طلب خاص للمتزوجين !! او بنات المنتدى !! ..

[المخلب]

السلام عليكم

طلبتكم وان شاء الله ما ينرد أطلبي الا برد يشفي الحيره :)


عرس بنت خالي بعد 20 يوم ! ولا ني بعارف وش اجيب لها هديه !!

فكرت اقول للوالده !! بس خفت :looking: قلت خل اخليها مفاجأه :app: ..

بس هذي البنت بالذات حبوبه وتستاهل هديه بس مب عارف وش الزين للمعاريس :( ..

أفادتكم .. منتظر ردودكم ..

المخلب .

[ROSE]

طقم الماس من داماس

بـ 14 الف وروعه

ساعة قيمه

وايد اشياء ممكن تجيب لها

ممكن طقم عطور

[صقر بلادي]

اخوي شوف عند الاخت شمسه ممكن تسوي لك صندوق راقي في كل شي

شوف مواضيعها في سوق المنتدى

[مهاوي]

حدد ميزانيتك اول اخوي المخلب بعدها نقدر نقولك وش تهديها:)

[غلاي قطر]

عطورات ;)

[المخلب]

والله شقول .. فكرت بطقم ذهب !!

بس مادري اخاف ذوقي بايخ ! ..

تكفون الي عنده صور لاطقم الذهب !! سعرها حلو وشكلها حلو بعد !

يحطها هنا ..

روز مشكور الشيخه المشكله الألماس الوالده شاريه لها مااحب اقلد ! <<< :)

ساعات مادري احسها ما بتكون هديه تملي العين !! ..

خبرج كل كبير له نظير ! :) .. <<< هذا المثل انا مألفه !!


اخوي صقر .. المشكله مو انا الي بتزوج !! شمسه الاطقم الي توفرها ثياب زواج !! :looking: وانا مو عدله اودي لها ثياب :looking: .. والعطورات الي عندها طيبه بس ولا واحد دش مزاجي !

مهاوي ابي شئ حلو ويملي العين وسعره زين :deal: .. (( ماني مقصر بحقها )) ..


غلايه قطر .. والله فكرت تصدق ! اودي طقم عطور فرنسيه ! بس مادري وش تنصحني وش احلى نوع واجدد شئ ؟؟

اشكركم كلكم ..

[صقر بلادي]

اخوي مالك الا تلفون جوال اخر موديل وساعه فخمه ومجموعه عطورات

وتغلفهم في صندوق راقي

[المخلب]

اخوي مالك الا تلفون جوال اخر موديل وساعه فخمه ومجموعه عطورات

وتغلفهم في صندوق راقي


والله فكره !! .. بس يااخي من رايك انها خوش هديه لعرس ؟:confused:

مادري والله بس فكرتك دخلت مزاجي ..

بس ماقلتلي شصار وياك مع النت ؟؟

[jajassim]

مجموعة سبائك ذهب ،،، حق يوم الاسود

[A.L.I]

طقم الماس

:nice: :nice: :nice:

[alanood]

تبي رايي اشوف الذهب و الالماس وايد بيجيبون لها اذا تبي التميز ود لها شي مش مكرر مثلا رحله لاحد الدول ما بيكلفك وايد السفريات ممكن توفر لك سعر مميز خاصة الوقت بيكون مش موسم السفر تذكرتين مع الغرفه جزر سيشيلز حلوه و مو بعيده أو اذا هي بتتزوج و بتستقل فبيتها جيب لها طقم سفره فرساتشي او اي ماركه حلوه من الصالون الازرق مثلا

[ahmeed]

اخوي مالك الا تلفون جوال اخر موديل وساعه فخمه ومجموعه عطورات

وتغلفهم في صندوق راقي


الأخت روز ذكرت

طقم الماس من داماس

بـ 14 الف وروعه

وأنا أتمنى أن تكمل الجميل لقريبتك وتأخذ فيلا وسيارة موديل 2007م

يا أخوان وأخوات بارك الله بكم الهدية شرطها تكون غير مكلفة حتى لا يشعر المهدى له وهي قريبته بالإحراج وتفكر كيف سترد له الهدية خصوصا إذا كانت هذه الهدية باهضة الثمن
لكم تقديري وشكري وأحترامي
أخيكم في الله

