الحقيقه المره ! (( الاجناب - غير العرب بالذات - غلطت الدوله فيهم ! ))

[المخلب]

السلام عليكم

بكل صراحه لازم اقولها للكل .. والي يزعل يزعل ! ..

الدوله ولله الحمد ماقصرت أبد على حد ! .. وعطت الكل حقه وزياده ..!! ..

لكن الي أشوفه حتى الان عكس التوقعات ! ..

1- طلعوا الاجانب مايستاهلون ابد شئ اسمه تذاكر مجانيه !! (( للي تم توزيع عليه تذاكر مجانيه لحفل الافتتاح !)) لانهم مادفعوا للدوله ولا ريال ! ..

2- الاجازه الي منحت للمدارس الاجنبيه كانت أكبر غلطه ! .. لانها بكذا خلت الاجانب بدل مايروحون الملاعب !! خلتهم يا يجلسون في البيت !! .. يا يسافرون !! ..

3- عزوف الاجانب عن الحظور ! لأماكن الالعاب الرياضيه !! .. مع العلم ان التذكره رمزيه (( خمس ريالات !! )) ولا يحلمون فيها في اي دوله بالعالم ! .. - مع العلم حتى لو كان الفريق فريق بلاده مايحضر ! ليش ماادري ؟؟ - .

4- أنا توقعت ان شوارعنا من الزحمه مابنقدر نمشي فيها !! والاشاعات (( الي لازم كنا نسميها حقائق )) عن الزحمه وعن أن الاماكن بتنترس وان الوسيله الوحيده للحركه كروه ! طلعت كلام فاضي !! مع العلم ان هذا المفروض يكون الواقع !! ..

- الى الان ولا شفت اي شخص من اي دوله خارج قطر !! ( الي توقعنا حضورهم ! ) ماعدا القروبات البسيطه - 10 او 20 شخص الي تجي مع الفرق نفسها ! -

فعيب والله ..

[auto body]

الله المستعان

[khaldoon]

يعطيك العافيه اخوي المخلب

[مضارب جديد]

شكلك كان مخك مغسول :con2: وتوك صاحي :D

معليش :funny:

تعيش وتاكل غيرها:dance

[وطن]

يمكن ماكانوا متوقعين ان الدورة في بلادنا راح تنجح وتكون بهالمستوى

عشان جذي محد جااااء من بره البلاد ؟؟!!

[الفيصلي]

السلام عليكم

بكل صراحه لازم اقولها للكل .. والي يزعل يزعل ! ..

الدوله ولله الحمد ماقصرت أبد على حد ! .. وعطت الكل حقه وزياده ..!! ..

لكن الي أشوفه حتى الان عكس التوقعات ! ..

1- طلعوا الاجانب مايستاهلون ابد شئ اسمه تذاكر مجانيه !! (( للي تم توزيع عليه تذاكر مجانيه لحفل الافتتاح !)) لانهم مادفعوا للدوله ولا ريال ! ..

2- الاجازه الي منحت للمدارس الاجنبيه كانت أكبر غلطه ! .. لانها بكذا خلت الاجانب بدل مايروحون الملاعب !! خلتهم يا يجلسون في البيت !! .. يا يسافرون !! ..

3- عزوف الاجانب عن الحظور ! لأماكن الالعاب الرياضيه !! .. مع العلم ان التذكره رمزيه (( خمس ريالات !! )) ولا يحلمون فيها في اي دوله بالعالم ! .. - مع العلم حتى لو كان الفريق فريق بلاده مايحضر ! ليش ماادري ؟؟ - .

4- أنا توقعت ان شوارعنا من الزحمه مابنقدر نمشي فيها !! والاشاعات (( الي لازم كنا نسميها حقائق )) عن الزحمه وعن أن الاماكن بتنترس وان الوسيله الوحيده للحركه كروه ! طلعت كلام فاضي !! مع العلم ان هذا المفروض يكون الواقع !! ..

- الى الان ولا شفت اي شخص من اي دوله خارج قطر !! ( الي توقعنا حضورهم ! ) ماعدا القروبات البسيطه - 10 او 20 شخص الي تجي مع الفرق نفسها ! -

فعيب والله ..


