هل سيصل المؤشر إلى 15000 في مارس 2006 !!!!!

[qshark]

اذا في ناس ينصحون بالبيع عند 9500 والشراء ثانية عند 9000 و 9100 ، سؤال لهم ايش ضمنكم انه بعد ما يعدي 9500 يرجع مره ثانية ينزل ؟؟؟؟؟ ما لاحظتوا الارتفاع اللي بدون سبب ؟؟؟ الناس ما قاعده تبيع بكميات كبيره ؟؟ لاتحسبون ناقلات والصناعات إستثناء لأنه عليهم مضاربات وايد ، السبب واضح الناس متوقعه صوره أوضح بالنسبة لأرباح النصف الثاني خلال شهر ونص لشهرين ، ومعتمدين على تسرب معلومات من الشركات قبل طرحها رسمياً ، وبعض الشركات عرفت ارباحها حتى ابريل الماضي ، وبعض الناس مطلعين على بيانات من الممكن تقدير الأرباح على اساسها لغاية شهر 5 ، يعني موجة الشراء حصلت لتسرب اشاعات ( وبعضها صحيح ) وذلك لاتباع المبدأ القائل اشتري عند الاشاعة وبع عند الخبر وهو معروف عالمياً !!!!!!!!! من رأي المؤشر سيدخل مرحلة سعرية جديدة ةيكسر الـ 9500 نقطة خلال شهر 6 ويثبت بين 9300 و9800 نقطة لشهر 6 ، وشهر 7 الوعد وكسر لكل القواعد من المعتاد فيه انخفاض ولكن الذي نراه ان معظم الناس اللي لهم اسهم في البورصة قاعدين هالسنه وعلى اعصابهم ، وموب مسافرين ، لأنهم بكل بساطه قرروا يستثمرون ويشترون في الصيف ، بس راحت عليكم ايام الشراء كانت في شهر 4 و5 هالسنه ، ارباح الشركات ونزول دلاله في البورصة سوف تكون لها الكلمة الفاصلة في 7 و 8 ، وسؤال للخبراء ،

بسيط بالعقل ، المؤشر كل سنه ينمو 1.3 و أحياناً 1.9 تقريباً ، يعني كان المؤشر 2001 ( 1692) ، 2002 ( 2323) ، 2003( 3946) ، 2004 ( 6494 ) ، 2005 ( 11198 ) نقطة ،

السؤال :con2: : ايش اللي يمنع المؤشر من الوصول الى 15000 نقطة ، خصوصاً ان ارباح الشركات تبلغ اكثر من 40 - 50 % من ارباحها العام الماضي في المتوسط :confused: ؟

الجواب مافي شي ، والدليل : انه في تاريخ البورصة ما حصلت انه النمو في المؤشر كان أقل من 37% ويعني انه 15000 :app: ممكنة وخاصة انه ارباح الشركات هالسنة قياسية وما صارت في تاريخها من قبل حتى بالنسبة لأرباح السنه الماضية :eek2: !!!!!!!!!!!!!!!!!!!!

الرجاء من محللي المنتدى المشاركة وابداء الرأي بالــ :deal:

[كحيلان]

اسمحلي اخوي qshark بطلع اشوي خارج موضوعك كامقارنه مع السوق السعودي

قبل شهرين قلت من قول احد المحللين السعودين الكبار والكبير الله عز وجل . .


قال مؤشر السعوديه سيصل بدون ادنى شك 15000 نقطه وقبل امس كان الموشر 12900 نقطه


والمعروف ان اكثر الشركات السعوديه ارباحها اقل بكثير من ارباح الشركات القطريه ! !


وليس قصدي مقارنة اسعار الشركات الكبيره بالسعوديه بالشركات القطريه لأن معظم الشركات القويه


حديثه ويبيلها وقت حتى تنافس الشركات الاخرى


هل تعلم لوكانت الصناعات القطريه في السعوديه كم سيكون سعرها؟



صدقني سعرها لن يقل عن 600 رياااااال هذا فقط مثال واحد على شركه واحده



اذن لا تستغرب من وصول مؤشر البورصه القطريه 12500 نقطه واقولها وكلي ثقه بقتصاد دولتنا الحبيبه.


