اكتب شعورك يوم شفت لحظة ( صعود الفارس )

[sulai6i]

كل واحد يكتب شكان شعوره في اللحظة

اللي طلع فيها الفارس الشيخ محمد بن حمد ال ثاني

لإيقاد الشعلة ..


انا بصراحة وقّف قلبي .. كأني كنت في طيارة وطاحت

وأول ما وصل .................. ما اقدر اعبر والله


اتذكر يوسف سيف يقول ( يالله تعينه .. يالله تعينه ) على الجزيرة الرياضية

[ROSE]

انا قلبي كان بيوقف وربي ماقدرت اغمض ادعي له ربي يوفقه

واسمع يوسف سيف لما قال يالله تعينه وانا اردد وراه


ربي يحفظه من كل شر وربي يوفقه دنيا واخره

شي مشرف :app:

[relaax]

وووووقف قلبي ... رصيت على اسناني ... زين ما تكسرت :strong

[شهد]

والله يوم وصل كنت بصيح
وخفت عليه صدق كانت احاتي الشعله
ولكن هو كنت احاتيه اكثر

الله يحفظه ويخليه لبو مشعل
بيضها بصراحه وماااااااقصر

[Dana]

انا مت وحييت والله غمضت واسمع بس يوسف سيف واختي تقول ياربي طولو عليه المسافه
خلاص خلاص
وانا اقول مااقدر اشوف وهم يقولون لايفوتج وصل:(

[أمة الله]

اوووووف متنا من الخوف عليه وصرخنا صراااخ لين وصل بالسلامه فوق.....ربي حفظه وسلمه لهله ولنا كلنا

شيء ما يوووووووووصف الصراااااااحه وصج ذي يثبت ان كل ولد ولدنا وكل بنت بنتنا وكلنا عيله وحده الحمدلله

[المخلب]

انا قلت الله يستر .. الصراحه شئ يخوف خاصه من المطر الخفيف ! ..

بس الله ستر .. الحمد لله رب العالمين ..

[ابن الوطن]

وقفت من مكاني وجسمي مشدود وقبضة يدي مسكرات نفس الملاكم
يسلمووووووووووووووووووووووووووووووووووووووووو وووو

[شاهيناز]

ماشفت اللقطه من الخوف

بس فكرت في الشيخ حمد والشيخه موزه
وش شعورهم في هذي اللحظه
بس طلع كفو وقدها

في الافلام لهذي اللقطات يختارون كومبارس لان البطل يخاف ولا يغامر بعمره
لكن ولد اميرنا بطل حقيقي

ومايخاف الا من الله سبحانه وتعالى

[alanood]

خفت يوم شفته رايح...والله ما كنت احاتي شي قد ما خوفني الطريج اللي مشاه...خاصه الصعود الا يوم وصل قدرت اتمقل بالفرس ولا قبلها والله ما قدرت...بس الفرس روووعه!!يازينها..والله يحفظه اللي سلمه من هالطلعه العجيبه...يحفظه من عيون الناس

[مريديان]

ماشاء الله عليه حسيت بشجاعته من اول ماركب الدرج واسرع ..وخفنا عليه يوم وقف الخيل..بس الله ستر ...والله حفظه ...والله يخليه للوالد حمد..

[BURBERRY]

والله احلى لحظه في الافتتاح و الي اعجبت الكل لحظه صعود الفارس الشيخ محمد بن حمد ال ثاني

الحمدلله وصل بالسلامه ..

[ابوعلي]

الحمدلله ان الله حفظه

فعلا كان الموقف صعب خاصة في المرحلة قبل الاخيرة وطول المسافة في الصعود

[khalid-Q8]

لحظات رهيبة
ما يقدر عليها الا خيال وفارس

[بوحمد1]

بصراحة قلت في وقتها إن هذا الشبل من ذاك الأسد ......... أشهد إنه فارس وإن الفرس أصيلة ............ ولا يوم تعثرت الفرس ولكن الحمد لله إن راعي العليا خيالها .:app: :strong :app:

إذا حد سجل هالمقطع أرجو إنه مايتأخر علينا .