أحمد

[صقر بلادي]

وأنا أتمنى أن تكمل الجميل لقريبتك وتأخذ فيلا وسيارة موديل 2007م

يا أخوان وأخوات بارك الله بكم الهدية شرطها تكون غير مكلفة حتى لا يشعر المهدى له وهي قريبته بالإحراج وتفكر كيف سترد له الهدية خصوصا إذا كانت هذه الهدية باهضة الثمن
لكم تقديري وشكري وأحترامي
أخيكم في الله

أحمد

مشكور اخوي احمد على ردك

بس انا اقتراحي ماضن مبالغ فيه

يعني يمكن بكلفه حول 5000 ريال

وثاني شي احنا قلنا اقتراحنا بسسس وله حريه الاختيار

في اعضاء قالوه عن هديه ماتكلف غير 1000 وفي 14 الف وله حر الاختيار يعني يقدر يختار على حسب ميزانيته

وهذي هديه عرس لازم يكون غالي اشوي

مو تقعد تتطنز علينا الله يسلمك
ويعطيك الف عافيه

((اخوي المخلب النت والله ماشوف اي تطور فيه))

[إنتعاش]

ياخوي وش لك بوجع الراس

الله لا يهين الحريم ( الاهل )

خلهم يتصرفون وخلصنا

[ROSE]

ياخوي وش لك بوجع الراس

الله لا يهين الحريم ( الاهل )

خلهم يتصرفون وخلصنا
:looking: :looking: :looking:






:funny:

[شاهيناز]

المخلب اشتري طقم ذهب
من دماس

مجموعه فرفشه

حركات حلوه
يطلع لك الطقم بين 5000_ 6000
بس اذا كنت شاطر في لكاسر
تقدر تاخذ اقل من جذيه

والف مبروك للعروسين

[إنتعاش]

المخلب اشتري طقم ذهب
من دماس

مجموعه فرفشه

حركات حلوه
يطلع لك الطقم بين 5000_ 6000
بس اذا كنت شاطر في لكاسر
تقدر تاخذ اقل من جذيه

والف مبروك للعروسين

اختي داماس زين في الاشكال اللي عنده والموديلات
لكن عيبها حسب ماشوف انها ماتدوم
اقصد مثل الحلق يطيح
الخاتم الفصوص اللي فيه
ياكثر ما يعانون منه
المخلب عندك الفردان يلا نق بس :p

[سراب الامل]

روح عند القريشي وخله يرتب لك بعلبه حلوه احلى العطورات العربية المركزة ويضم للعطورات بنفس العلبة علبة ثانية بالوسط يكون فيها العود بس طبعا هالله هالله بالاختيار

ومع علبة العطورات المركزه طقم الماس من داماس يكون راقي وناعم :)

[شاهيناز]

اختي داماس زين في الاشكال اللي عنده والموديلات
لكن عيبها حسب ماشوف انها ماتدوم
اقصد مثل الحلق يطيح
الخاتم الفصوص اللي فيه
ياكثر ما يعانون منه
المخلب عندك الفردان يلا نق بس :p


ماشفت مجموعه فرفشه لبستهم ناننسي عجرم

خذت منهم حق العيد حلوين وايد واسعارهم حلوه

[إنتعاش]

اذا اخوي المخلب تبي عطور وعلب فخمه للهدايا
الصراحه اشوف ارقى صناديق عطور مركزه
وافخمها في ( الجزيرة للعطور ) اللي بالرويال بلازا
تحت . . عند الاصنصيرات . .

