ابغي المساعده باتخاذ القرار

[سراب الامل]

بسم الله الرحمن الرحيم

ابغي المساعده من اصحاب الخبره بالمضاربه بالاسهم

كان عندي راس مال بسيط اشتريت فيه 500 سهم ايجارة بسعر 46 ، واشتريت بالنصف الثاني 500 سهم مواشي بسعر 29

واليوم سعر سهم الايجاره وصل 54 الى 55 وسعر المواشي 43 الى 45

مش عارفه :confused: ابيع الاسهم اللحين وانتظر تنزل مره ثانيه اشتري فيها او انتظر لحين دخول الاجانب على امل انها راح ترتفع لانه عندي توقع ان الايجاره بتوصل فوق 80 والمواشي توقعاتي لها بتوصل بـ 60

[سموالأخلاق]

السلام عليكم ورحمة الله وبركاته....

الاجاره - 54 الى 55 المواشي تقصدين 34 الى 35 ....

عموما اختي الفاضله.... مجرد رأي ...
انا براايي دام ان النزول لحد السعر اللي انتي ماخذه فيه ..! بكون شوي صعب ... يعني الخساره ولله الحمد بعيده شويه.... في كلا الشركتين...

هو الافضل كان تشترين وتبيعين وتاخذين نصيبج وترجعين تشرين لما ينزل ... وساعات بنفس اليوم يطلع وينزل عدة مرات.....

بس هالكلام لو كان قبل هالفتره بكون... أفضل وأريح وأأمن..

لكن بالوقت الحــــالي .. ما أعتقد في وقت ..ولو في وقت بكون في اشوي مغامره....

نصيحه لا تبيعين ولا تستعجلين ..! بإذن الله ما رح تخسرين ...!
وايام وسيعلن نسبة تخصيص الناقلات... وبكون بعد التخصيص والفلوس الفائضه والمسترجعه..
بكون في طلوع جيد ان شاءالله.....

فـ.. ... ان شاءالله ما تبيعين لو حتى شهر وكم يوم لبعد دخول الاجانب بكم يوم....وبكل الاحوال لا تأمنين ولا تطمعين..

عصفور باليد ولا عشره على الشجره......

والافضل الانتضار حاليا وان شاءالله بكون فيها خير لج يارب.....

وبالتوفيق ان شاءالله
تحيــاتي
نــــواف


اضغط واستمع أثناء القراءه
http://media.islamway.com/lessons/a.../tawnALreba.rpm

[سهم عتيج]

توقعات مضاربة لا أكثر,, أما بالنسبة للواقع فأعتقد أن سعر 80 ريالا لسهم الاجارة فهو غير مجدي اطلاقا لأي واحد يريد الاستثمار فيه على المدى الطويل,, أي لمدة 5 سنوات,, لأن عوائده على مدى السنوات الجاية لا تتناسب أبدا مع سعره اللي تتوقعينه يوصل له,, بس مادام فيه سيولة فايضة فكل شي جايز,, والقرار متروك لك
والله أعلم

[سموالأخلاق]

عفوا

الانتضار = الانتظار

وتحياتي

[سراب الامل]

اخي نواف اشكرك جزيل الشكر على نصيحتك الغاليه واسفه على مغالطتي بسعر سهم المواشي بهذه الايام كنت اقصد 35 ريال للسهم وراح انتظر ولا استعجل وذلك لعدم نزول السهم بالسعر اللي اخذته في الوقت الحالي وبالاخص مع قرب دخول الاجانب

اخي سهم عتيج اعذرني على رقم السعر اللي وضعته لسهم الايجاره تراني مستثمره صغيرون مالها خبره بالاسهم وماهي الاتوقعات وخاصه في ظل الاوضاع اللي صايره والارتفاع الغير طبيعي للاسهم الحاليه

[اللورد]

,, بس مادام فيه سيولة فايضة فكل شي جايز,,




أحسنت وكلامك حكم ياسهم عتيج