اخواني وخواتي اهل الخبره ..تفضلو لوسمحتو !!

[وهم قطر]

السلام عليكم ورحمة الله وبركاته ..

طالب مشوره منكم يااعضاء المنتدى

محتار والله

على العموم ناوي اشتري في احد الشركات حاليا

المبلغ عندي 100 الف

هل يوجد احد يخبرني عن شركه جيده حاليا وسعرها جيد للشراء


لفتره بسيطه تقريبا شهر واسترجع فائدتي باذن الله


اتمنى افادتي بالشركات الي مدفوع نصف قيمتها .. ماهي ؟؟؟؟؟


دمتم بود ويعطيكم الف عافيــه يارب

[وهم قطر]

17 مشاهد للموضوع ومافي حد رد :(

[راعي النيسان]

اخوي انا اقولك ليش محد يبي ينصحك لانه ماحد يبي ياخذ ذنبك ويورطك بالبورصة هههههه :d لانه السوق حاليا يمر بحالة صعبة ومحد يقدر يعطيك نصيحة تفيدك ، وتبي نصيحتي يالغالي ابعد عن الشر وغني له ..

روح شوف لك بنك إسلامي وحط فلوسك وديعة أضمن بالف مرة يالغالي او شغلهم بيع وشراء في سيارات مستعملة على الاقل مضمون انك تدخل من كل سيارة حول 2000 ريال لو انك شاطر في البيع والشراء ،، وصدقني انا واحد ما ادش إلا للمضاربة وبس ورغم اني ساعات انلدغ شوي من السوق بس حبي للمضاربة ما يمنعني من المغامرة ، وصحيح الله يكرمني ساعات برزق حلو بس مو كل يوم بالنسبة لي يوم عيد ...

ونصيحة يالغالي انته بعدك على بر الأمان خلك بعيد ، وصدقني بتدعي لي بالخير ،، وهذا كلامي لك وعسى الله انه يعطيك على نياتك ويرزقك من خيره وفضله ، واذا حاب تستفسر اي شي احنا بالشوفه ونعين ونعاون ان شاء الله ..

[الثاقب]

ابعد اخوي عن السوق نصيحه من اخوك السوق متجه للأسفل اصبر 20يوم وشوف

الخول الان خساره

بالتوفيق

[lion66]

خلك بعيد أحسن لك ...:anger2: :anger2:

[عقاب]

بل بل بل كلكم خايفين اشتر في الدولي الاسلامي مكرراته الربحية اكثر من ممتازة.لو كنت مكانك سافعلها غدآ واخذه على 117 وبتدعيلي انشالله

[الغفير]

بصراحة انصحك تخلي ال 100 الف عندك و اذا مب قادر
خلها عندي !!
ههههههههههه:dance :dance

[وهم قطر]

يعطيكم الف عافيـه جميعا بدون استثناء على نصيحتكم الغاليه

والله يرزق الجميع يارب

وننتظر بنشوف الايام الجايه اذا تشجع نشتري ولا لا

تبون الصج قلبي قارصني بس ابي اشغل روحي شوي في هــل كم بيززززه

واللي الله يكتبه فيه خير بنشوفه