اخوي المخلب شلون اتوقع يجون سياح واللي اعرفه ان الدولة حاجزة نسبة كبيرة من الفنادق لوفود البطولة........
يعني اي سايح يبغي يحضر البطولة صعب يلاقي سكن

[وطن]

أخوي الفيصلي وفود البطوله ترى لهم مكان في المدينة الطبية
تراها مو بس للاعبين

بعد فيها المدربين

لو فرضنا انهم بس حجزوا فنادق للباقي
ترى الفنادق تكفي وزيادة

كافي عليهم فندق واحد :)

[بوخالد2]

هههههههههههههههه 000 محد عايش الا الاجانب في قطر معليش يالمخلب هونها وتهون 0

[الراقية]

:looking: :looking: :looking: :looking: :looking: :looking:



ماعليش تعيش وتاخذ غيرها

[على قد حالها]

:anger2: انا من زمان اقول ان الاجانب عايشين هني جنهم هم اهل البلد وحنا يالقطريين مهاجرين وجايين للعمل:anger2:
شي يبط الجبد لان الايه معكوسه الصراحه crazy
ملااااااااحظه : انتوا بس حطوا بالكم على المطاعم ..السيارات..المجمعات ..طريقة التصرف.. وبتعرفون الفرق بينهم وبينا:eek3:

[qatari1]

أخي المخلب....
موضوعك غريب، وغير مفهوم..
تشره على الأجانب، وما تشره على القطريين اللي ما يحضرون للملاعب، والملعب ما ينترس حتى في مباريات المنتخب الوطني!
ولو عطو المواطنين إجازة تتوقع بيتمون في البلاد، ولا هم أول ناس بيسافرون!
وللا إحنا عادي، وهم لا؟؟!!
هذه نقطة..

الثانية: خلنا نكون صريحين..إحنا مش دولة سياحية، ولا أي دولة خليجية تعتبر سياحية..
فلا تتوقع إنه السياح بيهلون علينا بعشرات الآلاف!

الثالثة:معظم الدول الآسيوية فقيرة، فكيف تتوقع حضور جماهير كبيرة من الدول الآسيوية؟
الرابعة: التذاكر المجانية كانت لبعض الأجانب، وبعض القطريين أيضاً،
وللا حلال علينا، وحرام عليهم؟!
الخامسة: مثل ما قالوا الأخوان الفنادق غير كافية بالمرة هذا لو افترضنا حضور سياح بعشرات الألوف، واكتتاب الريان أكبر دليل!

[المخلب]

هلا اخواني الاعضاء علشان ماحد يفهم الموضوع من نواحي ثانيه ..

نتبدي من جديد ...

لما اشره على الاجنبي ! فهي شرهه محسوبه عليه !! لان اقل شئ يسوييه انه يتواجد في مباريات بلاده !! .. وخاصه ان التذاكر بسعر رمزي ! ( كانه شاري برجر وعصير موز ! من المعصره ! ) ..

اما القطريين .. فكان لبعضهم ! تواجد في المباريات الي تخص قطر ودول الخليج ! .. فما في داعي اظلمهم ! مب بس في الكره القدم ! الا بالرياضات الثانيه ! ..

وانا مع ذاك لا ادافع عنهم لان المفروض يكون حضورهم مكثف ! ...

بالنسبه للاجازه ! .. والمفروض الأجازه للقطرين !! علشان مايتعيلثون ويقولك ! والله الوقت غير مناسب له علشان يحضر المباريات !! ..

بعكس الاجانب الي كل مدارسهم عطلت ! .. ومدرسينهم الاغلب منهم سافر !! وأغلب الشركات والمؤسسات الاجانب الي فيها مقدمين على الاجازه طوال فتره الاسياد ! ..

بالنسبه للسياحه !.. قطر فيها سياحه ! .. وأصلا ماتحتاج كلمه سياحه خلال هذي الفتره !! بالذات .. لان الحدث هذا يشمل اسيا ككل !! .. فالمفروض ان هناك وفود تجي قطر ! ..

للاسف ماشفنا منهم شئ ! ..

اما بخصوص ان بلدان اسيا فقيره !! فهذا غير مبرر !! .. لان العروض الترويجيه الي سوتها خطوط الطيران ! لجلب الناس الى قطر لحضور الفعاليات تجعلك غصبن عنك تجي ! ..

بالنسبه للتذاكر ! .. اي نعم مقهور على التذاكر !! .. لأن انا وغيري دفعنا على التذكره ! ..

