المساعد الشخصي الرقمي

مشاهدة النسخة كاملة : خسران وابي رايكم ،،،


عبدالمحسن
15-06-2005, 07:31 AM
السلام عليكم ورحمة الله ،،

انشالله يومكم اخضــر ،،



بصراحه انا انلدغت اكثر مِن مره :o

اشتريت في الاجاره ايام العز .. كان السهم 89 ، طبعا وصل ايامها 102 ومابعت ولاكنت افكر

واشتريت في المواشي بسعر 61.6 وطبعا وصل 73 ومابعت مع اني كنت افكر بالبيع :o

وطبعا للحين محتفظ بالاسهم رغم الخساره ..

واشتريت الناقلات بــ 64 و 70 في اول يوم

....

والله يعوض :o



وامس شريت الاجاره 53.7 يعني على اللمت اب
وذلك بعد تحرك السوق .. لأني سمعت نصيحه واحد يقول في المنتدى ( اشتر والسهم طالع وبيع والسهم طالع )

بس ما امداني اشتري الا ونزل السهم :con2:


الحين ابي رايكم ...

صحيح الخساره خسارة الروح ..

بس ابي ابيع بشي واشتري بشي...


ياليت تنصحوني


وتحياتي لكم
عبدالمحسن
15-06-2005, 07:42 AM
20 قروا الموضوع ولاحد رد !!؟؟
ARROW
15-06-2005, 07:46 AM
عزيزي على حسب خبرتي الكبيره جدآ في الخساره ..... اقول الله يعينك ويخاااااااااااااارجك بس الصبر ثم الصبر واطلب من الله التعويض ..... :con2:
إنتعاش
15-06-2005, 07:46 AM
هلا فيك اخوي الحبيب

صبحك الله بالخير والسرور ياغالي

بالنسبة للمضاربه اللي فهمته من كلامك انك مضارب ومش مستثمر

واهنيه لازم تعرف اخوي ان المضاربه يكون لها خطوره شوي ويقظه اكثر

فيعني لازم تحط في بالك اخوي دائما لما تشوف انت السعر اللي شريته مثلا ً

50 ريال . . تكون حاط في بالك رقم . . مثلاً . . 52.5 بابيع

هالشكل . .

ما تصبر

المضارب لازم يكون سريع في اتخاذ القرار

يكون حاط في باله . . استراتيجيه معينه

ابيع لما يحقق السعر 15 % ربح . . وابيع لما ينزل 15 % من سعر الشراء

وهالشكل

وايضا اخوي لازم تكون متابع لميزان العرض والطلب وتكون حذر فيه

وانت ملاحظ ان السوق كان طالع صحيح لكن بدا يخف في صعوده امس وقبله

فكان من المفترض انك شوي تصبر

او تاخذ في الاشياء اللي لين الحين تشوف فيها طلعه

مثلا الاجاره عليها طلب قوي كان

والسلام والمتحده ايضا

والتخصصي بعد

لكن اخوي حط في بالك نقطه

ان داء المضارب الاكبر هو : تجميد النقود عند الخساره

والله يوفقك
Alemadi
15-06-2005, 07:49 AM
الله يعوض عليك اخوي وموضوعك شوي يحير وانتضر اخواننا المحللين بوخليفه وخالد واليافعي وغيرهم من اصحاب الخبره وانشالله ماراح يقصرون وياك :nice:

نصيحه اخويه لاتسمع كلام اي واحد في المنتدى لان المنتدى مفتوح للجميع لاصحاب الخبره وللمبتدئين في مجال الاسهم وللمروجين للاشعات وغيرهم يعني خلك حذر من الكلام الي تسمعه :deal: والله يوفقك اخوي
عبدالمحسن
15-06-2005, 07:49 AM
اروى


الله يتقبل منك :)

ويخارجنا ويخارجك
عبدالمحسن
15-06-2005, 07:51 AM
انتعاش

لاهنت طال عمرك على النصيحه ..

وتاكد راح اخذ فيها

بس ياخوك لو بعت بفايده ريالين .. ويطلع 20 !!؟؟

الله يكون بعوني بعدها:)


..

