اغلاق جميع المحلات (بالفرجان) في يوليو 2009

[حمد1977]

وزير بلدية سابق باغلاق جميع المحلات بالفرجان (المناطق بالدوحة تسمى فريج) عام 1995

ولكن القيادة وقفت بوجهه ومنعته

البعض تحدث ان حاول اغلاق المحلات حتى يدعم سوقه الشهير الذي بني على اسمه

والبعض الاخر قال لاعادة تخطيط الدولة

والآن تقرر اغلاق جميع هذه المحلات التي بالفرجان في يوليو 2009

وستكون هناك مناطق معينة وشوارع محددة لهذه المحلات

[سعادة الوزير]

بصراحة انا اجد ان دكاكين الفرجان ما وراها الا المشاكل والازعاج، ونادر ماتحصل دكان فريج نظيف، الاغلبية عندهم سوء تخزين وثلاجات خربانه وحلويات مدتها منتهيه.

[سهم طايش]

انا مع هذا القرار الحضاري

[البيرق]

وانا مع ها القرار
وفعلا نوعية الدكاكين والي فيها تبتعد كل البعد عن ابسط الشروط الصحية وحتى الاخلاقية(مشاكل الخدامات واللقاءات والخلوة وضيق المكان)
وانتهاك القوانين(بيع السجاير للاطفال بالحبة والسويكه والالعاب النارية)
واستغلال المستهلكين وخصوصا الاطفال
نوعية العاملين؟؟؟؟؟
هذا فضلا عن ان المعروض اغلبه مشكوك فيه من نوعيات وسوء تخزين واهمال في طريقة العرض
ولكن ما البديل الناس تبغي المحلات قرب البيوت(وانا اشوف ان الحضارة تستوجب قرب الاسواق لابعدها كما تطلب البلدية(ولو انها على جانب صحيح جزئيا))
اتوقع ان البديل المقبول للكل سلسلة اسواق خاصة بالطلبات اليومية والحاجات الرئيسية للافراد وتكون قريبة جدا من المنازل (امكانية المشي وحمل الطلبات)
انا اشوف كل الدول الحضارية موجود فيها الي ذكرته
بس انا ما ادري دولتنا تمشي للحضارة ولا للاهواء والمصالح

[حمد1977]

انا ايضاً اتفق مع هذا القرار ولكن اتمنى ان يتم اعطاء اصحاب المحلات تعويض لاني اعرف عائلة تسترزق على تاجير المحل الذي ببيتهم

[{راشد}]

أنا ضد هالشيء,,

راح يقطعون ارزاق الناس,,

والدكاكين خدمتها كبيره لناس اللي مايقدرون يرحون المحلات الكبيره او الي ماعندهم سيارات,,
وخاصه الحريم اللي ولي امرهم مسافر او متوفي !!

الصراحه قرار تعسفي !!

[اّل ثاني 77]

أنا ضد هالشيء,ليش يقطعون أرزاق الناس,وخل أي وزير يقول ماعندة تجارة أو شركة او ما استعمل منصبة في نفع نفسة قبل ما ينفع الناس أتحدى..........وشكرا

[qatary1]

انا الصراحه مع هالقرار بس ياليت يكون بديل لهذي المحلات ببناء مجمعات صغيره نفس اللي في الكويت ويكون فيها جميع مايحتاجه الفرد
ويسوونها شركه مساهمه
شراييكم؟

[alwahesh]

انا ضد هالقرار لان مثل ما قالو الشباب فيه قطع ارزاق وأذيه للأ هل البيوت مثل المطلقات والارامل وحتى البيوت الي يكون فيها الزوج لاهي ام مسافر .لان الحين اي حد ممكن حتى الخامه تتصل بالبقاله وتطلب اغراض البيت .
وبالنسبه للمجمعات الصغيره الي في الكويت مب لي ولك يجيك واحد يحتكر الفرجان كلها

على فكره انا اعتقد ان ورى هالسالفه جمعية الميره لان ارباح صارت ملاليم بعد كارفور واللو لو والله يخلي الهنود .

[mubarak2006]

انا الصراحه مع هالقرار بس ياليت يكون بديل لهذي المحلات ببناء مجمعات صغيره نفس اللي في الكويت ويكون فيها جميع مايحتاجه الفرد
ويسوونها شركه مساهمه
شراييكم؟
والدليل تاون سنتر ...مكان مرتب وفية تقريبا كل حاجة ...حطوا فية بقالات بس تكون على مستوي من النظافة...وبتكون الامور طيبة...ولا ينسون يسوون مواقف للسيارات لان هذي مشكلة المشاكل في الدوحة الان...انا اشوف المواقف اهم من المكان كاساس ...

شكرا

[استغفرالله]

انا مع القرار

لان الدكاكين ما وراها الا المشاكل

كمن دكان عند بيتنا ..اللي بيشترون يوقفون السيارات سادة الطريق العام ..هذا يسبب مشكلة في السير

اضافة الى المشاكل الاخرى اللي يسببها الدكان

[سهم طايش]

انا مع القرار

لان الدكاكين ما وراها الا المشاكل

كمن دكان عند بيتنا ..اللي بيشترون يوقفون السيارات سادة الطريق العام ..هذا يسبب مشكلة في السير

اضافة الى المشاكل الاخرى اللي يسببها الدكان

كلامك صحيح

تشوف السيارة صافه و معلق الهرن و مزعج الناس و في الاخير يطلب علوج بونص و لا غرشة ماي بريال :d

[خفايا الروووح]

قطع الأعناق ولا قطع الأرزاق :)

[jajassim]

بس انا ما ادري دولتنا تمشي للحضارة ولا للاهواء والمصالح


:con2: :con2:

لاحول ولا قوه ألا بالله

[the engneer]

انا الصراحه مع هالقرار بس ياليت يكون بديل لهذي المحلات ببناء مجمعات صغيره نفس اللي في الكويت ويكون فيها جميع مايحتاجه الفرد
ويسوونها شركه مساهمه
شراييكم؟
ونعم الراي اخوي
ولا مبدأ خذوة فاغلوة(اية قرانية)

[أمل الإمارات]

اخوي انت متأكد من هالقرار ؟؟؟

[بوحمد1]

جات الحضارة على دكاكين الشياب والعجايز ..........