أخطاء صارت في حفل الاختتام .. تعالوا نفصلها ..

[المخلب]

السلام عليكم

هنا بوضح لكم بعض الاخطاء الي صارت في حفل الاختتام .. طبعا الاخطاء الي لاحظتها انا بس ! .. (( والي عنده زياده يزيد ! )) ..

1- بدايه الافتتاح كان السلام الاميري ماجاء مضبوط مع اللحن !! (( واستغربت من هذا الشئ )) ..

2- المصور ماكان ذكي مصور لي فلبينيه - مادري وش اصلها -من البنات الي يمثلون البنت القطريه ! على الاقل حطيت الكميرا على بنت ملامحها قطريه !! crazy

3- نجي للجبال الرمليه ( الي على شكل جبال ) المصور ماطلع محترف نفس الي في الافتتاح !! كان واضح وضوح الشمس الناس الي كانوا يرتبون الجبل ! المفروض مايطلعهم على الهواء !! علشان تكتمل الصوره ومايخترب المشهد ! ..

4- نجي للولد !! .. ماعجبني ابد ! عكس القديم !! .. وهذا الي مسكته عليه :

أ- ماعرف كيف يركب حلجه على الصوت ! ..

ب ـ ماعرف كيف يولع الشعله لاحد الخياله ( الي يمثلون العرب ) ..

ج ـ كان متردد في مشيته وكان اول مره يأدي هل الدور ! ..

د - ماعرف كيف يفك الحبل الي انربط من ورى ظهره لما نزل من البساط السحري ! والمصور كملها وصور الثوب وهو مشقوق من ورى ! ..:looking:

ه - يوم يفتح الكتاب المفروض يفر الصفحات بشكل صحيح !! مادري ما ركب يده صح مع المشهد ! ..

و - ابتسامته ما عجبتني .. وطاقيته تفشل !

ز - قام يرقص يوم لبس ثياب الوالي رقص غبي ! كانه مهرج !! ..

5- المفروض دام الليله عربيه !! يكون الكلام بالعربي ! او على الاقل العربي يسبق الانقليزي !! .. اشوف انا العكس ! ..

6- أعجبني القزم الي يجر الحمار - الله يعزكم - وزوجته ( صايره قمر ! :strong وهذا يمكن احسن شئ جابوه ) .. اما الباقي دورهم مب مفهوم !! ماعرفت من علاء الدين من علي بابا من السندباد ! ؟

7- يوم يراقعون السيوف ويتهاوشون !! السيف يطلع جراغي من نفسه قبل !! :con2: :funny: مع ان المفروض يكون راكب مع العرض !!

8- الحراميه !! ... المفروض الحراميه يكونون أشكالهم عرب ! .. أو على الاقل يعني مستعربين ! مو صيني ! :deal: بس الصيني عجبني خاصه برقبته !! :strong صاير فله !

9- يوم جابوا الجني ( بسم الله ) عيونه فيها نجمه اسرائيل !! :looking: يمكن غلطان ! بس كأني لاحظتها !! ...

10 - يوم دشوا الصينين ! .. في واحد منهم الانوار الي في لبسه ! كانت خربانه ! تنور وتطفي !! ..

(( صحيح في شئ نسيته ! وهو التعليق !! على قناه الكاس كان التعليق للاسف سئ جدا ! يسبب النعاس !! وحتى التعليق على قناه الجزيره !! للاسف المذيع ماعرف كيف يضبط نفسه ! .. يوسف سيف عقب الانتقادات الي جاته في الافتتاح قلل من الكلام !! (( بسبب ان كان كثير الكلام ! وخرب على المشاهد سماع الاصوات ! .. )) ولكن للاسف في حفل الاختتام اشوف الثاني مسك بداله !! عور راسنا بالتعليقه ! المفروض وقت السكوت في الملعب يكون في تعليق ! اما ان كان هناك مشاهد فيها كلام مافي داعي يعلق !! مع أحترامي للجميع ))


هذا أغلب الي لاحظته ! .. بس الحفل حلو :) .. مهما قلنا عنه !! بيبقى شئ تحفى ومجهود جبار ! ..

[حمد1977]

زين اني ماشفت الختام

وتسلم على الاخطاء

[التيما]

زين اني ماشفت الختام

وتسلم على الاخطاء

:funny:

ودي يوم اقرا شي يعجبك :deal:

[Abu Deeb]

اعتقد لان التدريب كان قليل على حفل الختام ولذلك كان فية اخطاء وايد
ويعطيك العافية على التعليق على الاخطاء وعدها

[أبوتركي]

النجمـــة

9676

[المخلب]

بو تركي يعني ماكنت احلم !!!!!!!!!!!!!!!!!!!!

