المخلب
14-12-2006, 12:57 AM
سجن العجزه .. وعقوق الوالدين ..
سجن العجزه او مايسمى بـ دار العجزه ..
هو موضوعي اليوم ..
حبيت اطرحه .. بعد ماشفت الي شفته بعيني .. وعلى قوله القايل (( ماحد قالي ! )) ..
أول ما يحتري الشخص الذي يقرأ الموضوع هو معنى دار العجزه ؟ ولماذا أطلقت عليه لقب سجن العجزه !؟
دار العجزه : هو البيت الذي يجمع آباء وأمهات قدموا من حياتهم ما قدموا لأبنائهم ( العاقين ) وكان هو الملجأ الوحيد لهم بعد تخلي الجميع عنهم .. وتركهم لربما حتى حينما يتوفون ..
أطلقت عليه هذا اللقب لما رايته بأم عيني ! ..
و إليكم القصـــــــــــه ..
في الاسبوع الماضي .. كنت أتمشى بسيارتي وأحوس في فرجان (( وطرق )) مدينه الدوحه ..
لين ما وقفت عند مجمع ..
نزلت النافذه ( الدريشه ) ..
ماشوف الا لوحه معلقه ومكتوب عليها دار العجزه .. !!
استغربت قلت وش جاب دار العجزه اهني ؟!
فقلت مافي الا انك تنزل بنفسك وتشوف وش داخل هل المجمع !! ..
وقفت السياره ونزلت ..
ماشوف الا شياب يتمشون .. !
بعضهم جالس على كرسي متحرك ! وبعضهم جالس يسولوف مع ربعه ! ..
وبعضهم جالس بزاويه على جنب ! ..
حسيت اني بدار العجزه صح ..
قلت خل ادش داخل ! ..
وشفت الي شفته ! .. ناس تذوب القلب ..
كبار في السن ! .. حالتهم حاله .. !! .. تحس انهم مقهورين .. بس وش يسوون غصبن عنهم عايشيين !! ..
مكان أشبه بالسجن ..
(( تخيل كل يوم ما عندهم الا هذا الحوش ينزلون فيه ويرجعون لفراشهم ! .. )) ..
بعضهم يفكر في عياله .. وبعضهم يبكي .. وبعضهم مسكين مايدري وين الله حاطه ! ..
يكسرون الخاطر .. !! والله الواحد مايدري من اي عوايل ذوله ! ..
كل الي يعرفه الواحد عنهم أنهم كانوا (( فعل ماضي )) يوم من الايام .. رجال خدموا البلد ! .. وعيالهم ارفسوهم في هل المجمع ! ..
قلت يا المخلب مالك الا تمسكلك واحد من ذوله وتجلس تتكلم معاه ..
شفت واحد جالس يطالع تلفزيون .. كان جالس على كرسي متحرك ..
شيبه يمكن عمره فوق الخمسين وزياده ! ..
سألته : شحالك يبه ! عساك مرتاح ..؟
رد علي بصوته الرنان ! (( الي نبرته تحس فيها حزن )) .. : الحمد لله على كل حال .. طيب طاب يومك .
قلتله : ليش جالس لحالك ؟ ليش ماتجلس مع الي وياك ! ؟
قال : وين يا ولدي .. خلني أطالع التلفزيون .. ابي اتم بروحي ! .. محد يحبني أهني ! ..
عرفت انه متناجر مع الي وياه ..!!
قلتله : زين يبه براحتك بس بسالك سؤال وأبيك تجاوبني بصراحه .. !!
قال : اسال بس بسرعه ابي اطالع المسلسل ..
قلتله : افا عليك بسرعه .. ممكن أعرف من جابك أهني ..؟ وليش ؟؟
جلس يطالعني بنظره حزن ! .. ونزل راسه !! حسيت ان دمعته نزلت بس ماحب يوريني اياها ..
حط الغتره على وجهه ومسح دمعته وقال ! ..
الي جابني أهني بنتي ! .. زوجها مايبيني !! وأهي خافت اني أخرب علاقتها الزوجيه ! فجابتني أهني ..
