أحمد اليافعي
02-12-2006, 11:40 PM
السلام عليكم جميعا ،،
شخباركم ؟ عساكم طيبين ؟؟
ياجماعة الخير ما تسوى علينا البطولة الاسيوية الدوحة 2006 :)
كل شي زاد وبصورة غريبة وعجيبة وبدون رقابة :)
وكن التجار والكل ماخذ البطولة ووجود الناس اللي جايين من برا ذريعه في انه يرفع سعر البضاعة اللي يبيعها ويسوقها او يرفع تكلفة الخدمة اللي يقدمها .
خذوا عندكم اللي صادفته اليوم :
من اشوي كنت في كارفور اتشرى مواد غذائية وتموينية واستهلاكية حق البيت ، العادة اشتري من كارفور لان اسعارهم تكون اقل من اي مكان آخر خصوصا الجمعيات التعاونية لكن الاسعار اللي شفتها اليوم خلتني أغير رايي واكتب هالموضوع :
من ضمن الاشياء اللي خلتني احس بفارق الاسعار اهو كرتون الدجاج العادة اشتري دجاج الوطنية 1000 غرام وسعر الكرتون المتعارف عليه 93 ريال احيانا يزيد نص ريال او 75 درهم لكن تفاجأت اليوم وانا اكلم الفلبيني اللي يشتغل وياهم واساله عن سعر الكرتون الا يقولي بـ 96 ريال وكسور :court: عاد انا سالته ليش هالزيادة او ليش الفرق في السعر لاحظوا الفرق ( 3 ريالات ) يعني ولا قط صارت من قبل فقالي انه اسعار بعض المواد الاستهلاكية زادت ويوم قلت له اكيد عشان الالعاب الاسيوية قام وابتسم لي وهز كتوفه كنه يقولي اينعم عشان الالعاب الاسيوية طبعا ما شريت من عنده واضطريت اخذ من الميرة وفعلا وجدت السعر 93 ريال :court:
واللي مب مصدقني ياخذ له مشوار لكارفور ويسال بكم كرتون دجاج الوطنية 1000 غرام !
طبعا خذت لفه في كارفور وفعلا لقيت فرق في الاسعار عن برا في الكثير من المواد اللي معروضة عندهم وطبعا الجماعة مستغلين وجود كارفور في السيتي سنتر وقربه من القرية الاولمبية ويعرفون ان اللاعبين والمشاركين والجمهور لازم يمرون الستي ويشترون من المحلات اللي فيه وطبعا لازم يمرون كارفور !
لذلك نصيحه لكم لحد يشتري من كارفور قبل لا يسوي مقارنة بين السعر اللي كان يشتري فيه والسعر الجديد اللي حاطينه بسبة الالعاب الاسيوية الدوحة 2006 :)
طبعا فيه اشياء زادت تكلفتها ويمكن البعض مب ملاحظ هالشي مثل تأجير السيارات وتكلفة أجرة الليموزينات .
تحياتي لكم
:court:
شخباركم ؟ عساكم طيبين ؟؟
ياجماعة الخير ما تسوى علينا البطولة الاسيوية الدوحة 2006 :)
كل شي زاد وبصورة غريبة وعجيبة وبدون رقابة :)
وكن التجار والكل ماخذ البطولة ووجود الناس اللي جايين من برا ذريعه في انه يرفع سعر البضاعة اللي يبيعها ويسوقها او يرفع تكلفة الخدمة اللي يقدمها .
خذوا عندكم اللي صادفته اليوم :
من اشوي كنت في كارفور اتشرى مواد غذائية وتموينية واستهلاكية حق البيت ، العادة اشتري من كارفور لان اسعارهم تكون اقل من اي مكان آخر خصوصا الجمعيات التعاونية لكن الاسعار اللي شفتها اليوم خلتني أغير رايي واكتب هالموضوع :
من ضمن الاشياء اللي خلتني احس بفارق الاسعار اهو كرتون الدجاج العادة اشتري دجاج الوطنية 1000 غرام وسعر الكرتون المتعارف عليه 93 ريال احيانا يزيد نص ريال او 75 درهم لكن تفاجأت اليوم وانا اكلم الفلبيني اللي يشتغل وياهم واساله عن سعر الكرتون الا يقولي بـ 96 ريال وكسور :court: عاد انا سالته ليش هالزيادة او ليش الفرق في السعر لاحظوا الفرق ( 3 ريالات ) يعني ولا قط صارت من قبل فقالي انه اسعار بعض المواد الاستهلاكية زادت ويوم قلت له اكيد عشان الالعاب الاسيوية قام وابتسم لي وهز كتوفه كنه يقولي اينعم عشان الالعاب الاسيوية طبعا ما شريت من عنده واضطريت اخذ من الميرة وفعلا وجدت السعر 93 ريال :court:
واللي مب مصدقني ياخذ له مشوار لكارفور ويسال بكم كرتون دجاج الوطنية 1000 غرام !
طبعا خذت لفه في كارفور وفعلا لقيت فرق في الاسعار عن برا في الكثير من المواد اللي معروضة عندهم وطبعا الجماعة مستغلين وجود كارفور في السيتي سنتر وقربه من القرية الاولمبية ويعرفون ان اللاعبين والمشاركين والجمهور لازم يمرون الستي ويشترون من المحلات اللي فيه وطبعا لازم يمرون كارفور !
لذلك نصيحه لكم لحد يشتري من كارفور قبل لا يسوي مقارنة بين السعر اللي كان يشتري فيه والسعر الجديد اللي حاطينه بسبة الالعاب الاسيوية الدوحة 2006 :)
طبعا فيه اشياء زادت تكلفتها ويمكن البعض مب ملاحظ هالشي مثل تأجير السيارات وتكلفة أجرة الليموزينات .
تحياتي لكم
:court: