سؤال الاسبوع : (( ما رأيك في الزواج من مطلقه ؟؟ !! )) ..

[المخلب]

السلام عليكم

الزواج احد النعم التي أنعم الله بها على الانسان ..

والاسلام تكفل للرجال بحق الزواج بأربع نساء ! ..

طبعا حسب القدره والاستطاعه ..

والمجتمعات الاسلاميه تختلف بطبيعه العادات والتقاليد لدى كل دوله ..

ولكن دعنا نتحدث عن المجتمع العربي ! وبالاخص الخليجي !! ( وعلشان اكون دقيق القطري ! ) ..

لو كنت شابا ! مقتدرا ! متمكنا ! واردت الزواج ..

وأعجبت بفتاه ! .. ولكن كانت هذه الفتاه مطلقه ! ..

والمطلقه هي (( الانثى التي تزوجت من قبل بشخص وحدث بينهم خلاف ما ! او لسبب ما انفصلى عن بعضهما البعض ! )) ..

هنا السؤال :

1- ان كنت أعزب (( اي لم يسبق لك الزواج من قبل ! )) فهل تقبل بالزواج من مطلقه !؟؟


2- أن كنت متزوج (( اي لديك زوجه وربما عيال !! )) فهل تقبل الزواج بأخرى ولكن مطلقه ! ؟؟

وسؤال للأمهات ! والمتزوجات ! : هل تساندين زوجك ! او ابنك ! للزواج من المطلقات ؟؟ ولماذا ؟

ننتظر الاجابه ..

[Chambray]

ماشاء الله عليك ،، موضوع رائع جداً ،، وقوي

نعم أقبل بالزواج من المطلقة ، بشرط أن تكون على خلق ودين .. وتكون أصغر مني سناً ..

[السهم الذهبي 2007]

شناوي لك خاطر على الثانيه والثالثه والرابعه و انا ما عندي مانع ولو كانت مطلقه
يسلموووووووووووووووووووووووووووووووووووووووو

[مغروور قطر]

موضوع رائع بالفعل مافيه مانع اذا كانت ذو خلق والدين وجمال

[عسل]

ما عندي مانع حتى لو تكون اكبر مني ;)

[المخلب]

الدبلوماسي , السهم الذهبي , مغرور قطر , عسل

الف مليون شكر لكم ..

وننتظر المزيد ..

[المخلب]

هل من مزيد :) ..

[شمعة الحب]

يتوقف..ذلك على امور كثيره....المطلقه...عندها اولاد..تقوم بتربيتهم من رجل آخر...الرجل ...هل هو متزوج ...هل لديه اعذار شرعيه تؤهله بان يتزوج...على ضوءها...بعدين ايش المانع ان الرجل...لايتزوج مطلقه....وايد الصراحة انظلمت المطلقه...في مجتمعاتنا الخليجيه والعربية....لكل مطلقه ظروفها...اضفربذات الدين تربت بداك ...والحين بهذا الوقت تغيرت النظرة التي سجنت المطلقه في قفص الطلاق الابدي بلى تهمة......يعطيك العافيه اخوي المخلب...موضوع شيق ....تسلم:nice:

[المخلب]

اشكرك شمعه جزيل الشكر .. واحييكي على المرور .. تحياتي لك

[بوخالد2]

والله ياخوك زادوا المطلقات في كل مكاان واكثرهم في القهاوى والمطاعم ماعندهم شغل الا السهر الصراحه يخوف الزواج منهم 000 وعلى الى نسمعه عنهم ؟؟

الا اذا كانت قريبه مني من جماعتي واعرفها زين بتزوجهااا

ويعطيك العافيه على الموضوع الجميل

[الغزالة]

على حسب والله

[rashid-1]

عادي بالنسبه لي شرط ان مايكون عندها أطفال والمطلقة ممكن تكووون أفضل وبمليون مره من وحده عذراء

[قطري مغامر]

مشكور اخوي على الموضوع الجميل ....................

