تأكدوا يا أخواني ان الأسعار سترتفع 60%من أادنى سعر وصلت اليه الشركات

[كحيلان]

40% بسبب خبر زيادة الرواتب ..

و 20 % السعر العادل لكل شركه ..

المجموع 60%

ارجعوا لموضوعي السابق : 200 - 100 - 50 - 25 - 12

[النيـــزك]

اخوي كحيلان اذا صارت الارقام نفس ماذكرت انت ذيك الساعه اكد الشي الزياده شتفرق عن الاخبار اللي قبلها مراح تفرق شي بضني

[المخلب]

والله ياكحيلان أحب أحييك الصراحه بكل معنى التحيه ! ..

يمكن انت اذا مو أكيد (( اكثر شخص حتى الان متفائل بالخير ! )) ..

والله يسمع منك ان شاء الله ..

تحياتي لك .

[Unti_Jewish]

والله انك صادق يا كحيلان
الأسعار سوف ترتفع اكثر من 60% على اقل تقدير في كل شيء ما عدى الأسهم ... فهي في هبوط مستمر

والأسعار التى اعنيها هي المواد الاستهلاكية فقط

[كحيلان]

والله انك صادق يا كحيلان
الأسعار سوف ترتفع اكثر من 60% على اقل تقدير في كل شيء ما عدى الأسهم ... فهي في هبوط مستمر

والأسعار التى اعنيها هي المواد الاستهلاكية فقط

لا أعتقد المواد الأستهلاكيه سترتفع !! لماذا؟
العقار والمواد ارتفعت منذ زمن بسبب ارتفاعات البورصه السابقه ..
والدور الان على الأسهم .. وجهة نظر .

[M O 7 A M M E D]

الله يسمع منك اخوي كحيلان .. :)

[سعد]

التفائل شي جميل

والافراط في التفاؤل عكس ذلك تماما

عساك عالقوه ياكحيلان

[كحيلان]

التفائل شي جميل

والافراط في التفاؤل عكس ذلك تماما

عساك عالقوه ياكحيلان

الله يقويك سعد .. و60 % ليس افراط بالتفائل ..

وحياك عضو جديد في منتداك .

[الزاجل]

40% بسبب خبر زيادة الرواتب ..

و 20 % السعر العادل لكل شركه ..

المجموع 60%

ارجعوا لموضوعي السابق : 200 - 100 - 50 - 25 - 12
:looking: :looking: :looking:

[PoBox]

40% بسبب خبر زيادة الرواتب ..

و 20 % السعر العادل لكل شركه ..

المجموع 60%

ارجعوا لموضوعي السابق : 200 - 100 - 50 - 25 - 12


و 15 % وانا اخوك بسبب ثقب الاوزون يقولون ضوقوه شوي
وهذا راح ياثر على الاندفاع في القوة الشرائية للطبقة العاملة
فراح ياكلون زيادة
ثم يتخنون زيادة فمالهم حيل روحة الشغل
فيفتحون النت موقع دلالة ويتداولون وهم على السرير بسبب التخمة ويزيد التداول
وترتفع الاسهم
ويصير الارتفاع مع الاوزون 75 %:nice:

[كحيلان]

و 15 % وانا اخوك بسبب ثقب الاوزون يقولون ضوقوه شوي
وهذا راح ياثر على الاندفاع في القوة الشرائية للطبقة العاملة
فراح ياكلون زيادة
ثم يتخنون زيادة فمالهم حيل روحة الشغل
فيفتحون النت موقع دلالة ويتداولون وهم على السرير بسبب التخمة ويزيد التداول
وترتفع الاسهم
ويصير الارتفاع مع الاوزون 75 %:nice:

عادي .

التريقه ماشيه في عروقكم !! وتعودنا عليها يعني صار عندنا مناعه ضد التريقه .

[PoBox]

اشفيك زعلت ياكحيلان
تستهزا بتاثير ثقب الاوزون ؟؟

هذا يدمر غابات ومدن ما تبيه يأثر على البورصة !!!!

