خاطري في بي ام الفئه الخامسه شرايكم ؟؟؟

[قطري 22]

خاطري في بي ام الفئه الخامسه شرايكم؟؟ اللي يعرضونها الفردان في الجريده سيارات الموتمر مدري حد يقدر يفيدنا بشي ؟؟؟

[المخلب]

والله سعرها مقبول وماشيه شوي ! .. دام انها 2007 على مااعتقد توكل على الله وخذلك وحده بس غير الاسود لا تااااااااخذ

[شاقح]

ياخوي خذها قاعده إذا في خاطرك شي لاتشاوور احد توكل على الله وسوه لأن كل شخص بيتكلم عن نفسه انت شاور نفسك وشوف كيف استخدامك وحاجتك لها وتوكل
وللعلم خدمة مابعد البيع في الفردان ماعليها كلام وبتوفيق

[ALRAYYAN]

والله ياخوي اذا في خاطرك خذها ليش لا

مع ان واحد من الربع خذ وحده مو 2005 من الوكاله اصفار ومامدحها ماكملت عنده سنه

وباعها ... لا واذا جيت تبيعها بتخسر فيها واجد ... معروفه البي ام يطيح سعرها

تبي نصيحتي

المرسدس E 280 بو عيون 2007 ولا غيره

وعلى فكره اذا بتاخذ البي ام او المرسدس عليك بالابيض ... أحلى لون ويكبر الموتر

وبالتوفيق

[وطن]

اخوي البي ام الفئة الخامسه حلوة سواقتها

انا مجربتها

واذا بتاخذ من الوكالة توكل على الله :)

وخذ اللون اللي يريحك
كل الألوان حلوة

[مستثمر-قطر]

والله ياخوى انا انصحك با530 بالذات لن صارلها 3 سنوات عندى ولااروووووع

[شقردي]

والبيام حلوه بس كم سعر الفئه الخامسه انا خاطري بوحده

[التـسـعـة]

إذا بتاخذ الفئة الخامسة لا تاخذ إلا ال545 هاي اللي صج ماعليها كلام
حلوة ومواصفات ولا أحلى.

[rashid-1]

سيارة بنات

أخذ لك حوت ابرك لك

[مستثمر-قطر]

الحاسد بالارض والرازق بالسما

اخوى خذ الى بخاطرك ولاعليك من كلام الحساد ;)

[{راشد}]

ياخوي دااااااااااااااااامها بخاطرك خذها !!

وستانس ونبسط وخل عنك التردد دام عندك افلووووس !!

وروح والقلب داعي لك

[قطري 22]

مشكورين ونستوني الله يونسكم بالعافيه انا رحت للوكاله اليوم ال 523 سعرها 145 بس عيبها بدون فتحه ال 525 سعرها ب 169 حلوه اعجبتني البيضا بس تغاليتها شوي . انا بعد افضل البوعيون على البي ام بس للاسف تغيير شكله . مشكووووووووورين

[ALRAYYAN]

مشكورين ونستوني الله يونسكم بالعافيه انا رحت للوكاله اليوم ال 523 سعرها 145 بس عيبها بدون فتحه ال 525 سعرها ب 169 حلوه اعجبتني البيضا بس تغاليتها شوي . انا بعد افضل البوعيون على البي ام بس للاسف تغيير شكله . مشكووووووووورين

لا لا البوعيون ماتغير شكله ولا بيتغير قبل خمس سنين وهذا كلام اكيد

اللي تغير فيه المكينه بدال 240 صارت 280
مع تغييرات بسيطه كلش مثل الليتات اللي ورا مع الليتات اللي قدام والشبك بس

وطيعني البوعيون موتر وشيك في مخباك في نفس الوقت

وبالتوفيق أخوي

[jetstream---]

كان عندي قبل بي ام وتبهدلت لين بعته مع انه كان نظيف والحين خذت بوعيون وما

عليه كلام و رزة المرسدس غير عن البي ام والمرسدس اي وقت ينباع ومب بخسارة مثل البي

ام......بس اعتقد البوعيون بيتغير شكله بعد سنتين وحتى اذا تغير يخي يتم رزه مب نفس البي

ام بس يتغير تكره القديم وسعره كله لمت داووووون

[msk]

السلام عليكم،،،،،،


صراحة البي ام سيارة سواقتها وايد حلوة ... 530 طبعاً ... ومواصفاتها دايماً اعلى من المرسدس اذا قارنت السعر بين الاثنين... والمرسدس بعد رزة ... وأن عندي ياخوي مبدأ ... أخذ السيارة الي عاجبتني انا مب غيري... بس بعد في نفس الوقت لها سمعة زينة ومب شرط توب...وفي نفس الوقت تخدمني وتنفعني انا مب غيري .... وأنا انصحك تقعد مع نفسك شوي وتفكر في الي ينفعك ويخدمك ويريحك انت مب غيرك.... بعدها لوخذت السيارة انشالله مب متملل منها وبتم معاك وهي مريحتك لانك خذتها على ذوقك مب ذوق الناس......... وبعدين لو كنت مقتدر والله فاتحها عليك شالمشكله لو نزل سعرها عن البوعيون 30 ولا 40 الف ... ياخي الناس ذي اطيرها في سفرة وحدة علشان تريح نفسها... خلاص انت ياأخي ماخذ السيارة علشان ترتاح فيها.

[قطري 22]

والله شكلكم حطيتوا البوعيون في راسي تصدقون طبلون المرسيدس يعجبني اكثر من البي ام بروح لهم بكره الله يوفق