الناصريه ...وقرارت الازاله :( :(

[مــــلاك]

اخواني حبيت لو تفيدوني بالنسبه لقرارات الازاله في الناصريه هل هي اكيده
ومتى بالضبط .....؟؟؟

واللي يعرف المناطق بالضبط ياريت لو يفيدنا لان بيتنا تشطيب اخير ونبي نسكن
و نخاف ان القص يكون قريب وبنخسر فيه اثاث وصبغ وستاير ..الخ
البيت موقعه قريب من سكن الاساتذه crazy

فرجاء الي عنده اخبار جديده ..او اي شي عن الناصريه يساعدني


وين الواحد يقدر يروح مع اسعار العقار الحين ....الله المستعان

[دنيا الاسهم]

اخي الكريم
انا بعد سمعت ان عليها ازالة في بعض المناطق منها فقط وليس كلها
اعتقد والله اعلم المناطق الشرقية اللي قسم منها يحاذي المنطقة التعليمية
المناطق الغربية ماعليها ازالة ان شاء الله
وتقدر تسأل البلدية واصحاب الخبرة وان شاء يفيدونك اكثر:nice:

[مــــلاك]

مشكور اخوي دنيا الاسهم ... الي اعرفه ان بعض المناطق ازاله
وانا كنت ابي اعرف بالضبط وين ...ومتى تتم الازاله


افيدوني وجزاكم الله خير .....اتمنى احد يطمني

[بوحمد1]

مشكور اخوي دنيا الاسهم

[bu shhab]

السلام عليكم

اخوي فعلا في ازاله ومعظم البيوت اللي هنالك تثمنت بس طبعا مب الناصريه كلها

عندك من جهة الجمعيه وانت نازل لين المدرسه اللي جددوها

واظن صار اسمها مدرسة الوجبه المستقله

اما البيوت اللي صوب المركز الصحي الجديد ( ثلاث فلل ) ما في شي عليها

انا بنفسي شفت اوامر الازاله وهي على مراحل

البيت اللي عندنا هناك ثمنوه وخلصو بس الازاله بتون تقريبا بعد سنه

انت الافضل تاخذ سند الملكيه وتروح ادارة التخطيط العمراني

الطابق الثاني وهم بيفيدونك مليون بالميه لانه في جزء بسيط

من صوب الجمعيه ومكان ثاني ما عليه ازاله

والله يعينك

[مــــلاك]

السلام عليكم

اخوي فعلا في ازاله ومعظم البيوت اللي هنالك تثمنت بس طبعا مب الناصريه كلها

عندك من جهة الجمعيه وانت نازل لين المدرسه اللي جددوها

واظن صار اسمها مدرسة الوجبه المستقله

اما البيوت اللي صوب المركز الصحي الجديد ( ثلاث فلل ) ما في شي عليها

انا بنفسي شفت اوامر الازاله وهي على مراحل

البيت اللي عندنا هناك ثمنوه وخلصو بس الازاله بتون تقريبا بعد سنه

انت الافضل تاخذ سند الملكيه وتروح ادارة التخطيط العمراني

الطابق الثاني وهم بيفيدونك مليون بالميه لانه في جزء بسيط

من صوب الجمعيه ومكان ثاني ما عليه ازاله

والله يعينك

مشكور اخوي على الرد
بالنسبه لبيتنا .....
في الجريده بس نزل القرار انه ازاله ولما سألنا التخطيط العمراني قالوا ايه
بس ماحددوا لنا متى بالضبط ..ولا حتى قالوا لنا عن التثمين ...
انا ابي ارتاح على الاقل نقعد فيه سنتين لين ندور لنا بيت ...لان العقارات نار ومستحيل نلقى بيت نفس بيتنا الي تعبنا عليه ...
وبعدين الي يثمنون بيتهم كم يقعدون في البيت لين يهدمونه .. انا قالت لي زميلتي انهم عطوهم مهله سنه من عقب ماعطوهم الفوس ....

[مشتاق]

حد سمع عن الغرافه فيها ازاله

[حمد1977]

حد سمع عن الغرافه فيها ازاله

اعوذ بالله

الهتمي الجديد ازالة

مشيرب ازالة

الخليفات (سابقاُ) ازالة

شارع الريان ازالة

الجسرة ازالة

مدينة الجامعات شحط وازالة

والحين تطلع انت وتقول الغرافة

اعتقد ان الموضوع تجاوز الحد

[BURBERRY]

اخوي انا اعرف ناس في الناصرية ثمنوو بيوتهم ، وعطوهم مله عشان يدورن لهم بيوت في منطقه ثانيه و اعرف ناس في الناصرية صوب بني هاجر ماجاهم شي ..

