يايمه ويايبه....

[شمعة الحب]

http://www.qatargallery.com/arabic/data/media/254/DSdddddddd61.jpg
ابي اضحك .....ابي اضحك ...ابي ارد صغيره ..واضحك
ابي فريجي ...وسكتي ...وبيتي ...ومدرستي ...ابي اوقف وارجع الماضي
ابي العب القيس وانط الحبل مع البنات والعب الصقله ....

....ابي اشوف لصبيان ...بتيله ..والقلينه والماطوع ...وعلى السيكل ...ولا نركب على لدرامات وندربحها بضحكه ولاصياح علوي المسمار دش بريوله.....ابي اكتب بالفحم على جدار وطوف لبيوت ..ارسم احلى رمساتي...
ابي المدود ...و كرتوني والعابي..اكسر غراش واحط جزازها بمغطاتها هي صحونا ....ابي اجمع حصى واسويلي بيت ومطبخ وغرفه وحوش وحدودي يا بنيات الفريج لاتخربونه

ابي ذاك البحر يا ابومحمد ...اشم زفرة الصافي والجنعد وقباقيبه..واسبح واغوص بوسط امواجه النظيفه ....وجزيرة بمخمتنا حول عنتك نخم ترابها وصقوعها ونعدل رسومها .... ابي اشوفك ..في لنجك تجر بانوشك ..راد برزقك شايل الغزل على جتفك ومحول قراقيرك على سيفه ...

ابي..مدرستي ومريولي وصفي وكتابي وطابوري ومعلماته....ابي السنبل والنخي...بجفير ورده
ابي عمري ...وسنيني .... ابي ...اشوف الناس ببسطاتها ....جيرانا ومحد صك بابه ... دكانا معلق القبه والصوره وطياره من ورق ترفف من الاهوب فوق دكانه ...اسواقنا بريحة القهوه الهيل ولبزار وبهاراته ...

ابي عريش وصندقة ام سالم ..نغربلها..نكت لتراب ..فوسط ..طبختها ..ننجل الباجلاء والنخي ..وهي بنعالها تضربنا ....

ابي السفرة ابي جمعتنا ...ابوي وامي واخواني ....وبانكه تدور بوسط الحوش ..تكش الحاس وذبانه ..
وتهف علينا من الحر وسمومه ....
ابي عمتي اجر اطراف عباتها من البدع الى الجسره .... ابي عويزت وبهلوان بيت عبدالملك
ولا الزيره ولا كازو وبيذان ام ابراهيم .....ابي جمعتنا .....جمعتنا ....نطوف البر وريضانه ...
ننبش ترابه صغار مانعرف الفقع وش لونه ...ابي ذاك المطر برشته ..وحلبته وملتي بوسط
البيت متى قبل اخواني من برديه تترسها ....

ابي بخنقي بالعيد وعجفتي مدهنه والقذله معدله...والدراعه لمطرزه بخيوط الذهب الهندي ...
ابي العيديه ..اربعناتي ..ونصي ..وانتيني ..من غبشه في رميله وادي السيل وبيوته
ابي اضحك..ابي اركض ورا بقرة بيت محمد بن علي وغنم بيت علي بن راشد وصخيلت عفره ..ابي دياية وديج يدي محمد يصقع ويوعيني على دنيا غير الدنيا...
حتى انا يايمه ويايبه ابي ذاك الفريج مثلكم ...ولو رديتكم الحين من وسط الحوش تنادون به ....

[دنيا الاسهم]

شمعة الحب من وين جبتي هالكلام الزين:nice:
من اي ارشيف:eek2:
ماشاء الله عليج تاريخ اصيل:app:
انتي وين وهالسوالف الاولية وين
لايسمعونج بيت التقاليد الشعبية ويسون لج حلقات عن التراث
ذكرتيني بالايام الحلوة في بيتنا القديم:(

[شمعة الحب]

شمعة الحب من وين جبتي هالكلام الزين:nice:
من اي ارشيف:eek2:
ماشاء الله عليج تاريخ اصيل:app:
انتي وين وهالسوالف الاولية وين
لايسمعونج بيت التقاليد الشعبية ويسون لج حلقات عن التراث
ذكرتيني بالايام الحلوة في بيتنا القديم:(

من وين آآآآآآآآآآآآآآآآآآآآه وثم أأأأأأأأأأأأأأأه ...من ماضي محلاآآآآآآآآآآآآآه ...انا بنت وسط امس ..مش مثلكم بنت اليوم ..بوك بوك بوك تراث:eek2: ...اللي ماله اول اكيد ماله تالي :deal: ...انتي تشوفين شي من اللي ذكرته الحين ...راح والله يرحم نص اللي ذكرتهم توفوا الله يوسع منازلهم .. بقى شي من بيتكم القديم ....ايه على رسوم منزلهم بجينا انا امي وابوي الله يخليهم ويمد بعمرهم لسانهم بدقيقه لين هذي اللحظه البدع بنروح البدع الذاكره القديمه تطري عليهم ..وينه راح ..ولا ماكسر خاطري الا ابومحمد واحد من اهلنا .....بعد دفان البحر صادته حالة اكتئاب يدور طول الليل في الشوارع من الضيقه لول البحر مفرج همومهم شعندهم هالشياب غيره مافرجوا عنهم بمكان يطلعون منه بعدوا كل شي و دفنوه كله :anger1: الله يعين ..... شكرا ويسلموووووووووو ع المرور الراااائع اختي دنيا الاسهم.... :nice:

