العيد وما ادراك ما العيد [الأرشيف] - منتديات شبكة الأسهم القطرية

مشاهدة النسخة كاملة : العيد وما ادراك ما العيد

ضوى

19-10-2006, 12:19 AM

جذبني العيد واردت الحديث عنه وعن خواطري فيه ، العيد بالنسبة لنا كان فرحة ما بعدها فرحة عيد بمعنى العيد الحقيقي ، نجهز بالليل ملابسنا الجديدة وانا شخصيا اتذكر ايام العيد ، كان ابي يملك خياطاً صغيرا وكان امي رحمة الله عليه يختار لي القماش واذهب به الى الخياط ليخيط لي فستان العيد وكان عبارة عن قماش مرزخرف بالفولك والزري يا الله ما احلى تلك الايام وكنت اطلب من الموديل القديم اللي كان بذاك الوقت موضة الا وهو الفستان ابو قصة عالخصر بحبل مزموم يعني ، وكنت افرح فيه وايد وكانت اختي ليلتها تكوي شعر بالاوتي حت يطلع حرير ومسبسب مع انه كان ناعم بس فيه تطعيجات وكنت ابيه سيده ، بس ما يطلع النهار الا هو كاش وحالته حاله وننطر ابوي من الفجر يجي بعد الصلاة ويستعد لصلاة العيد يروح ويرجع واحنا الفرحة مب سايعتنا لانه بنطلع نعييد ، نطلع ونعيد من فريج لفريج والله لا خوف ولا رعب واسم الله علينا كنا نعرف اذا احد يبي يقص علينا وكنا وايد حذرين وما نخاف ابدا ، بعد ما نعيد نييب كل العيدية لابوي وامي ولا ندري عنها بعدها يعني الفرحة بالطلعة وبس وكلها يمكن ما توصل 50 ريال عاد الخمسين ريال كانت شئ ذاك الوقت ، ذاك كان عيدنا بكل تفاصيله الجميلة عيد بملاهي صغيرة عالكورنيش ملاهي حلوة ممتعة ، غير الحدايق اللي كنا نستمتع بها ، والعيد عندنا كان 4 ايام كاملة ، وكله بنفس الفستان يا الله ما احلاك يا عيدنا ليت تعود علينا وتردنا لذاك الزمان .
عيد هالوقت سهر وقومة متاخرة ونعيد على الاهل واليهال يروحون كم بيت ويعدها يقعدون يجابلون هالسوني والجيم بوي وهذي حياتهم سيتي ولاند وغيره ، حياة الكترونية حياة جامدة ما فيها اي حياة ولا احساس ليتهم يجربون عيدنا اللي ما كان في مثله ويقارنونه بعيدهم واكيد بيلقون الفرق كبير

والحين دوركم في فرق بين عيد زماننا وعيد زمانهم ؟

relaax

19-10-2006, 01:21 AM

في فرق بالنسبه للتواصل ... بين الاهل ...ماعاد في تجمع مثل قبل ....

ضوى

19-10-2006, 01:26 AM

بالضبط اخوي ريلاكس ما في تواصل ، الحين التواصل بالمسجات هذا اذا حصلنا وقت وقدرنا نطرش ماسج

عالعموم اشكرك عالمرور واضافتك القيمة ويعطيك العافية

الرميحي

19-10-2006, 01:32 AM

بالضبط اخوي ريلاكس ما في تواصل ، الحين التواصل بالمسجات هذا اذا حصلنا وقت وقدرنا نطرش ماسج

عالعموم اشكرك عالمرور واضافتك القيمة ويعطيك العافية

اي والله الحين بالمسجات :court: الله المستعان

يعطيج العافيه اختي :nice:

ضوى

19-10-2006, 01:34 AM

شكرا لك على مرورك اخوي الرميحي

الفـــارسه

19-10-2006, 01:37 AM

هالمره يا ضوى انا ابغا اشارك في موضوعك وبقول وشلون كان عيدنا

انا تربيت في منطقه طريقها الجنوب وقريبه من الوكره يعني مافيه غير هالمنطقتين

المهم اذكر الوالده الله يحفظها تلبسنا الذهب يا ويل قلبي من الثقل اللي علينا

وحنا فينا البداوه اكثر من التحضر ويا ويل البنت اللي تطلع من البيت او تفكر تروح تعيد

في البيوت ما ندخل مجلس الحريم الا عقب الشين اما ابانا ما نقدر نرفع عيونا فيهم

من الخوف والاحترام بس نحصل فلوس من خالاتنا وعماتنا اللي يطلبون يشوفونا

ولين جا العصر نحاول نروح بحر الوكره وحنا بالسياره ما ننزل شوي ونرجع البيت من

خوفنا من الوالد ولما كبرنا خلاص عاد نجلس بمجلس الوالده ونسلم على الحريم المقربات بس

اما الحين يا حي الحياة حياه انطلقنا شوي وهذا كله بعد الزواج وانا بين قطر والرياض

بحكم الزواج :) :) :) وخلص عيدنا يا حلو المجاملات عند هالقطر :eek2:

عاد شعورنا يا زينها ماتحتاج كوي وشو يعني مسبسب ماعرفت هالكلمه مدري باي لهجه

والفساتين نغيرها كل شوي مع انه مانطلع من البيت

ضوى

19-10-2006, 01:42 AM

شكرا لج اختي الفارسة على اضافتج الرائعة ، والله يسعدج بكل اعيادج يارب
يعطيج العافية

بنت الحرمي

19-10-2006, 01:46 AM

يعطيج العافية اختي ضوى..

واايد اشياء تغيرت من مفاهيم وعادات ...

العيد قبل كان له طعم ثاني ،، اما الحين فللأسف العيد صار مجرد مظاهر وشكليات

ضوى

19-10-2006, 01:48 AM

بالضبط اختي بنت الحرمي مظاهر وشكليات اكثر من انه احساس بالفرحة
شكرا عالمرور الغالي

khalid-63

19-10-2006, 01:51 AM

يعطيج العافية اختي ضوى موضوع قمة الروعة ..... اختي الفرق وايد كبير بين عيد الاول وعيد الحين .... الحين ماحد يتواصل بمعنى مثل اول الحين اختي قامو الناس يهنون بعض بالمسجات حتى المكالمات الغوها بس مسج ومش حالك .... وين الفرق كبير اختي والله يستر من الي جاي يمكن يهنون بعض على النت ما يندرى .

ضوى

19-10-2006, 01:54 AM

شكرا لك اخوي خالد عالمرور ويمكن بيوم من الأيام بهالعصر الألكتروني تصير التهنئة عن طريق النت كل شئ جايز

Mercedes

19-10-2006, 02:00 AM

ولله العيد :(

كلماله واهو يصير يوم كئيب وأكئب للأسف .. صار مجرد تواصل معى الأهل ..

والمفروض ان تواصلنا يكون في العيد وغيره ..

انا العيد بالنسبة لي هو صلاة العيد ... والخطبة اللي بعد الصلاة ومن ثم يصبح يوم عادي كسائر الأيام

العيد للأطفال من صدق ... يا حظهم !

يسلموووو ضوى

ضوى

19-10-2006, 02:04 AM

شكرال ك اخوي مرسيدس عالمرور
بس بكل صدق حتى الأطفال ما يحسون بالعيد اشلون يحسون فيه وهم كله بالبيت ومجابلين التلفزيون والسوني وغيره من هالالعاب الألكترونية اللي تبلد الاحاسيس بالنسبة لعيالي ولا لهم في العيد الا ثيابهم الجديدة وبس وعيدياتهم اما انا ففرحتي لا زالت لا توصف بالعيد احساسي به غير وصعب اوصفه صدق مو مثل اول بس لا زال بقلبي شئ من الماضي

جـــــراح

19-10-2006, 04:39 AM

حتى الاطفال ما عادوا يحسون بالعيد ... اذكر كنا نتسابق عشان العيديه ... والحين البزر يدخل عليك نفسه خايسه ومتعزز ... عطني عيديتي خلني اخلص !!!!

