ممكن رايكم

[الثاقب]

هل ما حدث اليوم من ارتداد هو نهاية التصحيح والا فيه بعد نزول

انخاف نشتري وينزل
انخاف ما نشتري يطلع

انا شريت شوي وخشيت الباقي

شرايكم


الله يستر من يوم الاحد

[راعي النيسان]

اذا كنت مضارب انا اقولك اشتري وبيع بنفس اليوم ولا تنتظر اي موجة ارتفاع
لانه الارتفاع بالسوق بمعدل نقطة ونقطتين والنزول بمية نقطة :deal: ..

اما اذا كنت من اصحاب الاستثمارات الطويلة الامد فانا اقولك انتظر لانه السوق فيه رشة جاية واعتقد بانه مرشح للنزول وتوه الناس ما شفت شي ،، واذا خايف بانه تفوتك الفرصة احسن حل تراقب السهم وتشوف متوسط سعره الاسبوعي وتسوي له قراءة اعلى سعر وادنى سعر ،، ومن بعدها تجمع السهم على مجموعات يعني تشتري اليوم مثلا المصرف على 100 ريال وبعدها تنتظر يومين وتشتريه مثلا على 90 ريال ،، وتنظر على نهاية الاسبوع وتشتري على 80 ريال وبهذه الطريقة انت تحافظ على راس مالك بنسبة مائة بالمئة مع انه لازم يكون شرائك للاسهم بطريقة منظمة وبكميات مشابهه للطلب الاولى ...

هشكل انت تكون مسكت العصا من النص ،، لو ارتفع السهم راح تحصل مثلا فائدة 2% ادنى ربح لين خمسة بالمئة % أعلى ربح على راس المال ومع الاخذ بالعين بانه هذه النسبة ممكن تنقص ووممكن ترتفع وفقا لحالة تداول السوق وارتفاعه او هبوطه ..

[عيسى111]

ارتداد مضاربين لا تستعجل السوق موقع على راسه

والسبب القروض الشخصية وصلت في ثمانية شهور 32 مليار ريال وهذا السبب اللي بيكسر كل فقرات ظهر السوق وما رح يبقى إلا العصص علشان يطلع منه السوق بس متى بعد ما ينزل السوق ويصير عائد السهم أفضل من فائدة القروض هنيه محافظ البنوك بتدخل وبتشتري .

أما الحين تبغون محافظ البنوك تشتري الأسهم وترفع السوق علشان تبيعون وتسددون لها القروض وتخسر هي أرباح القروض وأرباح الأسهم ما تجي حتى ربع أرباح القروض لو حسبتوها صح بالنسبة المئوية .

لا والدور جاي على اللي ماخذين قروض في العقار البيع في المزاد .

[العقيد]

ماشالله عليكم راعي النيسان وعيسى111 نفس الخط ونفس الحجم ونفس اللون ونفس الفكره ونفس التشائم ولاعندكم توقيع فمواضيعكم . الله يخليكم لبعض;)

[عيسى111]

ماشالله عليكم راعي النيسان وعيسى111 نفس الخط ونفس الحجم ونفس اللون ونفس الفكره ونفس التشائم ولاعندكم توقيع فمواضيعكم . الله يخليكم لبعض;)

كل يرى الناس بعين طبعه

لحد يزعل

[mosahem]

اليوم قمت ببيع اسهم السلام على 14.3 واسمنت الخليج 14.7 ويبدو انى اتورطت
ولم استطيع استعاده الاسهم مره ثانيه..... علما بانى خسران 60 % من اموالى
هل تعتقدون ستعود هذه الاسعار ام السوق فى اتجاه الارتداد

[simsim1963]

ارتداد مضاربين لا تستعجل السوق موقع على راسه

والسبب القروض الشخصية وصلت في ثمانية شهور 32 مليار ريال وهذا السبب اللي بيكسر كل فقرات ظهر السوق وما رح يبقى إلا العصص علشان يطلع منه السوق بس متى بعد ما ينزل السوق ويصير عائد السهم أفضل من فائدة القروض هنيه محافظ البنوك بتدخل وبتشتري .

أما الحين تبغون محافظ البنوك تشتري الأسهم وترفع السوق علشان تبيعون وتسددون لها القروض وتخسر هي أرباح القروض وأرباح الأسهم ما تجي حتى ربع أرباح القروض لو حسبتوها صح بالنسبة المئوية .

لا والدور جاي على اللي ماخذين قروض في العقار البيع في المزاد .


الكل يبي السوق يطلع ويتخلص من الي عنده وهذا تفكير 99% من اهل السوق ... بس انتوا تبون تلزقون الاسهم في من ؟؟؟ خلاص راحت عليكم ومالكم الا الصبر لين الله يفرجها:anger1:

[abusultan707]

لا تستعجل ترني سويت نفس الي سويته وما راحت بعيد يعني الفرق 10 او 20 درهم