بالنسبة للمطلقة هي انسانه حكمت عليها الظروف للطلاق سوء كانت هي السبب او الطرف الاخر اللي هو الرجل ومن حقها الزواج مره اخرى لاكن هنا يرجع للرجل هل يقبل بالمطلقة هنا مربط الفرس لاكن في حال المطلقة صغيره بالسن او لم تنجب أطفال هنا تكون في العين الرجل قريبه في حال ارد الزواج بالثانية او الثالثه او الرابعه

بالنسبة لي أنا واحـــــــــــــــــــــــدة كفاااااااااااااااااااية لاكن اذا البووووورصة ولعت والمصرف رجع لـــــــــ400 ما عندي أي مانع مطلقة عجوز

[الرميحي]

حبيب قلبي المخلب ...

مشكور على الموضوع المميز ....

مالك بالطويلة ...

عن نفسي ...عند الزواج لاول مرة ما أحبذ آخذ وحدة مطلقة وذلك أسوة بحديث الرسول عليه الصلاة والسلام : (هلا بكراً تداعبها وتداعبك أو تلاعبها وتلاعبك) ...مع احترامي الشديد للمطلقات ..لانني اعرف بان هناك الكثير منهن مظلمومات ومحترمات وخلوقات ...

[سيف قطر]

حبيب قلبي المخلب ...

مشكور على الموضوع المميز ....

مالك بالطويلة ...

عن نفسي ...عند الزواج لاول مرة ما أحبذ آخذ وحدة مطلقة وذلك أسوة بحديث الرسول عليه الصلاة والسلام : (هلا بكراً تداعبها وتداعبك أو تلاعبها وتلاعبك) ...مع احترامي الشديد للمطلقات ..لانني اعرف بان هناك الكثير منهن مظلمومات ومحترمات وخلوقات ...

كلام سليم -- وانا اويد هذا الراى -- وشكرا اخوي المخلب على الطرح

[ابوالجازي]

الله يعطيك الف عافيه اخوي المخلب

ماعتقد ان في مشكله بس لازم بالاول اعرف سبب الطلاق وشكل ما قالو اللى قبلي تكون ذات دين وخلق وماعتقد العمر يهم بس طبعا والافضل مايكون عندها عيال

[المخلب]

والله ياخوك زادوا المطلقات في كل مكاان واكثرهم في القهاوى والمطاعم ماعندهم شغل الا السهر الصراحه يخوف الزواج منهم 000 وعلى الى نسمعه عنهم ؟؟

الا اذا كانت قريبه مني من جماعتي واعرفها زين بتزوجهااا

ويعطيك العافيه على الموضوع الجميل


اي والله زادوا ! .. المشكله البعض منهن عباله موضه ! اتزوج اليوم !! ولين صار طرار اطلب الطلاق وروح لغيره ! ..

لكن والله في كثار مظلومات ! .. وخاطرهن حد يستر عليهن ..

ومثل ماقلت القريبه اولى :strong ..

احييك على الكتابه .. (( ان شاء الله ام العيال مو جنبك :D يمكن تزعل :court: )) ..

[المخلب]

على حسب والله


شلون على حسب ؟؟يعني موافقه أن ولدج وله زوجك ياخذ مطلقه :nice: أحييج على الرد الي يفرح ! وأثبتي أنج المرأه المثاليه :app: ..

الله يوفقك omen

[المخلب]

عادي بالنسبه لي شرط ان مايكون عندها أطفال والمطلقة ممكن تكووون أفضل وبمليون مره من وحده عذراء


كلام سليم ..

زين شتسوي لو كان عندها ولد وله بنت ؟؟ :confused:

[المخلب]

مشكور اخوي على الموضوع الجميل ....................