[إنتعاش]

ماشفت مجموعه فرفشه لبستهم ناننسي عجرم

خذت منهم حق العيد حلوين وايد واسعارهم حلوه

ملبوس العافيه اختي

بس اليوم تاريخ 4/11


ياريت لما تواجهين مشكله فيهم

تقولين لنا . . عشان نحسب مدة الخرابات :p

[خاربه خاربه]

دام انها عزيزه عليك خل هديتك مميزه وغير شلون اسمع

روح فندق شيراتون او الريتز واحجز لهم غرفه او جناح العرسان لمدة 3 ايام تطل على البحر

وخله بعد شهر العسل بيكون شي مميز والله او اذا ما راحوا شهر عسل قرب الموعد

وخذ طقم ساعات وحده رجاليه ووحده نسائيه وغلفهم مع باقة ورد عند غردينيا

ووصله نفس الغرفه اللي بتحجزها وطريقه مجربه والله وفي عروس قالت احلى

هديه صج بتكون ذكرى وذوق شرايك بذوقي ها :shy:

[سراب الامل]

دام انها عزيزه عليك خل هديتك مميزه وغير شلون اسمع

روح فندق شيراتون او الريتز واحجز لهم غرفه او جناح العرسان لمدة 3 ايام تطل على البحر

وخله بعد شهر العسل بيكون شي مميز والله او اذا ما راحوا شهر عسل قرب الموعد

وخذ طقم ساعات وحده رجاليه ووحده نسائيه وغلفهم مع باقة ورد عند غردينيا

ووصله نفس الغرفه اللي بتحجزها وطريقه مجربه والله وفي عروس قالت احلى

هديه صج بتكون ذكرى وذوق شرايك بذوقي ها :shy:


كل هاذي من وراي :looking: :looking:

من ويلج كل هالافكار الحلوه :court:




























:app: :app: :app: :app: :app: :app:

[إنتعاش]

والله فكره من خاربه الصراحه !!

على كذا ياخي الله لا يهينك

ادخل هالموقع واحجز لها كم ليله على ذوقك

http://www.burj-al-arab.com/

[ROSE]

والله فكره من خاربه الصراحه !!

على كذا ياخي الله لا يهينك

ادخل هالموقع واحجز لها كم ليله على ذوقك

http://www.burj-al-arab.com/

فلس الريال :strong

[خاربه خاربه]

كل هاذي من وراي :looking: :looking:

من ويلج كل هالافكار الحلوه :court:




























:app: :app: :app: :app: :app: :app:



:strong :dance :strong :dance :strong :dance

مب انا بنوتج :strong

[خاربه خاربه]

والله فكره من خاربه الصراحه !!

على كذا ياخي الله لا يهينك

ادخل هالموقع واحجز لها كم ليله على ذوقك

http://www.burj-al-arab.com/



:strong :dance :strong :dance

:strong :strong :strong

[خاربه خاربه]

فلس الريال :strong



لا ابله روز بالعكس والله ما تخليه يفلس عشان يكون مميز بالهديه

ترا محد يسويها وايد للحين ما انتشرت في بيتنا صارت مرتين

من آخر عرسين عندنا بس والله وناسه :strong :dance

[شاهيناز]

خروبه فكرتك احلى فكره



وين تجيبين ها الافكار الحلوه:looking:

[خاربه خاربه]

خروبه فكرتك احلى فكره



وين تجيبين ها الافكار الحلوه:looking:



:shy: :shy: :shy: :shy:

[~¤ العنود ¤~]

انا اشوف انك تحط مبلغ كاش (انت وقدرتك- اقترح مو اقل من 10.000) في علبة راقيه جدا .. توديها (الرفيرا) بشارع السد يغلفونها لك مع باقة ورد شغل راقي جدا وطبعا بطاقه اكتبها بخط يدك وعبر عن غلاتها عندك والسبب الرئيسي اللي خلاك تفكر بأهدائها المال .. وهو انك تبيها تجيب اللي في خاطرها لانك عجزت عن ايجاد الشي اللي يعادل غلاتها ..

مشكلتنا في الهديه دايما نجيب اللي في خاطرنا للي نعزهم .. بس للاسف ممكن اللي نجيبه لهم ما يكونون محتاجين له ..