بس انا ناوي ابيع اليوم بس ابيع ايش!!؟؟ مادري


لاهنت على كل حال
عبدالمحسن
15-06-2005, 07:52 AM
العمادي

يا هلا فيك

والله يعوض علينا وعليك


ونصيحتك مقبوله

وتحياتي لك
إنتعاش
15-06-2005, 07:55 AM
اخوي الغالي اسمح لي بس

شوف هالروابط بتفيدك اكثر ان شاءالله

متى تبيع ومتى تشتري؟؟؟ (http://www.qatarshares.com/vb/showthread.php?t=2560)

♥كيفيةالمضاربه في سوقنا القطري♥ (http://www.qatarshares.com/vb/showthread.php?t=2481)

فن المضاربة لتحقيق مكاسب سريعة (http://www.qatarshares.com/vb/showthread.php?t=417)

الوقت المناسب للتصريف والتجميع والبيع والشراء للأسهم ? (http://www.qatarshares.com/vb/showthread.php?t=3079)
عبدالمحسن
15-06-2005, 07:57 AM
اخوي انتعاش

شاكر لك من القلب
XP.Qatar
15-06-2005, 07:59 AM
السـلام عليـكم ...

مثل ماقال لك إنتعـاش ... أنت تشتري على أساس أنك مضارب ... والمضارب دائماً يرضى بالربح القليل لكن متكرر ... أشتر بـ 50 .. بيع بـ 53 .. رد وأشتري بـ 51 .. وبيع بـ 54 ... وعلى هالمنـوال ...

أحسـن فـكـرة ... أنك تبيـع هالفـتـرة ... وتـرد تشـري بفتـرة الركود المـتوقـعـة ... الصيـف ... ومن عقبها بيع وأشتري مع مراقبـة العرض والطلب ...

وإن شاءالله يفيدونك من هم أكثر مني خبـرة ...

والله يرزقك إن شاءالله ...

تحياتي لك
ابوعلي اليافعي
15-06-2005, 01:42 PM
اخوي عبد المحسن المشكله ان الاسهم التي اشتريت فيها مرتفعة القيمه وصعودها بطيء جدا وخاصه المواشي والناقلات..

الاجاره ربما تشهد صعود خلال هذا العام وترتفع الى مستويات تقارب السعر الذي اشتريت به حتى اخر العام..

ولكن بالنسبه للمواشي والناقلات فالامر فيه غموض..

نصيحتي لك بيع الناقلات والمواشي في اسرع وقت وبالمبلغ شراء المصرف او الدولي وخلال هاليومين ..

باعتقادي ان المصرف والدولي قد يتضاعف سعرهم حتى اخر العام وهذا مااستبعده بالنسبه للمواشي والناقلات ..

والنصيحه الاخرى الابتعاد عن المضاربه لانك جربتها ولم توفق فيها ابقى مستثمر حتى اخر العام وستجد الخير الوفير انشالله..

وحاول خلال هذه الفتره من خلال القراءه والمتابعه والاحتكاك تعلم فنون المضاربه ..

هذا مجرد رائي يحتمل الصواب ويحتمل الخطاء..


واطمئن فان كل حي على هذا الكوكب رزقه مكتوب قبل ان يخلق وما علينا الا ان نسعى....
جلاد الأسهم
15-06-2005, 01:54 PM
أنا اراى بان تكون مستثمر على المدى البعيد
إذا كنت لاتجيد المضاربة
وإذا جيت تدش في سهم أستثماري تأخذ في سهم ارباحه و مكرار أربحه جيده
والله يوفق الجميع
مضارب دبلوماسي
15-06-2005, 02:11 PM
عبدالمحسن

الله يكون في عونك
نصيحتي لك تستثمر على مدى طويل في الفتره الحاليه وما تبيع ولا سهم صدقني في بدايتك كنت

نفسك بس الصبر زين يعني تبيع شهر 3 وترد تشتري شهر 7 وبعدها تضارب بتكون عوضت خسارتك وربحت.


يعني لا تشتري ولا تبيع في الفتره الحاليه وهذي مجرد نصيحه. ;) ;)