[ابن بطوطه]

عز الله انه خيااااااااااااااااال ..omen
وفااااارس ..
ويستااااهل ..
بصراحة اعجبني .. كسر جميع نقاط المقااااومة .. :app: ..
وحقق الهدف .. :eek2:

[باحث علم]

انا كل لقطة مرت علي
تخيلت وش يكون شعورنا لو طاح
او طاحت الشعله
او طلع الحصان عن المسار
كانت بتكون كاااااااااارثه على راس كل قطري
الحمدلله والشكر لله يارب
عقبال ماتعدي هالدورة على خير يارب

[ROSE]

عز الله انه خيااااااااااااااااال ..omen
وفااااارس ..
ويستااااهل ..
بصراحة اعجبني .. كسر جميع نقاط المقااااومة .. :app: ..
وحقق الهدف .. :eek2:
:eek2: :funny: :funny: :funny: :funny:

[سهم طايش]

حلم

خيال

تحدي

اثبت الشيخ \ محمد بن حمد بن خليفه آل ثاني انه فارس

الله يحفظه

لحظات عصيبه لكن هذا هو التحدي الذي نراهن عليه

[ريانة العود]

انا ما كنت اقول الا اسم الله عليه اسم الله عليه ...ربي يحفظه ربي يحفظه طبعا بصراااااخ
..وحاطه يدي على خدودي ومبققه عيوني ..وخواتي صرااااااااااخ...يوم وصل قعدت اصيييييييييييييييييييييييييح شعووووووووور لا يوووووصف ..


شعووووووور لا يووووووووووصف

انا المفرووووض اني اروح بس زاد علي التعب والمرض ..


بس اشهد ان الشيخ محمد بن حمد فااااااااااااااارس ..وخيااااااااااال

[mirage]

عز الله انه خيااااااااااااااااال ..omen
وفااااارس ..
ويستااااهل ..
بصراحة اعجبني .. كسر جميع نقاط المقااااومة .. :app: ..
وحقق الهدف .. :eek2:
كلن بقلبه شقىليله

وانا في قلبي شقى البورصه
:app: :app: :app: :app:

[BURBERRY]

بصراحة قلت في وقتها إن هذا الشبل من ذاك الأسد ......... أشهد إنه فارس وإن الفرس أصيلة ............ ولا يوم تعثرت الفرس ولكن الحمد لله إن راعي العليا خيالها .:app: :strong :app:

إذا حد سجل هالمقطع أرجو إنه مايتأخر علينا .

اي والله نبي هالمقطع الرأئع

ما شاء الله عليه

[عتيج الصوف]

رددت ياالله تعينه,,,,وتحفظه....الحمد لله انه توفق في الصعود وهذا فارس مقدام ماشاء الله عليه ويحفظه من العين....

[alkaabi]

انا كنت في ارض الملعب مع وفد قطر

وبلاشعور قمت اهلل واكبر مع صعود الخيل

حسيت كل شيء بيخترب لو صار اي شيء لاسمح الله

لكن بتوفيق من الله وعزيمة وفروسية بوحمد تسهلت الامور

بصراحة المنظر كل شوي اتخيله :app:

[رايق]

التحدي اللي قبل فيه الشيخ محمد مو بسيط .. و أثبت لأكثر من مليار شخص يتابعون الحدث أن صفة التحدي و الشجاعة كفيلة بأيصال شعلة أهل قطر الكرام الى مكانها لتضي سماء الدوحة و تزيدها نور على نور ...

أنا الصراحة انفعلت بطريقة غير طبيعية اول ما عثر الحصان .. حسيت لو صار شي اني انا اللي راح اتحمل الخطاء شخصيا .. بس بو حمد بكل جدارة تمكن من السيطرة و الحفاظ على توازنه مع انه ماسك الشعلة بيد و اليد الثانية على اللجام .. لله دره !!

أتصل فيني واحد من اللي يشتغلون ويانا الأجانب .. و قالي
"I never saw somthing like this before .. this knight is so brave"

[إنتعاش]

والله ياخوي السليطي

انا حضرت البروفه النهائيه وشفت هالحركه

ولما شفت المطر اليوم والهواء القوي

خفت والله من اللي بيصير

وكنت ادعي ربي اقول : ( ياللي تيسر يالله تيسر يالله تيسر )

اللي وياي يقولون ليش شفيك ؟

- مابي اقولهم شبيصير للتشويق -

ولما جات اللحظه

قسم بالله مسوي ضام يديني الثنتين عند ثمي وانفخ بقوة وادعي

واسكر عين وابطل الثانيه

ولما جت اللحظه هاذي

http://cache.gettyimages.com/xc/72692507.jpg?v=1&c=MS_GINS&k=2&d=17A4AD9FDB9CF19390335F8FA9CA92A69A9DCDA819C9A1A9 329DF394FE942516
http://www.aljazeera.net/mritems/Galleries/G_98/image3.jpg

انا اهنيه لا تدورني مغمض عيني واقول ياالله يااااالله يالله

ويومه كمل وتعلى فوق

اوووووووووف

قمت اصفق بلا شعور

يسسسسسسسسسس

[حورية]

ما اقول الا لا اله الله عليه ربي يحفظه وايخليه حق ابو مشعل والشيخة موزة وايخليه لنا وبصراحة شي ما اقدر اوصفه وانا اشوف المشهد وانا اصرخ اقوله الله ايخليح روح روح وفي نفس الوقت خايفة موت على الشيخ محمد لان اتفاجأت ان هو راح فوق فكنت متوقعة راح اوصل الشعلة حق شيخ الشباب لكن شفت ان راح اعلى وبس اهني نسيت كل شي بس كان خوفي عليه بس الحمدلله مجرد وصل ادمعت عيني من الفرحة شي ما اقدر اوصفه واكيد أثر في كل قطري.

[بوخالد2]

عز الله انه خيااااااااااااااااال ..omen
وفااااارس ..
ويستااااهل ..
بصراحة اعجبني .. كسر جميع نقاط المقااااومة .. :app: ..
وحقق الهدف .. :eek2:

:funny: :funny: :funny: :funny: :funny: :funny: :funny:

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟

[أمة الله]

:funny: :funny: :funny: :funny: :funny: :funny: :funny:

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟

الإقدام على هالحركه والشجاعه اللي تتطلبها تستحق هالاعجاب الشديد لأي شخص كان

[بوخالد2]

الإقدام على هالحركه والشجاعه اللي تتطلبها تستحق هالاعجاب الشديد لأي شخص كان

وجه نظر اعتز فيها 00 لنسمع راى الاخرين :nice: (( بدون نفاق)) :app:

[إنتعاش]

:funny: :funny: :funny: :funny: :funny: :funny: :funny:

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟

لا فيك اخوي
ممكن يكون اخوي الشعور نفسه
ولكن بنسبة 50 % فقط

الـ 50 % الباقيه تبقى للأسباب الآتيه :

1- محمد بن حمد بن خليفة بن حمد ال ثاني - اسمه -
2- العمر فقط مقتبل العشرينات صغير ان لم يكن اصغر من العشرينات لا اعلم
3- نجل سمو أمير البلاد المفدى
4- نقل لمليار مشاهد يرى قطر ، والحركه تعتمد على نجاح - نجل امير البلاد -
5- المفاجآت التي دائما ً يتعبون عليها الشيخ جاسم بن حمد عساه طويل عمر
وسمو ولي العهد تميم بن حمد واخوانه الباقين جوعان و محمد
في الافتتاح ، فكرة الاستضافه ، التجهيزات كلها للافتتاح ، مخرج عالمي ،
تنظيم مبهر ، كل شي كل شي كل شي تكفل بنجاحه جاسم بن حمد بن خليفة ال ثاني

هل تتوقع مننا ان قلبي وقلبك ما يوقف على مثل نجاح لهذه اللقطه
التي جعلت كللللللللللل النجاحات والتعب يعتمد على نجاحها وعدم تعثر الفارس ؟ :)

او في قاموسك ربما تعتبر شعور اغلب المتابعين من القطريين منافقين ؟ :)

[بوخالد2]

هلا فيك اخوي
ممكن يكون اخوي الشعور نفسه
ولكن بنسبة 50 % فقط

الـ 50 % الباقيه تبقى للأسباب الآتيه :

1- محمد بن حمد بن خليفة بن حمد ال ثاني - اسمه -
2- العمر فقط مقتبل العشرينات صغير ان لم يكن اصغر من العشرينات لا اعلم
3- نجل سمو أمير البلاد المفدى
4- نقل لمليار مشاهد يرى قطر ، والحركه تعتمد على نجاح - نجل امير البلاد -
5- المفاجآت التي دائما ً يتعبون عليها الشيخ جاسم بن حمد عساه طويل عمر
وسمو ولي العهد تميم بن حمد واخوانه الباقين جوعان و محمد
في الافتتاح ، فكرة الاستضافه ، التجهيزات كلها للافتتاح ، مخرج عالمي ،
تنظيم مبهر ، كل شي كل شي كل شي تكفل بنجاحه جاسم بن حمد بن خليفة ال ثاني

هل تتوقع مننا ان قلبي وقلبك ما يوقف على مثل نجاح لهذه اللقطه
التي جعلت كللللللللللل النجاحات والتعب يعتمد على نجاحها وعدم تعثر الفارس ؟ :)

كلامك صحيح اخووى انتعاش 00 وتسلم على الكلام الطيب :app: - نجل امير البلاد - ( يستاهل والله )

[ROSE]

هلا فيك اخوي
ممكن يكون اخوي الشعور نفسه
ولكن بنسبة 50 % فقط

الـ 50 % الباقيه تبقى للأسباب الآتيه :

1- محمد بن حمد بن خليفة بن حمد ال ثاني - اسمه -
2- العمر فقط مقتبل العشرينات صغير ان لم يكن اصغر من العشرينات لا اعلم
3- نجل سمو أمير البلاد المفدى
4- نقل لمليار مشاهد يرى قطر ، والحركه تعتمد على نجاح - نجل امير البلاد -
5- المفاجآت التي دائما ً يتعبون عليها الشيخ جاسم بن حمد عساه طويل عمر
وسمو ولي العهد تميم بن حمد واخوانه الباقين جوعان و محمد
في الافتتاح ، فكرة الاستضافه ، التجهيزات كلها للافتتاح ، مخرج عالمي ،
تنظيم مبهر ، كل شي كل شي كل شي تكفل بنجاحه جاسم بن حمد بن خليفة ال ثاني

هل تتوقع مننا ان قلبي وقلبك ما يوقف على مثل نجاح لهذه اللقطه
التي جعلت كللللللللللل النجاحات والتعب يعتمد على نجاحها وعدم تعثر الفارس ؟ :)



واحب اضيف نقطة مهمه اخوي انتعاش

مثل ماذكرت نجل الامير يعني هو مغامر بحياته عشان انجاح هذه اللحظه

كان من الممكن انه يقعد مرتاح وحد ثاني يغامر كان بيكون له تأثير لانه قطري

ولكن ماكان بيكون التأثير نفس الانطباع اللي تركه نجل سمو الامير حفظه الله

[ROSE]

كلامك صحيح اخووى انتعاش 00 وتسلم على الكلام الطيب :app: - نجل امير البلاد - ( يستاهل والله )
:nice: :nice: :nice:

[Qa6ar]

لحظه تقشعر له الابدان

والدمعه تنحجر بالعين والله يعينه

والحمدالله انه كفو وسواها بوحمد مع ان الخيل تعثرت مرتين والله عانها والخيل من ركابها

[أمة الله]

وجه نظر اعتز فيها 00 لنسمع راى الاخرين :nice: (( بدون نفاق)) :app:

أكيــــد بدون نفاق :)

[بوخالد2]

أكيــــد بدون نفاق :)

لاتفهمين كلامي غلط رجاءاا

[إنتعاش]

اخوي بوخالد

اتمنى منك فقط الانتباه لمستوى الاسئله المطروحه

وتكرارك لجملة - بدون نفاق -

وانت توجهه لناس توها جايه فرحانه بأروع وأنجح افتتاح

في تاريخ اسيا ككل ان لم يكن بالعالم بأسره !

الناس جايه فرحانه !

تفاعلت !

اندمجت !

نشف ريقها على اللقطه !

طارت فرح لما نجحت اللقطه !!

وجاية فرحانه وتبتسم وتشوف الاعاده بالتلفزيون الحين !

وانت تجي اخوي وابتسامتك شاقه حلجك - ان شاءالله دوم يارب -

وتعيد وتكرر - بدون نفاق بدون نفاق بدون نفاق - !!

مادري اخوي هل وصل لعلمك ان الانسان اللي يقول كلام مثل هذا

انه مثلا ً بيحصل برج في الدفنه من الديوان بكره الصبح ؟

او مثلا ً بيحصل مليون ريال هديه ؟

اخوي احترم رايك وكلامك

بس كلمة اخ لك ( عـــيـــب ياخوي )

:)

[وطن]

الصراحة

اول ما تعثر اقول له لا تطيح الله يخليك لا تطيح

وامي قاعده تقرى عليه وتسمي هاهاهاهاهاهاها

كنت خايفه ع الولد اكثر من الشعله

واي لو صار فيه شي وقدام امه وابوووه

حرقة قلب

الحمدلله الله حفظه ورفع راسنا فوق

:)

السؤال

حد شافهم شلون نزلوا الخيل ؟؟

[وطن]

:funny: :funny: :funny: :funny: :funny: :funny: :funny:

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟
بغض النظر عن شخصيته أو من يكون

في النهاية ولد بلادي وقطري

بيحترق قلبي عليه أكيد لو صار فيه شي

:(

[ROSE]

الصراحة

اول ما تعثر اقول له لا تطيح الله يخليك لا تطيح

وامي قاعده تقرى عليه وتسمي هاهاهاهاهاهاها

كنت خايفه ع الولد اكثر من الشعله

واي لو صار فيه شي وقدام امه وابوووه

حرقة قلب

الحمدلله الله حفظه ورفع راسنا فوق

:)

السؤال

حد شافهم شلون نزلوا الخيل ؟؟


انا بعد اتسائل شلون نزل لان النزول بعد بيكون صعب جدا عليه

[بوخالد2]

اخوي بوخالد

اتمنى منك فقط الانتباه لمستوى الاسئله المطروحه

وتكرارك لجملة - بدون نفاق -

وانت توجهه لناس توها جايه فرحانه بأروع وأنجح افتتاح

في تاريخ اسيا ككل ان لم يكن بالعالم بأسره !

الناس جايه فرحانه !

تفاعلت !

اندمجت !

نشف ريقها على اللقطه !

طارت فرح لما نجحت اللقطه !!

وجاية فرحانه وتبتسم وتشوف الاعاده بالتلفزيون الحين !

وانت تجي اخوي وابتسامتك شاقه حلجك - ان شاءالله دوم يارب -

وتعيد وتكرر - بدون نفاق بدون نفاق بدون نفاق - !!

مادري اخوي هل وصل لعلمك ان الانسان اللي يقول كلام مثل هذا

انه مثلا ً بيحصل برج في الدفنه من الديوان بكره الصبح ؟

او مثلا ً بيحصل مليون ريال هديه ؟

اخوي احترم رايك وكلامك

بس كلمة اخ لك ( عـــيـــب ياخوي )

:)

اسف اخوى اذا الناس تفهم مقصدي غلط 00 معا السلامه تصبحون على خير:deal:

[بلسم]

ولله يا بوخالد2 .. كانو معاننا اثنين أمريكان ودنماركيه من الشغل .. حضروا الحفل ..

وانت تعرف هذول ما يجاملون أو ينافقون .. أنهم من عقب هالحركة .. قامو يعلقون عليها لين ما وصلنا السيارة .. أميزينق .. امبليفبل .. اكسترا أوردينيري ..

أنبهروا يا بوخالد2 .. شيء خيالي

[وطن]

لا اله الا الله

تبارك الله

لا يحسدون ولدنا

:)

[بوخالد2]

ولله يا بوخالد2 .. كانو معاننا اثنين أمريكان ودنماركيه من الشغل .. حضروا الحفل ..

وانت تعرف هذول ما يجاملون أو ينافقون .. أنهم من عقب هالحركة .. قامو يعلقون عليها لين ما وصلنا السيارة .. أميزينق .. امبليفبل .. اكسترا أوردينيري ..

أنبهروا يا بوخالد2 .. شيء خيالي

تستاهل ابلادي كل الفخر والله ويستاهل بوحمد :nice:

[إنتعاش]

اسف اخوى اذا الناس تفهم مقصدي غلط 00 معا السلامه تصبحون على خير:deal:

هههههه شوفوه جنه ماسوا شي !:confused:
بريء !:anger2:
يضحك بعد !:mad:

ههههههه

روح يبه ضم المخده ونوم العوافي يارب:court:

[Dana]

من شوي شفت لقاء ويا الشيخ محمد مع هيثم مراسل الكاس
يقول الشيخ محمد 60 مره تدربت على هذي الحركه من اربع اشهر
ويقول هذي الخيل لي وانا واثق فيها
وادري الناس متخوفه
وين متخوفين الا متنا وحيينا بصراحه

[وطن]

الله سلمه الحمدلله

ترى الحركة مب سهله كلش

[خاربه خاربه]

:eek3: :eek3: :eek3:

شعور كل مواطن يفتخربعمل وبعيال بلاده

وشعور رائع من قلب وربي يحفظ عيال بلادي

والله الخوف من العين وربي يحفظهم يارب:strong

[aljaber1]

باختصار .. حسيت بالفخر والاعتزاز

[يابعدهم كلهم]

:shy: :shy: :shy:
شعــــوري لا لا لا لا لا لا لا لا لا لا لا لا لا يوصــف




:app: :app: :app: :app: :app: :app: :app:

بصراحه والله رفع راسنا :nice: فوق فوق فوق فوق

:app: :app: :app:

[blackjacket]

تبون الصراجة الحفلة كلها على جنب و لقطة الخيل على جنب و الصراحة ما ادري وش كان بيصير لو تعثر و ما قدر يوصل بس الصراحة مش اي خيال كان يقدر يوصل الشعله يعني موقف مش محسوب له و الشيخ ما ارتبك و تصرف صح مع انه الله يحفظه شباب بس تصرفه كان حكيم والله لو واحد ثاني كان يمكن يطيح الشعله ولا ما ادري شو يسوي المهم ابي اقول انه فارس و فخر لكل الفرسان الله يحفظه و اقول كان ممكن يجيبون اي كومبارس و يسوي هاي الحركة بس صدقوني يمكن ما كان يكون لها طعم بس لما سوها سمو الشيخ صار لها طعم ثاني ;) و هاي الكلام مو نفاق و لا شي

[الواعد]

والله لحظة عصيبة جدا جدا والكل كان خايف من حدوث شيء غلط

وخصوصا لما تعثرت الخيل بغى يوقف قلبي من الخوف

لكن الحمدلله نجح فارسنا الشيخ محمد بن حمد الله يحفظه

_______________________________

بس سؤاااااااااااااااال ياليت احد يجاوبني عليه

هو اوقد المرجل الكبير اللي في الملعب لكن كيف اوقدت الشعلة اللي

في راس البرج ؟؟ لأني ماشفت شيء راح لها من المرجل الكبير ؟؟؟؟

والكل كان متوقع ان اللي بيحمل الشعلة الأخيرة راح يشعل الشعلة

اللي في راس البرج فكيف صارت ؟؟؟؟

[بـوصـالـح]

الحمدلله رب العالمين

انتهى الحفل في سلام

(( احتفال اسطوري بمعنى الكلمه ))

عمري ما حسيت بهالاحساس بالملعب

(( ما ادري هو ولاء ولا من البرد والمطر الي لعب فينا ))

فخر وشرف كبير الي صار اليوم لكل هل الدوحه

افتتاح (( ابهرونا به )) مثل ما (( هيؤنا له ))

تفاعل الجمهور كان ولا اروع (( والتجوري الي عطونا ياه كان ترتيب:D

الكل فرحان الكل يرقص مع هالاغاني القديمه الي عيشتنا احلى اللحظات

وختمها بطلنا فارس الفرسان (( بلقطه تاريخيه )) فاجأنا فيها وفاجأ الكل فيها

رقم الرياح ورقم الضجه والصياح الي بالجمهور ورقم الاضواء والاصوات الموسيقيه

شق الملعب من النص (( صعودا الى القمه )) صج انه طيح قلبي بالاخير (( ولكن )) ما يجيبها الا رجالها

http://www.aljazeera.net/mritems/Galleries/G_98/image3.jpg


الف شكر لكل المنظمين على هذا الحفل الاسطوري وعلى كل الجهود الي بذلتوها والي راح تبذلونها خلال هال 15 اليوم الجايين


ويعطيكم الف عافيه

[بـوصـالـح]

والله لحظة عصيبة جدا جدا والكل كان خايف من حدوث شيء غلط

وخصوصا لما تعثرت الخيل بغى يوقف قلبي من الخوف

لكن الحمدلله نجح فارسنا الشيخ محمد بن حمد الله يحفظه

_______________________________

بس سؤاااااااااااااااال ياليت احد يجاوبني عليه

هو اوقد المرجل الكبير اللي في الملعب لكن كيف اوقدت الشعلة اللي

في راس البرج ؟؟ لأني ماشفت شيء راح لها من المرجل الكبير ؟؟؟؟

والكل كان متوقع ان اللي بيحمل الشعلة الأخيرة راح يشعل الشعلة

اللي في راس البرج فكيف صارت ؟؟؟؟

تلون البرج كم من لون (( واشتعلت الشعله بدون اي حركه ))

الحركه كانت للي فالملعب فقط ((( يمكن عامل الرياح )) كان له دور




ولكن الغريب ؟؟ سبحان الله


قبل الحفل (( مطر غزير )) لين الساعه 6 ونص وبعدها توقف المطر الين بعد ما انتهاء الحفل ب ربع ساعه ورد المطر الغزير

(( نعمه الله ))

[مغروور قطر]

بكل صدق شعور لا يوصف وفخر واعتزاز بهذا الفارس الشجاع ولكن تخوفت اثناء تعثر الخيل ولكن الحمد الله استطاع بكل قوه الصعود الى القمه

[امل الحب]

يمه يمه صراااااااااااحة انا مت من الخوف عليه ...

بس الحمدلله طلع فارس ماينخااف عليه... الله يحفظه..

[Sniper]

وقف قلبي
الحمد لله ... شعور لا يوصف

[lule]

كان خاطري اشوف حزتها .. امه .. الشيخه موزه .. احنا قلوبنا طاحت ..

[حبر سري]

كان خاطري اشوف حزتها .. امه .. الشيخه موزه .. احنا قلوبنا طاحت ..