وبالمبلغ اللي بتعطيه اياها بطريقة حلوه وراقيه .. هي ممكن تشتري اللي بخاطرها وتكون اخوي ضربت عصفوين بحجز واحد

مبروك مقدما وتحياتي للجميع

[khaldoon]

اخوي العزيز المخلب.......بما انها بنت فأشوف انه افضل شيء انك تهديها شيء تستفيد منه هي و ريلها مب بس هي ...يعني شيء للبيت مثلا يبقى موجود وذكرى لا تنسى دائما وما يتنهي بانتهاء استعمال هذه الهديه

واعذرني لو قلت لك اني افضل الابتعاد عن الهدايا الخاصه بالحريم فقط تجنبا لاحراجها امام ريلها خصوصا لو انه غريب

يمكن اكون غلطان باقتراحي بس انا اقترحت عليك الشيء اللي انا اسويه في موقفك هذا واللي ارضاه وافضله لنفسي هو اللي ارضالك اياه

واعذرني على التقصير مع كل احترامي وتقديري لكل ما تفضل فيه الاخوان والاخوات من اقتراحات رائعه ومميزه

[رويتر]

عليك بسوق الذهب ، هالأيام السوق سوق الذهب ، لها وللزمن ..

بس اهم شئ يكون ذهب بحريني ..

والله يوفقها

[مهاوي]

انا شفت كل الاقتراحات
والي عجبني مبلغ مالي والله يوفقها وعقبالك

[المخلب]

مجموعة سبائك ذهب ،،، حق يوم الاسود


بل .. الله يهديك جاسم ! .. شايفني ملياردير اجيب سابيك ذهب :looking: ..

بعدين شبتسوي فيهم ! ؟؟ :funny:

[المخلب]

تبي رايي اشوف الذهب و الالماس وايد بيجيبون لها اذا تبي التميز ود لها شي مش مكرر مثلا رحله لاحد الدول ما بيكلفك وايد السفريات ممكن توفر لك سعر مميز خاصة الوقت بيكون مش موسم السفر تذكرتين مع الغرفه جزر سيشيلز حلوه و مو بعيده أو اذا هي بتتزوج و بتستقل فبيتها جيب لها طقم سفره فرساتشي او اي ماركه حلوه من الصالون الازرق مثلا


حتى انا فكرت على طقم ذهب ! .. على الاقل يملي العين ..

بس للحين محتار !

اما بخصوص شهر العسل ! هم اولردي :funny: حاجزين !! :) ..

[المخلب]

طقم الماس

:nice: :nice: :nice:


:( مابي اجيب شئ مكرر هلي شرولها خلاص ! ..

ابي شئ جديد ..

[المخلب]

وأنا أتمنى أن تكمل الجميل لقريبتك وتأخذ فيلا وسيارة موديل 2007م

يا أخوان وأخوات بارك الله بكم الهدية شرطها تكون غير مكلفة حتى لا يشعر المهدى له وهي قريبته بالإحراج وتفكر كيف سترد له الهدية خصوصا إذا كانت هذه الهدية باهضة الثمن
لكم تقديري وشكري وأحترامي
أخيكم في الله

أحمد


فيلا وسياره !! :looking: .. الله يهديك :) .. انا لو اقدر على فيلا ! كان شريتلي بيت واجرته ! :eek2: ..

واذا على السياره .. شفايده زوجها ! .. ا:confused: ..

وعين العقل الكلام الي ذكرته بالاحمر .. :nice:

[المخلب]

مشكور اخوي احمد على ردك

بس انا اقتراحي ماضن مبالغ فيه

يعني يمكن بكلفه حول 5000 ريال

وثاني شي احنا قلنا اقتراحنا بسسس وله حريه الاختيار

في اعضاء قالوه عن هديه ماتكلف غير 1000 وفي 14 الف وله حر الاختيار يعني يقدر يختار على حسب ميزانيته

وهذي هديه عرس لازم يكون غالي اشوي

مو تقعد تتطنز علينا الله يسلمك
ويعطيك الف عافيه

((اخوي المخلب النت والله ماشوف اي تطور فيه))

هد اعصابك الله يحفظك .. الاخ أحمد قال شئ حقيقي (( وبشكل عام ! )) و لاتطنز ولا شئ ..

وانت ماقصرت أقتراحك حطيته ببالي ! :) ..

ومثل ماقلت كل واحد وجيبه ولاحد يحرج حد ..

اشكركم ..