Dana

19-10-2006, 05:01 AM

ضـــــــــــــــوى

حرام عليج ذكرتيني با الشنطه الفولك والدراعه طبعا مستحيل يعلقون دراعتي لازم ارقد وهي تحت راسي
وكل ثيابي تحت راسي من الفرحه ونقوم من الصبحححح امي تسوي لنا بلاليط وخنفروش

نتريق ونطلع مانخلي فريج ولاداعوس حتى الجاليات مساكين نرضخ بيبانهم لين يفتحون ويعطونايعطونا مانستحي ولانخاف
البراءه كلها واول الصبح نرز ويوهنا عند مسيد العيد ننطر الي بيطلعون عشان الفلوس

ونعرف البيت الي يعطينا ريال والبيت الي يعطينا اربعنات لوووووول والي يعطونا حلاوه نتأدب مانمر عليهم كلشششش
...
الحين تغيرت الفرحه الثياب الجديده تقريبا يوميا واليهال بالموت يرضون يعيدون ندزهم دز
...
واحلى الذكريات قبل والله

والله يعيده على السمليمن كافه

ســـــ ممتاز ـــهم

19-10-2006, 05:38 AM

وكانت اختي ليلتها تكوي شعر بالاوتي حت يطلع حرير ومسبسب مع انه كان ناعم بس فيه تطعيجات وكنت ابيه سيده ، بس ما يطلع النهار الا هو كاش وحالته حاله

ههههههههههه .

تسلمين على الموضوع الحلو وسردك الاحلى .

ضوى

19-10-2006, 07:48 AM

حتى الاطفال ما عادوا يحسون بالعيد ... اذكر كنا نتسابق عشان العيديه ... والحين البزر يدخل عليك نفسه خايسه ومتعزز ... عطني عيديتي خلني اخلص !!!!

صدقت اخوي جراح واشكرك على تعليقك عالموضوع

ضوى

19-10-2006, 07:49 AM

اختي جزاج الله على هالاضافة الرائعة فعلا العيد هو عيدنا مهب عيد هالايام

ضوى

19-10-2006, 07:50 AM

ههههههههههه .

تسلمين على الموضوع الحلو وسردك الاحلى .
شكرا لك اخوي سهم عالمرور وتعليقك

khaldoon

19-10-2006, 08:16 AM

الله يعطيكي الف الف عافيه اخت ضوى على طرح هذا الموضوع الحلو

اعتقد انه كل واحد منا راح يقول انه العيد يوم كان طفل اجمل واحلى من الايام هذه

يعني اعتقد انه الاطفال الحين مستمتعين بعيدهم لانه ما عندهم عيد اخر للمقارنه فما يعرفوا الفرق

بس الاكيد انه الحين ضاعت امور حلوه بالعيد مثل التواصل السابق المباشر بسبب مسجات العيد
وفي بعض البلاد ما كان فيه تليفونات في البيوت وكان طبيعي انه الزوار يحضرون من غير موعد مسبق...الحين ما نيجي الا بموعد واتصال متكرر ومحاولات للزياره الهدف منها اداء واجب بتكلف ومن غير رغبه فيه اصلا في بعض الاحيان

لاحظت انه في العيد اني لما حبيت اخذ اولادي اللاند مارك السنه الماضيه علشان يلعبون لقيت انه مغلق واذكر انه ما يفتح قبل الساعه 7 او 8 مساء...لانهم معيدين والله اعلم لو انه هذا الشيء من اليوم الثاني و اول يوم كان اجازه حسب ما اذكر ....طيب مب هذا موسم ولازم يفتحوا من الصباح من اجل الاطفال في كل ايام العيد؟؟؟؟!!!!!...لو ما توفر للاولاد اللعب من اول يوم ومن الصباح ...متى راح يلعبوا...الساعه 8 عند اقتراب موعد النوم؟؟؟؟!!!!

