خفايا الروووح
24-11-2006, 02:57 PM
اليوم لك ثاني مع راحة البال
وانا بعد همي له اليوم ثاني
اليوم تاركني اناظر الاطلال
صورة..رسالة .. حلم..جرح واماني
ليلي قضيته بين همٍ وغربال
وأقول في نفسي حبيبي( نساني)
غنيت انا عقبك من الضيق موال
يومك تسمّع للطرب والأغاني
لي دمعةٍ من فوق الأوجان تختال
يومك تلاعب مترفات البناني
وبي عبرةٍ منها المخاليق تهتال
ياعبرتي لاتفضحيني عشاني!!
ياعبرتي خلي لك الصدر منزال
لاهوب بك داري.. ولاهوب عاني
مشغول له في ترفةٍ حالها حال
ماهوب فاضي لعبرتي او جناني
في يوم واحد نسّته كل الامال
وش عاد لو يدري بشوقٍ غشاني؟
ماهوب مثل اول هذاك الغلا زال
عزاه كيف الود زال بثواني
عِشرة سنينٍ خمس ياكيف تنزال
وتحط في قلبك هنوفٍ مكاني؟
ما كنت أظنك تجحد الود لا طال
أثرك على طريف .. وتبيني اعاني
قد قالوا ان البعد والصد قتال
وانا اشهد انه علةٍ بالمحاني
يومي أشوفك لابسٍ بشت وعقال
والشارب الاسود وزولٍ سباني
وعروستك من الحيا ترخي الشال
وترسل لها بسمة تزيد امتهاني
دمعي بلا علمي على وجنتي سال
اشتقت لك.. ليتك تحس بحناني
ليتك تشوف الحال يا متلف الحال
بس التفت لي شوف شالله بلاني
نصيتها تضحك لها لاهيٍ سال
واقول ياليته حبيبي نصاني!!
الله يا دنيا التعاسة والاهوال
الله يستر وش يخبي زماني؟
غلطانة اللي تعشق اليوم رجال
مهما حلف بالود .. يبقى اناني
وقلب الرجل ما به من الحب مثقال
والبنت ترفة.. قلبها ما يداني
حاولت اعبّر.. والقلم في يدي مال
من هول مابي انعقد بي لساااني
للشاعره البندري
وانا بعد همي له اليوم ثاني
اليوم تاركني اناظر الاطلال
صورة..رسالة .. حلم..جرح واماني
ليلي قضيته بين همٍ وغربال
وأقول في نفسي حبيبي( نساني)
غنيت انا عقبك من الضيق موال
يومك تسمّع للطرب والأغاني
لي دمعةٍ من فوق الأوجان تختال
يومك تلاعب مترفات البناني
وبي عبرةٍ منها المخاليق تهتال
ياعبرتي لاتفضحيني عشاني!!
ياعبرتي خلي لك الصدر منزال
لاهوب بك داري.. ولاهوب عاني
مشغول له في ترفةٍ حالها حال
ماهوب فاضي لعبرتي او جناني
في يوم واحد نسّته كل الامال
وش عاد لو يدري بشوقٍ غشاني؟
ماهوب مثل اول هذاك الغلا زال
عزاه كيف الود زال بثواني
عِشرة سنينٍ خمس ياكيف تنزال
وتحط في قلبك هنوفٍ مكاني؟
ما كنت أظنك تجحد الود لا طال
أثرك على طريف .. وتبيني اعاني
قد قالوا ان البعد والصد قتال
وانا اشهد انه علةٍ بالمحاني
يومي أشوفك لابسٍ بشت وعقال
والشارب الاسود وزولٍ سباني
وعروستك من الحيا ترخي الشال
وترسل لها بسمة تزيد امتهاني
دمعي بلا علمي على وجنتي سال
اشتقت لك.. ليتك تحس بحناني
ليتك تشوف الحال يا متلف الحال
بس التفت لي شوف شالله بلاني
نصيتها تضحك لها لاهيٍ سال
واقول ياليته حبيبي نصاني!!
الله يا دنيا التعاسة والاهوال
الله يستر وش يخبي زماني؟
غلطانة اللي تعشق اليوم رجال
مهما حلف بالود .. يبقى اناني
وقلب الرجل ما به من الحب مثقال
والبنت ترفة.. قلبها ما يداني
حاولت اعبّر.. والقلم في يدي مال
من هول مابي انعقد بي لساااني
للشاعره البندري