طلب وظيفة

[مكياجي]

شاب ايراني من مواليد قطر عمره 24 سنه يبحث عن وظيفة تليق بمقامة كمندوب عقارات او في شركة تجارة ومقاولات او شركة سيارات او بائع في محل هواتف نقاله او اي محل اخر تجدونه مناسباً بشرط ان يكون الراتب 5000 ريال ولا يهم اذا كان على فترتين علما بأن له خبره في فن التعامل مع الناس وبروفشنال في الالتزام والدقه........

[Small Investor]

بشرط ان يكون الراتب 5000 ريال ولا يهم اذا كان على فترتين


وايد صعبه خصوصا عند عدم ذكر المستوى التعليمي ؟؟؟

وبعدين شلون 5000 ؟؟؟ عيل باشغل حد قطري عندي احسن لي وللعم في وايد قطريين وهذه رواتبهم .... وفي مهندسين بس انهم مش قطريين ورواتبهم ما تتعدى ال 4000 ريال

ولا تخيل موظف في محل هواتف وراتبه 5000 ريال واجار المحل اقل شي 3000 ريال وكهربه وتلفون وماي 2000 ريال يعني المجموع 10000 ريال مابقى شي من دخل المحل اسكر احسن لي

[shgawia]

اخوي محد طقك على يدك وقال لك شغله عندك والرجال يبي يداوم شفتين عاد لاتصير حسود مره وحده خل الناس اترزق الله

ناس ماعندها الا الحسد اعوذو بالله

[nor85]

صراحة الراتب كبير

[Small Investor]

اخوي محد طقك على يدك وقال لك شغله عندك والرجال يبي يداوم شفتين عاد لاتصير حسود مره وحده خل الناس اترزق الله

ناس ماعندها الا الحسد اعوذو بالله


الاخ المحترم شقاوي

الحسود الي ماعنده ويتمناه لنفسه وبس ... ولكن انا مهندس والحمدلله , الله رازقني وعندي محلات وعندي موظفين ... فاعارف الوضع لاني عايش فيه وطبعا ما اتكلم من فراغ ولا هباء ... والكلام الي قلته كان كنصيحه له لانه اي واحد عنده تجاره وبيسمع كلامه بيضحك عليه ولا بيوافق على شروطه ... فا ياليت مره ثانيه تفهم المعنى الصحيح للكلام وثمن كلامك قبل ما تقطه :strong

واذا عندك شغل ب 5000 ريال قولي الله يخليك لانه عندي واحد من ربعي وخريج هندسه كيميائيه وبمعدل جيد جدا وما يشتغل ومشكلته انه مب قطري ... وراضي باي راتب :eek3: :eek3:

[بو سالم]

سبحان شلون بيعيش بهالراتب في هالايام اقل ايجار ب5000 ريال الله يعينه ويحصل راتب اعلى ان شاء الله ومن صوبي بشوف ان لقيت شي برد عليك

[مستثمر-قطر]

2000 بشغله عندى وشغله بسيطه وفي مكتب ومرتاح

[شمسة]

ربي ايوفقكم

[سيف قطر]

الله يوفق

[مكياجي]

شوفوا والله الرجال يكسر الخاطر وعليه التزامات وكل شي يعرفه في اي مجال ماشاء الله عليه على الاقل الراتب اذا بيكون قليل يكون 3500 ريال وهو موافق على اي شغله يشتغلها بالحلال وجزاكم الله الف خير .........

[الدم البنفسجي]

اختي طرشي رقمه على الخاص في اسرع وقت عندي له شغل اناشالله

[مكياجي]

اخوي انت ارسل لي رقمك على الخاص لان انا ماعندي الصلاحية لان مشاركتي قليله ولك جزيل الشكر وانشالله في ميزان حسناتك....