][][ عاجــــــــــل][][ من عنده مشروع يصلح للأسيوين ][][ شاللي يمشي لهم هاليومين؟؟؟

[فاهد العذبة]

اخواني واخواتي انا عندي محلات صوب ناشيونال بس ماعرف شسوي فيها من مشاريع تخص الاسيويين وابي منكم المساعده منكم انتظر ارائكم وبسرعه عاجله حيث ان الايجار يمشي علي وانا ماثبت النشاط كل يوم في بالي فكره بس تخوف ابي شي مايخوف وعلى المدى الطويل انتظر مساعدتكم

[فاهد العذبة]

؟؟؟؟؟؟؟؟؟؟؟؟؟؟؟؟؟؟؟؟؟؟


سيـــــــــــــــــــــــــن

[استغفرالله]

سو مطاعم

او محلات تصليح اجهزة

بالتوفيق

[صقر بلادي]

اخوي عندك تجيب لك ملابس رخيصه من برع وتبيعهم عليهم ولا نعل وجواتي الله يعزك
بس تكون الاسعار مناسبه بالنسبه لهم

والله يوفقك

[سمو انسان]

اخوي انت عندك عمال وله لا
عندك سجل تجاري
عندك رخصه؟؟؟

[ANONYMOUS]

محل جوالات ارخص نوع..

وافتل

[][ الوحيد ][]

بس هالمنطقة يقولون بيجيها القص!!!! استفسر قبل أو افتح مشروع بديكورات رخيصة

[الغـــيور]

عزيزي انا من رايي حط الأفكار الي طرت في بالك واحنا بنشور عليك بالأفضل عشان ماتتشتت وكل شوي تطرى لك فكره جديده والله يوفقك يالغالي.

[فاهد العذبة]

اولا مشكورين على المرور انا عندي سجل ورخصة وكل شي

بس ابي مشروع مب مغامره ييعني يصلح لهم

انا الحين 80% حاط في بالي بجيب لهم بضاعه من الصين مثل بضاعة الشاهين يعني اكسسوارات وملابس اطفال وبعض التحف والطراحات

انتوا شرايكم

[بوحمد2]

نصيحتي لك بما ان المنطقه كلها اسيويون وهنود واغلبهم عمال فى شركات للمقاولات يفضل مطعم هندى تخصص صالونه حاره +كيمه+سبجي+جباتى +شكشوكه+بيض عادى+عيش شيلانى(لعبتهم) ولاتنسى الكرك شاى حمر نص كوفى واهم شى اللوحه تكون واااظحه من بعيد يكون فيها علامه اللبتون وخل الباقى على الله وفيه شى مهم تحط دش وفيه قنوات هنديه افلام لانى الاحظ المطعم الى فيه دش اقبال عنده بالهبل وقنوات اسيويه لوممكن والله يوفففففففففففففففففففففففففففففففففففففففففففففففق ك من كل قلبى يقلبي

[Aljans]

أخوي ليش ماتستفتيهم أيش هم محتاجين.

[السهم البلاتيني]

أخوي ليش ماتستفتيهم أيش هم محتاجين.

ونعم الرأي :deal:

وانت مب خسران شي بالعكس احسن لك

[فاهد العذبة]

نصيحتي لك بما ان المنطقه كلها اسيويون وهنود واغلبهم عمال فى شركات للمقاولات يفضل مطعم هندى تخصص صالونه حاره +كيمه+سبجي+جباتى +شكشوكه+بيض عادى+عيش شيلانى(لعبتهم) ولاتنسى الكرك شاى حمر نص كوفى واهم شى اللوحه تكون واااظحه من بعيد يكون فيها علامه اللبتون وخل الباقى على الله وفيه شى مهم تحط دش وفيه قنوات هنديه افلام لانى الاحظ المطعم الى فيه دش اقبال عنده بالهبل وقنوات اسيويه لوممكن والله يوفففففففففففففففففففففففففففففففففففففففففففففففق ك من كل قلبى يقلبي


اخوي المحل كبير عباره عن محليين كل واحد ايجاره 12الف ريال وين المطعم يغطي مايغطي ومشاكل البلدية ووصاخاة الهنود


يعطيك العافبة

[فاهد العذبة]

أخوي ليش ماتستفتيهم أيش هم محتاجين.


اولا ماعندي وقت مزحووووووووووووووم ابي اسافر اجيب بضاعه ولا اسوي ديكور ولا ولا الله كريم

وبعدين هناك كل شي عندهم بس يبي لهم شي جديد او شي متطور يصلح لهم

[خبير البورصه]

محل تصوير وتحميض افلام وطباعة الصور

والله الموفق

[فاهد العذبة]

مشكوووووووووورين

[فاهد العذبة]

مشكوووووووووورين

[قطري طموح]

اخوي روح شوف محل الملابس الجديد القريب من محلات سفاري على طريق سلوى شوف نوعية البضاعه وشوف الاسعار وشوف المصدر وشوف عدد الاسيوين اللي يرتادون المحل
وبعدين اسئل عن سعر ايجار المحل في هذا السوق بتشوف ان موقعك افضل الف مره من موقعه ويمكن ايجارك اقل منه .

[مراقب السوق]

مكتب سفريات ...

اتوقع بتمشي الفكره والموقع الي انت تتكلم عنه يشتهر بمكاتب السفريات وتستطيع انك

اتطور بعد فتره ..عن طريق الخصومات والأمور هذي وتستطيع انك تعرض على الشركات الكبرى

انك اتوفر لها ارخص الأسعار من خلال عرض تذاكر رخيصه لهم .. وانت ماراح تخسر شي

لانك في الأول والاخير وسيط وتقدر اترتب مع الوكيل وهي سفريات الدرويش على ما أعتقد

لأغلب الخطوط ..والقطريه ماشالله الزباين عليها وايد وهي تدعم مكاتب السفريات بقطر

حيث انك بتحصل عموله اكبر ..

وانت ادرس الفكره والله يوفقك انشالله

[محمد علام]

المطعم أحسن فكره

[بو سالم]

احسن فكرة هي


بيع المحل خلو ب150 الف فايدة سنتين شغل في احسن الحالات وعصفور باليد ولا عشره فوق الشجر

[nor85]

شوف نوعية محلات السعيدي اللي مقابل سوق فالح شوف الزحمة اللي عندة شوف والقي نظرة فية وشوف نوعية البضاعة

[alwahesh]

بيع المحل ترى بعد الاسياد محد يشتري منك

[K&Q]

حط لهم انترنت فيديو قيم موصل مع بعض يعني مثل نظام الشبكات عشان التحدي وهالشغلات
طاولة بليارد وحركات من الي ترفه عنهم شوي بالذات وقت فضاوتهم واجازاتهم طبعا لوحة ملفتة وبكتابات اسيوية وانتهى

او افتح لهم محل (بو ريالين_ خمسة ريال )طبعا هو بالاسم بس بريالين صدقني يمشي عال العال بأذن الله بس حط في بالك وانت تجيب البضاعة انك تشوفها بالذوق الهندي والاسيوي
ومدى رغبتهم فيها عشان

والسلام ختام

[ألماسه]

مافي غير المطـــــــــــــــــــــــــعـــم

اكلات هندية وكرك وجباتي وهالسوالف
بس احرص على النظافة لان البلدية مبطلين عيونهم عدل @@
لازم تشد على اللي بيشتغلون عندك من هالناحية
والله يوفقك ويرزقك ولازم تعزمنا بمناسبة الافتتاح انشالله