[أبوتركي]

بو تركي يعني ماكنت احلم !!!!!!!!!!!!!!!!!!!!

لا .... بالعكس كنت منتبه وايد ولاحظت اللي الكثير ما لاحظه :app: :app:

[وطن]

أعجبني القزم الي يجر الحمار - الله يعزكم - وزوجته ( صايره قمر ! وهذا يمكن احسن شئ جابوه ) .. اما الباقي دورهم مب مفهوم !! ماعرفت من علاء الدين من علي بابا من السندباد ! ؟

هاهاهاها
عجبني هالتعليق
القزم = علي بابا

واللي لابس مخطط المفروض انه سندباد

علاء الدين نسيته اي واحد :shy:



والولد وهو مربوط في البساط السحري شفته اليوم ركزت عليه
صج وايد واضح
شدعوه :confused:
صج المصور هالمرة مو اوكى :court:

[شاهيناز]

المخلب سمعت مابيعزمونك على افتتاح وختام الالومبياد

ماخليت شي
اليهال مسكين مالومه من الي شافه يطيروه على السجاده
ونزلوه بعدين على النجمه
انهد حيله المسكين
النجمه يوم شفتها قلت نجمه دواد محد يصدقني:looking:

الحمدلله نظري 100 ميه

[Muslim Investor]

همممم .. على تحفظاتي على حفل الختام .. لكن ما اظن ان العين مقصود فيها نجمة إسرائيل

أظن الرمز اللي في العين هو: الشمس الآسيوية..

تحيتي

[ymohamed]

:eek2: :eek3: حفل موسيقى مافى ولا كلمةبالعربى يفهموها عكس حفل الافتتاح اكثر من رائع والله صادق يا اخى ولو كان احد سمع الحفل فى الاذاعة كان عجبه جدا لانهم كانوا بيحكوا كل قصة باللغة العربية وكان تعليق المذيعين اكثر من رائع ولهم الف شكر على مجهودهم لانى ما اعرف اساميهم

[simsim1963]

بصراحه اول شئ يعطيهم العافيه الشباب القطري والمتطوعين في الأسياد ويستاهلون منا كل تقدير يكفي تعبهم ومجهودهم ..... اما بالنسبه للنجمه وفلقد شاهدتها وبالفعل كانت نجمه داود ولست تدري هل كانت نجمه اسيا ام لا ... ولكن اذا كانت نجمه داود ( فهذي لابد ان تكون فيها رساله من صاحب فكرة وضع النجمه ولم توضع عبثا ) بس يالله الحفل كان قمه الروعه وقطر حصدت تعب السنوات والكل ربح سمعه للبلد وشوارع ومنشآت وزيادة في المعاشات

[أبوتركي]

شعار الأسياد ونجمة الشمس الآسيوية الحمـــراء.

فرق شاسع بينها وبين نجمة داود.

9744

9745

[سهم طايش]

المفروض يعيدون الختام مره ثانيه يوم الجمعه القادم بدون نجمة داوود !!

ملقوش فى الورد عيب قالو يا أحمر الخدين

[مريديان]

صراحه احسن شي في الختام اغنية ارض المها وبس.....

[الزاجل]

االي قاهرني يا المخلب

ركزوا بشكل كبييييييييير على شرق اسيا

كان اسيا ما فيها الا هم ..

وين دول الشام وين ايران وين اليمن .
لا في حفل الافتتاح والا في حفل الختام ..

اما بخصوص مصطلح نجمة داوود
ما في شي اسمه نجمة داوود
ولما نقول نجمة داوود كأننا نؤيد اليهود في كلامهم
هي اسمها النجمة السداسية ..

اما اللي يقول شاف صليب او النجمة السداسية
شي طبيعي مثل هالأمور انشوفها وخاصة اذا عرفنا
ان اللي مصمم هالأمور مب مسلمين ..

[الطامة الكبرى]

بدايتا أخواني الأعضاء ومن وجهة نظري آعتقد بأن الولد الذي قام بهذا الدور كله لقد قامه على أكمل وجه لسبب بسيط جدا بأن الولد الي كان من المفروض أيقوم بدور حفل الختام أصيب بوعكه صحيه وازجوا بهذا الولد, ولما رأيته أيسوي كل هذا الشي وبهذه الجرأه فأنه بحد ذاته أنجاز لأنه ماخاض البروفات نهائيا ..........