قلتله : افا .. زين ماعندك أولاد .. ؟
قال : كان عندي ولدين ! واحد مات في حادث سياره مع امه وزوجته وولده ! .. والثاني مسافر بره قطر من ثلاث سنين تقريبا ولا شفته ! ..
هنا انا جلست افكر ! .. قلت والله مسكين لهدرجه وصلت بالناس !! تقط ابوها في مستشفى العجزه ! علشان زوجها ! .. على الاقل خلته في بيته ابرك له ! ..
سلمت عليه ومشيت ..
رحت احوس بالدار .. لقيت اثنين من الشياب جالسين يتكلمون مع بعض ! ..
قلت خل اصير ملقوف وادش بينهم ! ..
سلمت عليهم .. وسالتهم شحالكم ..؟
ردوا الحمد لله مرتاحين ولله الحمد ...
قلت : من متى أنتوا اهني ؟؟
رد علي واحد منهم : قال انا من 4 اسنين ! وذا من 6 سنين ! ..
قلت الله !!! ... وليش طيب ؟؟
قال : لان الله يسلمك خلفنا ناس متفرعنين !! .. ما يخافون ربهم ! .. مع ان الله سبحانه موصيهم بالوالدين وبالاحسان فيهم ! ..
سالته : طيب وليش جابك هنا ؟ وهل يمرك ولالا ؟؟
قال جابني علشان زوجته أقنعته ان المكان الزين لي والي يقدر يراعيني هو ( دار العجزه ! ) قصت عليه حسبي الله عليها ! وهو من حبه لها جابني اهني !! .. وتصدق مايمر علي الا كل شهر مره ! وبعض الاشهر يقطع ! .. (( قالها بغضب ! ))
قلتله : وخوييك ؟؟ شسالفته ! (( طبعا ماسألت خويه على طول لان ذاك سمعه شوي- ثقيل - بطيئ )) ..
قال هذا الله يسلمك .. سالفته سالفه !! .. هذا الله يحفظك أيام الشباب جاب ابوه اهني ! .. علشان يفتك منه وياخذ حلاله كله !! .. (( لانه الوحيد ! )) ويوم كبر عياله شافوا الفلوس !! وأطلبوا الحجر عليه ! واول ماستلموا الاوراق قطوه أهني !! ..
قلتله : يعني مثل ماسوى في ابوه سووا فيه !
قال بالضبط ! : قال تخيل !! ولا حتى يمرون عليه ! من 5 سنين ما شافهم ابد ! .. بس اول سنه اصغر عياله مر عليه ! وبعد ماتزوج تركه ولا قام يمر !! ( صار كأنه ميت ! ) ..
تعجبت والله !! .. أبوهم ولا زاروه ! ..
قلت للشيبه ! .. طيب تبيني اكلملك ولدك يجي ياخذك ! يمكن الله يهديه ! ..
قال : ولا تكلمه ولا شئ مابيه اصلا ولو علي اتبره منه ليوم الدين !! .. الي مافيه خير في ابوه وامه مافي خير في الناس .. !! .. والمكان هذا اشرف لي من الجلسه عنده بالبيت ! ..
وأحنا نتكلم .. دخل علينا شخص راكب مرسيدس جديد ( العقرب ) .. فتح شنطه السياره ونزل الكرسي المتحرك وفتح الباب ونزل الشايب وحطه على الكرسي ! ..
تدرون من هذا الشخص !! .. هذا الدريول ! – السايق – جاي ينزل صاحب الحلال في الملجأ ( اقصد ) الدار !
تخيلوا الموقف علشان مايفشل روحه مخلي الدريول يوصل ابوه لدار العجزه !ويهده بدم بارد ويمشي ! ..
الشيبه كان منظره يكسر الخاطر ! ..
سألت الممرض عنه ! .. قال هذا ( فلان الفلاني ! ) قلت بس !! عرفته هذا صاحب فلوس وعقار !! ..
مليونير ! وبالاخير مصيره اهني ! ..
سبحان الله .. لهدرجه الفلوس تخرب النفوس ! ..
