للمضارب فقط

[عقاب]

اليوم مع اني شريت في اسهم للمضاربة ولكن بعد نزول الريان عن ال20 حسيت بالخوف ولاحظت طلبات قويةعلى بنك الدوحة تنفذت على 85 بكمية فوق 50 الف سهم نفذة في لمح البصر وكان هنالك تصريف واضح. ومايصدقون الناس يحصلون طلب كبير الا ورايت الناس يبيعون كل الموجود لاحظت هذة العملية في الريان على ال20 والملاحة على 107 كذلك.توصية اشوفها تناسب التدوال في هذه الايام لاتنام وفي محفظتك سهم .ارد واقول للمضارب فقط:looking:

[راعي النيسان]

انا شفت العكس اخوي عقاب شفت الطلب على سهم مواشي وعلى سعر 12 و 12.1.. كان عليه طلب خشن ... والله يستر شريت اليوم وبنشوف بكرة اما فوق او تحت ، وكانت لعبة التصريف حسب تقديري المتواضع على سهم اسمنت الخليج لانه كان متماسك على سعر 17.2 و17.1 ولما صاده الرش نزل على سعر 16.8 فقلت اشتري بمواشي طالما مسلسل الطلب عليه وخصوصا سعره حلو وهو 12 ريال ،، وعسى الله يرزقنا على بكرة

بس اعتقد والله العالم السهم اللي راجع بقوة اهو سهم ناقلات لانه ثابت على نفس سعره صار له كذا يوم ولو استمر هشكل على الثبات ما استبعد اشوف عودة قوية لناقلات كسهم قيادي مرة ثانية

على العموم الله يرزق اللي شراء وباع اليوم .. وبالتوفيق للكل

[عقاب]

انا شفت العكس اخوي عقاب شفت الطلب على سهم مواشي وعلى سعر 12 و 12.1.. كان عليه طلب خشن ... والله يستر شريت اليوم وبنشوف بكرة اما فوق او تحت ، وكانت لعبة التصريف حسب تقديري المتواضع على سهم اسمنت الخليج لانه كان متماسك على سعر 17.2 و17.1 ولما صاده الرش نزل على سعر 16.8 فقلت اشتري بمواشي طالما مسلسل الطلب عليه وخصوصا سعره حلو وهو 12 ريال ،، وعسى الله يرزقنا على بكرة

بس اعتقد والله العالم السهم اللي راجع بقوة اهو سهم ناقلات لانه ثابت على نفس سعره صار له كذا يوم ولو استمر هشكل على الثبات ما استبعد اشوف عودة قوية لناقلات كسهم قيادي مرة ثانية

على العموم الله يرزق اللي شراء وباع اليوم .. وبالتوفيق للكل
اخوي ماعليك خوف فالمواشي التذبذب السعري مابين 12 الى 12,2 اذا كسر ال12 نزوللآ هنا يبداء الخوف 20 درهم في المواشي حلوة:dance

[نمر بن عدوان]

اسعار الاسهم مستقره من اسبوعين طلوع دراهم ونزول دراهم والمضاربه هالايام ماتأكل عيش وأذا اصدفت مره وياك وربحت تتعثر عشر مرات وتخسر ,, للمضارب ريح راسك عن المضاربه لانها بصراحه هالايام ترفع الضغط وتجيب المرض على ولاشي ,, والمستثمر خل اسهمك عندك وابتعد عن الشاشه وتفرغ لنفسك ولاهلك ابرك لك

[عقاب]

المضاربة صارت ادمان فينا تقول هيروين بعيد الشر:)

[محمد علام]

الله يسترها :nice: :nice: :nice:

[اليتيمه]

اخوووي عقاب احس انك فنان في المضاربة ؟
علمنى شوي ع المضاربة ولا تبخل على اختك اليتيمه :eek3:

[عقاب]

اختي اليتيمة اول مايرتد المؤشر يعني يتحول من احمر الى اخضر اشتري بس في البداية ولازم تكونين مراقبة المؤشر دائمآ

[أخلاق]