لكن ياليت كان تعليقكم على أهم شي في هذه البطوله ألي من وجهة نظري آشوفه شي من الكبائر :

لي أول مره في الدول الأسلاميه يفتتح شي بدون آيات من ذكر الله الحكيم وهذي النقطه ألي في نظري أهم نقطه ليش ماتم تلاوة بعض من القرآن الكريم ولا الحضاره أتطلب هالشي ؟.

أستغفر الله العظيم

[الزاجل]

لكن ياليت كان تعليقكم على أهم شي في هذه البطوله ألي من وجهة نظري آشوفه شي من الكبائر :

لي أول مره في الدول الأسلاميه يفتتح شي بدون آيات من ذكر الله الحكيم وهذي النقطه ألي في نظري أهم نقطه ليش ماتم تلاوة بعض من القرآن الكريم ولا الحضاره أتطلب هالشي ؟.

أستغفر الله العظيم

شوف يا الطامة الكبرى

احنا كمسلمين المفروض نبدأ عملنا بسم الله
والدور بفضل من الله افتتحها الأمير بسام الله وعلى بركته ..

في مثل هذه التجمعات ممنوع اي بروز ديني

فتخيل انت لو ان قطر افتتحت الدورة على ايات من القرآن الحكيم
والهند مثلا افتتحت الدورة على قداس هندوسي ؟
والا اليابان افتتحته على قداس بوذي ؟

تخيل نفسك كمسلم تشارك في بطولة افتتاحيتها قداس لديانات ثانية ؟!!

صحيح احنا نبي نفتتح البطولات والدورات بآيات قرآنية
ولكن ما نبي نحضر بطولات ثانية تفتتح بقداسات ما نعترف بها ..

لذلك كلمة بسم الله وعلى بركة الله
ان شاءالله تكون كافية ..

[khaldoon]

جزاك الله كل خير اخوي المخلب على التوضيح

[الطامة الكبرى]

أخوي الزاجل أعجبني كلامك جدا وهذا أن دل دل على رجاحة عقلك ولك كل الأحترام ..

ولا آريد آخوض في نقاشات بعيده عن صلب الموضوع كلام جميل عندما نقول لانريد أفتتاح بآيات من ذكر الله الحكيم حتى لايقوموا بنفس الشي وهذا من وجهة نظري المتواضعه كلام خاطأ لأنا لو قارنتها لماذا عيل نفتتح مساجد في أوروبا والهند فلربما يقولون لنا نريد أن نفتح بالمثل معابد وكنائس في أرض الرساله .!!!!!!!

فهل هذا منطق ؟؟؟

[الزاجل]

أخوي الزاجل أعجبني كلامك جدا وهذا أن دل دل على رجاحة عقلك ولك كل الأحترام ..

ولا آريد آخوض في نقاشات بعيده عن صلب الموضوع كلام جميل عندما نقول لانريد أفتتاح بآيات من ذكر الله الحكيم حتى لايقوموا بنفس الشي وهذا من وجهة نظري المتواضعه كلام خاطأ لأنا لو قارنتها لماذا عيل نفتتح مساجد في أوروبا والهند فلربما يقولون لنا نريد أن نفتح بالمثل معابد وكنائس في أرض الرساله .!!!!!!!

فهل هذا منطق ؟؟؟

مب احنا اللي ما نريد
هذه قرارات من المجلس الأولمبي الدولي
يعني ما في دولة تظهر دينها في البطولات اللي فيها منافسين من دول
ذات اديان مختلفة ..

وقطر لما وافقت على مثل هالقرار هي عارفة انه ممنوع
ابراز اي شي ديني في الدورة ..

حتى لاحظ ان هناك عقوبة نالت لاعب ايراني لأنه كتب على فانيلته
شي اعتبروه من الدين ..

عني ابي كل البطولات تفتتح بآيات الذكر الحكيم
ولكن مثل ما لي حق حسب وجهة نظري ان البطولات تفتتح بآيات من ديني
بعد هم بيطالبون انهم يفتتحون الدورات اللي عندهم بما يوافق عقائدهم الدينية ..

والحمدلله اولا واخيرا ان البطولة افتتحت باسم الله وعلى بركة الله:strong

[راعي الازرق]

أنتوا أهل البلد وتنتقدون على اشياء سخيفه

والغرب يمدحون

فعلا شي غريب ما يرضيكم شي.... أحمدوا ربكم أنها جات على هالكم غلطة اللي ذكرتوها

وبالنسبة للشمس هذي شمس الأسياد وشعاره ووين نجمة اسرائيل ووين هذي فرق شاسع

[الزاجل]

أنتوا أهل البلد وتنتقدون على اشياء سخيفه

والغرب يمدحون

فعلا شي غريب ما يرضيكم شي.... أحمدوا ربكم أنها جات على هالكم غلطة اللي ذكرتوها

وبالنسبة للشمس هذي شمس الأسياد وشعاره ووين نجمة اسرائيل ووين هذي فرق شاسع

الغرب لحطيت لهم اشوية قطاوة يناقزون
بيصفقون وبيفرحون ..

فلا تقول لي الغرب عاجبهم ..

الظاهر انتوا تبون تصفيق في تصفيق
علشان جذيه بيتمون الغرب يصفقون لنا على تصفيقنا
علشان محد ينتقد وما نتعلم من الأخطاء ..

[سمو الاميرة]

للحمد لله الحفل والاسياد كان شى يفخر فيه كل قطري

وبالنسبة ان قطر اول مرة تنظم مثل هذه الاحتفالات

اعتبرة فوق لممتاز وراع جداً واذا فيه اغلاط

اتمنى توضيحها للمسؤلين لتدارك الاخطاء مرة اخرى

واتمنى لبلادي التقدم للامام :)

[المتألم]

يا جماعة الخير

باالنسبه لحفل الاختتام الموضوع فيه أخطاء



بس ترى عادة حفل الاختتام ما يكون بهذا الحجم الكبير


لا بالالعاب الاولومبيه العالميه او الاسياد


وعادة ما يكون ابس من البسيط




بس اللي يقهر صح


اولا : علي بابا جايبينه بشكل سخيف ومو محترم وكأننا رواد حمير



ثانيا : لما قالوا افتح يا سمسم قالها بالانغليزي



عاااااااااااااااااااااااااد اشدعوه هم يسمونه بنفس الاسم


ولو تلاحظون الدوحه استخدمت التراث العربي القديم

بعيدا عن القطري او الخليجي




بس يا جماعة الخير على الاقل يمثلون الدول العربيه ولو شوي


يعني خلصت الحضارات ولا الموضوع غزل باسيا


يعني اليمن والسعوديه والشام والعراق

اوكيه العراق علي بابا والسندباد وحتى علاء الدين


بس هذا تراث عربي


وحسب ظني انهم اكتفوا بالنسبه للعرب بهذولا دون تحديد الدول


على العموم الاختتام حلو وكبير وضخم وصج ليله من ليالي
الف ليله وليله

الوان واشكال وبساط وشهرزاد وهلال

الصراحه ما يتفوت والحمد لله انه ما كان في مطر مثل امس




وزين انهم عوضوا المشهد اللي حذفوه من الافتتاح وخلوه في الختام رغم ان مافي حاجه له مهمه مثل الافتتاح وهو مشهد السفن



بس حلو السندباد كأنه


جاك اسبارو اللي فلم قراصنة الكاريبي




سلااااااااااااااااااااااامي

[أبوتركي]

بس حلو السندباد كأنه

جاك اسبارو اللي فلم قراصنة الكاريبي




هذي فكرة الحفل ... قصدي الفلم :D

[Khalid222]

ختام رائع وحفل اسطوري .. ومهما كانت الهفوات او الاخطاء فهي لا تذكر ..ولا يمكن ان تترك اي انطباع سيئى عن حفل الختام.. ونشاء الله نستمتع بحفل افتتاح 2016 اذا كانت من نصيب قطر.. ومزيد من التقدم يا احلى وطن ..

[OTOsan]

بالنسبة لي كانت اكبر غلطة اعتقدتها في البداية هي كثرة استخدام السيوف والحروب ..
قلت اشدعوة .. حفل الافتتاح يبدا بالسلام وحفل الختام كله حروب وسيوف !!
حسيت ان كل الكلام عن السلام ضاع بسبة حفل الختام .. حتى ولو كان الناس اللي يتحاربون حربهم تعبر عن سرقات وقوافل واشياء تعتبر من قبيل القصص .. ولكنها اولا واخيرا حرب

والصراحه ارتحت وايد لما شفت اللقطة اللي فيها الولد يسلم الاغراض اللي خذاها .. وينزل السيوف من الاثنين اللي كانوا يتحاربون ويخليهم يسلمون على بعض .. هني ارتحت وقلت الحمدلله موضوع ( السلام ) ماراح هدر ..


وبالنسبة للاخطاء يمكن اكثريتها اخطاء تلفزيونية سببها المخرج او المصور ولكن ليست بتلك الاهمية الكبرى التي يمكن ان تقلل من حجم ختام لبطولة .. بدأت كبيرة وانتهت كبيرة ،،



الى اللقاء في .. 2016 ان شاء الله ..