المهم .. رجعت للشياب سالتهم ! شلون دار العجزه ؟! وشلون معاملتهم معاكم ؟؟
قالي : والله الدار لولا الله سبحانه ! والموجودين ( يقصد ربعه الشياب ) كان بقولك انها سجن الابعاد !! ..
قلتله : لهدرجه عاد !
قال : وأكثر .. ياولدي .. المكان هذا مثل القبر ! حافرته الدوله ! وعيالك ينزلونك فيه ! والعالم كله ينساك ! ..
حتى بالجرايد وغيرها ما يزورونا .. !! ولا حد من كبار المسئولين يجي يمر علينا يشوف شلون حالتنا ! ..
وكأن أحنا مو من عيال البلد !! ولا خدمنا فيها (( قالها بحرقه )) !! .. والخدمه أهني تختلف من شخص الى اخر ! .. بعض الاحيان يجيك الممرض زوين ! .. وبعض الاحيان يجيك نافخ ريشه ! .. وكل واحد يعاملنا على حسب !! ..
قلت بقلبي : اي والله يا شيبه ! .. كلن يعامل الناس بطبعه ونيته! والله لا يبالاكم بواحد مخيس النفس !! ..
تركتهم وقلت بطلع ! ..
بس قلت دام اني موجود .. خلني اسال واحد من العاملين .. ابيه يفضفضلي على الي يصير داخل الدار ! ..
شفت واحد : سالته .. شحالك أنت تشتغل أهني صح ؟
قال : اي نعم .. معاك بو سعيد (( الاسم من عندي ! )) ..
حياك الله يا بوسعيد بس بغيت اسال وش الحالات الي تجيكم ؟؟
قال : والله الدار هذا تقريبا كل شهر تجينا 6 الى 10 حالات ! .. بعض الاحيان اقل او أكثر على حسب ..!!
أغلب الحالات تكون بسبب ان الرجال كبر في السن ويبون من يراعيه ! ..
قلتله شلون يعني من يراعيه ؟؟ وعياله شوظيفتهم ؟؟ وليش ما يراعونه هم ؟
قال : شف هو على حسب التربيه ! ..
يعني اقولك .. واحد أمه وأبوه مربينه أحسن التربيه ! .. ومعلمينه صح! .. ومدرسينه الدين الاسلامي ! .. حاطينه بعيونهم ! .. وبنفس الوقت مخلينه يحترمهم ! ..
هذا أكيد ( باذن الله طبعا ) بيطلع رجال وبيخاف على امه وابوه من هل الاماكن ! ..
أما واحد .. امه مطلقه من ابوه ! (( مثلا )) او .. امه مو مهتمه فيه (( وهو صغير )) وقاطته على الخدامه وأبوه تاركه مع ربعه ( الي ماتدري أن كانوا صالحين وله فاشلين ) .. ولا حد يسال عنه ! نجح , رسب , درس , صلى ولالا .. الخ .. بتحسه بيكون أنسان يكبر على الانانيه !! .. مايهتم بالي حوله ! .. ترك أمه وله أبوه بدار العجزه ! وله هدهم بالبيت ! .. وله ماسأل عنهم !! .. كلها دوافع تصير ويمكن تتحقق باي وقت ! من هذا الشخص ! ..
غير أن تأثير وتغير الحياه للشخص تخليه يتغير ! 180 درجه !! .. ياما ناس كانوا يراعون ابهاتهم ! وفي يوم وليله انقلبت حاله !! بسبب مشاكل الحياه والمصاريف وغيرها !!
قلتله اي والله صادق ! ..
سالته : طيب انت لما تشتغل اهني وش تحس ؟؟ يعني اوضحلك اكثر وش يكون شعورك جدام امك وابوك ! ؟؟
قالي والله ياخوي الوالد متوفي – الله يرحمه – والوالده هي الي بقت لي في هل الدنيا !! .. وحاطها هي وزوجتي وعيالي ببيت واحد وعلى راسي من فوق ! .. وكل ماشوف هل الشياب يجونا ! يعورني قلبي وبعض الاحيان بالليل ابجي ! ..
