مستثمر إماراتي ....... أرجو المساعده !!

[الوسواسي]

بصراحه ياشباب الدوحه انا مليت من اسهمنا في الامارات

والظاهر مافيهن فايده ابدا وماراح يرتفعن

وانا متورط بمبلغ كبير في اسهم دبي

فقلت اسحب الباقي من الاسهم واسيله واروح اسهم الدوحه

يقولون ان الاسهم عندكم بترتفع قريب ........؟؟

هل هذا الكلام صحيح ؟؟ وما رايكم بالاستثمار في مصرف الريان ؟؟

وهل استطيع انا كإماراتي الشراء في سوق الدوحه الكميه اللي اريدها او هناك

نسبه مسموح فيه للخليجيين فقط ؟؟

وشكرا

[الرسام كويتي]

هلا وغلا ولد العم ----------بل بل مالقيت ألا النك نيم هذااا ههههههههههه مشكور ضحكتني يا اخوي عجيب النك نيم
أهم شي خل أسهم دبي ولا اتفكر اتبيع بخساره ما راح تقدر اتعوض الا بعد سنين هذي نصيحتي وانت ادري بوضعك وباقي القريشات الفلوس اذا حاب تدخل سوق الدوحه أفتح حساب مع أي شركة وساطه وبامكانك التداول عن طريق النت أو التلفون من خلال متابعتك السوق بيع وشراء وتحويل مبالغ وايداع وتشتري الريان الكمية الالي تبيها (كثر عدد أهل الصين والهند بعد ) أودع المبلغ بحسابك وخلك علي أستعداد حسب خبرتك ومساعده الأخوه المحللين بالمنتدي واتمني أن تختار الوقت المناسب للشراء وعسي الله يباركلك بشراء أي سهم جيد وأتوفق مع الأخوان فيه وكل مسلم
وحسب علمي أنه في تعاون بين سوقين أبو ظبي والدوحه حول أمكانية الشراء بين السوقين
الأمر كان مطروح من فتره هل طبق يمكنك التأكد وعموما الروتين سهل جدا بسوق الدوحه واذا حضرتك مكتتب سابقا بالريان راح يكون لك رقم مستثمر أي رقم مساهم موجود بسمك في أي شركة وساطه أتفضلها وروابط شركات الوساطه متوفره بالمنتدي القيم هذا وحاول اتشوف اذا بالامكان فتح حساب تداول بالنت مع تلك الشركات أي الوساطه وأذا حاب أتشرف الدوحه والامر يستدعي حضورك بالوقت هذا خل وصولك فترة الدوام الرسمي بالتوجه الي أي وساطه بسوق الدوحه وكلها عشرة دقايق خالص روتين سهل بارك الله فيهم وأعمل حسابك سفرتك صد رد (رايح - جاي ) لأنه حاليا الدوحة أتعيش عرس رياضي جميل وما راح أتحصل فنادق كلش وأترك عنك الوسواس هذا شيطوون كبير (هههههههههه) ادري مجرد نك نيم شرفت ولد العم والاخوه الاعضاء صدرهم وسيع تفضل بالسؤال بكل أمر تبيه بالتوفيق يا رب

[shams]

بصراحه ياشباب الدوحه انا مليت من اسهمنا في الامارات

والظاهر مافيهن فايده ابدا وماراح يرتفعن

وانا متورط بمبلغ كبير في اسهم دبي

فقلت اسحب الباقي من الاسهم واسيله واروح اسهم الدوحه

يقولون ان الاسهم عندكم بترتفع قريب ........؟؟

هل هذا الكلام صحيح ؟؟ وما رايكم بالاستثمار في مصرف الريان ؟؟

وهل استطيع انا كإماراتي الشراء في سوق الدوحه الكميه اللي اريدها او هناك

نسبه مسموح فيه للخليجيين فقط ؟؟

وشكرا
اسواق الخليج كلها منهارة
يعني مش ها يفرق سوق قطر من الامارات او اي بلد اخر
اما ان الاسهم قد ترتفع هنا بالدوحة فكلها اشاعات قد تصدق وقد لا تصدق