المساعد الشخصي الرقمي

مشاهدة النسخة كاملة : هل أبيع فبل 3-4 أم بعد ذلك؟؟؟



بوحظين
25-02-2005, 05:27 PM
1- قبل دخول الاجانب

2- بعد دخول الاجانب

3- لا للبيع لا قبل ولا بعد

sulai6i
25-02-2005, 05:50 PM
السلام عليكم


هلا اخوي

ما حددت لنا نوع السهم اللي تسأل عنه

ان كنت تقصد سهم ناقلات .. فهو اصلا بينزل البورصة بعد ما يدخلون فيها الأجانب

ان كنت تقصد باقي الأسهم اللي في المحفظة ..

امممم .. انا ابيع واشتري كل وقت

يعني قبل ما يدخلون الأجانب .. وبعد ما يدخلون

تدري ؟

انا لو عندي حظين مثل حظوظك .... اوووووو جان الحين مستوي هامور
الوقت اللي بتجمد فيه فلوسك لين يدخلون فيه الأجانب .. تقدر اتدخل فيهم شوية وشويااااات

وبالتوفيق يارب

* انا ما صوّت فوق في الأستبيان لأن ما في خيار ( ابيع قبل وبعد دخول الأجانب ) *


ويا هلااااا

قطري
25-02-2005, 05:59 PM
اخوي الاجابة على هذا السؤال صعبه ممكن حد يقولك لاتبيع
او بيع قبل دخولهم او بعد دخولهم لكن لو صار العكس اعتقد انك
بتحط اللوم كله عليه.
لكن ممكن في واحد يحلل وذاك يخمن وآخر يعتقد
وانت اختار الي تشوفه يناسبك او تميل اليه
الي واضح لحد الآن ان السوق في طلوع لكن الى اين؟ الله اعلم
خل نشوف السوق اول لحد وين راح يوصل اذا كان مستوى السوق عالي جداً
في فترة ماقبل دخول الاجانب ممكن الواحد يجني ارباح ماشراه وبيكون الربح مرضي
او يبيع جزء ويحتفظ بالباقي.
اما اذا كانت الاسعار ليست بالمستوى العالي ممكن نتوقع دخول قوي للأجانب وفي هذه
الحالة لاينصح بالبيع.
انا مقياسي في الايام القادمة هو مستوى سعر صناعات قطر لو كان سعرها اعلى من 250 ريال
راح ابيع وانتظر فرصة ماقبل الاعلان عن ارباح سنة 2005 لان بيكون هناك صيف وجني ارباح....الخ
يعني ادخل على شهر نوفمبر ان شاء الله...وما يمنع في هذه الفترة من المضاربة اذ انني من النوع المضارب.
هذا تحليل شخصي يحتمل الصواب والخطأ
ارجو من الاخوان ان لا يبخلو علينا بتحليلاتهم لان موضوع مهم في رأي
شكراً لكم

قطري
25-02-2005, 06:01 PM
واحد في حالة اعتقد المقصود بشكل عام وليس سهم بعينه
هذا الي فهمته
شكراً لك

ibrahem
25-02-2005, 06:11 PM
عزيزي ليتك اضفت خيار اخر


وهو ان ابيع مع الأجانب ؟؟ كيف!

لو فرضنا اشتريت الان في الصناعات بمعدل سعر 160 ريال

من المتوقع قبل دخول الأجانب بيومين تداول او ثلاثه ان يوصل السهم 180 // 185


وعند دخول الأجانب ممكن يلامس 200 ريال


الأجنبي الي اشترى ب 200 ياترى هدفه كم متوقع ؟؟ بالتأكيد ناوي بيع بربح يعني ممكن الأجنبي المضارب يبيع ب 210 // 220 اما الأجنبي المستثمر ماراح يبيع الا بعد مايحقق ربح على الأقل من 15 الى 25% يعني اذا وصل السعر فرضا 250 وهذا نقدر نقول عليه مستثمر سريع وغيره ممكن يصبر سنه وسنتين


انا اقصد بالكلام هذا كله ان المفروض ان نشتري الان وهي تعتبر نقطة البدايه وربما يقول البعض كان الصناعات ب 60 لكن هاذي راحت فلو اشتريت الان اصبر ولا ابيع الى مع هدف الأجانب


وبكون حققت اعلى ربح ان شاء الله الكل يقدر يحقق النظريه هاذي لكن بشرط ترك الكلام الذي يدار بين الناس عن اخبار واشاعات

وعدم متابعة الشاشه بشكل يومي يعني انظر الى الشاشه فرضا مره في الاسبوع


وبهالطريقه بتكون حققت ربح عالي وبدون تعب وشد اعصاب


هذا مجرد راي مني ممكن يصيب وممكن يخطئ

تحياتي لكم جميعا

سموالأخلاق
25-02-2005, 07:36 PM
السلام عليكم ورحمة الله

ياخوووفي الاجانب اللي الكل يحسبون انهم مب شايفين خير وبيشترون بأي سعر...

يطلعون أذكى وأذكى

ويطيح السعر..... :)


الله يستر بس....
وبالتوفيق ان شاءالله

تحياتي
نـواف

اضغط للسماع أثناء القراءة
http://quran.islamway.com/lafyony/028.ram

ibrahem
26-02-2005, 12:03 AM
كلامك صحيح


لكن كيف يقدر يطيح السعر واهو ماعنده اسهم علشان يزيد العرض فيها


اهو امامه خيارين يا انه يشتري وبيرتفع السعر وعلى فترات جايه يعرض كميات علشان ينزل السعر ويجدد مراكز جديده

او انه يجلس يتفرج ولا يشتري

كيف ينزل السعر واهو ماعنده اسهم ؟؟

وبعدين لو اثنين والا 3 تفرجو ولاا اشترو في غيرهم بيشتري يعني الي ماراح يشتري من الاجانب هو الخسران


انا ماقولك انه راح تصير انهيارات بعدين بس متى بتصير بعد مايستولون الأجانب على حصتهم من الاسهم كامله


على اي اساس بينزل السعر واهو ماعنده شي يعني بيعطي السهم عين وبينزل؟؟؟



تحياتي لكم جميعا

قطري
26-02-2005, 12:08 AM
ابراهيم احنا ممكن نزيد العرض
اذا ماكان في طلب من قبل الاجانب
اكيد العرض بيزيد
احتمال وارد ولا شرايك

قطر
28-02-2005, 06:14 PM
الاختيار الثالث:)

إنتعاش
01-03-2005, 11:35 AM
والله اخوي على

حسب الكاش اللي عندك


كانه قوي ومش محتاج له

خلك على سياستك الخاصه واللي تشوفه انت صحيح

يعني مش شرط قبل او بعد

المهم تحط في بالك سعر معين وتتصرف

تبيع و تشتري وهكذا