يجيك واحد منا والطريق يحصل التذكره ببلاش !! ويبيعها عليك بـ سعر مضاعف ؟!!! وهو مب دافع فيها ولا ريال ! ..

على الاقل البعض من القطريين الي حصلوا تذاكر مجانيه ! التزموا بالحضور ( وذلك لان التذكره كانت عباره عن دعوه ! وبعض القطرين عزت النفس تمنعه انه يبيع تذاكر ويحرم نفسه من الحضور ! ) ..

اما عنصر الفنادق ! .. فأنا أايد من قال ان الفنادق غاليه ! وليست غير كافيه ! ..

والمفروض من عناصر الجلب السياحي ان تخلي الفنادق في اوقات المهرجانات وغيرها ذو سعر مقبول نسبيا ! وليس مبالغا فيه ! ..

[الزاجل]

هلا يالمخلب ..

ما ادري اذا الدولة اغلطت فيهم والا احنا اللي غلط ..

المفروض الاعتماد الكلي يكون على عيال البلد في تحريك الدورة
من الناحية الجماهيرية ..

يا اخي شركات ومؤسسات قطرية امنعت موظفينها من التطوع في الآسياد
موظفين ذوي خبرة وكفاءة احتفظت فيها الشركات لنفسها في حين
الآسياد بحاجة الى متطوعين ذوي خبرة ..

اما من ناحية الحضور الجماهيري
خلني اقول خبز اخبزوه خلهم ياكلون منه ..

حتى طلاب المدارس الحكومية والخاصة ما يودونهم الا يوم وترك
اللي ودوهم امس ما حركوهم اليوم ..

واللي يقول ان البطولة سنة كاملة
كلها 14 يوم خلهم يشلون الطلاب يوميا للتشجيع
ما هم داوموا من نص 8 المفروض نص 12 من غير دراسة ..

البطولة على ارضنا الغالية
ومحد بيعوره قلبه اذا الحضور الجماهيري كان قليل
الا احنا .. علشان جذيه يالمخلب حث الجميع على حضور
الفعاليات ..

وخلنا من خلال هالموضوع نتساعد على انجاح البطولة
فالبطولة مب مواضيع تكتب او اخبار تنقل
بل حضور يسجل ويوثق ..

يالله يا شباب امشوا نحضر فعاليات الجمباز اليوم:looking:

[الجوري]

حسبي الله ونعم الوكييييييييييييييييييييل

[المخلب]

يالله يا شباب امشوا نحضر فعاليات الجمباز اليوم:looking:


كل الكلام الي قلته بصوب ! .. وهذي الجمله بصوب ههههههه:D ههههههههه

الله يقطع سوالفك .. ضحكتني وانا متكدر هههههههههه:D هههههههههه

استغفر الله ربي واتوب اليه ..

شكرا على بث الروح في الجماهير القطريه :nice: .. ويمدحون السباحه ! ;)

[alwahesh]

الاجانب المساكين طلبو من كروه ان الباصات توصلهم الى الملاعب مجانا بس للأسف محد عطاهم ويه ...

[الزاجل]

أخوي الفيصلي وفود البطوله ترى لهم مكان في المدينة الطبية
تراها مو بس للاعبين

بعد فيها المدربين

لو فرضنا انهم بس حجزوا فنادق للباقي
ترى الفنادق تكفي وزيادة

كافي عليهم فندق واحد :)

لا مب كافي عليهم فندق واحد

كثار ما حصلوا حجوزات في الفنادق من صحفيين من دول صديقة
والسبب ان الفنادق فُل وياسمين :nice:

[الزاجل]

كل الكلام الي قلته بصوب ! .. وهذي الجمله بصوب ههههههه:D ههههههههه

الله يقطع سوالفك .. ضحكتني وانا متكدر هههههههههه:D هههههههههه

استغفر الله ربي واتوب اليه ..

شكرا على بث الروح في الجماهير القطريه :nice: .. ويمدحون السباحه ! ;)

لا للسباحة
مفاصيخ :p

[نملة الاسهم]

ةعسى ان تكرهوا شيئا وهو خير لكم
احسن مب ناقصين زحمه

[qatari1]

لا للسباحة
مفاصيخ :p

يعني الجمباز اللي لابسين عبي!
:funny: :funny:

[الزاجل]

يعني الجمباز اللي لابسين عبي!
:funny: :funny:

لا الجمباز تقدر اتغمض عين وتفتح عين من غير ما اتخاف من الغرق :looking:

[ROSE]

لا الجمباز تقدر اتغمض عين وتفتح عين من غير ما اتخاف من الغرق :looking:
:funny: :funny: :funny: :funny:



انا من راي اخوي الزاجل بالفعل في بشغلنا ناس تطوعوا وماخلوهم ماسمحوا لهم

يروحون وغير ان اوقات عملنا ماتسمح للناس يروحون ويتابعون

يعني تخيلوا الواحد يقعد لي الساعة 4 او 5 في الدوام وين له خلق يروح يتابع مباريات

بيكون تعبان وبيروح بيته ويرتاح احسن له


هذي بخصوص المواطنين فما بالك بالاجانب هم بعد نفسنا وين عندهم وقت يروحون يتابعون

وهم يداومون مثلنا

واذا على الوفود مثل ماقالوا اخواني دول اسيا دول فقيره وين تقدر على اجارات الفنادق العالية

وغير انه اصلا مافيه حجوزات احنا نحاول نحصل حجز في اي فندق ان شاء الله 3 نجوم مب قادرين حق الناس اللي نجيبهم للمقابلات

[مافيا قطر]

كلامج عدل روز انا كنت مشترك واخرته قالوا محد يروح بحجه نقص فى الايدى العامله

انزين انا اقطرى

ابى اشارك وارفع اسم بلادى رغم والله عدد القطرين اللى مشاركين يمكن 3 ولا واحد خلوه يروح حتى الاجانب واحد هندى هو اللى راح الواسطه وماتلعب لكن ما اقول الا حسبى الله ونعم الوكيل فى ادراتنا عادى قطر للبترول

[BURBERRY]

اخوي المخلب مشكور على موضوعك

و الاجانب ياخذون اجازه مب عشان الاسياد و انما عشان الكرسمس و المدارس الانجليزيه و الجامعات و الكليات الاجنبيه الي عندنا في الدوله و الي فالعالم يكون شهر 12 اجازه عشان الفصل الدراسي الاول يكون خلص و منها اجازه لهم عشان الكرسمس .. و حتى الطلبه القطريين الي يدرسون برع تحصلهم شهر 12 يجون الدوحة عشان عندهم اجازة الكرسمس

و الي باط جبدي ان الاجنبي متمع بخيرنا.. راتبه اكثر من المواطن .. مدرس جامعي(اجنبي) راتبه حول 30 الف :court:

الله كريم

[المتألم]

حبيب قلبي خلينا من التذاكر المجانيه بالافتتاح


بس معاك حق هم ما يستحقون اجازه المدارس والله قهر


اما بالنسبه للالعاب

لا يا خوي هم يحضرون وبكثره والدليل


امس كل تذاكر اسباير مخلصه وكان في اكثر من 500 اجنبي ( طبعا اوروبي على استرالي على هندي على فلبيني ) والقليل القليل القليل من القطريين او العرب وانا

رحت عشان احضر الجمباز وماكو ولا تذكره

واليوم مخلصه كمان

و بكره مخلصه التذاكر


فهناك ذهاب للاجانب

اما بالنسبه للفنادق فلا يوجد حجز عشان يجون اجانب

وكل اللي يحضرون يعملون في الدوحه اصلا او جايين عشان اللجنه طلبتهم من ضمن المنظمين


على العموم تذاكر حفل الختام قريب تخلص

والحقيقه انها خلصت قبل يومين ورجعت اللجنه وباعت تذاكر كانت حاجزتها شركات والتذكره 150 ريال وكذالك قربت تخلص تذاكر العاب القوى والحقوا يا جماعة الخير


كذلك حفل فير اف انتوليا خلص
ومدام بتروفلاي خلصت تذاكرها والكل منقهر حتى الاجانب



اما اذا كان هناك توزيع مجاني للتذاكر فهذي مصيبه والله حرام

انا منظم ورغم هذا اقعد اشتري تذاكر مو حرام انا اولى اتعب واشارك وبالاخير
ادفع والاجنبي ( غير العربي ياكلها بلوووووووووووشي ))

الله المستعان


سلاااااااااااامي