و للعلم انا سمعت و على ذمة الراوي .. ان في خطه مستقبليه لازاله منطفة النعيجه( الهلال) الغربية.

هذا والله اعلم

[bu shhab]

معظم مناطق وفرجان الدوحه فيها ازاله وتخطيط من جديد بالنسبه لمناطق المسموح فيها

ارتافاعات عمارات منشأت وخلافه

اما الناصريه فالازاله للمدينه التعليميه

من كليه الشقب لين الدوار اللي عليه الجمعيه نزولا للمدرسه بس

وفي ازاله تمت والباقي لين سنه 2009 وهذا كلام اكيد

حتى لو ثمنو البيت وصاحب العقار استلم بيعطونه مهله

وزيد عليه الدبل

والافضل بخصوص منطقة الناصريه

يمكن تتصل على مبارك الهاجري

مسئول بنزع الملكيه

على رقم 4451406

وتأكدو منه واعطوه رقم سند الملكيه وهو بحدد كل شي من التاريخ والازاله

[مــــلاك]

اخوي انا اعرف ناس في الناصرية ثمنوو بيوتهم ، وعطوهم مله عشان يدورن لهم بيوت في منطقه ثانيه و اعرف ناس في الناصرية صوب بني هاجر ماجاهم شي ..

و للعلم انا سمعت و على ذمة الراوي .. ان في خطه مستقبليه لازاله منطفة النعيجه( الهلال) الغربية.

هذا والله اعلم



بيتنا اقرب للهواجر ..وجاه القص ....

[مــــلاك]

معظم مناطق وفرجان الدوحه فيها ازاله وتخطيط من جديد بالنسبه لمناطق المسموح فيها

ارتافاعات عمارات منشأت وخلافه

اما الناصريه فالازاله للمدينه التعليميه

من كليه الشقب لين الدوار اللي عليه الجمعيه نزولا للمدرسه بس

وفي ازاله تمت والباقي لين سنه 2009 وهذا كلام اكيد

حتى لو ثمنو البيت وصاحب العقار استلم بيعطونه مهله

وزيد عليه الدبل

والافضل بخصوص منطقة الناصريه

يمكن تتصل على مبارك الهاجري

مسئول بنزع الملكيه

على رقم 4451406

وتأكدو منه واعطوه رقم سند الملكيه وهو بحدد كل شي من التاريخ والازاله


جزاك الله خير اخوي ... انت سمعت انه ب 2009 الازاله واحنا سمعنا انها بيناير 2008
والعلم عند رب العالمين .....

مشكوره اخوي على افادتك ...

[مــــلاك]

للرفع

[إنتعاش]

ودي بس اعرف

المواطن القطري البسيط

اللي يفكر يبني له بيت عمر له ولعياله

وين بيبني وسط هالضوضاء ؟

الله يكون في العون !

[مــــلاك]

ودي بس اعرف

المواطن القطري البسيط

اللي يفكر يبني له بيت عمر له ولعياله

وين بيبني وسط هالضوضاء ؟

الله يكون في العون !


اي والله كلامك صحيح ....
وبعد لو تفكر فيها بعد قرار الازاله تحس ان البلد مافيها امان نفسي
لان البيت هو مصدر امن نفسي للانسان ...واستقرار
محد يشعر بهذا الشي الا لما يفقده ...

[اّل ثاني 77]

إزالة إزالة إزالة ، الله يعين المتضررين

[قطر]

بيتنا اقرب للهواجر ..وجاه القص ....
اخوي في ناس اعرفهم عطوهم مبلغ التثمين وعطوهم مهله
وعندهم املاك فلل للاجار لاصقه في طوفة بيتهم ماتثمنت!!

