استفسار

[سمو الاميرة]

ياجماعة ابي اعرف افضل المحافظ الاستثمارية للاسهم في قطر وتنصحوني ادخل فيها؟

[إنتعاش]

ياهلا وغلا فيج اختي الكريمه

والله حتى الآن في قطر ماعندنا ذيك المحافظ الاستثماريه بالاسهم

الكثيره والمتنوعه اللي تخلي الواحد يفكر ويقارن ما بينها البين

توجد اعتقد اذا ماخاب ظني محفظه واحده لدى شركة أموال

وهي تابعه لـ شعاع كابيتال الاماراتيه اذا كانت معلوماتي صحيحه

ولا اعلم عن مدى جدواها او نجاحها

للعلم : 1- تأخرت لدينا المحافظ الاستثماريه والكل ينتظرها خصوصا عديمي الخبره بالسوق

2- هنالك محفاظ خليجيه في الامارات والكويت والسعوديه تحقق نسب ربحيه عاليه جدا
اعتقد فيها من يحقق 70 % ومنها من يحقق اعلى واعلى إلى ان وصل في محفظه كويتيه
لا يحضرني اسمها حاليا ً حققت اكثر من 100 %

وان شاءالله نشوف محافظ استثماريه في بلادنا وتستقطب الشرائح المتنوعه من

المستثمرين صغارهم وكبارهم في نفس الوقت . .

[سمو الاميرة]

بس انا سمعت ان فيه محفظه اسمه المها في المصرف وسألت قالوا لي مافيه
يعني مافيه محافظ في قطر معقوله
وانا اسمع في المنتدى انا بسكر المحفظه مثال
يعني فيه محافظ بس مانعرفها

[إنتعاش]

لا اختي
لما تسمعين كلمة بأسكر المحفظه
او بأزيد اسهم في محفظتي
او او او او

المقصود بالمحفظه هنا انها

( اجمالي ما لديك ٍ من اسهم في البورصه بإسمك انت ِ )

مثال :

سمو الاميره تملك في البورصه

1000 مصرف اسلامي
2000 دولي اسلامي
5000 صناعات

وهكذا

هذه الممتلكات الشخصيه التي بإسمك في البورصه

تسمى محفظه استثماريه ( شخصيه طبعا )

تفرق عن اللي ذكرناهم سابقا ً


اتمنى اني وضحت الصورة اكثر

[ريال سعودي]

المحافظ الاستثمارية في البنوك السعودية تجاوزت 150% نتيجة عام كامل ( 12 شهر ) إلى الآن

وهي في سباق وشهرياً تعلن ارباحها وحالياً بالمركز الأول محفظة الرائد في بنك سامبا حققت

نسة أرباح 78% من بداية العام أي خلال ستة شهور

حالياً الشعب السعودي يآخذ قروض ويودعها في احد المحافظ الاستثماريه وبعد سنه يسدد

[بربوش]

مثال :

سمو الاميره تملك في البورصه

1000 مصرف اسلامي
2000 دولي اسلامي
5000 صناعات






اللهم امين وجميع اعضاء المنتدى يارب العالمين

ههههههههههههههههههههههههههههههههههه

:app: :app: :app: :app: :app:


بس اختي حبيت ازيد انه في ودائع استثمارية مثل المن والسلوى في البنوك الاسلامية

تعطي تقريبا نسبة 8% ارباح (على ما اتذكر)

[قناص الاسهم]

ماشاء الله عليك يا انتعاش
والله انك استاد وتبيض الوجه
فعلا جوابك شافي وكافي :app:

[شاهيناز]

اختي عملي لك محفظه خاصه فيك
وديرها باستشاره المقربين لك واهل الخبره

وتركي عنك محافظ البنوك
جربت مره اشترك في محفظه
سنه كامله وردو لي لفلوس
بدون اي زياده

والله يوفقك

[الشراكة]

هلا أختي سمو الاميرة أحسن شي سويلج محفظه خاصة فيج وأشتري مجموعة من الاسهم بحيث تكون مشكلة واختاري اسهم ذات عوائد مجزية وخليلج مبلغ احتياطي للظرورة ...