المساعد الشخصي الرقمي

مشاهدة النسخة كاملة : ماذا تتوقع ان يحصل لاسعار العقارات مستقبلا؟؟ ارجو المشاركة بالرأي



ومن الغباء ماقتل
25-02-2005, 01:37 PM
السلام عليكم ورحمة الله

ماذا تتوقع لاسعار الاراضي والعقارات في السنوات القادمة؟؟

هل سترتفع الاسعار اكثر من الاسعار الحالية؟ هل سوف تقل؟ هل ستثبت على ماهي عليه الآن؟؟

ارجو المشاركة :)

بوحظين
25-02-2005, 04:23 PM
العقارات طالعة ... بس لين متى ؟؟؟؟
اقول 2006

x5x5
25-02-2005, 04:36 PM
2006 كلام قديم الدوله عندها مشاريع ولا 2010 تخلص يعني خلاصه الكلام كل شي طاير

sulai6i
25-02-2005, 06:13 PM
السلام عليكم ..

ما اتوقع ان الأراضي بتزيد .. إلا بعض المناطق المحدودة ..
اما بخصوص الأراضي السكنية .. وخصوصا خارج الدوحة او على مشارفها ... بتحافظ على اسعارها
او يمكن تنزل اسعار بعض المناطق ..

ومن الغباء ماقتل
25-02-2005, 07:51 PM
شاكر لكم التفاعل :) .. بس ياريت تذكرون الاسباب

سوبر سهم
26-02-2005, 08:50 PM
بترتفع اسعار المناطق خارج الدوحة

لان الدوحة مثل مانتوا عارفين مشاريع الدولة بها وبيعيدون هيكلتها كامله

فالمناطق السكنية بتحول خارج الدوحة

وبتزيد الاسعار اكثر واكثر

:)


الله ايعينا على الغلا

قطري
27-02-2005, 12:09 AM
انا اتوقع نفس الاخوان
x5x5 و سوبر سهم

بنت قطر
27-02-2005, 07:40 AM
وين تعتقدون بترتفع اكثر؟

وين الواحد ممكن يشتري ارض وبتكون له في المستقبل القريب استثمار جيد له

qatar_moon
27-02-2005, 08:40 AM
انا مع كلام الاخ سوبر سهم

بس بعد الواحد مايدري شنو يصير لان الامور احيانا تمشي بعكس توقعات الكل

Bluetooth
05-03-2005, 10:57 PM
احدى الشركات المختصه في البحث عن النفط
تتوقع بنسبه كبيره وجود النفط ..تحت مناطق سكنيه
قريبه من دخان....وللعلم شركات اخرى بحثت قديما ولم تجد شيء

المستشار
06-03-2005, 08:24 AM
توقع زيادة اسعار الاراض أو الابقاء على الاسعار الحالية لاسباب التالية :
1- اقتراب اسياد 2006
2- مشاريع الدولة الصناعية ودخول العمالة الاجنبية .
3- التغيرات التي تحدث في المناطق السكنية القديمة وزيادة المساحات المخصصة لبناء العمارات وبناء المناطق السكنية الجديدة على حدود الدوحة وحدود منطقة الريان وفي المناطق الخارجية .
4- التوجه السياحي للدولة .
5- زيادة سيولة الاموال بين الافراد .
7- ما زال سعر الاراضي في البلاد منخفض بالنسبة للمستثمرين الخليجيين اذا ما قارنا اسعار الاراضي في الكويت أو البحرين أو الامارات وبعض مناطق السعودية .
8- استقرار الاستثمار في العقار عن اي استثمار اخر .
9- استقرار البلاد ولله الحمد عن البلاد المجاورة .
وهذه الاسباب كما ذكرت مشجعة على زيادة اسعار الاراضي .. إلا أذا ....... اضربت امريكا أو اسرائيل ايران ... صج راحت عليكم وبنغني " ظلموه " وبنقول راحت فلوسك يا صابر ...

LiquidMoney
06-03-2005, 09:03 PM
في ظني و اعتقادي ...

انه بعد 2006 .. الأراضي ... سعرها بثبت لفتره طويله ...
بعدين مستقبلا بتبتدي ترتفع ارتفاع تدريجي متزن ...
الاجارات يمكن تنزل ... هذي احتمال وارد ... لكن كون سعر الأراضي ينزل .. هذي شئ مستحيل ...
الا اذا صار عندنا Inflation لا سمح الله ... و اا نا اعتقد انه احنا وايد بعيديين عنه حاليا ...


و بـــــــــــــــــــــــس :cool:

A S O
06-03-2005, 11:56 PM
انا اعتقد بتنزل قي حالتين
1- في حال دخول اراضي جديدة في التخطيط
2- في حال قلة الاقبال على التأجير ووجود فائض في السكن


وبتطير وهذا اللي خايفين منه اذا استمر الحال بما نحن عليه الان


وانا ما اعتقد انها بتم على ماهي عليه الان وغدا لناظره قريب

roadrunner
07-03-2005, 12:36 AM
ليش ما تكون الحالة الي احنا فيها من غلاء اسعار الأراضي هي نفس الطفرة الي صارت بالسبعينات .. يوم الأسعار شبت نار وولعت من قلب ... وكلها فترة ودبغت مرة ثانية