انا احس ان فيها مخاطره لان الوقت بينهم قصير ولين يرتفع سعر السهم الى سعره العادي
لان مثل ماعرفت من انتعاش ان بعد توزيع الاسهم يقسمون سعر الاغلاق على نسبة التوزيع+1 وبذلك اكثر الاسهم بتوصل الى مئة و ستون او ثمانون والله اعلم....
بعطيك التحليل وانت اختار:
لوفرضنا الاسمنت بكره 340
350000÷ 340= 1029 سهم
1029× 50% = 514 سهم
المجموع = 1543
350÷1543 = 226.8 تكلفة السهم
هل تتوقع يوصل سعره 280 ؟ والله انا مش من متابعين السهم بس اخوي انتعاش بيفيدك في هالنقطة
وعلى العموم دخول الاجانب ايغير كل التوقعات
فلو فرضنا بعتهم ب 280 (دائما احب اخذ اقل الاسعار عشان ماانصدم)=82040صافي ربحك باذن الله
============================
الاسلامية
لو شريت ب 380 بس انت حاول تشتريه اقل ماتفرق ريالين بس محاوله:)
350÷380= 920 ( دوم شيل الكسور)
920 × 66%=607
المجموع 1527
350÷ 1527 = 229
لو فرضنا بعت مثل الاسنمت ب 280 صافي ربحك=77560
=============================
82040- 77560 = 4480 فرق بسيط
الحين عليك انت تاخذ القرار
تشتري الاسلامية ولا الاسمنت او تشتري وتبيع
والعقارية امرها سهل لانها بعيد وايد وتقدر اتجيبها باذن الله من الربح اعلاه
===============================
بالنسبة لصناعات بكم شريتها ؟
وهل انت مقتنع بالربح فيها ؟
وكم انت اتوقع توصل؟؟
احسب لو بعتها الحين وشريت غيرها وربحت فيه باذن الله ورجعت شريتها حتى لو ارتفع سعرها
وشوف ايش اللي احسن من رأيك
:)



شكرا
وجزاك الله كل خير

qatar_moon
23-02-2005, 11:51 PM
مشاء الله عليكم ياجماعه

بصراحه الاخوان كلهم ماقصروا :)

سموالأخلاق
24-02-2005, 01:29 AM
السلام عليكم ورحمة الله وبركاته

انا برايي قبل كل شي.....تحط في بالك الشركات اللي عقودها اسلاميه واللي ما فيها ((ربا))
يعني (الاسلاميه..الدولي - المصرف - الخ و العقاريه والمطاحن والمواشي والمخازن ))
باقي الشركات فيها نسبة ربا ..وبعض المشايخ اجازوا اخراج النسبه..!! لكن برايي ابعد عن اللي فيه شبهه
الحلال بين والحرام بين ...وبينهما امور مشتبهات فمن اتقى الشبهات فقد استبرأ لدينه وعرضه..الخ الحديث..
عموما في ناس كثير حتى نسبة الحرام ..نسبة الربا لا يعرفونها ولا يطلعونها....
ودرهم ((ربا)) اشد عند الله من 36 زنيه ... وهي كمن أتى ((زنى))بأمه..والعياذ بالله...

فـ الكل ينتبه لهالشي قبل التفكير بالربح والمكسب.. يفكر بالحلال والحرام ويحسبها.....
صح في من اجازوا هذه الشركات مع اخراج نسبة الربا...... وهناك من يقول !! درهم الربا دخل في المال..!! فكيف ستخرجه وقد اختلط بالمال... يعني كيف بتعرف وين هذا الدرهم الحرام عشان تطلعه من ربحك اللي فيه نسبة الربا......
عموما... اللي بيمشي على النسبه... لازم يطلعها...واللي ما بيتعامل الا مع الشركات اللي مافيها ربا واسلاميه وبعقود اسلاميه ميه بالميه...جزاك الله خير....... انه اتقى الشبهات.....

فـ أهم شي لا احد ينسى قوله تعالى ((فأذنوا بحرب من الله ورسوله))
لمن ياخذويأكل ويتعامل بالربا

عموما لحد ينسى اخراج هذه النسب..نسبة الحرام والربا من ربحه....وهذا اذا تعامل مع الشركات التي بها شك وفيها ربا.

عموما انا رح اذكر نسبة بعض الشركات اللتي تتعامل بالربا...بذكر في بالي حاليا...

الصناعات : 2%
السلام : 5و.% نصف بالميه
العقاريه : لاشي...اسلاميه
مواشي : لاشي ( لا توجد نسبه )
مخازن : لاشي (اسلاميه .لا توجد نسبه
البنوك الاسلاميه والتأمين الاسلاميه : لا شي
السينما : لا يجوز..حرام
الاجاره : لا شي (لا توجد نسبه ) حلال 100%
الوقود : 7.7 %
كهرماء : 4.2 % 4فاصله و 2 بالمائه
الاسمنت :1.5% واحد ونصف بالمائه
--------------------------------------------------
وبخصوص بنك قطر الدولي الاسلامي ... سيتعدا الـ 300 وأكثر بإذن الله...
يعني فرصه.... اسابيع وسيتعدى ال 300 ويتعدى المصرف.....والله أعلم
والمواشي : يعني اللي ياخذها 32 او حتى 33... ترى رح تطلع بإذن الله ..لها فرصه تطلع
لتكون قريبه من المخازن
يعني عزيزي ابو عبدالعزيز
المبلغ 300 الف لو شريت الدولي تقريبا بكون 1000 سهم وشويه
وعلى كل ريال طلوع (1000 ريال)

لو المواشي ... تقريبا بكون لك 9000 سهم
على كل طلوع ريال (9000 ريال) وباذن الله رح يوصل هالاسبوع او الاسبوعين 38 او 40
والله اعلم
يعني لو قلنا 7 ريال يعني ما يقارب 70 ألف ريال تقريبا

نصيحه ولو انا مكانك تيجيني فرصه واخذ المواشي على 32 او حتى 33... رح اتوكل على الله
لأنه له مجال يطلع المواشي...... لأن الفارق بينه وبين المخازن ريالين او 3 بالكثير.. والمخازن 40 يعني في له مجال وله فرصه يطلع

عموما مجرد رأي

والله أعلم.......