[المخلب]

ياخوي وش لك بوجع الراس

الله لا يهين الحريم ( الاهل )

خلهم يتصرفون وخلصنا


:( :looking: :looking: :looking: كأنها طرده :looking: :looking: :looking: :(

[ROSE]

:( :looking: :looking: :looking: كأنها طرده :looking: :looking: :looking: :(
:funny: :funny: :funny:

[المخلب]

:looking: :looking: :looking:






:funny:
:shy: :shy: :shy: تصدقين روز أحسه احرجني ..


بس عاااادي :funny: .. عزيز وغالي .

[المخلب]

المخلب اشتري طقم ذهب
من دماس

مجموعه فرفشه

حركات حلوه
يطلع لك الطقم بين 5000_ 6000
بس اذا كنت شاطر في لكاسر
تقدر تاخذ اقل من جذيه

والف مبروك للعروسين

طقم ذهب .. سعودي او بحريني وبريح مخي ! ..

دامس الذهب الي عنده خفيف شفته من قبل كم يوم ..

اشكاله رهييييبه ! بس خفيف (( كأنه موز مجفف !! :funny: )) ..

أما على المكاسر فلعبتنا :eek2: ..

[المخلب]

اختي داماس زين في الاشكال اللي عنده والموديلات
لكن عيبها حسب ماشوف انها ماتدوم
اقصد مثل الحلق يطيح
الخاتم الفصوص اللي فيه
ياكثر ما يعانون منه
المخلب عندك الفردان يلا نق بس :p

توك تقولي قفل الموضوع :shy:

هههههه .. :app: :app:

المهم .. والله مامريت صوب الفردان .. بحاول امر اليوم عليهم بالليل وبشوف الاشكال !!

الممممممممشكله أخاف اشتري شكل يحسون انه قديم وله شكل بايخ ! :looking:

[المخلب]

روح عند القريشي وخله يرتب لك بعلبه حلوه احلى العطورات العربية المركزة ويضم للعطورات بنفس العلبة علبة ثانية بالوسط يكون فيها العود بس طبعا هالله هالله بالاختيار

ومع علبة العطورات المركزه طقم الماس من داماس يكون راقي وناعم :)

القرشي أمممممم والله مادري .. تهقين زوين للمعاريس ؟ وله ثقيل !

[المخلب]

ماشفت مجموعه فرفشه لبستهم ناننسي عجرم

خذت منهم حق العيد حلوين وايد واسعارهم حلوه


فرفشه وشو ذي بعد ؟؟ ليكون التراجي (( جمع ترشيه ! )) :) .. الي لابستهم نانسي بالدعايه ! :looking:

[المخلب]

اذا اخوي المخلب تبي عطور وعلب فخمه للهدايا
الصراحه اشوف ارقى صناديق عطور مركزه
وافخمها في ( الجزيرة للعطور ) اللي بالرويال بلازا
تحت . . عند الاصنصيرات . .


بمر اليوم وله بكره وشوف وش عندهم ! ..

بس حلوه هذي العصنصيرات :funny:

[المخلب]

دام انها عزيزه عليك خل هديتك مميزه وغير شلون اسمع

روح فندق شيراتون او الريتز واحجز لهم غرفه او جناح العرسان لمدة 3 ايام تطل على البحر

وخله بعد شهر العسل بيكون شي مميز والله او اذا ما راحوا شهر عسل قرب الموعد

وخذ طقم ساعات وحده رجاليه ووحده نسائيه وغلفهم مع باقة ورد عند غردينيا

ووصله نفس الغرفه اللي بتحجزها وطريقه مجربه والله وفي عروس قالت احلى

هديه صج بتكون ذكرى وذوق شرايك بذوقي ها :shy:


انتي شسميج ؟؟

شكلك ياخاربه خبيره في تزييين ليالي شهر العسل :nice:

والله فكره رهيببه .. زين بس في مشكله .. ماني عارف متى بيرجعون ؟!

ولا عارف بالضبط اي تاريخ الي ماشين فيه شهر العسل !!

كل الي اعرفه انهم قاطعين تذاكر للسفر بعد العرس !

بس فكرتك حلللوه .. احييج عليها يا مس خروبه :)

[المخلب]

والله فكره من خاربه الصراحه !!