قلتله ليش ؟؟ علشان انك تتذكر ابوك يعني ؟؟
قال المسأله مو جذي ! .. ابجي لان أتخيل كل واحد فيهم جاي اهني وعياله هم بعد جايبينه !! مثل ماجاب ابوه ! .. وتصدق مايحس بغلا الوالدين الا الي فاقدهم ! .. والله أن هل الشياب نعمه وانا اخوك ! .. لو لا الله سبحانه ثم دعاء الشياب ذوله ! كان حتى المطر والبركه مانزلت على البلاد واهلها ..!!..
قلتله اي والله في ذي صدقت ! ..
مشيت وقلبي معلق مع الشياب .. والي زاد التعليقه !
وانا طالع .. جاء واحد من الشياب واقف قريب من الباب .. يقولي يا ولدي الساعه كم تكفى قلي ؟
قلتله الساعه الحين يا يبه حول الساعه 10وربع ..
قالي : تأخر ولدي .. ما جاني اليوم .. تقدر تدوره بره يمكن يجي ! ..
قلتله وانا محتار : والله مادري شقولك .. بس بحاول اكلم الرسبشن يدقون عليه يجيك ! ..
كلمت احد الاشخاص عند الباب ! .. قال هذا ولده مايجيه صارله ست شهور تقريبا ! ..
ولا عندنا رقمه الجديد !! لان شكله غير رقمه ! .. وغير البيت ! .. ما نعرف عنه اي شئ !! ..
نصيحتي لكم .. بعد الموقف الي شفته .. هالله هالله بالوالدين ! ..
ترى الله موصي عليهم بكتابه .. ورسونا الكريم وصى عليهم ..
ووجودهم بينكم بركه .. ولا ننسى ان دعائهم – باذن الله مستجاب –
فلا تخليهم يدعون عليك ! .. بل خلهم يدعون لك ..!! عسى الله يوفقك ويهديك ..
وتذكر دايم .. مثل ماتسوي لهم ! .. عيالك يسوون لك ..
هذا الي اقدر اقوله .. اسمحولي طولت .. بس شسوي شئ بخاطري ولازم اقوله ..
تحياتي لكم .. أخوكم المخلب ..
سجن العجزه او مايسمى بـ دار العجزه ..
هو موضوعي اليوم ..
حبيت اطرحه .. بعد ماشفت الي شفته بعيني .. وعلى قوله القايل (( ماحد قالي ! )) ..
أول ما يحتري الشخص الذي يقرأ الموضوع هو معنى دار العجزه ؟ ولماذا أطلقت عليه لقب سجن العجزه !؟
دار العجزه : هو البيت الذي يجمع آباء وأمهات قدموا من حياتهم ما قدموا لأبنائهم ( العاقين ) وكان هو الملجأ الوحيد لهم بعد تخلي الجميع عنهم .. وتركهم لربما حتى حينما يتوفون ..
أطلقت عليه هذا اللقب لما رايته بأم عيني ! ..
و إليكم القصـــــــــــه ..
في الاسبوع الماضي .. كنت أتمشى بسيارتي وأحوس في فرجان (( وطرق )) مدينه الدوحه ..
لين ما وقفت عند مجمع ..
نزلت النافذه ( الدريشه ) ..
ماشوف الا لوحه معلقه ومكتوب عليها دار العجزه .. !!
استغربت قلت وش جاب دار العجزه اهني ؟!
فقلت مافي الا انك تنزل بنفسك وتشوف وش داخل هل المجمع !! ..
وقفت السياره ونزلت ..
ماشوف الا شياب يتمشون .. !
بعضهم جالس على كرسي متحرك ! وبعضهم جالس يسولوف مع ربعه ! ..
وبعضهم جالس بزاويه على جنب ! ..
حسيت اني بدار العجزه صح ..
قلت خل ادش داخل ! ..
وشفت الي شفته ! .. ناس تذوب القلب ..
كبار في السن ! .. حالتهم حاله .. !! .. تحس انهم مقهورين .. بس وش يسوون غصبن عنهم عايشيين !! ..
مكان أشبه بالسجن ..
(( تخيل كل يوم ما عندهم الا هذا الحوش ينزلون فيه ويرجعون لفراشهم ! .. )) ..
