14 اسما جديدا مقترحا للعملة الخليجية الموحدة !!

[{راشد}]

أنهى فريق فني خليجي حصر 14 اسما مقترحا جديدا للعملة الخليجية الموحدة المقرر إطلاقها للتداول في دول مجلس التعاون الخليجي وهي الإمارات، والبحرين، والسعودية، وعمان، وقطر، والكويت مع مطلع عام 2010.
وشملت القائمة أسماء مألوفة لدى مواطني دول المجلس، وأخرى مستمدة من عملات قديمة ومكاييل استخدمت خلال قرون مضت في المنطقة مثل قيران، وهي وحدة للوزن والقياس استخدمت في الخليج العربي في القرن الثاني عشرة للهجرة خلال فترة الدولة القاجارية، واسم (غازي) وهي عملة قديمة تساوي 20 قرشا.
وتشمل القائمة أيضا أسماء أخرى هي دانة، ومال، ودر وهي الجوهرة الكبيرة، ودرة، وكروة تعني الأجرة، وخليجي، ومهور، وقنطار، وبدر، ونيرة وتعني العملة الذهبية، وريان، والمد .
ولم يرد ضمن القائمة اسم "كرم" الذي تمت الإشارة إليه سابقا، وهو مقترح لأحد المواطنين الخليجي.
وسيتم رفع قائمة الأسماء الجديدة للجنة الاتحاد النقدي ضمن خيارين أساسيين، يتعلق الأول باختيار اسم جديد للعملة من بين الأسماء المقترحة، أو اختيار اسم من أسماء العملات الخليجية المتداولة حاليا وهي الريال المستخدم في ثلاث دول هي السعودية، وقطر، وعمان، أو الدينار المستخدم في كل من البحرين والكويت، أو الدرهم المستخدم فقط في الإمارات.
كما سيتم رفع القائمة إلى لجنة محافظي مؤسسات النقد والبنوك المركزية في الدول الخليجية الأعضاء للتوصية بالاسم المقترح، إلا أن ذلك لن يكون قبل إبريل من العام المقبل، وهو موعد الاجتماع المقبل للمحافظين.
ورغم أن الأسماء الـ 14 الواردة حاليا تأتي ضمن المقترحات النهائية التي سترفعها اللجنة, إلا أن احتمال مسميات أخرى قد ترد في وقت لاحق يبقى أمرا واردا.


الحين جااااااء وجع الراسcrazy

[مغروور قطر]

خليجي اسم حلو شكرا لك

[{راشد}]

خليجي اسم حلو شكرا لك

العفوووو يالغالي
وانا كذااالك اشوف اسم خليجي مناسب,,

[jajassim]

جزاك الله خير ،، طبعا خليجي أفضل

[M O 7 A M M E D]

خليجي افضل اسم ..

تسلم اخوي راشد .. :)

[Sniper]

درهم او دينار افضل
شكرا عالموضوع

[القانوني]

دام في اختلاف في الاسماء فتاكد ان المشروع بيتوقف شهور بل سنين

[غزلان]

شكرا لك

[limoOoOony]

omen الدينار افضل والخرده تكون بالدرهم

[alwahesh]

خليجي مناسب بس ما يصلح اسم عمله

وخاصه ان عندنا مملكتين وقريب تسمعون عن المملكه الثالثه بعد الاسياد

ريال انا اشوفه انسب وخاصه انه يالانجليزي رويال يعني ملكي

تحياني

[قطرية عسل]

:nice:

[{راشد}]

جزاك الله خير ،، طبعا خليجي أفضل

وجزاااااك يالغالي وشاكر مرورك:)

[{راشد}]

خليجي افضل اسم ..

