ياجماعه ( المجموعه ) باعت اسهمي من غير امر بيع !!

[سهوم المنايا]

توني بااااااايع اسهم في الكهرباء على سعر80.7بس ماوصلتني رساله اني امرت بالبيع ولارساله البيع


وكلمتهم وقااالوا خلاص تنفذ البيع لك ولذحين وانا اكتب الموضوع ماوصلتني الرسالة

[سهم123]

تقدر تقدم شكوى ضدهم في شركة الكهرباء نفسها و أدارة سوق الدوحة للأوراق المالية
أو البنك المركز و هم بيشوفون ملابسات هذا التصرف .
والله يعوض خير

[BO KHLIFA]

اللي فهمته من كلامك انك عطتهم امر بيع بس ماوصلتك الرسالة ..
صح؟

[بـوصـالـح]

عجل اشترها الحين (( انت الربحان ))

77 اليوم

وبكره لمت شكلها اول السوق (( يعني ما قصروا )) :nice:

لا بس هاي اضربت معك


بس المشكله الي كان العكس :shy:

[Bo jassim]

اخوي اذكر مره جاتني نفس المشكله بس انباعت وجاتني الرساله متأخره بعد نهاية التداول
يمكن بسبب الضغط عندهم
وتقدر اتأكد وتتصل مره ثانيه بالمجموعه وتسألهم عن الموضوع قبل لا اتروح اتقدم شكوى ضدهم

[المخلب]

انا مع الشباب الموجوديين
والمجموعه اغلاطهم الصراحه كبيره بس الله يعين

[Qtri]

طيب مرعليهم واخذ كشف حساب وتاكد

[عضو قديم]

اخوي اذكر مره جاتني نفس المشكله بس انباعت وجاتني الرساله متأخره بعد نهاية التداول
بسبب الضغط عندهم

[المستثمر القطري]

:app: اقول عضو قديم

الظاهر توك ماخذ الشيك من المجموعه و مستانس بالبيزات

[عليان]

حلوه الجمله الجديده التي درسّت وعلمّت للوسطاء بالهاتف : { مشكور على الإتصال , أو شاكر لك إتصالك } ! إللي ما يقولها بعد كل إتصال يا ويله ! فنش ما في غشمره مع إدارة المجموعه! :D :eek3: :D

[qasem888]

ترقبو شهر 10

[almazam]

ايش رايك الي باعو له الساعة 6 المغرب
لا وبعد الرسالة مقيد فيها الوقت
عشنا وشفنا

[tomtom]

اذا بتقد وبتخليهم على كيفهم راح تتعب يعني عادي تسحب طلب وما يجيك مسج سحب وينفذون البيه وتاكله
وعادي تعدل سعر ويبيعون لك او العكس على السعر القديم ولا وتروح لهم هناك وصوتك مسجل ويقولك والله الكمبيوتر والا يقولون لك ما لحقنا نسحب الطلب على العموم الله يعين الجميع على مثل هل الغلطات بس الي يتصل دايم يركز معاهم ويكرر عليهم علشان ما يلبسونك الغلط وخصوصا في السحب لاتسكر من عندهم الا لين تتاكد السحب تنفذ والموظف نفسه يقولك انسحب والله يوفق الجميع