بعضهم يفكر في عياله .. وبعضهم يبكي .. وبعضهم مسكين مايدري وين الله حاطه ! ..
يكسرون الخاطر .. !! والله الواحد مايدري من اي عوايل ذوله ! ..
كل الي يعرفه الواحد عنهم أنهم كانوا (( فعل ماضي )) يوم من الايام .. رجال خدموا البلد ! .. وعيالهم ارفسوهم في هل المجمع ! ..
قلت يا المخلب مالك الا تمسكلك واحد من ذوله وتجلس تتكلم معاه ..
شفت واحد جالس يطالع تلفزيون .. كان جالس على كرسي متحرك ..
شيبه يمكن عمره فوق الخمسين وزياده ! ..
سألته : شحالك يبه ! عساك مرتاح ..؟
رد علي بصوته الرنان ! (( الي نبرته تحس فيها حزن )) .. : الحمد لله على كل حال .. طيب طاب يومك .
قلتله : ليش جالس لحالك ؟ ليش ماتجلس مع الي وياك ! ؟
قال : وين يا ولدي .. خلني أطالع التلفزيون .. ابي اتم بروحي ! .. محد يحبني أهني ! ..
عرفت انه متناجر مع الي وياه ..!!
قلتله : زين يبه براحتك بس بسالك سؤال وأبيك تجاوبني بصراحه .. !!
قال : اسال بس بسرعه ابي اطالع المسلسل ..
قلتله : افا عليك بسرعه .. ممكن أعرف من جابك أهني ..؟ وليش ؟؟
جلس يطالعني بنظره حزن ! .. ونزل راسه !! حسيت ان دمعته نزلت بس ماحب يوريني اياها ..
حط الغتره على وجهه ومسح دمعته وقال ! ..
الي جابني أهني بنتي ! .. زوجها مايبيني !! وأهي خافت اني أخرب علاقتها الزوجيه ! فجابتني أهني ..
قلتله : افا .. زين ماعندك أولاد .. ؟
قال : كان عندي ولدين ! واحد مات في حادث سياره مع امه وزوجته وولده ! .. والثاني مسافر بره قطر من ثلاث سنين تقريبا ولا شفته ! ..
هنا انا جلست افكر ! .. قلت والله مسكين لهدرجه وصلت بالناس !! تقط ابوها في مستشفى العجزه ! علشان زوجها ! .. على الاقل خلته في بيته ابرك له ! ..
سلمت عليه ومشيت ..
رحت احوس بالدار .. لقيت اثنين من الشياب جالسين يتكلمون مع بعض ! ..
قلت خل اصير ملقوف وادش بينهم ! ..
سلمت عليهم .. وسالتهم شحالكم ..؟
ردوا الحمد لله مرتاحين ولله الحمد ...
قلت : من متى أنتوا اهني ؟؟
رد علي واحد منهم : قال انا من 4 اسنين ! وذا من 6 سنين ! ..
قلت الله !!! ... وليش طيب ؟؟
قال : لان الله يسلمك خلفنا ناس متفرعنين !! .. ما يخافون ربهم ! .. مع ان الله سبحانه موصيهم بالوالدين وبالاحسان فيهم ! ..
سالته : طيب وليش جابك هنا ؟ وهل يمرك ولالا ؟؟
قال جابني علشان زوجته أقنعته ان المكان الزين لي والي يقدر يراعيني هو ( دار العجزه ! ) قصت عليه حسبي الله عليها ! وهو من حبه لها جابني اهني !! .. وتصدق مايمر علي الا كل شهر مره ! وبعض الاشهر يقطع ! .. (( قالها بغضب ! ))
قلتله : وخوييك ؟؟ شسالفته ! (( طبعا ماسألت خويه على طول لان ذاك سمعه شوي- ثقيل - بطيئ )) ..
قال هذا الله يسلمك .. سالفته سالفه !! .. هذا الله يحفظك أيام الشباب جاب ابوه اهني ! .. علشان يفتك منه وياخذ حلاله كله !! .. (( لانه الوحيد ! )) ويوم كبر عياله شافوا الفلوس !! وأطلبوا الحجر عليه ! واول ماستلموا الاوراق قطوه أهني !! ..