[al5of]

كحيلان هل معنى كلامك انها فرصه للتعديل

بالعربي هل الناس راح تعوض خسايرها ولو 40% من راس المال ؟؟؟

[كحيلان]

اشفيك زعلت ياكحيلان
تستهزا بتاثير ثقب الاوزون ؟؟

هذا يدمر غابات ومدن ما تبيه يأثر على البورصة !!!!

خل نفسك مكاني يامؤسس !

انا مو زعلان ... انا زعلان لان الرد جاء من قدوه في المنتدى !!
الأعضاء الجدد والضيوف سيتبعون طريقتك !! فماذا ستقول لهم عندما يتحولون كلهم كتحولك ؟!

[كحيلان]

كحيلان هل معنى كلامك انها فرصه للتعديل

بالعربي هل الناس راح تعوض خسايرها ولو 40% من راس المال ؟؟؟

اثاريك الى الان ماعدلت؟ !!! وش جالس اتسوي ؟

[الغفير]

نتمنى ذالك يا كحيلان

و يعطيك العافية

[يابعدهم كلهم]

كحيلان تنصحني بكررره اددددخل ,, !!!!



لاتقوووول فاات الفووت ترى الاسعاار اذا على كلامك ارتفااع 60% للحين بدددري عليها !!



omen omen وسلامتك

[كحيلان]

كحيلان تنصحني بكررره اددددخل ,, !!!!



لاتقوووول فاات الفووت ترى الاسعاار اذا على كلامك ارتفااع 60% للحين بدددري عليها !!



omen omen وسلامتك

لو كنت جاد مثل غيرك كان ارسلت رساله خاصه !! لانك تمون ومن القدامى في المنتدى!

[خبير البورصه]

كحيلان

اوفقك الرأي والارتفاع متوقع في اي لحظه وان اعتقد انه بات قريب جداً وعلشان هذا انا اليوم ماخليت ولاريال الا وشريت فيه والتوفيق من الله

تحياتي لجهودك الرائعه وبالتوفيق

ملاحظه لو كل قطر خرجت من البورصه فأنا اخر من سوف يخرج :nice:

[يابعدهم كلهم]

لو كنت جاد مثل غيرك كان ارسلت رساله خاصه !! لانك تمون ومن القدامى في المنتدى!

مشكوووور اخوي كحيلان هذا من طيب اصلك !!!



وبااااقي كلامي في رسالة خاصة :D !!!

[الحريف]

يا اخي كحيلان ... ليس من الضرورة ان تساوي نسبة ارتفاع الاسهم نسبة ارتفاع الرواتب... لو قلت 60% وسكت كان اصوب ويمكن يكون الارتفاع اكثر او اقل...هذا الربط غير منطقي بصراحة .... وصاير موضة بالمنتدى.

[أبو رهف]

أضم صوتي لصوتك العزيز كحيلان الارتفاع قادم باذن الله خاصه ان الخبر بعد الاغلاق

[السيالى]

لو كل قطر طلعوا من السوووووووووووووووووووووووق انا ماسك نصايح اخوي كحيلان المتفائل دائماااااااااااااااااااااااااااااااااااااااااااااا ااوشكرا دائما لك يييييييييييييييييياكحيلان

[alwadi105]

اخوى كحيلان القاعدة تقول : اشترى عند قمة التشائم وبيع عند قمة التفائل .
والسوأل هنا : هل وصلنا فعلياً الى قمة التشائم ؟؟؟؟؟؟
ما نشاهدة فى سوقنا الان شئ غريب وأيادى خفية متحكمة تلعب فى مقدرات الناس
بلا رحمة ولا هوادة .والسوق حير أعتى المحللين وحطم جميع برامج التحليل ..
وانا اعلم ان كل نزول وراة ارتفاع .
ولاكن هل تضمن فى ظل هذة المؤثرات الحالية ان النزيف توقف ؟؟
وهل وصلنا فعلاً الى القاع المفقود ؟ اسألة تحتاج الى اجوبة حتى تعود الثقة ....,

[بـوصـالـح]

40% بسبب خبر زيادة الرواتب ..

و 20 % السعر العادل لكل شركه ..