ضوى

19-10-2006, 08:22 AM

الله يعطيكي الف الف عافيه اخت ضوى على طرح هذا الموضوع الحلو

اعتقد انه كل واحد منا راح يقول انه العيد يوم كان طفل اجمل واحلى من الايام هذه

يعني اعتقد انه الاطفال الحين مستمتعين بعيدهم لانه ما عندهم عيد اخر للمقارنه فما يعرفوا الفرق

بس الاكيد انه الحين ضاعت امور حلوه بالعيد مثل التواصل السابق المباشر بسبب مسجات العيد
وفي بعض البلاد ما كان فيه تليفونات في البيوت وكان طبيعي انه الزوار يحضرون من غير موعد مسبق...الحين ما نيجي الا بموعد واتصال متكرر ومحاولات للزياده الهدف منها اداء واجب بتكلف ومن غير رغبه فيه اصلا في بعض الاحيان

لاحظت انه في العيد اني لما حبيت اخذ اولادي اللاند مارك السنه الماضيه علشان يلعبون لقيت انه مغلق واذكر انه ما يفتح قبل الساعه 7 او 8 مساء...لانهم معيدين والله اعلم لو انه هذا الشيء من اليوم الثاني و اول يوم كان اجازه حسب ما اذكر ....طيب مب هذا موسم ولازم يفتحوا من الصباح من اجل الاطفال في كل ايام العيد؟؟؟؟!!!!!...لو ما توفر للاولاج اللعب من اول يوم ومن الصباح ...متى راح يلعبوا...الساعه 8 عند اقتراب موعد النوم؟؟؟؟!!!!
اخوي خلدون اسعدني مرورك بالموضوع واضافتك اللي جملت موضوعي شكرا لك مرة اخرى

الطرف الأغر

19-10-2006, 09:21 AM

:app: يعطيج العافية غاليتي ضوى عالموضوع قمت ابتسم وانا اقرا ردود الأعضاء

خاصة دانه ذكرتنا بالشنطة الفولك :funny: كنا انبرز كل شي بجيسته من الليل . . واقعد من صلاة العيد نسوي شعرنا ملولو ( كيريلي ) بلفيت كشخه .. و ننتظر الوالد ( الله يرحمه ) عشان هو أول من يعطينا العيديه :eek3: ، ، والعصر انروح الكرنيش :strong ، ، صج أيام حلـــوووه . . :dance

الحين اليهال يستانسون بالعيد بس بشكل أكثر تحضر منا يعني لبسهم كله ماركات وبدل أنيقه بدال المنفش والكركش والفولك الي كنا نلبسه ، ، والعيديه بالمئات والخمسميات crazy ، ، ويروحون الاند مارك اول يوم والستي ثاني يوم غير المسرحيات ، ، اتذكر احنا يوم صغار وايد علينا نروح نشوف ( ريم البندلي ) تغني في الشيراتون في مهرجان العيد ( اتذكــرون ! ! )

ويعطيج العافية مرة ثانية عالذكريات الحلوووه :shy:

ضوى

19-10-2006, 09:29 AM

الطرف الأغر

19-10-2006, 09:39 AM

:strong :strong :strong

أشوه اني لحقت على ريم البندلي :D

غزلان

19-10-2006, 03:12 PM

اكيد مختلف العيد عن قبل بعد التطور والتكنولوجيا في وسائل الأتصال مع الرسايل SMS والأيميلات اصبح جامد وقلت فيه مشاعر الفرحه يعني روتيني زياره ورجعه للبيت وانتهى حتى زياره العيد لازم تاخذين موعد:confused:

تسلمين

مغروور قطر

19-10-2006, 05:01 PM

الله يكفينا شر الحياه صار التواصل والعلاقات الاجتماعيه تنقطع مع مر السنوات يعني في السابق كان التواصل يصل 100% والان ممكن ان يصل الى نسبة 10% والله يستر من القادم صراحه العلاقات الاجتماعيه تنقطع اليوم كنت اتكلم مع احد الاصحاب وعن التواصل في العيد فا اشار لي في الوقت الحالي فقط ترسل رساله sms بدون اتصال ولا نعلم ماذا سوف تكون حلقة الوصل بين الاصحاب شكرا لج اختي

jajassim

19-10-2006, 07:07 PM

كل الكلام صحيح والله يرحم برحمته

ريا

20-10-2006, 02:15 AM

وكنت افرح فيه وايد وكانت اختي ليلتها تكوي شعر بالاوتي حت يطلع حرير ومسبسب مع انه كان ناعم بس فيه تطعيجات وكنت ابيه سيده ، بس ما يطلع النهار الا هو كاش وحالته حاله

