أبي أفتح محل في سوق واقف .. عند من اروح ، وايش الإجراءات ؟

[Chambray]

أبي أفتح محل في سوق واقف .. عند من اروح ، وايش الإجراءات ؟
وكم سعر الأجار ؟؟
لاتبخلون علينا بإرشاداتكم ونصايكم


تحياتي لكم

[قطري مغامر]

اللي سمعته ان السوق الحين تابع للديوان الاميري يعني راجعهم بس لازززززززززززززم وووووووووووووسطه والشي الثاني الايجار 300 ريال بالشهر على حسب واحد مستاجر في السوق

[Chambray]

جزاك الله خير على الإفاده

الظاهر اني لازم اراجع المكتب الهندسي الخاص ! على ما اعتقد

الله كريم

[مضارب جديد]

لامحتاج واسطه ولا شيء

اهم شرط انك تكون مواطن وبتعمل بنفسك

[PoBox]

راجع المكتب الهندسي الخاص اللي مقابل الديوان الاميري

ولازم تودي معاك (دراسة جدوى ):funny:
مب دراسة بمعنى دراسة بس لازم عندك فكرة واضحة ايش راح تبيع ونوع تجارتك ومن وين وارداتك

وثانيا لازم البياع يكون قطري
وممنوع منعا باتا يكون البياع هندي

والايجار حسب حجم المحل


وباقي التفاصيل تلاقيها ان شاء الله في المكتب الهندسي

[ورقــة أمــل]

انا سمعت انه من البلديه
والايجار 600 ريال
بعدين شدخل البياع قطري
كله هنود وايرانيين هناك

[بوحمد1]

انا سمعت انه من البلديه
والايجار 600 ريال
بعدين شدخل البياع قطري
كله هنود وايرانيين هناك


أي بلدية؟؟؟؟؟؟؟؟؟؟؟؟؟؟؟
سوق واقف تابع للدولة والأجار للمتر المربع 50 ريال والميزانين 25 ريال والمطلوب كتاب طلب محل وصورة البطاقة الشخصية وتحديد نوع النشاط ورقم تليفونك وسلامتكم . :nice:

[دلالة]

انا سمعت انه من البلديه
والايجار 600 ريال
بعدين شدخل البياع قطري
كله هنود وايرانيين هناك



في قسم من المحلات وطبعا هي التي تتراوح اسعارها بين 300 ريال و 600 ريال للأيجار الشهري دون دفع أي خلو للمحل يشترط أن يكون من يقوم بالبيع هو قطري ويكون متفرغ تماماُ كا تقاعد من عملة أو تاجر او أعمال حره ولو لوحظ بأنه قام بتشغيل هندي مكانة سيتم أغلاق المحل فوراُ وهذه المحلات هي فقط للقطرين

[أبومحمد]

ممكن اعرف وين اقدم الطلب ولكم جزيل الشكر

[البندر]

حبايبي لا ديوان ولا مكتب ولا خرابيط

انا مقدوم حق واحد من الربع

روح حق الطابع السوداني اللي مقابل السوق وقول له ابي اقدم على محل وهو بيسويلك الطلب بس بشرط لازم يكون عنك سجل تجاري وتذكر نوع تجارتك لان نوع التجاره محددين لها موقع اذا كان تراثيات لهم مكان واذا كان فضيات لهم مكان ووو إلخ..

وبعدين اتروح حق مكتب السوق اللي جنب مكتب شركة أمن وحماية اللي في سوق واقف السوداني بيدليك وبس ولا تتعب نفسك وسلامتك وسلامت الحاظرين

والإيجارات تختلف على حسب مساحة المحل يحسبون بالمتر ويختلف اذا كان على الشارع الداخلي او الشارع الخارجي او بالداخل (بالدواعيس)..

واذا حاب اسالك اكثر على الخاص ومن عيوني والله يقدرني على الإفادة والمساعده

[سعادة الوزير]

حبايبي لا ديوان ولا مكتب ولا خرابيط

انا مقدوم حق واحد من الربع

روح حق الطابع السوداني اللي مقابل السوق وقول له ابي اقدم على محل وهو بيسويلك الطلب بس بشرط لازم يكون عنك سجل تجاري وتذكر نوع تجارتك لان نوع التجاره محددين لها موقع اذا كان تراثيات لهم مكان واذا كان فضيات لهم مكان ووو إلخ..

وبعدين اتروح حق مكتب السوق اللي جنب مكتب شركة أمن وحماية اللي في سوق واقف السوداني بيدليك وبس ولا تتعب نفسك وسلامتك وسلامت الحاظرين

والإيجارات تختلف على حسب مساحة المحل يحسبون بالمتر ويختلف اذا كان على الشارع الداخلي او الشارع الخارجي او بالداخل (بالدواعيس)..

واذا حاب اسالك اكثر على الخاص ومن عيوني والله يقدرني على الإفادة والمساعده


المكتب الي تقول عنه هو فرع من المكتب الهندسي الخاص الي قال عنه PoBoxing يعني الريال كان صادق.

التقديم قبل كان في المكتب الرئيسي، بس بعدين انقلوا فرع سوق واقف هناك.

[شمسة]

بالتووووووووووووووووووووووووووفيق

[دانة قطر]

جزاك الله خير يا البندر
خاطري اسوي لي محل وتعرفون الدنيا غلا ولازم مدخول

[أبو خالد]

السلام عليكم
أخوي أنت تروح المكتب الهندسي الخاص الموجود ضمن السوق في الشارع المقابل لأمن العاصمة تقدم طلب و تحدد فيه نوع النشاط والتجارة وتقدم صورة عن الهوية الشخصية و رقم هاتفك
الإيجار بحسب المساحة كل متر ب 50 ريال

[ونه الم]

كلامك صح اخوي سعادة الوزير
التقديم فى المكتب الهندسي الخاص
بس الى اعرفه انه المحلات 3/4 محجوزة او بالاحرا كلها محجوزة

[خالد32]

يا جماعة الخير شلون لازم يكون قطري و 99% من المحلات هناك هنود و ايرانيين؟؟؟؟؟؟

[Qa6ar]

يعطيكم العافيه

الواسطه قبلك ولاماراح اتشم المحل ولاتشوفه للعلم للجميع بواقع تجربه شخصيه

[حمد1977]

انا قدمت طلب منذ مدة شهر ولين يومكم ماشفت رد

والرزق بيد الله

والحمد لله

[wiseman]

أخوي أنت قدمت من شهر .. و أنا قدمت من 4 شهور ولا حس ولا خبر....... والله أعلم

[حمد1977]

أخوي أنت قدمت من شهر .. و أنا قدمت من 4 شهور ولا حس ولا خبر....... والله أعلم

بس اهم شيء طلبك كان لمحل يبيع ملابس شعبية او امور شعبية ولا ملابس غربية

لان الطلبات الي فيها اشياء اجنبية تحذف

هذا والله اعلم

[alshobaki7]

بصـراحــة...اللي عنده واسـطة بيـاخـذ محـل ..لو مـاعـندك .. انطر الدور وسلامتكـم

[حسين بن عاقول]

يعني حرف الواو في كل مكان
ثاني شي انا اليوم كنت بالسوق ياخي اشوف 90 بالمية من المحلات البياعة هم اجانب ....

[سهم خسران]

مثل ماقالو الاخوان اهم شي في البدايه الواسطه طبعا
ثانيا اهم شي اللي يبيع في المحل يكون عربي او يلبس ثوب يكون اسيوي بس كاشخ شوي الاا اذا كان خباز ولا شي شي حرفي
بس يكون صاحب المحل قطري طبعا