المجموع 60%

ارجعوا لموضوعي السابق : 200 - 100 - 50 - 25 - 12


كحيلان (( شخبارك )) عساك طيب

ترى ارتفاع 40 % لموظفين الخدمه المدينه (( ترى الي بالجيش والشرطه والمؤسسات )) ارتفعوا من زمان

(( الحين دامهم اعلنوا عن الزيادات )) يعني الهنود مب مقصرين واصحاب المحلات :court: بيكون عندهم ارتفاع ب 50 %

الله يستر ان شاء الله (( ولكن ان احنا نرجع 60 % )) هذي ترى يبيلها فلم هندي

ولكن اذا رجعنا 5 % ممكن الواحد يرجع يعيد حساباته

ولو اني ما انكر ان احنا وصلنا الى ارقام (( ما كنا نتوقعها ابدا )) ولكن (( بعد فيها مجازفه ))

خصوصا ان في تحليل يقول (( انه احتمالية الوصول ال 5500 ليست ببعيده ))

[كحيلان]

كحيلان (( شخبارك )) عساك طيب

ترى ارتفاع 40 % لموظفين الخدمه المدينه (( ترى الي بالجيش والشرطه والمؤسسات )) ارتفعوا من زمان

(( الحين دامهم اعلنوا عن الزيادات )) يعني الهنود مب مقصرين واصحاب المحلات :court: بيكون عندهم ارتفاع ب 50 %

الله يستر ان شاء الله (( ولكن ان احنا نرجع 60 % )) هذي ترى يبيلها فلم هندي

ولكن اذا رجعنا 5 % ممكن الواحد يرجع يعيد حساباته

ولو اني ما انكر ان احنا وصلنا الى ارقام (( ما كنا نتوقعها ابدا )) ولكن (( بعد فيها مجازفه ))

خصوصا ان في تحليل يقول (( انه احتمالية الوصول ال 5500 ليست ببعيده ))

انت عاد خلك ذكي .. كم واحد يبي يعدل في سعر شرائه .. من اين ستأتي السيوله ؟
عن طريق القرووووض من البنوك والزياده الان 40% كم شخص يسمح له بسحب مبلغ يفوق 100 الف ريال ؟
100الف ريال سلفه ضرب اقل شي 30 الف مواطن .. يعني انا تركت 170الف مواطن برى
مجموع القروض 3 مليار ريال .. ترفع لك البورصه حتى 8000نقطه ..

[shadi 81]

أعتقد سبب هبوط البورصة دخول كبار المستثمرين تطوع في أسياد 2006 موب فاضيين حق البورصة
وبعد الاسياد بترتفع 60%

[بـوصـالـح]

انت عاد خلك ذكي .. كم واحد يبي يعدل في سعر شرائه .. من اين ستأتي السيوله ؟
عن طريق القرووووض من البنوك والزياده الان 40% كم شخص يسمح له بسحب مبلغ يفوق 100 الف ريال ؟
100الف ريال سلفه ضرب اقل شي 30 الف مواطن .. يعني انا تركت 170الف مواطن برى
مجموع القروض 3 مليار ريال .. ترفع لك البورصه حتى 8000نقطه ..

قول خلهم يسددون الديون الي عليهم مب يدبلون السلفيه :nice:

الحذر ثم الحذر من تكرار نفس الخطىء

[رايق]

أرحححححححححححب يا كحيلان

يمكن الأرتفاع يتأخر شوي علشان الجماعة للحين ما خلصوا تجميع في الأسهم اللي يبونها ..

بيني و بينك .. أحسن .. خل الأسهم تكون في يد ناس يقدرون قيمتها و ما يتسببون في أنهيار ثاني

[محمد بن حمد]

أرحححححححححححب يا كحيلان

يمكن الأرتفاع يتأخر شوي علشان الجماعة للحين ما خلصوا تجميع في الأسهم اللي يبونها ..

بيني و بينك .. أحسن .. خل الأسهم تكون في يد ناس يقدرون قيمتها و ما يتسببون في أنهيار ثاني

رايق اي يقدرون قيمتها هذيلن هم اللي يرضخون بك لا بغوا يبيعون وما تهمهم خساره فلوسهم وايد

ثاني شي صغار المستثمرين لا قط لك الف والفين يقطها يبغي من وراها الفايده مب مثل ذيلن :)

تحياتي



شكر خاص يا كحيلان على الروح المعنويه المرتفعه