ونسيت اشكر كل من امتعنا خلال الدورة في هذا القسم بتزويدنا بالمعلومات والصور وكل شي واخص بالذكر اخوي بوتركي .. وللجميع : يعطيكم العافيه ..!!

[ابو احمد]

قلبك ياالمخلب يقول غير هلكلام ودليل




هذا أغلب الي لاحظته ! .. بس الحفل حلو :) .. مهما قلنا عنه !! بيبقى شئ تحفى ومجهود جبار ! ..

[قـــــــــــ44ــــــطر]

ختام رائع وحفل اسطوري .. ومهما كانت الهفوات او الاخطاء فهي لا تذكر ..ولا يمكن ان تترك اي انطباع سيئى عن حفل الختام.. ونشاء الله نستمتع بحفل افتتاح 2016 اذا كانت من نصيب قطر.. ومزيد من التقدم يا احلى وطن ..
كلام سليم 100%
ونتمنا لدولتنا الحبيبة التوفيق في الاستحقاقات القادمة
ومنها الي اللأماام ياقطر...

[المخلب]

زين اني ماشفت الختام

وتسلم على الاخطاء


الله يسلمك ..

[المخلب]

:funny:

ودي يوم اقرا شي يعجبك :deal:

:looking: :looking:

[المخلب]

اعتقد لان التدريب كان قليل على حفل الختام ولذلك كان فية اخطاء وايد
ويعطيك العافية على التعليق على الاخطاء وعدها

سبب مقنع .. شكرا لك..

[المخلب]

لا .... بالعكس كنت منتبه وايد ولاحظت اللي الكثير ما لاحظه :app: :app:


:D ماشاء الله علي omen .. عين الحسود فيها عود .. omen

[المخلب]

هاهاهاها
عجبني هالتعليق
القزم = علي بابا

واللي لابس مخطط المفروض انه سندباد

علاء الدين نسيته اي واحد :shy:



والولد وهو مربوط في البساط السحري شفته اليوم ركزت عليه
صج وايد واضح
شدعوه :confused:
صج المصور هالمرة مو اوكى :court:


شفتي شلون .. crazy

[المخلب]

المخلب سمعت مابيعزمونك على افتتاح وختام الالومبياد

ماخليت شي
اليهال مسكين مالومه من الي شافه يطيروه على السجاده
ونزلوه بعدين على النجمه
انهد حيله المسكين
النجمه يوم شفتها قلت نجمه دواد محد يصدقني:looking:

الحمدلله نظري 100 ميه

:deal: :funny:

الا نجمه داود .. crazy استغفر الله ربي واتوب اليه

[المخلب]

همممم .. على تحفظاتي على حفل الختام .. لكن ما اظن ان العين مقصود فيها نجمة إسرائيل

أظن الرمز اللي في العين هو: الشمس الآسيوية..

تحيتي

شدخل يا خوي .. فرق السماء عن الارض :confused:

[المخلب]

:eek2: :eek3: حفل موسيقى مافى ولا كلمةبالعربى يفهموها عكس حفل الافتتاح اكثر من رائع والله صادق يا اخى ولو كان احد سمع الحفل فى الاذاعة كان عجبه جدا لانهم كانوا بيحكوا كل قصة باللغة العربية وكان تعليق المذيعين اكثر من رائع ولهم الف شكر على مجهودهم لانى ما اعرف اساميهم

عدل ..:strong

[المخلب]

بصراحه اول شئ يعطيهم العافيه الشباب القطري والمتطوعين في الأسياد ويستاهلون منا كل تقدير يكفي تعبهم ومجهودهم ..... اما بالنسبه للنجمه وفلقد شاهدتها وبالفعل كانت نجمه داود ولست تدري هل كانت نجمه اسيا ام لا ... ولكن اذا كانت نجمه داود ( فهذي لابد ان تكون فيها رساله من صاحب فكرة وضع النجمه ولم توضع عبثا ) بس يالله الحفل كان قمه الروعه وقطر حصدت تعب السنوات والكل ربح سمعه للبلد وشوارع ومنشآت وزيادة في المعاشات


الله اعلم .. وننتظر رد المسؤولين على هل الحركه :court:

[المخلب]

شعار الأسياد ونجمة الشمس الآسيوية الحمـــراء.

فرق شاسع بينها وبين نجمة داود.