اختي حرام وصف الشكل ومن ضمنه الشعر
هداكم الله لما يحب ويرضى

ضوى

20-10-2006, 02:18 AM

اختي حرام وصف الشكل ومن ضمنه الشعر
هداكم الله لما يحب ويرضى

حبيبتي ريا انا ما وصفت شكلي الحين هذاك يوم انا طفلة الحرام ما حرمه الله وليش كبرتي الموضوع لهالدرجة وكأنه منكر عالعموم شكرا على مرورج
الله يهدي الجميع لما يحب ويرضى

ريا

20-10-2006, 02:22 AM

حبيبتي ريا انا ما وصفت شكلي الحين هذاك يوم انا طفلة الحرام ما حرمه الله وليش كبرتي الموضوع لهالدرجة وكأنه منكر عالعموم شكرا على مرورج
الله يهدي الجميع لما يحب ويرضى

حبيبتي طبيعة الشعر ماتغير من الصغر للكبر واتمنى انج اتقبلين اي نقد بصدر رحب
والله يهدي الجميع لما يحب ويرضى

ضوى

20-10-2006, 02:24 AM

حبيبتي طبيعة الشعر ماتغير من الصغر للكبر واتمنى انج اتقبلين اي نقد بصدر رحب
والله يهدي الجميع لما يحب ويرضى
اختي ريا
طبعا اتقبل اي نقد بس يكون بمحله وطبيعة الشعر تتغير وبدرجة كبيرة بعد شاكرة لج تعقيبج

ريا

20-10-2006, 02:26 AM

اختي ريا
طبعا اتقبل اي نقد بس يكون بمحله وطبيعة الشعر تتغير وبدرجة كبيرة بعد شاكرة لج تعقيبج

اخذيها نصيحة اختي لابد من تقبل النقد ولا تنفعلين وهذا مجرد تنبيه لا غير

ضوى

20-10-2006, 02:28 AM

اختي ريا
انا مش منفعلة بالعكس ما عرفتي ضوى هادية ولا في شئ ممكن يخلني انفعل والنصيحة اتقبلها وشكرا لج بس اتمنى تعلقين على مواضيعي الباقية شكرا

قطرية عسل

20-10-2006, 02:28 AM

حبيبتي ريا انا ما وصفت شكلي الحين هذاك يوم انا طفلة الحرام ما حرمه الله وليش كبرتي الموضوع لهالدرجة وكأنه منكر عالعموم شكرا على مرورج
الله يهدي الجميع لما يحب ويرضى

لا تعصبين أختـي وعطيها طاف والي يرحم والديج :)
تحياتي لج :nice:

ضوى

20-10-2006, 02:31 AM

لا تعصبين أختـي وعطيها طاف والي يرحم والديج :)
تحياتي لج :nice:
حبيبتي انتي قطرية
والله ما عصبت بس ليش كل شئ حلو نحرمه وندخله دائرة الدين وربي يشهد علي لا قصدت اوصف شكلي ولا شئ من هالخرابيط اللي ما تهمني اصلا
شكرا اختي قطرية والله انتي عسل ونص وثلاثة ارباع بعد :p

قطرية عسل

20-10-2006, 02:41 AM

حبيبتي انتي قطرية
والله ما عصبت بس ليش كل شئ حلو نحرمه وندخله دائرة الدين وربي يشهد علي لا قصدت اوصف شكلي ولا شئ من هالخرابيط اللي ما تهمني اصلا
شكرا اختي قطرية والله انتي عسل ونص وثلاثة ارباع بعد :p

:dance :dance

لمت داون111

20-10-2006, 11:24 AM

عيدنا رائع بس للاسف مب نفس اول

خلاص تعودنا علي المسجات بصراحه ولازم نفس المسج وسو ( تحديد للكل ) وطرش لكل الارقام هههههههه:D

الله يستر مثل ماقالو بعض الاخوان .. بالمستقبل الظاهر نهني بعضنا بالايميلات:court:

جزاج الله خير علي الموضوع الرائع اختي ضوى :)