[قطرية عسل]

انا ما لحقت على تلك الايام :shy: :funny:

[شمعة الحب]

انا ما لحقت على تلك الايام :shy: :funny:



انا اظن اكبر عجوز بالمنتدى بس مادري منهوا الشيبه معاي:confused: ....ماتشوفين مدلعين الزغاليل وميزينهم لان عارفين لكبار والعجايز مايزعلون الله يسلمج مطنشينهم اقول فيه واسطه حق العجايز ايه بعد الحين كله فتامين واو.... اخاف الشيبه ماعطينه تميز وانا بنت الشيبه :app: :app: :app: :app: :app: ...شكرا اختي قطريه عسل ويسلموووووووووو ع المرور الراااائع عسوووووووله

[دنيا الاسهم]

من وين آآآآآآآآآآآآآآآآآآآآه وثم أأأأأأأأأأأأأأأه ...من ماضي محلاآآآآآآآآآآآآآه ...انا بنت وسط امس ..مش مثلكم بنت اليوم ..بوك بوك بوك تراث:eek2: ...اللي ماله اول اكيد ماله تالي :deal: ...انتي تشوفين شي من اللي ذكرته الحين ...راح والله يرحم نص اللي ذكرتهم توفوا الله يوسع منازلهم .. بقى شي من بيتكم القديم ....ايه على رسوم منزلهم بجينا انا امي وابوي الله يخليهم ويمد بعمرهم لسانهم بدقيقه لين هذي اللحظه البدع بنروح البدع الذاكره القديمه تطري عليهم ..وينه راح ..ولا ماكسر خاطري الا ابومحمد واحد من اهلنا .....بعد دفان البحر صادته حالة اكتئاب يدور طول الليل في الشوارع من الضيقه لول البحر مفرج همومهم شعندهم هالشياب غيره مافرجوا عنهم بمكان يطلعون منه بعدوا كل شي و دفنوه كله :anger1: الله يعين ..... شكرا ويسلموووووووووو ع المرور الراااائع اختي دنيا الاسهم.... :nice:
كل اللي قلتية اختي اعرفة زين
بس كنت ابي اشوف ردك:nice:
والله يرحم اجدودنا واباءنا الاولين

[قطرية عسل]

انا اظن اكبر عجوز بالمنتدى بس مادري منهوا الشيبه معاي:confused: ....ماتشوفين مدلعين الزغاليل وميزينهم لان عارفين لكبار والعجايز مايزعلون الله يسلمج مطنشينهم اقول فيه واسطه حق العجايز ايه بعد الحين كله فتامين واو.... اخاف الشيبه ماعطينه تميز وانا بنت الشيبه :app: :app: :app: :app: :app: ...شكرا اختي قطريه عسل ويسلموووووووووو ع المرور الراااائع عسوووووووله


محشومة أختي
والله يعطيج الصحة والعافية يا رب .. وما عليج من العمر أهم شيء القلب :shy: :funny:

[شمعة الحب]

كل اللي قلتية اختي اعرفة زين
بس كنت ابي اشوف ردك:nice:
والله يرحم اجدودنا واباءنا الاولين

اللهم امين ......بوك بوك بوك تعرفين سوالف العجايز والشياب وانتي بنت امس غريبه ..انا اقول كل واحد طالع من قشر البيضه ويعرف كل شي ليكون من لبلوتوث :eek2: :eek2:

[ROSE]

ماشااااااااااااااء الله عليج شمعة رااااااااااااااائعة

[شمعة الحب]

محشومة أختي
والله يعطيج الصحة والعافية يا رب .. وما عليج من العمر أهم شيء القلب :shy: :funny:

الله يحشم مقدارجك عسووووووله ويعافيج من كل شر يارب ..شنسوي ..الحين تعالي شوفي المنتديات ..الثانيه ..انشط عضو مشارك متميز ...انشط عضو في الردود ..انشط عضو متميز في الضحك ..انشط عضومميز حزين ...انشط عضومتميز ابتسامته عريضه .....انشط عضومميز حقاني ..انشط عضو مميز فوقاني ...انشط عضو مميز تحتاني ...كله مميز وبتميز حتى العضو الاشي متميز ....وكل هذي الاشياء بلعضو ذاته ....:deal: ..منتديات ... لاحق وسابق ...ومن سبق لبق هذي انا ...:app: :app: :app: :app: :app:

[شمعة الحب]

ماشااااااااااااااء الله عليج شمعة رااااااااااااااائعة


...وعليج ماشاء الله ....شكرا اختي روز ...ويسلموووووووووووووو ع المرور الاااااروع...:nice:

[خاربه خاربه]

:nice: :app: :nice: :app:

رووووووووووعه شمعتنا صج ذكريات روعه وايام جميله

واحنا نشوف هاالشي بتلفزيون واخر شي بالفريه :shy:

[شمعة الحب]

:nice: :app: :nice: :app:

رووووووووووعه شمعتنا صج ذكريات روعه وايام جميله

واحنا نشوف هاالشي بتلفزيون واخر شي بالفريه :shy:


صج:eek2: ماشفته كنت اتابع حبيب الروح :looking:عاد السنه مصخوها كل المسلسلات نهايات مؤلمه وحزينه شدعوه ولا نهايه سعيده :rolleyes: طفولتي كانت فيها شقاوه ومغامرات حلوه :p شكرا ويسلمووووووووووو ع المرور الرااااائع خرووووووووبه..:nice: