احلى لقطة

[على قد حالها]

مراحب يااهل الدوحة الطيبين ومبروك عليكم الافتتاح والمطر

ياجماعة حبيت اعرف منكم كل واحد شنهي اللقطة والفكرة اللي عجبته في الافتتاح ؟؟ وشنو اللي تمناه يكون في الافتتاح وماصار ؟؟؟

انا عن نفسي عجبتني كذا لقطة منهم كتابة كلمة السلام عليكم بالعربي والانجليزي لانها تدل على ان حنا ناس نحب السلام .
الشي الثاني عجبتني وايد فكرة استعراضهم للعلماء المسلمين اللي كانوا ومازالوا هم اساس العلم والحضارة.
والشي الثالث فكرة العرس القطري كانت حلوة والحلو اللي فيها انها كانت بمشاركة كل القبائل كأنه فعلا عرس آسيا .
والشي الاخير هو طبعا الختام اللي فعلا كان مسك الا وهو اشعال الشعلة على يد شيخ الفرسان .

اما الاشياء اللي كنت اتمنى انها تكون موجودة في الافتتاح تمنيت تلاوة القرآن الكريم قبل السلام الاميري .
والشي الثاني كان ودنا ان الشيخ جوعان يبين في الافتتاح لأنه ماقصر طول الوقت فكان حلو لو هو اللي سلم الشعلة للشيخ محمد.
والشي الثالث كان ودنا يكون لشيخ الشباب اي دور في الافتتاح.

يلا عااااااد كل واحد يجود علينا باللي عنده!!!!

[بوخالد2]

((كنت اتمنى انها تكون موجودة في الافتتاح تمنيت تلاوة القرآن الكريم قبل السلام الاميري)) .


نفس الشي الى تمنيته انا بعد 00 جزاج الله خير اختى كلن يسولف ليش ماصارت تلاوه للقران الكريم :con2:

[أمة الله]

آنا بعد واااابد حبيت فكرة عرضهم للعلماء المسلمين العرب وطريقة عرضهم لتراثنا وقصة كفاحنا.....

الأشياء اللي كنت أتمناها :-

- التلاوة
- ان كلمة الشيخ حمد و ولي عهده تكون فالبدايه وبعدها تبتدي الفعاليات
- وجود تفسير للي يسمونها التعويذه ( أوري ) ولو بشكل بسيط جداً
- مشاركة الشيخ جوعان السفير للشعله....المفروض هو اللي يسلم الشعله لأخوه
- مشاركة شيخ الشباب - جاسم بن حمد اللي للأسف ما شفناه حتى لو بلقطه

[وطن]

يا جماعة افتتاح لاحتفال وفيه موسيقى واغاني
تبونهم يبتدونه بقرآن ؟؟
مايصير !!!



ع العموم الأشياء اللي عجبتني
كلمة السلام عليكم في البداية اللي سووها بالشعلات

الولد الصغير وهو يقول النشيد الوطني

والولد يوم طلع في اللفت الهايدروليك اللي رفعه فووووق
والهوى بارد عليه مسكين :(

وبودرياه يوم طلع ضحكني وايد
رهيب
ولما كان يرمي النار بالسهم اللي في ايده بعد حلوة الحركة

العرس كان حلو وفكرته حلوة :)

الصراحة وايد اشياء

وأهمها لحظة صعود الفارس

:)


الله يعطيج العافية على هالموضوع

[Index Signal]

بو درياه :eek:

[HAYA]

أجمل لقطة : هي اللحظة التي توحدت فيها مشاعر كل قطري وقطرية ... لحظة صعود الفارس محمد بن حمد إلى الشعلة . . حفظ الله هذا الفارس البطل وحفظ قطر الغالية .

[قطر الندى]

[SIZE="5"]الأشيا الحلوه كثيره بس أنا راح أذكر السلبيات :

أختيارهم ل ميشو والثاني نيشان أختيار غير موفق ياحبذا لو كان أختيارهم لشخصيات جادة قطرية أو أي شخصية معروفة بجديتها لأن المناسبه كبيرة وكل العالم راح يطلع عليها الصراحة انصدمت لما طلع ميشو وقال لنا( إلك ).

[على قد حالها]

((كنت اتمنى انها تكون موجودة في الافتتاح تمنيت تلاوة القرآن الكريم قبل السلام الاميري)) .


نفس الشي الى تمنيته انا بعد 00 جزاج الله خير اختى كلن يسولف ليش ماصارت تلاوه للقران الكريم :con2:

شكرا اخوي على المرور والرد (ومثل مايقولون ماكل مايتمناه المرء يدركه):)

[على قد حالها]

[QUOTE=وطن]يا جماعة افتتاح لاحتفال وفيه موسيقى واغاني
تبونهم يبتدونه بقرآن ؟؟
مايصير !!!


الله يعافيك اخوي وشكرا على المرور والرد :) ، بس كان بعد لازم يكون في قرآن ،ويمكن تكون لهم وجهة نظر واحنا مب عارفينها:confused:

[على قد حالها]

[QUOTE=Index Signal]بو درياه :eek:[/QUOTE


صج والله كانت فكرة بو درياه بعد وايد حلوة :nice:

شكرا على المرور والرد :)

[على قد حالها]

أجمل لقطة : هي اللحظة التي توحدت فيها مشاعر كل قطري وقطرية ... لحظة صعود الفارس محمد بن حمد إلى الشعلة . . حفظ الله هذا الفارس البطل وحفظ قطر الغالية .

احلى تعبير سمعته (لحظة توحدت فيها مشاعر كل قطري وقطرية) وفعلا كانت هاي من اجمل اللقطات :app:

وشكرا على المرور والرد;)

[على قد حالها]

[SIZE="5"]الأشيا الحلوه كثيره بس أنا راح أذكر السلبيات :

أختيارهم ل ميشو والثاني نيشان أختيار غير موفق ياحبذا لو كان أختيارهم لشخصيات جادة قطرية أو أي شخصية معروفة بجديتها لأن المناسبه كبيرة وكل العالم راح يطلع عليها الصراحة انصدمت لما طلع ميشو وقال لنا( إلك ).


صدقت اخوي انا اول ماسمعت الصوت شكيت في البداية بس لما تأكدت حسيت ان تقديمهم ماكان له داعي ، وكنت اتمنى ان اللي قدم الفقرات في الحفل شخص قطري ( بس كلنا قطر)

[على قد حالها]

آنا بعد واااابد حبيت فكرة عرضهم للعلماء المسلمين العرب وطريقة عرضهم لتراثنا وقصة كفاحنا.....

الأشياء اللي كنت أتمناها :-

- التلاوة
- ان كلمة الشيخ حمد و ولي عهده تكون فالبدايه وبعدها تبتدي الفعاليات
- وجود تفسير للي يسمونها التعويذه ( أوري ) ولو بشكل بسيط جداً
- مشاركة الشيخ جوعان السفير للشعله....المفروض هو اللي يسلم الشعله لأخوه
- مشاركة شيخ الشباب - جاسم بن حمد اللي للأسف ما شفناه حتى لو بلقطه

يعطيج العافية على المرور والرد ;)

[فاهد العذبة]

انا الشي اللي كنت اتمناه وطبعا ظايقني بكل امانه:
بما اننا في دولة عربيه مسلمه

المفروض طبعا فرض مو اختيار انهم يبتدون بتلاوة القرآن الكريم

مثل ماتفضلت الاخت وطن حتى لو كان في موسيقى او اغاني هذا ما يمنع ان يكون الافتتاح بتلاوة القرآن الكريم علشان تتبارك الدورة علينا وعليهم هل دقيقة او دقيقتين او اقل بتخرب البطوله او بتعطلها او بتظايق احد بالعكس قلنا افتتاح اسطوري مب انه اسطوري وماله مثيل انهم يشيلون القران ؟؟ شي يزعل والله يمكن ناس يهتدون من الوافدين او الجمهور او من يشاهدهم ويكسبون الاجر
يمكن نسوا القرآن حضروا كل شي ونسوه ؟؟؟

والشي الثانية التعويذة اللي هم حاطينها اللي هي (( اوري )) ليش ماعرفوا الناس فيها ع الاقل
مقطع من المها او الغزال يعرف الناس فيه هاي شي مو مهم كثر تلاوة القرآن .

والشي الثالث لم نرى الشيخ جاسم والشيخ جوعان في الافتتاح .
وكان خاطري اخر شخص يسلم الشعله للشيخ محمد انه الشيخ جوعان بما انه السفير الفخري للشعله واللي ماقصر والله .
هاي الاشياء السلبية

اما عن ايجابيات الافتتاح
الافتتاح كله روووووووعه وفضيع وهذا يثبت لكل من تحدى قطر او قال ان قطر مب قد الاسياد انها قدها وهي اشاره للعالم ان قطر جايه في استضاف الومبياد 2016 ومن بعدها ان شاء كأس العالم