ونرجع لموضوعنا... نسبة الربا...نسبة الربا...نسبة الربا ....نسبة الربا......نسبة الربا....

درهم ربا أشد عند الله من 36 زنيه.... ولا أعني بأن الزنا شي بسيط ..... كلهم من الكبائر وبالعكس الربا أشد من الزنا.....
لأن الربا.... رح تعيش وتاكل وتكثر فلوسك بالحرام وتاكل حرام وتاكل ببطنك الحرام وتأكل عيالك وأهلك حرام الى طول العمر......
((كل جسم نبت من سحت ((من حرام)) فالنار اولى به....

وكذلك حديث بما معناه.....((الاشعث الاغبر... يمد يده الى السماء ((يدعي)) يارب يارب...
ومأكله من حرام ومشربه من حرام وغذي بالحرام !...!! فأنى يستجاب له...!!


و بالتوفيق ان شاءالله للجميع

والحرام والحلال قبل كل شي عشان الله يوفق الجميع

, و اللهم انا نسألك الهدى والتقى والعفاف والغنى

وتحياااتي
ســلام
نـواف

http://nawafqatar.tripod.com/

الفهد
24-02-2005, 07:11 AM
خذو نصيحتي يا شباب الدوحه للتامين وبس لان السعر منخفض جدا عن بقيه شركات التامين بس عندي سوال وان كان فيه تعارض مع نفسي ليش سهمها منخفض ؟ :p

qatar_moon
24-02-2005, 07:25 AM
اخوي الفهد انت تمدح الدوحه للتأمين سامع عنها شي ولا بس عشان سعرها :confused:

متداول
24-02-2005, 07:43 AM
اشتر المصرف راح يرتفع اكثر لان ارباحه مرتفعة والانتخابات جاية , كلها في شهر مارس .
على المبلغ اللي عندك 350 الف ريال يمكن تحصل الف سهم تلحق ولا لا .

قطري
24-02-2005, 07:46 AM
الصراحة كل الاخوان ماقصروا
سوبر سهم تحليلاتك دائماً مدعمه بالارقام
مما يجعل القارئ يستوعبها بسهولة ويقتنع بها
يعطيك العافية
الأخ نواف
شكراً على هذه التوضيحات ومساهمتك واهتمامك
لساعدة اخوانك
يعطيكم العافية

سوبر سهم
24-02-2005, 10:58 AM
ابو عبدالعزيز

بشر ؟

شريت شي ؟

:)
قطري الله ايعافيك
ومشكور .

أبو عبدالعزيز
24-02-2005, 02:24 PM
ابو عبدالعزيز
بشر ؟
شريت شي ؟
:)
قطري الله ايعافيك
ومشكور .


بارك الله فيك
وفي جميع الأخوة الكرام

وبالنسبة لتداولات اليوم بالفعل اشتريت مجموعة أسهم
(اسمنت ـ إسلامية للتأمين ـ الدولي الإسلامي)
لكن الأسعار كانت مرتفعة ومع ذلك اشتريت لتوقعي ارتفاعها أكثر مستقبلا
والتوفيق من الله

ملاحظة : اسمنت بـ 335 /الاسلامية للتأمين بعضها بـ 380 وبعضها بـ 397 / الدولي الاسلامي بـ 291,5

sulai6i
24-02-2005, 03:29 PM
وبالنسبة لتداولات اليوم بالفعل اشتريت مجموعة أسهم

موفق بإذن الله يا بو عبدالعزيز


والف شكر للمتميز سوبر سهم على اطروحاته الرائعة

سوبر سهم
24-02-2005, 11:41 PM
موفق اخوي بوعبدالعزيز

اسعار حلو خصوصا النصف الاول من الاسلامية


واحد في حاله
شهادة اعتز بها
شكرا لك :)

بوحظين
25-02-2005, 05:11 PM
حبيبي جميع الشركات اللي ذكرتها فيها الخير ..... بس خذ في عين الاعتبار إن أسهم الشركات الاخرى مثل الاسمنت بتكون ارتفعت و قاربت 370 عند دخولك فيها !!! تسوى ولا لا ؟؟؟؟ وهكذا ... اتفق مع سوبر سهم بخصوص الدولي ... هذا استثمار طويل المدى ..... بس صدقني عن المخابط طوووول السنة

عمران
25-02-2005, 09:47 PM
سوبر سهم انت انسان عضيم ........ شكرا لك على هذي النصيحه والحسبه ..... انفعتني في اتخاذ القرار لاني مثل اخوي ابو عبد العزيز

سوبر سهم
25-02-2005, 10:26 PM
عمران هلا ومرحبا بك :)

الشكر لله وحده

والحمدلله انها انفعتك :)

والله ايوفقك في اختيارك

الشقيان
26-02-2005, 03:52 AM
الصناعات وبس


(((اقوى سهم)))

Le7dan-Qatar
26-02-2005, 10:22 AM
الله يوفق لك اخوي بوعبدالعزيز

قطر
28-02-2005, 06:11 PM
موفقين شباب