قلتله : يعني مثل ماسوى في ابوه سووا فيه !
قال بالضبط ! : قال تخيل !! ولا حتى يمرون عليه ! من 5 سنين ما شافهم ابد ! .. بس اول سنه اصغر عياله مر عليه ! وبعد ماتزوج تركه ولا قام يمر !! ( صار كأنه ميت ! ) ..
تعجبت والله !! .. أبوهم ولا زاروه ! ..
قلت للشيبه ! .. طيب تبيني اكلملك ولدك يجي ياخذك ! يمكن الله يهديه ! ..
قال : ولا تكلمه ولا شئ مابيه اصلا ولو علي اتبره منه ليوم الدين !! .. الي مافيه خير في ابوه وامه مافي خير في الناس .. !! .. والمكان هذا اشرف لي من الجلسه عنده بالبيت ! ..
وأحنا نتكلم .. دخل علينا شخص راكب مرسيدس جديد ( العقرب ) .. فتح شنطه السياره ونزل الكرسي المتحرك وفتح الباب ونزل الشايب وحطه على الكرسي ! ..
تدرون من هذا الشخص !! .. هذا الدريول ! – السايق – جاي ينزل صاحب الحلال في الملجأ ( اقصد ) الدار !
تخيلوا الموقف علشان مايفشل روحه مخلي الدريول يوصل ابوه لدار العجزه !ويهده بدم بارد ويمشي ! ..
الشيبه كان منظره يكسر الخاطر ! ..
سألت الممرض عنه ! .. قال هذا ( فلان الفلاني ! ) قلت بس !! عرفته هذا صاحب فلوس وعقار !! ..
مليونير ! وبالاخير مصيره اهني ! ..
سبحان الله .. لهدرجه الفلوس تخرب النفوس ! ..
المهم .. رجعت للشياب سالتهم ! شلون دار العجزه ؟! وشلون معاملتهم معاكم ؟؟
قالي : والله الدار لولا الله سبحانه ! والموجودين ( يقصد ربعه الشياب ) كان بقولك انها سجن الابعاد !! ..
قلتله : لهدرجه عاد !
قال : وأكثر .. ياولدي .. المكان هذا مثل القبر ! حافرته الدوله ! وعيالك ينزلونك فيه ! والعالم كله ينساك ! ..
حتى بالجرايد وغيرها ما يزورونا .. !! ولا حد من كبار المسئولين يجي يمر علينا يشوف شلون حالتنا ! ..
وكأن أحنا مو من عيال البلد !! ولا خدمنا فيها (( قالها بحرقه )) !! .. والخدمه أهني تختلف من شخص الى اخر ! .. بعض الاحيان يجيك الممرض زوين ! .. وبعض الاحيان يجيك نافخ ريشه ! .. وكل واحد يعاملنا على حسب !! ..
قلت بقلبي : اي والله يا شيبه ! .. كلن يعامل الناس بطبعه ونيته! والله لا يبالاكم بواحد مخيس النفس !! ..
تركتهم وقلت بطلع ! ..
بس قلت دام اني موجود .. خلني اسال واحد من العاملين .. ابيه يفضفضلي على الي يصير داخل الدار ! ..
شفت واحد : سالته .. شحالك أنت تشتغل أهني صح ؟
قال : اي نعم .. معاك بو سعيد (( الاسم من عندي ! )) ..
حياك الله يا بوسعيد بس بغيت اسال وش الحالات الي تجيكم ؟؟
قال : والله الدار هذا تقريبا كل شهر تجينا 6 الى 10 حالات ! .. بعض الاحيان اقل او أكثر على حسب ..!!
أغلب الحالات تكون بسبب ان الرجال كبر في السن ويبون من يراعيه ! ..
قلتله شلون يعني من يراعيه ؟؟ وعياله شوظيفتهم ؟؟ وليش ما يراعونه هم ؟
قال : شف هو على حسب التربيه ! ..