واخير احلى لقطه عجبتني ونقزتتني لقطة الحصان يوم زلق وقلبي كان بيوقف ومن بعدها وصل لفوق حسيت ان العبره خنقتني من الفرحه والله وقعدت احمد ربي انه وصل هذي احلى مافي الافتتاح اشعال الشعله بهذه الطريقه

وطولتها عليكم :)

[Abu Deeb]

الاغاني والموسيقى اللي كانت موجوده ليست للمجون والسهر بل كانت لها معاني وأفكار توحي
بمضمون رسالة الإفتتاح فماكان هنالك أي سبب لعدم وجود القران في بداية الافتتاح
وأجمل لقطات الحفل كانت بتنفيذ وأخراج فارس الفرسان محمد بن حمد كانت أروع مابالحفل

[Sniper]

احلى لقطة
لقطة الفارس
و لقطة بودرياه
و للأسف تمنيت القران الكريم , و بعدين مع موضوع البحر تمنيت سماع صوت نهّام
و تمنيت اسمع اسم منصور مفتاح لما شال الشعلة , و استفقدت النجم القطري ابراهيم اسماعيل و استغربت انه ما كلن من ظمن حاملي الشعلة
و اسوأ شي في الحفل كان المذيعين الداخليين و ميشو ونيشان كان دمهم ثقيل وايد

[ريانة العود]

احلى لقطه الفااااااااااااااااارس ربي يحفظه

[فاهد العذبة]

يا جماعة افتتاح لاحتفال وفيه موسيقى واغاني
تبونهم يبتدونه بقرآن ؟؟
مايصير !!!


ع العموم الأشياء اللي عجبتني
كلمة السلام عليكم في البداية اللي سووها بالشعلات

الولد الصغير وهو يقول النشيد الوطني

والولد يوم طلع في اللفت الهايدروليك اللي رفعه فووووق
والهوى بارد عليه مسكين :(

وبودرياه يوم طلع ضحكني وايد
رهيب
ولما كان يرمي النار بالسهم اللي في ايده بعد حلوة الحركة

العرس كان حلو وفكرته حلوة :)

الصراحة وايد اشياء

وأهمها لحظة صعود الفارس

:)


الله يعطيج العافية على هالموضوع


استغفري ربج يا اخت وطن وكلمة مايصير واستغرابج ستحاسبين عليه يوم القيامه ليش شفيها لو بدوا بقرآن بيصير شي افتتاح خليجي 17 وغيره وغيره كان فيه اغاني وموسيقى بس القران اولا في الافتتاح وهالكلمة والله قويه اللي قلتيها حتى لو مزح هالاشياء مافيها مزح ولحد يزعل بس كلام الحق ينقال واذا الواحد غلط لازم يتوب جزاج الله خير

[وطن]

استغفري ربج يا اخت وطن وكلمة مايصير واستغرابج ستحاسبين عليه يوم القيامه ليش شفيها لو بدوا بقرآن بيصير شي افتتاح خليجي 17 وغيره وغيره كان فيه اغاني وموسيقى بس القران اولا في الافتتاح وهالكلمة والله قويه اللي قلتيها حتى لو مزح هالاشياء مافيها مزح ولحد يزعل بس كلام الحق ينقال واذا الواحد غلط لازم يتوب جزاج الله خير

انا ماكنت امزح اخوي في هالكلمة
وانا اعرف ديني عدل الحمدلله واعرف شنو اللي ربي بيحاسبني عليه يوم القيامه واظن الله ادرى باللي في النفوس وهو اللي يحاسبنا
يعني كلمتك هذي مالها داعي اني راح احاسب يوم القيامة على هالجملة اللي قلتها
لان ربي يعرف انا شنو بقلبي وشنو اللي اقصده :court:


وتراني ماغلطت لما قلت حفله فيها اغاني وموسيقى يبتدونها بقرآن

في دورات وأشياء وايد ومؤتمرات ممكن يبتدون فيها بكلام الله
لكن حفله فيها موسيقى وأغاني

هذا اللي مايصير مع القران الكريم

وانا لما قلت هالشي ترى ماقلته اني انتقص من قدر القران

:anger2:

انا قلته لأن لو بنرجع للصح الموسيقى حرام في ديننا والأغاني بعد
وهذا احتفال فيه موسيقى وغناء

تبيهم يبتدونه بالقرآن !!!

حتى لو كان هالحفل مو للمجون والطرب مثل ما تكرمتوا وقلتوا

تبون تبتدون بالقرآن وبعدها موسيقى !!!

شلون جذي :court:

[الزاجل]

((كنت اتمنى انها تكون موجودة في الافتتاح تمنيت تلاوة القرآن الكريم قبل السلام الاميري)) .