اسعار الاسهم مستقره من اسبوعين طلوع دراهم ونزول دراهم والمضاربه هالايام ماتأكل عيش وأذا اصدفت مره وياك وربحت تتعثر عشر مرات وتخسر ,, للمضارب ريح راسك عن المضاربه لانها بصراحه هالايام ترفع الضغط وتجيب المرض على ولاشي ,, والمستثمر خل اسهمك عندك وابتعد عن الشاشه وتفرغ لنفسك ولاهلك ابرك لك
بيض الله وجهك

[راعي النيسان]

المضاربة فن ،، بس هذا الفن مايجي إلا من بعد خسارة علشان تتعلمينها على اصول ،، وهذه ضريبة المضاربة خسارة باول المشوار وبعدها شوي شوي تزيد عندك الخبرة وتصيرين متمرسة ،،،

على العموم بحاول ابسطها لج يا اخت يتيمة ،، تشترين من القاع او عند سعر معين في بالج مثلا على سبيل المثال

سهم بروة المضاربات عليه الاسبوع اللي طاف كان متوسط السعر ما بين 28.5 لين 28.9 ففيها سالفة 0.4 دراهم ربح بس يبي لج طولة بال لانج مو كل يوم تشوفين السعر اللي يجي ببالج بالاصح المضاربة اقتناص ولازم يكووون اقتناص محترف تعرفين متى تشترين ومتى تبيعين

وهذا الاسبوع من نظرتي المتواضعه كمضارب سهم ناقلات كان اهو وحش المضاربة بالفعل
إلى جانب بروة .. لانه متوسط السعر بداية الاسبوع حق ناقلات كان ما بين 16.8 لين 17.2 فالعملية وايد سهلة والشاطر اللي يعرف يصيدها صح وهاليومين ممكن يتغير مساره ربما يمكن للنزول شوي بس انتي مشي على نفس الموال ..

ومولازم انه هذه الاسعار تتغير بنفس اليوم قد تشترين اليوم على سعر رخيص بالنسبة لتدوال اليوم بس غدا تتفاجين بانه ربما السعر ممكن ينزل عن السعر اللي شريتي به اليوم نظرا لهبوط المؤشر ..وهنيه لازم يكون لج قوة نفس باخذ قرار اما بالبيع او بالاحتفاظ ولازم تكون لج قراءة واضحة لخبايا السوق هناك من يعرض عروض وهمية وهناك من يصرف من الابواب الخلفية ،، مهمتج انتي بالضبط شلون تربحين منهم وتربحين وسط خسارة السوق او المؤشر..

ومثل ما قلت المضاربة فن ومغامرة واحلى مافيها المغامرة لانه تعطيج خبرة عملية بالسوق وانا اقولج المضاربة ربما اثرت فيني كثير بالعكس والله ربما غيرت الكثير من نفسي لانها اولا واخير تعلمج الحرص والثقة بالنفس وتعطيج وعي كامل بفنون المضاربة ومع الوقت راح تقدرين تعرفين شلون نفسية السوق اليوم وشلون راح يكون أداؤه ..

اتمنى اني قدرت اوضح لج الصورة ،،

[عقاب]

وقت الشراء للمضارب عند 6050 ليوم الخميس23/11 اللعبها صح ولكن بنصف السيولة وخل النصف الثاني احتياط يعني خل اللعب على خطوتين واتبع السوق وين مايروح ولكن لابد ان يكون نصك في السوق ونصك سيولة ولكن لاتنسى ان تتقبل الخسارة اذا نزل السوق تبيع اللي في السوق وتشتري بجزء السيولة باسعار اقل في نفس اليوم وهكذا الين الله يفرجها بكذا تقلل خسائرك وفي اول ارتداد تدخل بالسيولة كاملة

[فاهد العذبة]

الحذر يالربع في تصريف واضح

[عقاب]

الحذر يالربع في تصريف واضح
كلامك سليم الحذر مطلوب واتخاذ القرارت يحتاج الى تفكير عميق واوصيكم بعدم التسرع