يعني شي ثمنوه وشي ماثمنوه مع ان الطوفه لاصقه في الطوفة

ماتعرف ايش الحكمه

واتوقع ان الازالة يبيلها على الاقل سنتين

[مــــلاك]

ان شاء الله يلغون القرار ..
<<<< قاعده ادعي كل يوم ان القرار ينلغي

[مضارب جديد]

اعوذ بالله

الهتمي الجديد ازالة

مشيرب ازالة

الخليفات (سابقاُ) ازالة

شارع الريان ازالة

الجسرة ازالة

مدينة الجامعات شحط وازالة

والحين تطلع انت وتقول الغرافة

اعتقد ان الموضوع تجاوز الحد
تجاوز او ماتجاوز كل اللي تقدر تسويهcrazy

[رحال]

ودي بس اعرف

المواطن القطري البسيط

اللي يفكر يبني له بيت عمر له ولعياله

وين بيبني وسط هالضوضاء ؟

الله يكون في العون !

ربك كريم !!!

[Rayyan]

اعوذ بالله

الهتمي الجديد ازالة

مشيرب ازالة

الخليفات (سابقاُ) ازالة

شارع الريان ازالة

الجسرة ازالة

مدينة الجامعات شحط وازالة

والحين تطلع انت وتقول الغرافة

اعتقد ان الموضوع تجاوز الحد


فعلا هذا هوا الوضع السائد مما جعل الطلب على العقار كبير واتى وتزامن في وقت واحد من
فئتين المواطنين والاعداد الكبيرة من الوافدين لذالك كنت استغرب ممن يقولون أن الاسعار ستنخفظ ومازلت استبعد أن تنخفظ على المدى القصير , على العموم واضح أن لااحد يود أن يستملك منزله والاسباب معروفة وان اتى على احد في هذه الفتره حقا الله يكون بعونه

[مــــلاك]

Up Up Up

[شاهيناز]

اعرف وحده بيتها قريب من المدينه التعليميه

من 3 سنوات وهم عايشين في رعب

ومايقدرون يغيرون شئ في بيتهم

خايفين من الازاله
وين يرحون
البيت مب جدران واثاث
البيت مشاعرناس بنوه بتعب

واحلام لين سكنو البيت
لكن ماصار سكن لهم
صار عذاب وقلق وخوف من بكره:eek3:
مسلسل خليجي حزين
بس والله ناس وايد تعيشه
والله يعين

[مــــلاك]

اي اختي انتي فهمتي الي انا اشعر فيه
البيت بداله بيت مب مشكله مع انها صعبه هاليومين

بس اصعب شي وانتي عايشه في مكان بينشال في اي وقت
مافي استقرار .. والبيت اهم شي في الراحه النفسيه والاستقرار

احيانا اقول لو الحين يجيه القص ونرتااااح ولا نقعد ننتظر لين نسكنه
وبعدين يقولون لنا ترى جاكم القص ...خاصه ان المنطقه كلها تحت الازاله

في ناس من 2003 سمعوا ان القص بيجيهم ..ولين الحين ماجاهم ولاتثمنت بيوتهم
هالناس شنهي حالتهم ...؟؟؟ وشلون نفسياتهم ... اكيد مب حاسين باستقرار
الله يعينهم ... ويعينا

[طبشور]

أنا توني نازل بيتي من أسبوعين بالناصرية.. ولما كنت أتريقك (أفطر) .. طقوا بابي التخطيط علشان يقيسون المباني في البيت .. مع العلم أن بيتي حطوه ( أون هولد ) يعني أستملاك بس من شهرين .. وقالوا لي : جدامك لين شهر ثلاثة وبعدين تهد البيت ( يعني أهدمه ) .. مش مشكلة ,بس المشكلة أنهم يقولون أنهم بيعطونا على تقييم 2006 مش 2007 اللي من المحتمل جداً أنه يفوق تقييم 2007 ( الارض بالناصرية 120 ريال الفوت حسب تقييم 2006 ويقال أنه سيتغير إلى 150 ريال للفوت وهذا فرق كبير يصل لمئات آلاف من الريالات ) ..

[مــــلاك]

أنا توني نازل بيتي من أسبوعين بالناصرية.. ولما كنت أتريقك (أفطر) .. طقوا بابي التخطيط علشان يقيسون المباني في البيت .. مع العلم أن بيتي حطوه ( أون هولد ) يعني أستملاك بس من شهرين .. وقالوا لي : جدامك لين شهر ثلاثة وبعدين تهد البيت ( يعني أهدمه ) .. مش مشكلة ,بس المشكلة أنهم يقولون أنهم بيعطونا على تقييم 2006 مش 2007 اللي من المحتمل جداً أنه يفوق تقييم 2007 ( الارض بالناصرية 120 ريال الفوت حسب تقييم 2006 ويقال أنه سيتغير إلى 150 ريال للفوت وهذا فرق كبير يصل لمئات آلاف من الريالات ) ..


:confused: احنا بيتنا بعد اون هولد بس ماسكنا لين الحين يمكن بعد شهرين ناويين

انزين ممكن تقولنا وين بيتك بالضبط ...؟؟؟ صوب معهد النور ..ولا الجهه المقابله

والله تضااايقت اكثر واكثر ... الله المستعان

[قناص قطر]

السلام عليكم

اختي ملاك

اذا بيت واحد مب مشكله تتعوض في اي منطقه ثانية

المشكلة عائلة كاملة من 4 اخوان والمجمع في مسبح مجلس و و و

ربك كريم ان شاء الله والله يستر

اذا الفيلا ( ان هولد ) مشكله اذا مافيها كهرباء الرجاء التاكد من الموضوع

بخصوص المنطقه من بيت عبدالرحمن بن ناصر لغاية سكن الاساتذه عليها هولد

الحمدلله انا بيني وبين بيت عبدالرحمن بن ناصر شارع واحد فقط ؟

توجد خارطه عليها كل البيانات من 2006 لغاية 2009

بس المنطقه كلها رايحه

من المركز الصحي الجديد لغاية المدينة التعليمية

ومن دوار المائل بجوار المغاسل لغاية بني هاجر

بس على فترات

منطقه ( الناصرية ) عليها كلام كثير

الله يستر ان شاء الله

[فهد الخاطر]

وانا سمعت بان اللقطة بيجيها مسح

[مـحـمـد الـعـذبـة]

وجزء من الدفنة

[مــــلاك]

السلام عليكم

اختي ملاك

اذا بيت واحد مب مشكله تتعوض في اي منطقه ثانية

المشكلة عائلة كاملة من 4 اخوان والمجمع في مسبح مجلس و و و

ربك كريم ان شاء الله والله يستر

اذا الفيلا ( ان هولد ) مشكله اذا مافيها كهرباء الرجاء التاكد من الموضوع

بخصوص المنطقه من بيت عبدالرحمن بن ناصر لغاية سكن الاساتذه عليها هولد

الحمدلله انا بيني وبين بيت عبدالرحمن بن ناصر شارع واحد فقط ؟

توجد خارطه عليها كل البيانات من 2006 لغاية 2009

بس المنطقه كلها رايحه

من المركز الصحي الجديد لغاية المدينة التعليمية

ومن دوار المائل بجوار المغاسل لغاية بني هاجر

بس على فترات

منطقه ( الناصرية ) عليها كلام كثير

الله يستر ان شاء الله


الله يعينهم والله .. اذا اكثر من بيت بتكون صعبه
بالنسبه للكهربا صدقت في هذي ... احتمال مايدخلون الكهرباء
على حسب يعني ... اليوم ردوا علينا بخصوص الكهربا بس ما أكدوا
احتمال مايدخلونها اذا مافي كيبل اظن ....
الله يعوضنا ويعوضكم خير يارب

[رياني1212]

الكلام الاكيد انا عندي بيت وارض فضاء في الناصرية وكلها جنب بعض ما يفصل بينها الا شارع وبغيت احوط الارض لانها كبيره واطلع عليها رخصة بناء لمجمع سكني وراجعت التخطيط سنة2005 وقالوا لي عليها ازاله فقط الارض وقلت لهم البيت قالوا ما علية ازالة وعلى فكره لين الحين ما اخذوا الارض ولا عطوني ريال

[السفير العربي]

على أثر هذا التخبطات العشوائية اللامسئولة والتي أثرت في نفسية الكل وبالأخص المواطن القطري حيث يشعر بعدم الأستقرار في جميع مناحي الحياة بسبب الأتي :-

1- سوء التخطيط
ففي مجال البناء والبنية التحتية فالأمر واضح وكما يلتمسها الجميع , فلايتم أشعار اصحاب العقارات بالبناء قبل قرار الأزالة كي يوفر جهده وعناءه في بناء عقاره ولا يتم التخطيط للشوارع بالشكل الذي يتناسب مع أنسياب الحركة المرورية , ومن يسير على شارع السفارات سوف يشعر بفداحة اخطاء رصف وطريقة مسار الشارع الأمر الذي تسبب في أزدياد زحمة السيارات .