نفس الشي الى تمنيته انا بعد 00 جزاج الله خير اختى كلن يسولف ليش ماصارت تلاوه للقران الكريم :con2:

اعتقد ان ما خانتني الذاكرة

ان مثل هذه التجمعات المتعددة الثقافات والديانات ممنوع فيها
التركيز على ديانة محددة احتراما للديانات الثانية ..

وان ما خانتني الذاكرة اول من كسر مثل هذا القرار
هو الشيخ الشهيد فهد احمد الصباح الله يرحمه رئيس اللجنة الأولمبية الاسيوية حين ذاك
في احدى البطولات الالومبية الاسيوية اللي بدأ كلامه ببسم الله الرحمن الرحيم
والسلام عليكم ..

كمسلمين نتمنى لو ان البطولة بدأت بالقرآن الكريم
ولكن ما نتمنى ان نبدأ بطولة في دولة اسيوية اخرى
على طقوس هندوسية او بوذية او مجوسية ..

الحمدلله البطولة انذكر فيها اسم الله وطلب بركته ..



واتمنى اذا كانت معلوماتي خاطئة انها اتصحح ..

[الزاجل]

الشي اللي ما عجبني
انهم ركزوا في البطولة على دول شرق اسيا وما يابوا طاري
على دولة مثل ايران ودول الشام واليمن السعيد .

فكل شي كان متعلق بدول شرق اسيا لدرجة شكيت ان مصمم الفقرات واحد منهم ..

فلو المشاركين كانوا من دول اكثر كانت مشاركتهم بتعطي زخم في الملعب ..

المذيع الداخلي فشلنا
او يتحمل مسؤولية الفشيلة هذه اللي كتب لهم المعلومات

منصور مفتاح حمل الشعلة واذكروا انه طلال منصور
وسقط ذكر منصور مفتاح سهوا في البطولة
بطلنا العالمي ناصر العطية هو سوبر بطل
لأنه بطل في الرماية وبطل في الراليات وما ذكروا الا انه بطل في الرماية..

[khaldoon]

اللي ما فهمته للحين هو كيف ولعت الشعلات في لحظه واحده بداية الافتتاح باللون الابيض وتحولت الى اللون العنابي لترسم علم دولة قطر ثم تعود للون الابيض

لقطة الفارس الشيخ محمد بن حمد ال ثاني حفظه الله ما زالت مبهره ومستغرب جدا من فكرة تنفيذها وخطورتها...فعلا حملوه امانه ضخمه وكان قدها ما شاء الله عليه

[على قد حالها]

يمكن نسوا القرآن حضروا كل شي ونسوه ؟؟؟
:confused: :confused: :confused: :confused:

(والشي الثانية التعويذة اللي هم حاطينها اللي هي (( اوري )) ليش ماعرفوا الناس فيها ع الاقل
مقطع من المها او الغزال يعرف الناس فيه هاي شي مو مهم كثر تلاوة القرآن ).

:con2: :con2: :con2:

اما عن ايجابيات الافتتاح
الافتتاح كله روووووووعه وفضيع وهذا يثبت لكل من تحدى قطر او قال ان قطر مب قد الاسياد انها قدها وهي اشاره للعالم ان قطر جايه في استضاف الومبياد 2016 ومن بعدها ان شاء كأس العالم
:nice: :nice: :nice: :nice: :nice:

مشكور اخوي على المرور :)

[الراقية]

تحياتي لك
**كنت اتمنى بداية البطولة بايات عطرة من القران الكريم مثل ( وجعلناكم شعوبا وقبائل لتعارفوا )صدق الله العظيم
ولكني ...اعتقد وليس اجزم ان بعض البطولات على مستوى العالم او المخيمات يكون فيها شرط أساسي وهو ان تكون بعيدة عن اي سياسات او ديانات لذلك لم يوضع القران الكريم لان الشرط معترف به عالميا .

**أختيارهم ل ميشو والثاني نيشان غير موفق واعتقد في كفاءات قطرية افضل منهم وما ادوا الدور بشكل جيد وحتى عندما طلبوا من الجمهور تردديد بعض الكلمات كانت باللهجة اللبنانية فياليت اختاروا من ابناء قطر او دول مجلس التعاون .

اللي عجبني
كل شي بداية من لوحة السدو وانتهاء بالشعلة

ولكن كنت منبهره ب الجمهور المتعاون جداجدا

تحياتي

[بن علان]

الأمير حفظه الله افتتح الاحتفال فقال:

"بسم الله وعلى بركة الله"

وفي هذا بركه إن شاء الله

...................

يسلمووووووووووووووووووو