بالنسبة للمطلقة هي انسانه حكمت عليها الظروف للطلاق سوء كانت هي السبب او الطرف الاخر اللي هو الرجل ومن حقها الزواج مره اخرى لاكن هنا يرجع للرجل هل يقبل بالمطلقة هنا مربط الفرس لاكن في حال المطلقة صغيره بالسن او لم تنجب أطفال هنا تكون في العين الرجل قريبه في حال ارد الزواج بالثانية او الثالثه او الرابعه

بالنسبة لي أنا واحـــــــــــــــــــــــدة كفاااااااااااااااااااية لاكن اذا البووووورصة ولعت والمصرف رجع لـــــــــ400 ما عندي أي مانع مطلقة عجوز


كلامك حلو .. خخخخخ بس شكلك مو موافق على الزواج من مطلقه :eek2: ..

ههههه الا لو ولعت البورصه فوق ! .. omen ..

ان شاء الله خير .. :funny:

[Qa6ar]

والله موضوع حلو... وبصراحه قمه بالجرأه... وبالاخص عقب ماكثرت المطلقات بالمجتمع

ومافيها اي شيء... ويمكنها تطلقت والعيب مب منها بل من الزوج

والبنت اذا فيها دين صدقني انه شرف الواحد يتزوجها:)

والله يوفق الجميع

[المخلب]

حبيب قلبي المخلب ...

مشكور على الموضوع المميز ....

مالك بالطويلة ...

عن نفسي ...عند الزواج لاول مرة ما أحبذ آخذ وحدة مطلقة وذلك أسوة بحديث الرسول عليه الصلاة والسلام : (هلا بكراً تداعبها وتداعبك أو تلاعبها وتلاعبك) ...مع احترامي الشديد للمطلقات ..لانني اعرف بان هناك الكثير منهن مظلمومات ومحترمات وخلوقات ...

خلاص ولا يهمك أهم شئ النيه .. والثانيه الله يرزقك مطلقه omen ..

وعزيز وغالي يارميحي ;)

[المخلب]

كلام سليم -- وانا اويد هذا الراى -- وشكرا اخوي المخلب على الطرح


العفو .. والله يرزقك ان شاء الله ..

[المخلب]

الله يعطيك الف عافيه اخوي المخلب

ماعتقد ان في مشكله بس لازم بالاول اعرف سبب الطلاق وشكل ما قالو اللى قبلي تكون ذات دين وخلق وماعتقد العمر يهم بس طبعا والافضل مايكون عندها عيال


سبب الطلاق شئ مهم اكيد .. :deal:

بو الجازي جذي بتزعل أم الجازي عاد !! :looking: الحين تقرى الكلام تحاربك :funny: ..

بس دام النيه موجوده الله يوفقك omen :app:

[المخلب]

والله موضوع حلو... وبصراحه قمه بالجرأه... وبالاخص عقب ماكثرت المطلقات بالمجتمع

ومافيها اي شيء... ويمكنها تطلقت والعيب مب منها بل من الزوج

والبنت اذا فيها دين صدقني انه شرف الواحد يتزوجها:)

والله يوفق الجميع


حبيبي يا قطر .. اي والله كثروا ! المشكله مثل ماذكرت للاخوان .. ان بعضهم خذوها موضه !! ..

أما الشريفات والعفيفات ذوله أن خذتهم تحمد ربك على النعمه ..

لأنها كانت عند واحد وماكان يقدر يحافظ عليها ..

تحياتي لك قطر والله يرزقك :strong

[الرميحي]

خلاص ولا يهمك أهم شئ النيه .. والثانيه الله يرزقك مطلقه omen ..