وفي مجال التعليــم فقد تقلص في السنوات السابقة الأعتماد على الوافدين في مجال الأعمال المهنية والمكتبية بسبب سياسة تقطير الوظائف وأقتصر الأمر على توظيف المستشارين والخبراء _ والله أني أضحك على ذا الوصف عندما أتذكر مجموعة من الخبراء والمستشارين لدينا _ إلا ان الأمرمنذ سنتين أو ثلاثه دفنت سياسة تقطير الوظائف وأستعيض بدلا منها سياسة تجنيب الوظائف مما زادت نسبة الموظفين الوافدين عن القطريين بشكل ملفت للنظر فأصبح توظيف الأجانب من كل حدب وصوب وكأن الدوله لم تلد أبناء متعلمين بأمكانهم شغر الوظائف المهنيه وغيرها ...الأمر بس يحتاج إلى إعادة توجية خريجي الثانوية للتخصصات التي يشكو منها سوق العمل ومتابعتهم ومراقبتهم وستكون النتيجة مذهلة للغاية .

من نتائج سوء التخطيط التضخـــــم الذي أثر على الجميع فمسلسل ازاله العقارات رفع من قيمة الأراضي وزاد الطلب على البناء بشكل صارخ فأصبحت تكلفة بناء العقار مضاعفة وقيمة الأرض أضعاف مضاعفة لذلك تضاعف إيجار المحلات التجارية والوحدات السكنية والتي تعتبر من التكاليف التي تدخل ضمن قائمة تكلفة السلعة والخدمة التي نشتريها فالنتيجة ولد التضخم من رحم سوذء التخطيط .. أه قلبي ألمني ماقدر أكمل ..


أحاول أستكمال الموضوع بعدما يزول الهاجس النفسي مني .

[مــــلاك]

السفير العربي .... شكرا على الاضافه وفي انتظار الباقي

[مضارب جديد]

على أثر هذا التخبطات العشوائية اللامسئولة والتي أثرت في نفسية الكل وبالأخص المواطن القطري حيث يشعر بعدم الأستقرار في جميع مناحي الحياة بسبب الأتي :-

1- سوء التخطيط
ففي مجال البناء والبنية التحتية فالأمر واضح وكما يلتمسها الجميع , فلايتم أشعار اصحاب العقارات بالبناء قبل قرار الأزالة كي يوفر جهده وعناءه في بناء عقاره ولا يتم التخطيط للشوارع بالشكل الذي يتناسب مع أنسياب الحركة المرورية , ومن يسير على شارع السفارات سوف يشعر بفداحة اخطاء رصف وطريقة مسار الشارع الأمر الذي تسبب في أزدياد زحمة السيارات .

وفي مجال التعليــم فقد تقلص في السنوات السابقة الأعتماد على الوافدين في مجال الأعمال المهنية والمكتبية بسبب سياسة تقطير الوظائف وأقتصر الأمر على توظيف المستشارين والخبراء _ والله أني أضحك على ذا الوصف عندما أتذكر مجموعة من الخبراء والمستشارين لدينا _ إلا ان الأمرمنذ سنتين أو ثلاثه دفنت سياسة تقطير الوظائف وأستعيض بدلا منها سياسة تجنيب الوظائف مما زادت نسبة الموظفين الوافدين عن القطريين بشكل ملفت للنظر فأصبح توظيف الأجانب من كل حدب وصوب وكأن الدوله لم تلد أبناء متعلمين بأمكانهم شغر الوظائف المهنيه وغيرها ...الأمر بس يحتاج إلى إعادة توجية خريجي الثانوية للتخصصات التي يشكو منها سوق العمل ومتابعتهم ومراقبتهم وستكون النتيجة مذهلة للغاية .

من نتائج سوء التخطيط التضخـــــم الذي أثر على الجميع فمسلسل ازاله العقارات رفع من قيمة الأراضي وزاد الطلب على البناء بشكل صارخ فأصبحت تكلفة بناء العقار مضاعفة وقيمة الأرض أضعاف مضاعفة لذلك تضاعف إيجار المحلات التجارية والوحدات السكنية والتي تعتبر من التكاليف التي تدخل ضمن قائمة تكلفة السلعة والخدمة التي نشتريها فالنتيجة ولد التضخم من رحم سوذء التخطيط .. أه قلبي ألمني ماقدر أكمل ..


أحاول أستكمال الموضوع بعدما يزول الهاجس النفسي مني .
اسم الله عليك:D