تسلم اخوي راشد .. :)


الله يسلمك يابوجاسم,,

وشاكر مرورك:)

[{راشد}]

درهم او دينار افضل
شكرا عالموضوع

العفوووو يالغالي,,

وشاكر مرورك:)

[{راشد}]

دام في اختلاف في الاسماء فتاكد ان المشروع بيتوقف شهور بل سنين

هذا حال اهل الخليج,,

وشاكر مرورك:)

[{راشد}]

شكرا لك

العفووو وشاكر مرورك:)

[A.L.I]

يعطيك العافيه اخوي

[{راشد}]

omen الدينار افضل والخرده تكون بالدرهم

شاكر مرورك:)

[{راشد}]

خليجي مناسب بس ما يصلح اسم عمله

وخاصه ان عندنا مملكتين وقريب تسمعون عن المملكه الثالثه بعد الاسياد

ريال انا اشوفه انسب وخاصه انه يالانجليزي رويال يعني ملكي

تحياني

قصدك قطر ؟؟

اذا كذا ريال حلو ,,
وعلى فكرة كلمة ريال ماخوذه ايام الاحتلال الاسباني وهو الملكي مثل ماذكرت :deal:

وشاكر مرورك:)

[{راشد}]

:nice:

:nice: :D :nice:

[{راشد}]

يعطيك العافيه اخوي


الله يعافيك يارب:)

[بن علان]

أنا أشوف الدينار العمله الكبيره والدرهم العمله الصغيره

وهم من العملات المتداوله قديما مثل ما نشوف في المسلسلات

التاريخيه .. يسلمووووووووووووووو اخوي راشد

[أبو راكان]

الدينار
و
الدرهم

[auto body]

اهم شي فيه فلوس واسم فلوس حلو

[البندر]

ريان

أحلى حتى بالإنجليزي ينلفض أحلى

وحلو لين اتقول مليون ريان

واحد معاني ريان (ممتليء فيه نضارة وحيوية وشبع)

وعكس كلمة ريان عطشان

بصراحة أسم فيه راحه

[{راشد}]

أنا أشوف الدينار العمله الكبيره والدرهم العمله الصغيره

وهم من العملات المتداوله قديما مثل ما نشوف في المسلسلات

التاريخيه .. يسلمووووووووووووووو اخوي راشد


الله يسلمك يالغالي ودودي,,

وشاكر مداخلتك ومرورك

[{راشد}]

الدينار
و
الدرهم


شاكر مرورك يالغالي

[{راشد}]

اهم شي فيه فلوس واسم فلوس حلو

الفلوس اهم شيء:nice:

شاكر مرورك يالغالي

[{راشد}]

ريان

أحلى حتى بالإنجليزي ينلفض أحلى

وحلو لين اتقول مليون ريان

واحد معاني ريان (ممتليء فيه نضارة وحيوية وشبع)

وعكس كلمة ريان عطشان

بصراحة أسم فيه راحه


انت تبيه اسم راهي>>فاهم عليك:deal:
وشاكر مرورك يالغالي

[قطري طموح]

ليش ما يطرحون استطلاع للراي ؟
المواطن الخليجي هو المستفيد الاول ليش مايتم اخذ رايه ؟

[{راشد}]

ليش ما يطرحون استطلاع للراي ؟
المواطن الخليجي هو المستفيد الاول ليش مايتم اخذ رايه ؟

سؤال وجيه !!

شاااكر مرورك :)

[اّل ثاني 77]

المفروض يسمونها خليجو على وزن يورو,إذا أجتماعات ولجان عشان الأسم ؟؟؟؟الله يستر
مشكور.

[خاربه خاربه]

:looking:





يعطيك العافيه وووين اسمي crazy

[{راشد}]

المفروض يسمونها خليجو على وزن يورو,إذا أجتماعات ولجان عشان الأسم ؟؟؟؟الله يستر
مشكور.