وعزيز وغالي يارميحي ;)

:eek2: :eek2: :eek2:

[المخلب]

:eek2: :eek2: :eek2:


omen omen omen omen

:deal: :deal:

:eek2:

:D :D :D :D :D

الله يوفقك :strong

[khaldoon]

جزاك الله كل خير على هذا الطرح الرائع


مبدع في اختياراتك للمواضيع

[الراقية]

يعطيك العافية على هالموضوع الحلو واللي يهم حاليا شريحة كبيرة من المجتمع القطري خاصةomen
ولكن قد تكون المطلقة اختك:p او قريبتك او اي كان
وقد تكون ظلمت من قبل المجتمع والزوج :mad:
ولكن بحكم اني انثى وانظر :eek2: للمطلقة بعين الاناث فاعتقد ان مافي اي مشكلة بالارتباط من المطلقة اذا كانت على خلق ودين


بعدين اخوي اللي يقول كلهم قاعدين في المقاهي والكافيهات شكلك مسوي دراسة :funny: حالة لكل وحدة تدخل الكافية يعطيك العافية

[اّل ثاني 77]

والله إذا عجبتني ايش المشكلة حتى لوعندها عيال..............

[يابعدهم كلهم]

السلام عليكم

هنا السؤال :

1- ان كنت أعزب (( اي لم يسبق لك الزواج من قبل ! )) فهل تقبل بالزواج من مطلقه !؟؟


ننتظر الاجابه ..



:eek2: :eek2: :eek2:


لا :looking:

بس اذا كنت متزوج هذا شيء ثااني :D وقتها الظروف تتغير :D



تسلم يالمخلب :app:

[قطري مغامر]

لا مانع لدي من الزواج من مطلقه .. بشرط معرفة حقيقة طلاقها !!! بدون لف ودوران!

بس أفضل العذراء بنت البيت اللي تكون قراطيسها جديده ..

خذوا هذا المثال :
السياره الجديده : ريحة الجلد فايحه وش زينها مكينه قير دفرنش كلوا تمام التمام يعني دق سلف ومغط عليها بدون خوف من كفرات السياره ..
السياره المستعمله: ريحة السياره ماسكه على ريحة الشخص اللي قبلي.. مكينه ممكن مخبطه .. زيوووت السياره مسويتلي بقع في كل موقف .. انواع الصبغات بالسياره بس ممكن تكون السمكره تمام ..

اقول البنت أفضل بدون هم ووجع راس بنت على يدي افضل من 10 مطلقات على الشجره ..



هههههههههههههه اخوي انت داش موضوع ولا داش الصناعية شارع (10) :dance :dance :dance :dance :dance :dance :dance

[كحيلان]

لا مانع لدي من الزواج من مطلقه .. بشرط معرفة حقيقة طلاقها !!! بدون لف ودوران!

بس أفضل العذراء بنت البيت اللي تكون قراطيسها جديده ..

خذوا هذا المثال :
السياره الجديده : ريحة الجلد فايحه وش زينها مكينه قير دفرنش كلوا تمام التمام يعني دق سلف ومغط عليها بدون خوف من كفرات السياره ..
السياره المستعمله: ريحة السياره ماسكه على ريحة الشخص اللي قبلي.. مكينه ممكن مخبطه .. زيوووت السياره مسويتلي تحتها بقع في كل مكان و موقف .. صدمات بالسياره وش كثرها بس ممكن الصبغه تمام تمشي الحال ..

اقول البنت أفضل بدون هم ووجع راس .. بنت على يدي افضل من 10 مطلقات ..
أحترامي للمطلقات ..

[كحيلان]

هههههههههههههه اخوي انت داش موضوع ولا داش الصناعية شارع (10) :dance :dance :dance :dance :dance :dance :dance

انت سويتلي اقتباس من ردي الأول وعندي اخطأ املائيه وش كثر .. لاني كنت مستعجل بالكتابه ..
لو سمحت ممكن تحذف ردك اللي فيه اقتباس من ردي وتقتبس براحتك الرد الأخير ..

[قطري مغامر]

انت سويتلي اقتباس من ردي الأول وعندي اخطأ املائيه وش كثر .. لاني كنت مستعجل بالكتابه ..
لو سمحت ممكن تحذف ردك اللي فيه اقتباس من ردي وتقتبس براحتك الرد الأخير ..


اللي فات فات حنا عيال اليوم :dance :dance :dance