9744

9745


زين انك حطيته ! .. :nice:

[المخلب]

المفروض يعيدون الختام مره ثانيه يوم الجمعه القادم بدون نجمة داوود !!

ملقوش فى الورد عيب قالو يا أحمر الخدين


المفروض .. :court:

[المخلب]

صراحه احسن شي في الختام اغنية ارض المها وبس.....


:looking: ..شكرا لج ..:D

[المخلب]

االي قاهرني يا المخلب

ركزوا بشكل كبييييييييير على شرق اسيا

كان اسيا ما فيها الا هم ..

وين دول الشام وين ايران وين اليمن .
لا في حفل الافتتاح والا في حفل الختام ..

اما بخصوص مصطلح نجمة داوود
ما في شي اسمه نجمة داوود
ولما نقول نجمة داوود كأننا نؤيد اليهود في كلامهم
هي اسمها النجمة السداسية ..

اما اللي يقول شاف صليب او النجمة السداسية
شي طبيعي مثل هالأمور انشوفها وخاصة اذا عرفنا
ان اللي مصمم هالأمور مب مسلمين ..


صج والله توقعت الختام بيكون فيه شوي عن هذي الدول ! ..

بس هم بعد كان حفل اوكي :D

[المخلب]

بدايتا أخواني الأعضاء ومن وجهة نظري آعتقد بأن الولد الذي قام بهذا الدور كله لقد قامه على أكمل وجه لسبب بسيط جدا بأن الولد الي كان من المفروض أيقوم بدور حفل الختام أصيب بوعكه صحيه وازجوا بهذا الولد, ولما رأيته أيسوي كل هذا الشي وبهذه الجرأه فأنه بحد ذاته أنجاز لأنه ماخاض البروفات نهائيا ..........


لكن ياليت كان تعليقكم على أهم شي في هذه البطوله ألي من وجهة نظري آشوفه شي من الكبائر :

لي أول مره في الدول الأسلاميه يفتتح شي بدون آيات من ذكر الله الحكيم وهذي النقطه ألي في نظري أهم نقطه ليش ماتم تلاوة بعض من القرآن الكريم ولا الحضاره أتطلب هالشي ؟.

أستغفر الله العظيم


راي ونحترمه .. شكرا لك ..

[المخلب]

جزاك الله كل خير اخوي المخلب على التوضيح


وياك اخوي خلدون ..

[المخلب]

أنتوا أهل البلد وتنتقدون على اشياء سخيفه

والغرب يمدحون

فعلا شي غريب ما يرضيكم شي.... أحمدوا ربكم أنها جات على هالكم غلطة اللي ذكرتوها

وبالنسبة للشمس هذي شمس الأسياد وشعاره ووين نجمة اسرائيل ووين هذي فرق شاسع


ساعات الاشياء السخيفه تخرب على المشاهد ! .. يمكن الي حضر ارض الملعب مانتبه !! لكن هل الشئ الي طلع يخرب على أكثر من مليار مشاهد ! ..

فهمت .. والنجمه نجمه داود .. حتى العمي يقدر يميزها .. واضحه اصلا ! ..

تحياتي لك ..

[المخلب]

للحمد لله الحفل والاسياد كان شى يفخر فيه كل قطري

وبالنسبة ان قطر اول مرة تنظم مثل هذه الاحتفالات

اعتبرة فوق لممتاز وراع جداً واذا فيه اغلاط

اتمنى توضيحها للمسؤلين لتدارك الاخطاء مرة اخرى

واتمنى لبلادي التقدم للامام :)


ومن قال انه مو حلو كذاب .. لكن الاخطاء والله تخرب على بعض المشاهد :(

وتحياتي لك .

[المخلب]

يا جماعة الخير

باالنسبه لحفل الاختتام الموضوع فيه أخطاء



بس ترى عادة حفل الاختتام ما يكون بهذا الحجم الكبير


لا بالالعاب الاولومبيه العالميه او الاسياد


وعادة ما يكون ابس من البسيط




بس اللي يقهر صح


اولا : علي بابا جايبينه بشكل سخيف ومو محترم وكأننا رواد حمير



ثانيا : لما قالوا افتح يا سمسم قالها بالانغليزي



عاااااااااااااااااااااااااد اشدعوه هم يسمونه بنفس الاسم


ولو تلاحظون الدوحه استخدمت التراث العربي القديم

بعيدا عن القطري او الخليجي




بس يا جماعة الخير على الاقل يمثلون الدول العربيه ولو شوي


يعني خلصت الحضارات ولا الموضوع غزل باسيا


يعني اليمن والسعوديه والشام والعراق

اوكيه العراق علي بابا والسندباد وحتى علاء الدين


بس هذا تراث عربي


وحسب ظني انهم اكتفوا بالنسبه للعرب بهذولا دون تحديد الدول


على العموم الاختتام حلو وكبير وضخم وصج ليله من ليالي
الف ليله وليله

الوان واشكال وبساط وشهرزاد وهلال

الصراحه ما يتفوت والحمد لله انه ما كان في مطر مثل امس




وزين انهم عوضوا المشهد اللي حذفوه من الافتتاح وخلوه في الختام رغم ان مافي حاجه له مهمه مثل الافتتاح وهو مشهد السفن