ههههههههه

حلوه خليجو :nice:

العفوو يالغالي

[{راشد}]

:looking:





يعطيك العافيه وووين اسمي crazy

اسمك وين ؟؟

لا يكون تبينهم يسمون عليك ؟!!!:D

والله يعافيج وشاكر مرورج

[ابن نصار]

http://www.aldorr.com/vb/photos/335.gif

[{راشد}]

http://www.aldorr.com/vb/photos/335.gif

وجزاك يابن نصار الغالي

[ROSE]

خل يسمونه اي شي بس يتفقون بالاول


تسلم اخوي

[سيف قطر]

دينار !!!!!!!!!!!!!! حلو

[{راشد}]

خل يسمونه اي شي بس يتفقون بالاول


تسلم اخوي


الله يسلمج يالغاليه

[{راشد}]

دينار !!!!!!!!!!!!!! حلو

شاكر مرورك

[وطن]

على اختلاف المسميااات "اللي ماعجبني ولا واحد منهم" هاهاهاهاها

عندي سؤال وجيه

هالعملة بتكوون مساوية لأي عملة
خبركم الدينار سعره غير عن الريال وعن الدرهم
حتى الريالات بينها وبين بعض في اختلافات !!!!

يعني كم قيمتها هالعملة !!!

[بن علان]

على اختلاف المسميااات "اللي ماعجبني ولا واحد منهم" هاهاهاهاها
عندي سؤال وجيه
هالعملة بتكوون مساوية لأي عملة
خبركم الدينار سعره غير عن الريال وعن الدرهم
حتى الريالات بينها وبين بعض في اختلافات !!!!
يعني كم قيمتها هالعملة !!!

سؤال ولا أحلى .. تفكير منطقي .. غاب عن الجميع

يعجبني التفكير الإيجابي :app:

[D o h a]

شكرا على الموضوع ومن صوبي أقول

ريان - خليجي - دينار

هذول أقرب لنا من كل شي بس انا أرشح يا ( ريان او خليجي)

والله يكتب الخير للجميع ويكون شي مبارك

[الربحان]

خليجي هو الانسب ويرضي الجميع

[قطري كشخه]

نعم ستوحد العمله بس سنه 2050

هههههه بالنهايه احنا اسمنا عرب مانتفق على شي اله بشق الانفس

وماعتقد انه كويت راح ترضى انه توحد بالساهل جي لانه عملتها جدا قويه وهاي الشي راح يأثر في اقتصاد الدوله مثل مايحدث في الاتحاد الاروبي الكل وحد العمله اله لندن ابت ان توحد والسبب قوه العمله ومدى تأثيرها على قتصاد الدوله ..

وكل دوله تستخدم عملتين مثلا جنيف تستخدم الفرنك السويسري واليورو وكذالك ...

هالشي الى تتكلمون عنه صعب ويبله دراسه طويله

يسلمو ع الموضوع

[راعي النيسان]

غريبة ليش مافكروا بالروبية

الاسم الوحيد للعلمة اللي دار على دول الخليج ايام الغوص هذه الاسم اعتقد راح يعجب الكل لانه واقع من تراثنا واغلبيتنا عاشرنا هذه العملة ما تعتقدون بانهم ممكن يرشحون هذا الاسم بدل الاسامي الغريبة اللي قريتها واللي سمعت فيها اول مرة (ريان ، وقنظار وغازي)

[ابن الوطن]

دانه انا اقول احلا

[relaax]

صار لنا سنين نسمع عن توحيد العمله وبسبب الخلفات بين الدول6 ما توحدت :deal:

والحين على الاسم .. omen

[D o h a]

على اختلاف المسميااات "اللي ماعجبني ولا واحد منهم" هاهاهاهاها

عندي سؤال وجيه

هالعملة بتكوون مساوية لأي عملة
خبركم الدينار سعره غير عن الريال وعن الدرهم
حتى الريالات بينها وبين بعض في اختلافات !!!!

يعني كم قيمتها هالعملة !!!
أممممممم كلام حلو بس انا سمعت هذي العملة على اساس انهم بيدرجونها في بوصة الأموال العالمية مع الدولار واليورو والين وغيرها من العملات العالمية ويمكن ايا كان اسمها 1 ريال 1 دينار 1 درهم 1 ريان 1 خليجي = 1 بيبسي :)