على كذا ياخي الله لا يهينك

ادخل هالموقع واحجز لها كم ليله على ذوقك

http://www.burj-al-arab.com/

ما ختلفنا الفكره حلوه ! .. بس أحجز متى ؟؟

[المخلب]

فلس الريال :strong
:shy: :funny:


من ناحيه فلست فلست .. بس ماتغلى على الحبايب :app:

[المخلب]

انا اشوف انك تحط مبلغ كاش (انت وقدرتك- اقترح مو اقل من 10.000) في علبة راقيه جدا .. توديها (الرفيرا) بشارع السد يغلفونها لك مع باقة ورد شغل راقي جدا وطبعا بطاقه اكتبها بخط يدك وعبر عن غلاتها عندك والسبب الرئيسي اللي خلاك تفكر بأهدائها المال .. وهو انك تبيها تجيب اللي في خاطرها لانك عجزت عن ايجاد الشي اللي يعادل غلاتها ..

مشكلتنا في الهديه دايما نجيب اللي في خاطرنا للي نعزهم .. بس للاسف ممكن اللي نجيبه لهم ما يكونون محتاجين له ..

وبالمبلغ اللي بتعطيه اياها بطريقة حلوه وراقيه .. هي ممكن تشتري اللي بخاطرها وتكون اخوي ضربت عصفوين بحجز واحد

مبروك مقدما وتحياتي للجميع

لاحول ولا قوه الا بالله ..

عليكم افكااااار مشاء الله عيني بارده عليكم .. من تحت الارض تجيبونها !!

الحين انتوا وهقتوني ! :eek3: :eek3: كل ماقلت خلاص بسوي هل الفكره !

جالي واحد وعطاني فكره احلى من الي قبلها :strong ..

الحين انا شسوي ؟؟

شكلي بنتظر لين اخر مشاركه ! ولين قبل العرس بيومين ! وبسوي احلى نصيحه ;)

اشكرك يالعنود على الافكار الجهنيميه :D .. الحلوه والله ..

[المخلب]

اخوي العزيز المخلب.......بما انها بنت فأشوف انه افضل شيء انك تهديها شيء تستفيد منه هي و ريلها مب بس هي ...يعني شيء للبيت مثلا يبقى موجود وذكرى لا تنسى دائما وما يتنهي بانتهاء استعمال هذه الهديه

واعذرني لو قلت لك اني افضل الابتعاد عن الهدايا الخاصه بالحريم فقط تجنبا لاحراجها امام ريلها خصوصا لو انه غريب

يمكن اكون غلطان باقتراحي بس انا اقترحت عليك الشيء اللي انا اسويه في موقفك هذا واللي ارضاه وافضله لنفسي هو اللي ارضالك اياه

واعذرني على التقصير مع كل احترامي وتقديري لكل ما تفضل فيه الاخوان والاخوات من اقتراحات رائعه ومميزه


كلامك حلو وغالي يا مستر خلدون ..

والله كلامك خلاني احسب الف حساب للسالفه ! .. اي والله ياخوي خوفي تنقلب الهديه الى بلوه ! ..

لكن انا شقلت بقدمها بشكل حلو خاصه اني مطيح الميانه ويه المعرس وأن شاء الله مايفهمني غلط :D

[المخلب]

عليك بسوق الذهب ، هالأيام السوق سوق الذهب ، لها وللزمن ..

بس اهم شئ يكون ذهب بحريني ..

والله يوفقها


شكله جذي ! بس خل اثبت على فكره ومافي غيره البحريني ..

[المخلب]

انا شفت كل الاقتراحات
والي عجبني مبلغ مالي والله يوفقها وعقبالك


اشكرك على المشاعر الحلو ..

وريض على الزواج ! الا لو بروح للانصاري :d ..

[خاربه خاربه]

انتي شسميج ؟؟

شكلك ياخاربه خبيره في تزييين ليالي شهر العسل :nice:

والله فكره رهيببه .. زين بس في مشكله .. ماني عارف متى بيرجعون ؟!

ولا عارف بالضبط اي تاريخ الي ماشين فيه شهر العسل !!

كل الي اعرفه انهم قاطعين تذاكر للسفر بعد العرس !

