المجججججججججموعه حطمتني يوم الخميس !! واليوم !! .. وأبي نصيحتكم وش اسوي وياهم ؟

[المخلب]

السلام عليكم

ياجماعه الخير ..

الموضوع بأختصار .. ان يوم الخميس حطيت امر شراء في المجموعه عن طريق النت ! حلو !!

شراء اسهم الكهرب ! ولكن لاحظت ان السهم بيطيح جيت وسحبت الطلب !! ..

ولكن قبل مااسحبه بدقايق شفت انهم شارين لي بشكل جزئي !!

هنا قلت يارجال الغلطه غلطتك ! ..


وسكتنا عن الموضوع ..

جيت اليوم ابي ابيع ! .. وحطيت سعري ! ..

ماشوف الا بايعيييين لي بسعر غير فرق بين سعري والسعر الي بايعين السهم عليه ريال تقريبا ! ..

المشكله ان خسرت فيهم ! وتمنيت اني ماشريتهم !!

لكن ان المجموعه تبيعلي بسعر ماني طالبه شئ يجيب القهر !!

شرايكم ؟؟ شسوي وياهم الحين ؟؟

[مغروور قطر]

سهله اخوي واكيد غلطه والاهم يكون عندك نسخه من سعر الطلب الي قدمته وذهاب لهم وبكل تأكيد بيتم تعويضك

[المخلب]

يعني تهقى يعوضون ؟؟

[ANONYMOUS]

اتوقع يقولون لك انت موقع انك تتحمل المسؤوليه كامله..

وانهم مالهم خص باي شي يصير.,..


هذا لو عن طريق النت.. اما لو عن طريق الهاتف.. كل شي مسجل.. وبيتم تعويضك انشالله

[مغروور قطر]

يعني تهقى يعوضون ؟؟
طبعا اخوي والاهم تكون عندك الاثباتات وروح الى المدير مباشره

[مضارب جديد]

يعني تهقى يعوضون ؟؟
يعوضونك وانت تضحك

[حمد911]

صادني نفس الموقف وعوضوني وكان الفرق تقريبا 4 ريال

[الغـــيور]

السموحه يالربع واجهتني نفس المشكله تقريبا00
كنت حاط طلب شراء عن طريق المجموعه نت على سعر السوق في شركة المواشي
وكان سعر السهم يومها 19.6 ويرمش قريب 20.0 المهم ان طلب الشراء نفذولي ايها على اجزاء اغلب المبلغ شرولي فيه على سعر تحت 20 والباقي بسعر 22 ريال وعلى فكره ان السهم ماوصل لهالسعر ذاك اليوم..؟!!
المشكله اني كنت خارج البلد في بريطانيا وماعرفت شسوي واستشرت واحد من الربع قال ماأضن يعوضونك لأنك ماكنت محدد السعر وحاط على سعر السوق!!00

عاد اقتنعت ونسيت السالفه ... بس تتوقعون ان هذا مب ظلم انهم يشترون لي بأغلى من سعر السوق وسعر مااوصله السهم اصلا في ذاك اليوم..؟!!

ارجوا تعقبون على كلامي اذا كان لي تعويض او لا؟

السموحه اخوي المخلب على طرحي لمشكلتي في موضوعك والمقصد عشان يكون حل المشكله في مكان واحد افضل للإعضاء عشان يستفيدوا 00 شكرا

[مضارب صح]

اي واحد يسير معاه اي مشكله في الشراء او البيع انا اعرف انهم يرجعون للمكالمات الصوتيه عندهم ويشوفون اذا انت فعلا طالب السعر هذا ولا لأ
الحين اذا انت طالب البيع على هذا السعر ما احد يعوضك بس اذا طلع انك طالب سعر وهم باعوا لك على سعر اقل بيعوضونك وبيعطونك فوقها بوسه بعد ;)