غياب البورصـــــــــــــ سوالفــ ــــــــــــــــــــه عن مجالـــس العيد هذي السنه !

[المخلب]

السلام عليكم ورحمه الله وبركاته

اخواني الاعضاء كل عام وانتوا بالف خير وعساكم من عواده

العيد فرحه ! ..

والعيد شئ جميل ممتع يجتمع فيه الأقرباء , الاصدقاء , الحبايب ... الخ

يجتمعون ويكل واحد فيهم يعبر عن شعوره :funny: ..

الي يوزع عيديه ..:app: والي يعزم الجماعه على الغدى او العشى .. :eek2: والي يسولف عن مشوار حياته .. :looking:

طبعا اعتدنا من بعد طرح الصناعات للاكتتاب ان مجالس العيد بالذات الموضوع الرئيسي فيه عن البورصه .. !!

لكن عيدنا السنه هذي كان غير ..

شلوووون غيــــــر !!؟؟


لوحظ في هذا العيد بالذات كان خالي من التحدث عن الاسهم والبورصه بشكل عام ..

انا حظرت مجالس أهلنا بقطر .. واهلنا بالسعوديه ..

والمجالس كلها ما تكلمت عن البورصه ابد !! ..

كانت السوالف كلام عادي ولا دخلت في البورصه ابد !! ..

لدرجه اني زهقت قلت خلني افتح موضوع عن البورصه ..

لكن تم اقفال الموضوع بسرعه جنونيه !! (( اظاهر ان العالم من الخساير صارت نفسيتها ما تستحمل الكلام عن البورصه ابد ! .. )) ..

وتبون الصراحه حقــــــهم ! الخساير الي صادت قطــر , السعوديه .. بالذات ! .. كانت محبطه !..

اتصلت على الشباب .. سالت عن مجالسهم لو فيها سوالف عن الاسهم علشان نجلس معاهم ! ..

الكـــل جاوبني مجالسنا مصكره موضوع البورصه ابد ! ولا لهم خلق بفتح هل السوالف :looking: ..

ماعدا واحد كلمني قالي اسكت ! .. البارحه (( يقصد 3 يوم العيد )) فتح واحد موضوع عن البورصه كان بدايته عاديه ! وانقلبت هواش وصراخ ..

على العموم .. البورصه صارت ملغيه في هذا العيد من سوالف المجالس ورجعت مجالسنا الى سوالف ماقبل البورصه :app: ..




بس بيني وبينكم ! .. :deal: .. ارتحنا من هل السوالف !! علشان ماينط علينا واحد مسوي روحه حريف وبالاخير على الفاضي ! :funny:

[قطر الندى]

:app: أحسن

مجالس الحريم كذلك

بدل وجع الراس :app:

[لمت داون111]

فعلا اختفت سوالف البورصه والله

والي يجيب طاري اي معلومه عن البورصه علي طوول نسكر السالفه

ياريال الله يعينا علي خسايرنا

وردت حياتنا لطبيعتها

يعطيك العافيه يالمخلب :)

[khaldoon]

والله اخوي معاك حق....تعرف لما افكر افتح موضوع البورصه مع اي واحد وأسأله اخبار البورصه معاك ايش يقولي؟؟؟

لو بغيت تتكلم بالبورصه خليني اقوم امشي ...خسران وماكل هوا....وما ودي اتكلم في هذا الموضوع......تورطنا واللي كان كان

لا حول ولا قوة الا بالله


اخوي المخلب....لو بغيت تتكلم بالبورصه خليني اقوم واسكر الانترنت والكمبيوتر خسران وماكل هوا....وما ودي اتكلم في هذا الموضوع......تورطنا واللي كان كان

لا حول ولا قوة الا بالله

خخخخخخخخخخخخخخخخخخ

لا امزح معك طبعا...راح اتابع الردود كلها ان شاء الله


كل الشكر لك على مواضيعك الرائعه منك كالعاده

[Khalid222]

فترة وبتنسي ..وبترجع سوالف البورصة وخبار البورصة عند اي انتعاش للسوق.. وتسلم يا المخلب وعساك من عواده ان شاء الله

[المهاجر]

بالفعل اخوي المخلب هذا ما لفت انتباهي في هذا العيد محد وده يسمع شي عن البورصه والاسهم تحس ان الناس ودها ترجع حق سابق عهدها في سوالفها عن امور الحياه المختلفه بعيدا عن الاسهم
وصدقت اخي الكريم وصدق الي كلمك فقد كنت امس في احد المجالس وتم فتح موضوع البورصه وبعد شد وجذب واختلاف الاراء فوجئنا بالاصوات تتعالى وكاد الامر ان ينتهي بزعل وخصام لولا اننا تداركنا الموضوع وانهينا الكلام عن الاسهم
كل الشكر والتقدير لك اخوي المخلب

[المخلب]

اشكر الجميع شكرا جزيلا ..

طبعا يااخواني الاعضاء .. انا كتبت الموضوع .. لان مثل ماقلت العيد كان مفاجأه لي بعدم تقبل موضوع البورصه بأي من مجالس العيد !! ..

ولكن مانقول الا الحمد لله على كل حال ..

[jajassim]

يا ليت الماضي يعود يوما نعيش زمانه ومكانه مثل ما عاشه الرواد السابقين


مشكور أخوى مواضيعك ،،، من الانتاج المحلي (( يعني مش منقول )) ،، وعلى مستوى راقي ،، وانا شخصيا أحييك على جهدك ومثابرتك :nice:

[المخلب]

هلا اخوي جاسم ..

والله مواضيعي ماتنجح الا بردودكم الحلوه :) ..

والله شقولك .. الماضي حلو .. بس بالاول (( قبل البورصه وعوار الراس )) كان الواحد يوم يسولف يسولف عن همومه وهو ضامن ان مافي شئ وراه ! ..

اما اليوم .. الله يسلمك يسكت احسن ! .. لان ان سولف شوي .. انغص بسوالف لين تذكر ان وراه بلوه ! .. يبي يفتك منها ومب قادر ! ..

اعطيك مثال .. الحين الربيب (( نوع من انواع السمك )) ان دش القرقور .. هو و والصافي ..

مايقدرون يطلعون .. ينتظرون حل من 2 :

1- اما يجي الصياد ويسحب الشبك ويموتون ! ..

او

2- الله يفرجها ويتبطل القرقور ويشردون ! ..

:) .. تحياتي لك .

[خاربه خاربه]

انا مالي خص والله:strong











































:shy:

[المخلب]

ههههه .. شكرا خاربه على المرور الحلو .. :) ..