العود الازرق... رائحه طيبه... بسعر منافس

[QuikSilver]

http://www.mstaml.com/imagesData/241831.jpg

السلام عليكم ورحمة الله وبركاته

يتوفر لدينا العود الأزرق و معروف جدا برائحته..
هالنوعيه من العود معروفه بقوتها وثباتها في الملابس والجسم ..
حجم قطع العود " تبيض الوجه" لانها بصراحه قطع كبيره بشكل يناسب الاعراس , مجالس الرجاجيل .. والعزايم الكبيره .. وللاستخدام العادي بإمكانك تكسر القطعه للحجم المناسب لك ..

العود معروف بطول مده دخونه .. يعني ممكن قطعه متوسط حجمها تلف على مجلسك كله ولضيوفك كلهم وبعد تظل تدخن ..

بالنسبه للسعر ..
اكيد اكثركم عارفين سعره بالسوق .. لكني اليوم جبت لكم العود الأزرق لأصلي لكن بسعر منافس استحاله تلاقيه بأي مكان ..
والدليل على ان سعر العود عندي منافس كثرة الطلب عليه سواء من الامارات او البحرين وحتى بالسعوديه بمناطق مختلفه

واخيرا بالنسبه للسعر .. فسلمكم الله سعر التوله 22 ريال .. والبيع بالتوله بصراحه مو عملي بالنسبه للزبون لان سعر الشحن بيكون اعلى منه تقريباً لكن حبيت اعرضه بالتوله لان احيان يكون في زباين يبون كميات كبيره ويخافون يجازفون فيطلبون بالتوله وبعدها بالكيلو او بالنص او الربع وهكذا .. بحسب رغبتهم ...

وبالنسبه للكيلو .. فسعره ..


2000 ريال فقط لاغير

بالنسبه للتسليم ..
التوصيل بيكون بالبريد الممتاز و هذي اسعاره
من توله الى نصف كيلو 60 ريال
و كل نصف كيلو زياده بـ 10 ريالات


او thequiksilver4@hotmail.com

[مغروور قطر]

يمنع وضع ارقام الهواتف والاكتفاء فقط عبر الايميل او الرسائل الخاصه

[Chambray]

هل هذا العود صناعي؟؟؟؟؟

[راعي الازرق]

اولا العود هذا مب اصلي مثل ما تقول وانما صناعي

ثانيا السعر أغلى من السوق

في السوق عندنا في الدوحه ب 1200 في السوق

[بدور]

فعلا السعر غالي 2000

انا اخذت الكيلو في محل بسوق مرشد بدبي 800 للكيلو وللامانه القطعه اصغر شوي

واخذت نفس الحجم 1200 العود الازرق

وعسى ربي يوفقك جايز يكون اللي عندك غير وافضل

[QuikSilver]

حياكم الله يا اخوان...

انا حطيت بضاعه عندي للبيع مب للذم...

و بالنسبه للاسعار..... هذي الاسعار اللي تناسبني و ابيع بنفس الاسعار من سنه كامله مب امس او اليوم

[بدور]

حياكم الله يا اخوان...

انا حطيت بضاعه عندي للبيع مب للذم...

و بالنسبه للاسعار..... هذي الاسعار اللي تناسبني و ابيع بنفس الاسعار من سنه كامله مب امس او اليوم


بالعكس اخوي حنا ما ذمينا وأكيد هناك عدة انواع واعتقد النوع اللي عندك افضل

وجعل ربي يوفقك ويفتح عليك مانبيييييييييييك تزعل يا خوي

[راعي الازرق]

حياكم الله يا اخوان...

انا حطيت بضاعه عندي للبيع مب للذم...

و بالنسبه للاسعار..... هذي الاسعار اللي تناسبني و ابيع بنفس الاسعار من سنه كامله مب امس او اليوم


حياك الله اخوي بضاعتك وانت حر فيها

بس انا علقت على شي بسيط ألا وهو انه عود صناعي ... لأنك ذكرت انه اصلي

وقلت بعد أنها اسعار منافسه وأرخص من السوق... وانا قلت لك شريتها ب 1200 أرخص من سعرك

كان بأمكانك انك تعرضها وتطلب فيها ألفين بدون ان تذكر هذي النقطتين... لأنه ثبت عكس الكلام اللي قلته

تحياتي والله يوفقك

[QuikSilver]

حياكم الله ياشباب..
تراى العود الازرق كله صناعي... ما فيه طبيعي...

فيه انواع واشكال.... و احجام...

يمكن اللي بـ 1200 حجمه او المصدر حقه يختلف...
الصراحه هذا العود اشبهه باللي عند العربيه للعود

[سيف قطر]

موفق >>>>

[auto body]

السعر غالي وبعدين سوق المنتدي يتميز باسعارة الرمزية وغير المبالغة واسعارك حاول اعادة النظر فيها

[QuikSilver]

يا اخوان....

رحوا العربيه للعود.. و قولوله بكم الكيلو من العود الازرق... و بتعرفون الفرق في السعر...

اما اذا كل واحد بيقول السعر غالي و هو ما جرب السلعه ...!!!! مب معقوله

[nasser2244]

حياكم الله ياشباب..
تراى العود الازرق كله صناعي... ما فيه طبيعي...

فيه انواع واشكال.... و احجام...

يمكن اللي بـ 1200 حجمه او المصدر حقه يختلف...
الصراحه هذا العود اشبهه باللي عند العربيه للعود

سلامتك كلامك غير صحيح والعود الأزرق معروف أما عودك اللي تقول عنه فهو صناعي مثل ما قالو لك اللي قبلي والمعلوماتك ان هذا النوع ضار بالصحة من كثر المواد الكيماويه اللي موجوده فيه .

[المخفي]

العود الصناعي ضار بالصحة مسبب للسرطان
لأحتوائه على مواد أروماتيكية المعروفة بالرائحة الزكية

[Dana]

الله يوفقك

[البيرق]

انا توني شايف الموضوع
العود الازرق وغيره من العطور الصناعية خطيرة جدا ومثل ما قالوا الاخوان
الضرر ما يكون مباشر ولكن في المستقبل خطير وقد سمعت عن انواع العطور المزيفة وخطورتها ومنع بيعها في الدول الغربية (مع ان تصنيع بعضها في اوروبا للتصدير لنا فقط)
وارجوا من الاخ الي يبيع هالبضاعة ان يتقي الله

[QuikSilver]

ليكون كفرت وانا ما ادري

اللي يشوفكم يقول ابيع دخان و شيشه... الله يهديكم...

كل سلعه و لها ناس تشتريها