بس حلو السندباد كأنه


جاك اسبارو اللي فلم قراصنة الكاريبي




سلااااااااااااااااااااااامي


راي حلو .. تحياتي لك .

[المخلب]

ختام رائع وحفل اسطوري .. ومهما كانت الهفوات او الاخطاء فهي لا تذكر ..ولا يمكن ان تترك اي انطباع سيئى عن حفل الختام.. ونشاء الله نستمتع بحفل افتتاح 2016 اذا كانت من نصيب قطر.. ومزيد من التقدم يا احلى وطن ..

ان شاء الله .. تحياتي لك ..:D

[المخلب]

']بالنسبة لي كانت اكبر غلطة اعتقدتها في البداية هي كثرة استخدام السيوف والحروب ..
قلت اشدعوة .. حفل الافتتاح يبدا بالسلام وحفل الختام كله حروب وسيوف !!
حسيت ان كل الكلام عن السلام ضاع بسبة حفل الختام .. حتى ولو كان الناس اللي يتحاربون حربهم تعبر عن سرقات وقوافل واشياء تعتبر من قبيل القصص .. ولكنها اولا واخيرا حرب

والصراحه ارتحت وايد لما شفت اللقطة اللي فيها الولد يسلم الاغراض اللي خذاها .. وينزل السيوف من الاثنين اللي كانوا يتحاربون ويخليهم يسلمون على بعض .. هني ارتحت وقلت الحمدلله موضوع ( السلام ) ماراح هدر ..


وبالنسبة للاخطاء يمكن اكثريتها اخطاء تلفزيونية سببها المخرج او المصور ولكن ليست بتلك الاهمية الكبرى التي يمكن ان تقلل من حجم ختام لبطولة .. بدأت كبيرة وانتهت كبيرة ،،



الى اللقاء في .. 2016 ان شاء الله ..

ونسيت اشكر كل من امتعنا خلال الدورة في هذا القسم بتزويدنا بالمعلومات والصور وكل شي واخص بالذكر اخوي بوتركي .. وللجميع : يعطيكم العافيه ..!!

هذا الي ابي اوصله ! .. شكرا للراي

[المخلب]

قلبك ياالمخلب يقول غير هلكلام ودليل

الحفل ماعليه كلام .. بالعكس والله عاجبني من قلب ! .. أصلا توقعت حفل الختام بيكون اي كلام !! لكن طلع شئ شئ ..

مع ان في اشياء مافهمناها بس الدوووشه سوت جو مو طبيعي .. :d

لكن المصور والاخطاء الي طلعت في التلفزيون خربت على المشاهد ! بدل ما تخدم الاحتفال شوهت بعض المشاهد ! ..

فهمت اخوي .. :)

[المخلب]

كلام سليم 100%
ونتمنا لدولتنا الحبيبة التوفيق في الاستحقاقات القادمة
ومنها الي اللأماام ياقطر...

ان شاء الله .. تحياتي لك .

[Sniper]

ملاحظاتك دقيقة اخوي
يعطيك الف عافية

[المخلب]

ملاحظاتك دقيقة اخوي
يعطيك الف عافية


يعافيك ..

[غزلان]

ان شاء الله يتلافون الأخطاء ويمكن لأنه اول مره قطر تسوي مثل هالأفتتاح الضخم

شكرا للملاحظه بس النجمه تستاهل:anger2:

[ابو احمد]

الحفل ماعليه كلام .. بالعكس والله عاجبني من قلب ! .. أصلا توقعت حفل الختام بيكون اي كلام !! لكن طلع شئ شئ ..

مع ان في اشياء مافهمناها بس الدوووشه سوت جو مو طبيعي .. :d

لكن المصور والاخطاء الي طلعت في التلفزيون خربت على المشاهد ! بدل ما تخدم الاحتفال شوهت بعض المشاهد ! ..