والله شعور لايوصف
امتزج فيه الخوف بالفخر بالرهبة بالاعجاب
الشيخ محمد اثبت فعلا انه ابن الشيخ حمد بن خليفة
فارس ابن فارس وقد التحدي

لكن هل امه فعلا الشيخة موزة؟؟؟ لاني سمعت ان امه من آل ثاني

[HAYA]

بصراحة اختلطت مشاعر الفخر بالفرحة بالخوف على الفارس البطل الذي تصدى لهذه المهمة الشاقة عن جدارة واقتدار ... وأعتقد بأن لحظة صعود الخيل بالخيال حبس فيها كل مواطن قطري أنفاسه ... وكانت النتيجة الرائعة المبهرة التي حكت للعالم أجمع عن سر النجاح .. إنه عبارة عن خلطة قطرية مميزة تتكون من تلاحم الشعب مع القيادة ..
ولا يسعنا إلا أن نرفع أكفنا بالدعاء للخالق سبحانه بأن يديم علينا النعم وأن يحفظ قطر الحبيبة بحكامها ومحكوميها من كل مكروه .

[على قد حالها]

الصراحه مت من الخوف وحسيت اني انا اللي تعبت من كثر ما شديت على نفسي..
وبدون نفاق لو اي قطري صار له اللي صار والله جان خفنا عليه وتمينا نحاتيه .. لانه ولد بلادنا وكلنا من عيله وحده ..
بس اشلون نزل من فوق؟؟:con2: :con2:

[المزن الرياني]

تبون تعرفون شعوري
بأختصار هو
كل الكلام الي أنذكر في الموضوع من شعور الاخوان والخوات

مبروك ياقطر
والحمدلله على النجاح الباهر
والله ياأخوان في حسااااد و أنذال كثيريين يتمنون الفشل لقطر
بس اللهم لك الحمد والشكر الي رد كيدهم في نحورهم

[رايق]

اخوي بوخالد

اتمنى منك فقط الانتباه لمستوى الاسئله المطروحه

وتكرارك لجملة - بدون نفاق -

وانت توجهه لناس توها جايه فرحانه بأروع وأنجح افتتاح

في تاريخ اسيا ككل ان لم يكن بالعالم بأسره !

الناس جايه فرحانه !

تفاعلت !

اندمجت !

نشف ريقها على اللقطه !

طارت فرح لما نجحت اللقطه !!

وجاية فرحانه وتبتسم وتشوف الاعاده بالتلفزيون الحين !

وانت تجي اخوي وابتسامتك شاقه حلجك - ان شاءالله دوم يارب -

وتعيد وتكرر - بدون نفاق بدون نفاق بدون نفاق - !!

مادري اخوي هل وصل لعلمك ان الانسان اللي يقول كلام مثل هذا

انه مثلا ً بيحصل برج في الدفنه من الديوان بكره الصبح ؟

او مثلا ً بيحصل مليون ريال هديه ؟

اخوي احترم رايك وكلامك

بس كلمة اخ لك ( عـــيـــب ياخوي )

:)


اي والله انك صادق .. احس انه خرب المووود بتعليقه المتسرع

[ابن بطوطه]

كلن بقلبه شقىليله

وانا في قلبي شقى البورصه
:app: :app: :app: :app:

:dance



:funny: :funny: :funny: :funny: :funny: :funny: :funny:

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟
هلا بوخالد2 ..
هل تقبال شهادتي ( كمحايد ) ان سعودي .. ويعلم الله اني تحمست للمنظر .. حتى الاخوة بالمجلس كانوا غير مركزين للمشهد .. ومع ارتفاع صوتي .. انتبهوا للمشهد .. والاثارة ..
( والمراجل بالافعال .. ):nice:

[حبر سري]

فليعلم الجميع من هم الفرسان الان

[مستثمر-قطر]

بصراحه مااقدلار اقول الافارس ولد فارس

[بـوصـالـح]

بوخالد 2

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟

اذا الاطفال (( طااااااااااروا من الفرحه ))

والعالم كلها (( قامت اتصارخ من روعة الحدث ))

اذا الواحد ما تفاعل مع هذا الموقف (( متى عاده بيتفاعل ))

لقطة فارس الفرسان (( الشيخ محمد )) عطت المنظر اكثر اثاره واكثر حلاوه

لانه هو اصلا فارس (( وطبعا )) الحركه الي سواها (( مب اي فارس يسويها ))

يوم يمسك الشعله بيد والخطام بيده الثانيه ويطير بها الى اعلى منصه باستاد خليفه

ومع كل هالاجواء والرياح والمطر والازعاج


(( يمكن محد حاس بالرياح والامطار الي كانت اهناك )) الا من عاش الوضع فالحدث




(( وبعد اتقول )) نفاق

يمكن مفهوم النفاق (( خطا )) عندك


شوف هالمقطع بالياباني (( اذا هو نفاق بعد ))

http://www.youtube.com/watch?v=RRDWSlk7ERE&NR

[ahmeed]

الفارس العربي ما ينخاف عليه

أصيل عربي ابن عربي

[laheeb60]

والله الصراحه العايله كلها وقف قلبها وخفنا عليه لكن الحمد الله .. الله سلم ...

