المساعد الشخصي الرقمي

مشاهدة النسخة كاملة : نـ ــزع الملكــــيه


قـطـريـه
25-02-2005, 12:27 PM
نزع الملكيه الطوفان الجديد
الي يخاف منه ملاك العقارات في قطر


اتمنى ادخل عقل واحد منهم واعرف على اي اساس هم
يقيمون الملكيه الي يقررون نزعها؟
الكثيرين تظرروا من القرار

عقارات قدرت بعشرات الملايين
اخذت بمليونييين ومليون ووايد عليكم؟

صاحب الملكيه لاحول ولا قوه له واذا تظلم عطوه كم 100 الف وقالو له مع السلامه,,,,,,,,,

المواطن القطري في حيره
كيف يواجه هذا الطوفان
الي مخطط لمساحه كبيره من مدينه الدوحه لتصبح ملكيه خاصه لدوله,,,,,,,,,
qatar_moon
25-02-2005, 12:31 PM
يا صارت وايد

بس شنسوي اختي الشكوى لله
ومن الغباء ماقتل
25-02-2005, 01:42 PM
صار لنا هالموضوع .. وعوضونا بأرض قيمت فوتها 150 ريال ب 70 ريال للفوت .. يعني نص القيمة .. ولا حول ولا قوة الا بالله!!
المخلب
25-02-2005, 03:06 PM
صلي على النبي ( اللهم صلي على محمد وال محمد ) واذكري الله
نوكيا
25-02-2005, 08:53 PM
كلامك صحيح قطرية
نفس الشي صارت حق ملاك بيوت منطقة وادي السيل اللي في الكرنيش
اهل المنطقه كانوا صابرين عليها مابالغ إذا قلت عشرات السنين وكانو ينتظرون القص والتثمين $$$
لكن صار اللي صار
أخرتها ثمنوا المنطقه على سعر 120 للفوت
مع أنها تعتبر اراضي ابراج على الكورنيش
Le7dan-Qatar
26-02-2005, 10:35 AM
شدعوة اخوي نوكيا 120

انا سمعت 150

بل صج مب شي
الفوت في غزه العتيجه200 ريال


ووادي السيل 150

ياعيني على العدل

مانقول غير لاحول ولا قوة الا بالله واصحاب البيوت الي في وادي السيل اغلبهم شيبان وعيايز

شبيسووون في ظل ارتفاع العقارات
قـطـريـه
26-02-2005, 01:03 PM
قطر مون

صارت لناس كثير وبتصير بعد,,,,,,,,,,,


ومن الغباء ماقتل
نصف القيمه واقل بعد ولاحول ولا قوه الا بالله


المخلب
اللهم صلي وسلم عليه,,,,,,,,,,,,
قـطـريـه
26-02-2005, 01:08 PM
نوكيا

كلامك صحيح مناطق من اغل المناطق في قطر
ثمنت باقل من اسعارها بقليل
عمارات كانت تساوي عشرات ملايين
ثمنت بكم مليون
بعضهم مايملكون الا ها العقار ومتعمدين عليه بعد الله سبحانه وتعالى
ظلم لازم يشفون له حل يرضيالجميع
الدوله غنيه ,,,,,,,,,,,
الشقيان
26-02-2005, 02:53 PM
لا حول ولا قوة الا بالله!!
عبدالرحمن
06-03-2005, 03:43 PM
بيتنا في وادي السيل توهم معوضينا 200 ريال عن الفوت شلون تقولون 150 ريال !!!
A S O
06-03-2005, 04:21 PM
يا ترى الكل سواسية في التثمين والا التثمين لناس و ناس مثال البدع ثمنوها كلها وقصوها الا بعض العمارات وفندق موقعه غلط
هل التثمين للكل من البلدية متساوي والا البعض يكون اعلى درجة وياخذ اكثر مثل الحال لسوق الجيدة و السوق اللي الان يهدمونه على الشارع اللي كان فيه الفردان القديم والخليج للصرافة
هل التثمين يصرف من البلدية فقط او يصرف من اماكن اخرى غير البلدية و هل ممكن الواحد يروح يشتكي لغير البلدية على البلدية ووين

تراها مجرد تساؤلات للنفس ساعات تضايق الواحد وتذبحه قهر اذا فكر فيها

:mad: :mad:
سهم الدوحة
06-03-2005, 05:27 PM
والله يا شباب أحنا مستغربيين من هذا اتخطيط في وزاره البلديه ...


جالسه تاخذ اراضي المواطنين بالقوه !!


وصار لها 5 سنوات لم توزع أراضي على المواطنين ..!!


وتبغي من المواطن يشترى أرض بقيمة (500.000 ريال ) سكنيه حتى يعوضونه


ب 180.000 ريال لتدخل على الدوله ..!!!


هذه التخطيط يسبب أزمه سكنيه حاده للمواطنين والمقيمين ..!!


وغلاء الايجارات والاراضي أيضا ..!!



(((( ... وسبحانك بحمدك نتوب إليك .... ))))
LiquidMoney
06-03-2005, 08:45 PM
أأأأأأأأأأأأأأأخخخخخخخخ ... هالموضوع ذابحني بيجيب لي السكته !!
اموووت و افهم سياستهم هاذي ؟؟؟
انزين بتاخذون و تبون تطردونا بى الدوحه و اتسون الدوحه مدينه تجاريه ... معليه ... على هواكم
يبه ... لكن على الأقل التعويض يكون محترم ...
يعني الواحد عايش في المنطقه طول حياته ... متعود على منطقته .. و على جيرانه ...
بس جذي ايجون و يجلعونه !!!!
ليش و على اي اساااس!

A S O لا تقهر عمرك خوي ... بس يأسفني اقولك انه تساؤلالاتك فيها اسااس من الصحه ...
في كل شئ درجات و واسطااات ... في هالبلد ... و الدلييل انهم بيسون الجوازات درجات بعد الحين ...

على فكره ... في هامور من الهوامير في البلد ( الله يستر عليه ويزيد..مانبي حسد) ... لو يعد فلوسه يمكن يصيده صرع ( ههههههه) ... المهم ... بسبب واسطاته و معارفه في البلديه ... كانوا يقولون له اول بأول ... المناطق اللي بتييها القص ... كان يورح ويشتري فيها بيت ... وطبعا يعوضونه تعويض محترم .. لأنه هامور.. و يخافون من السانه ... :rolleyes:

وبـــــــــــــــــــــــــــس ...