يعني اقولك .. واحد أمه وأبوه مربينه أحسن التربيه ! .. ومعلمينه صح! .. ومدرسينه الدين الاسلامي ! .. حاطينه بعيونهم ! .. وبنفس الوقت مخلينه يحترمهم ! ..
هذا أكيد ( باذن الله طبعا ) بيطلع رجال وبيخاف على امه وابوه من هل الاماكن ! ..
أما واحد .. امه مطلقه من ابوه ! (( مثلا )) او .. امه مو مهتمه فيه (( وهو صغير )) وقاطته على الخدامه وأبوه تاركه مع ربعه ( الي ماتدري أن كانوا صالحين وله فاشلين ) .. ولا حد يسال عنه ! نجح , رسب , درس , صلى ولالا .. الخ .. بتحسه بيكون أنسان يكبر على الانانيه !! .. مايهتم بالي حوله ! .. ترك أمه وله أبوه بدار العجزه ! وله هدهم بالبيت ! .. وله ماسأل عنهم !! .. كلها دوافع تصير ويمكن تتحقق باي وقت ! من هذا الشخص ! ..
غير أن تأثير وتغير الحياه للشخص تخليه يتغير ! 180 درجه !! .. ياما ناس كانوا يراعون ابهاتهم ! وفي يوم وليله انقلبت حاله !! بسبب مشاكل الحياه والمصاريف وغيرها !!
قلتله اي والله صادق ! ..
سالته : طيب انت لما تشتغل اهني وش تحس ؟؟ يعني اوضحلك اكثر وش يكون شعورك جدام امك وابوك ! ؟؟
قالي والله ياخوي الوالد متوفي – الله يرحمه – والوالده هي الي بقت لي في هل الدنيا !! .. وحاطها هي وزوجتي وعيالي ببيت واحد وعلى راسي من فوق ! .. وكل ماشوف هل الشياب يجونا ! يعورني قلبي وبعض الاحيان بالليل ابجي ! ..
قلتله ليش ؟؟ علشان انك تتذكر ابوك يعني ؟؟
قال المسأله مو جذي ! .. ابجي لان أتخيل كل واحد فيهم جاي اهني وعياله هم بعد جايبينه !! مثل ماجاب ابوه ! .. وتصدق مايحس بغلا الوالدين الا الي فاقدهم ! .. والله أن هل الشياب نعمه وانا اخوك ! .. لو لا الله سبحانه ثم دعاء الشياب ذوله ! كان حتى المطر والبركه مانزلت على البلاد واهلها ..!!..
قلتله اي والله في ذي صدقت ! ..
مشيت وقلبي معلق مع الشياب .. والي زاد التعليقه !
وانا طالع .. جاء واحد من الشياب واقف قريب من الباب .. يقولي يا ولدي الساعه كم تكفى قلي ؟
قلتله الساعه الحين يا يبه حول الساعه 10وربع ..
قالي : تأخر ولدي .. ما جاني اليوم .. تقدر تدوره بره يمكن يجي ! ..
قلتله وانا محتار : والله مادري شقولك .. بس بحاول اكلم الرسبشن يدقون عليه يجيك ! ..
كلمت احد الاشخاص عند الباب ! .. قال هذا ولده مايجيه صارله ست شهور تقريبا ! ..
ولا عندنا رقمه الجديد !! لان شكله غير رقمه ! .. وغير البيت ! .. ما نعرف عنه اي شئ !! ..
نصيحتي لكم .. بعد الموقف الي شفته .. هالله هالله بالوالدين ! ..
ترى الله موصي عليهم بكتابه .. ورسونا الكريم وصى عليهم ..
ووجودهم بينكم بركه .. ولا ننسى ان دعائهم – باذن الله مستجاب –
فلا تخليهم يدعون عليك ! .. بل خلهم يدعون لك ..!! عسى الله يوفقك ويهديك ..
وتذكر دايم .. مثل ماتسوي لهم ! .. عيالك يسوون لك ..
هذا الي اقدر اقوله .. اسمحولي طولت .. بس شسوي شئ بخاطري ولازم اقوله ..
تحياتي لكم .. أخوكم المخلب ..