فهمت اخوي .. :)
ولكنها سوت شي للي كانو في الحفل
شفت حفل الأفتتاح على الطبيعه و الله ياالمخلب شاقولك روعة اكثر من روعة واثلج صدري أن بلدي سوت هذا العمل الجبار مأقدر اوصف لك شلون. كان بجنبي أسترالي و اسمعه بستمرار يكرر كلمات المدح. والحفل الختامي هو مكمل لحفل الأفتتاح و ايضا شفت حفل الختامي على الطبيعة قد يكون فية اخطاء انت شفتها على الشاشة و شافوها الملايين وفية من لاحظها وفية من مالاحظها. ولكن ارد و اقول ان حفل الختامي كان روعة و اكثر من روعه.

الله يعز أميرنا و ولى عهدة و شيخ الشباب و شيخ جوعان و الفارس الهمام محمد و رئيس الوزراء الله يحفظ لنا شوخنا

وكلنا قطر

وانت ياالمخلب مامنك زود.

[المخلب]

ان شاء الله يتلافون الأخطاء ويمكن لأنه اول مره قطر تسوي مثل هالأفتتاح الضخم

شكرا للملاحظه بس النجمه تستاهل:anger2:


العفو اختي .. وتحياتي لج .. :eek2:

[المخلب]

ولكنها سوت شي للي كانو في الحفل
شفت حفل الأفتتاح على الطبيعه و الله ياالمخلب شاقولك روعة اكثر من روعة واثلج صدري أن بلدي سوت هذا العمل الجبار مأقدر اوصف لك شلون. كان بجنبي أسترالي و اسمعه بستمرار يكرر كلمات المدح. والحفل الختامي هو مكمل لحفل الأفتتاح و ايضا شفت حفل الختامي على الطبيعة قد يكون فية اخطاء انت شفتها على الشاشة و شافوها الملايين وفية من لاحظها وفية من مالاحظها. ولكن ارد و اقول ان حفل الختامي كان روعة و اكثر من روعه.

الله يعز أميرنا و ولى عهدة و شيخ الشباب و شيخ جوعان و الفارس الهمام محمد و رئيس الوزراء الله يحفظ لنا شوخنا

وكلنا قطر

وانت ياالمخلب مامنك زود.


عزيز وغالي .. تحياتي لك ..

وكلنا قط ــــ:) ــــ:cool: ــــ :D ــر

[Smart]

نا لو على عطيت قطر A+ على النجاح و التنظيم والفرحه والشعب الحلو الي ابتسامة كانت فى استقبال ضيوفه وفتح قلبه قبل بلده وهذى الشى المعروف عن اهل قطر
بارب يوفق قطر واهلها لكل خير

[فاهد العذبة]

بس انا عن نفسي بصراحة الحفل كان في قمة الروعه يكفي الفكره
اما من ناحية الطفل فهو فالنهاية طفل يعني مهما تدرب لازم يخاف من الجمهور وانه ع الهوا والامير موجود يعني غير عن البروفات

انا اتفق معاك بس في المصور انه طلع احس انه من التريننق ياي

والنشيد الوطني تحس كأنهم مشغلين شريط والمسجل مافي بطارية استغربت بس أكيد العود ماسكت عنهم :)
في اشياء سلبية وايد بس اهم شي الفكره ابهرت العالم ولاتنسى ان احنا اول مره ننظم الاسياد :)

[بقايا الليل]

ختام مميز
ابهر الشرق والغرب

[المخلب]

نا لو على عطيت قطر A+ على النجاح و التنظيم والفرحه والشعب الحلو الي ابتسامة كانت فى استقبال ضيوفه وفتح قلبه قبل بلده وهذى الشى المعروف عن اهل قطر
بارب يوفق قطر واهلها لكل خير


شكرا لك .. والله يوفق قطر :)

[المخلب]

بس انا عن نفسي بصراحة الحفل كان في قمة الروعه يكفي الفكره
اما من ناحية الطفل فهو فالنهاية طفل يعني مهما تدرب لازم يخاف من الجمهور وانه ع الهوا والامير موجود يعني غير عن البروفات

انا اتفق معاك بس في المصور انه طلع احس انه من التريننق ياي

والنشيد الوطني تحس كأنهم مشغلين شريط والمسجل مافي بطارية استغربت بس أكيد العود ماسكت عنهم :)
في اشياء سلبية وايد بس اهم شي الفكره ابهرت العالم ولاتنسى ان احنا اول مره ننظم الاسياد :)


تحياتي لك .. وشكرا على المرور ..

[المخلب]

ختام مميز
ابهر الشرق والغرب


شكرا لج .