بس فكرتك حلللوه .. احييج عليها يا مس خروبه :)


الهديه جذي او جذي بتعطيها إياها بعد ماترجع من شهر العسل واول ماتعرف انها بترجع

تروح تحجز لهم على طول بعد اسبوع او 10 ايام عشان يكون تغيير وحلو ترا انهم يستقبلون الزوار بالفندق والله

فكره روعه انت طبق ولا عليك والسعر ترا مابيكلفك الحجز وايد وهم عرسان يعني تحجز لهم

غرفه وحده او جناح صغنون وبس وترا في فنادق وايد تسوي عروض للعرسان فأستغل كل فرصه

يعني التكلفه مع طقم الساعات يطلع لك 5000ريال

مب شرط تاخذ شي غالي وايد وفي اطقم ساعات روعه واسعار حلوه روح

الصالون الأزرق وشوف وقول ان خاربه خاربه قالت:strong :dance

[صقر بلادي]

اخوي المخلب لاتنسى لو انك بتحجز في فندق شوف التاريخ اظن بتصادف الاسياد 2006

يعني انسى تحصل لك حجز في اي فندق الا ناااااااااااااادر

انا اقول راي من الاخت العنود اللي هو مبلغ من المال احسن من الهديه بوايد

والله يوفقك في اختيارك

[خاربه خاربه]

اخوي المخلب لاتنسى لو انك بتحجز في فندق شوف التاريخ اظن بتصادف الاسياد 2006

يعني انسى تحصل لك حجز في اي فندق الا ناااااااااااااادر

انا اقول راي من الاخت العنود اللي هو مبلغ من المال احسن من الهديه بوايد

والله يوفقك في اختيارك



هم بيروحون شهر والأسياد بيكون وهم بشهر العسل ومب شرط يحجز ايام الأسياد يحجز ويعطيهم الوصل احنا حجزنا ايام المؤتمر ألأسلامي وكانت زحمه بس لقينا وعشان التغير يتاخر احسن اهم شي يحجز ويعطيهم الوصل والف شكر لك :nice: :shy:

[~¤ العنود ¤~]

العفو اخوي المخلب

حط في بالك ان المقترحات اللي انحطت كلها ممكن تجي بالمال .. واذا انت اهديتها المال .. ومبلغ محترم وبطريقه راقيه .. هي راح تختار اللي في خاطرها .. سواء ذهب او الماس او اغراض بيت او فندق

انا رأيي ان هذي انسب هديه للمتزوجين .. لان الاذواق تختلف وخاصه في العطورات والذهب والالماس وحتى الفنادق

يعطيك العافيه وبالتوفيق


لاحول ولا قوه الا بالله ..

عليكم افكااااار مشاء الله عيني بارده عليكم .. من تحت الارض تجيبونها !!

الحين انتوا وهقتوني ! :eek3: :eek3: كل ماقلت خلاص بسوي هل الفكره !

جالي واحد وعطاني فكره احلى من الي قبلها :strong ..

الحين انا شسوي ؟؟

شكلي بنتظر لين اخر مشاركه ! ولين قبل العرس بيومين ! وبسوي احلى نصيحه ;)

اشكرك يالعنود على الافكار الجهنيميه :D .. الحلوه والله ..

[ROSE]

العفو اخوي المخلب

حط في بالك ان المقترحات اللي انحطت كلها ممكن تجي بالمال .. واذا انت اهديتها المال .. ومبلغ محترم وبطريقه راقيه .. هي راح تختار اللي في خاطرها .. سواء ذهب او الماس او اغراض بيت او فندق

انا رأيي ان هذي انسب هديه للمتزوجين .. لان الاذواق تختلف وخاصه في العطورات والذهب والالماس وحتى الفنادق

يعطيك العافيه وبالتوفيق


فكرتج عيبتني وايد

بصراحه لو يطبقها افضل الهدايا بتكون وفوق هذي

لاننسى انهم رايحين شهر العسل يعني ممكن هالفلوس تنفعهم في اشياء هم يبونها

افضل من الهدايا

احييج عليها

[~¤ العنود ¤~]

مشكوره اختي Rose هذي من ذوقج :)

هذا رأيي مع احترام رأي البقيه

والله الموفق

[بوحمد1]

الله يوفقكم