[الزاجل]

:funny: :funny: :funny: :funny: :funny: :funny: :funny:

اما نقاط المقاومه 00 متاثر واجد بالسووق اخوى

ولكن عندي سوال 000 لو كان هذا الفارس شخص عاادي مب (( الشيخ محمد)) حد بيعمل له اعتبار ؟؟؟ بدون مجمالات ونفاق سوال لاغير ؟

هلا بو خالد

احييك على مثل هالسؤال وخاصة لما كتبت بدون نفاق
ما لومك على سؤالك والسبب بكل بساطة
لأنني اعتقد من كثر النفاق ما قمنا انمييز المشاعر الصادقة من المشاعر المنافقة..

فعودة الى سؤالك راح اقول لك ومن غير نفاق

الموقف اللي مر عليه الفارس خلانا كلنا في قطر وغير قطر ايضا
ترقع قلوبنا خوفا على الفارس
ففي قطر عند تعثر الحصان الصغير والكبير الشاب والفتاة
المقيم والمواطن كلهم على قلب واحد رددوا
يارب توفقه
يا كريم سهل له دربه
يالله اتعينه
خودا شمرا به
يا خودا يا كريم هوس شمرا
يأبر ألبي ربنا يوفئوا
يارب ما تتخلاش عنه
محد فينا فكر اذا كان ولد الأمير او فارس عادي
كلنا فكرنا في نجاح البطولة حتى وصل الفارس والحصان بسلامة وتوفيق
رب العالمين عند المرجل الرئيسي ..
بعد كل هذا بالنسبة لي حسيت بالفخر والاعتزاز بهذا الفارس
ما بخفيك سرا ان الفخر هذا زاد بعد ما التقطت انفاسي
وتذكرت انه ابن امير البلاد ..

فزت اعجابا به ومثل هذا الاعجاب ما بيناله لو كان فرد عادي من عامة الشعب

والسبب بسيط جدا يا ابو خالد
من متى كنا انشوف عيال الحكام يعرضون انفسهم للخطر ؟
من متى كنا انشوف عيال الحكام هم اللي يبادرون بالمشاركة ؟

تعودنا كل شي يوصل لهم ويعمل لهم وهم ما عليهم الا اصدار الأوامر

لكن اللي حصل عندنا في قطر
اننا شفنا مثل هالمجازفة الكبيرة اللي عليها كان يعتمد نجاح البطولة
فكل ما سبق من اعداد وصرف مبالغ باهضة كانت بتضيع في لحظة
لو ان الفارس هذا تعثر وسقط .. و انتبه جيدا الموضوع مب تعثر وبس
الا وراه حياة ابن امير البلاد لا سمح الله اللي كان يشاهد ابنه
وهو حاب يرفع اسم بلاده دون اي رغبة في مال او جاه
غير تسجيل اسم قطر من حروف من ذهب على صفحات التاريخ ..

لذلك اقول لك
لو كان الفارس هذا شخص عادي ما بعمل له كل هذا الاعتبار
راح اعطيه 100% وبقول له كفيت ووفيت وانتهى دورك

لكن مع الفارس محمد بن حمد
راح اعطيه 100% مع وسام استحقاق وفخر واعتزاز
لأنه ما في شي يخليه يعرض نفسه للخطر غير انه صار واحد من الشعب
وراح اعيد واكرر واقول انه ولد اميرنا وانبه اللي ما انتبه
واقول انه من الأسرة الحاكمة تراه مب شخص عادي مجبور او انفرض
عليه الواجب الوطني بالأوامر او متطوع من عامة الشعب ..

هذا هو رايي من دون نفاق ..

[الزاجل]

الصراحة

اول ما تعثر اقول له لا تطيح الله يخليك لا تطيح

وامي قاعده تقرى عليه وتسمي هاهاهاهاهاهاها

كنت خايفه ع الولد اكثر من الشعله

واي لو صار فيه شي وقدام امه وابوووه

حرقة قلب

الحمدلله الله حفظه ورفع راسنا فوق

:)

السؤال

حد شافهم شلون نزلوا الخيل ؟؟

انزلوا عن طريق لفت لحد شاف ولا درى
لأن الاهتمام والاضاءة كانوا على الشعلة في المرجل الرئيسي :dance