واتوقع مؤشر البورصه في شهر 2 او 3 سوف يتجاوز 12000الف نقطه بأذن الله الواحد الاحد . .

[qshark]

اتفق معاك بالرأي ، وبعد اقولك بالنسبة لأرباح السنه ، حتى 12500 شوي على المؤشر وظالمة و إنشالله بتسمعون اخبار تسعدكم الشهر الجاي ومبروك مقدماً !!!

[ابوعلي اليافعي]

لا شك ان قوة الشركات القطريه المدعومه بقوة الاقتصاد القطري تدعم فكرة صعود المؤشر الى ارقام قياسيه جديده خلال المراحل المقبله ولكن يجب ان لا نقفل نقطه هامه وهو ان المؤشر في بدايته يصعد بقوه ولكن مع تضخم المؤشر وارتفاع الاسعار يبداء المؤشر بالبطء فالصعود ومواجهة مراحل مقاومه كثيره في طريقه الى الصعود تجعل صعوده في المراحل المتقدمه اكثر بطء..وشكرا

[بوخليفة]

اعتقد مو بعيد انه يصل الى 15000 نقطه كما ذكر الاخ qshark

لكن لاتأخذكم العاطفه مع السوق
الكل يود ان السوق يرتفع ارتفاعات ويربح الناس
لكن بالمقابل بعد هذه الارتفاعات اعتقد سيحصل مثل ماحصل بشهر4 هذه السنه

من وجهة نظري اتوقع انه المؤشر سيصل انشالله اول شي عند 14000 نقطه الليي يجب ان يتم عندها تصحيح
للاسعار وتصحيح منطقي يعني لانزول كبير ولانزول خفيف
اتوقع انه عند ال 14000 يصير تصحيح صحي للسوق ممكن ينزل على اثره السوق مابين 500 الى 700 نقطه
لمواصلة الارتفاع وكسر نقطة ال 14000 لبلوغ القمه الجديه للسوق انشالله بالقرب من 15000 نقطه
كل هذا ممكن يكون مابين شهر 12 الى شهر 3

[qshark]

بو علي وبو خليفة ، تسلمين عالردود الايجابية واللطيفة ، وادعوا باقي الشباب لاضافة توقعاتهم وابداء الرأي .

[كحيلان]

qshark اعتقد ماتستاهل نرد عليك

اخوي اذا جيت تسأل وجه سؤالك لناس التي تحب منها الردود.

واذا جيت تشكر اهل الردود اما ان تشكرهم جميعا او لا تشكر ناس دون ناااااس .

[qshark]

الأخ كحيلان العزيز ، افا عليك الواحد ما يغلط والله نسيت سهواً وعلى بالي انه في الرد السابق شكرتك ، والعموم ما حصل الا الخير ، وهذي راسك ابوسها ، تعوذ من ابليس ولا تخليه يدخل بينا ، وسامحني عالقصور ، وبالعكس انا اعتبرك من الأعضاء اللي مخلين نكهة خاصة حق المنتدى ، ومن الناس اللي ما افوت تعليقاتهم على اي موضوع موب بس موضوعاتي ، والسموحه مرة ثانية . :)

[كحيلان]

علي الحرام حرم مكه على اليهود اني امسامحك ولا في خاطري اي شي عليك يا الامير . . ولد الامير

على فكره اللي احبه اعزه اقدره لازم لازم لازم انتقده اما الرخيص الردي ما يستاهل تشل في خاطرك عليه.

تحياتي . .

[qshark]

تسلم يا كحيلان وهذي المتوقع منك يا ولد الأصول ، وعسى ما ننحرم من مساهماتك في منتدانا الغالي !!!