المساعد الشخصي الرقمي

مشاهدة النسخة كاملة : تخلت عني بعد 7 سنين حب ..


المخلب
22-06-2005, 05:19 PM
السلام عليكم

اسف اني اكتب لكم مثل هذا الموضوع بس هذا الي صار تخلت عني الي حبتها 7 سنين من عمري راحت تقدرون تقولون على الفاضي !

انتهت اليوم !

كلمت امي علشان تخطبها ويوم تقدمت لهم الام وافقت والابو وافق لكن هي بعد سبع سنين بكل برود تردون وش قالت !

>>>>>>>>>>>>انا اعتبره مثل اخوي ! <<<<<<<<<<<<<<<

شفتوا العن من هذا الموقف !

اي لكن مثل ماايقولون الدنيا ارزاق والحمد لله على كل حال والي الله كاتبه بيصير الله يرزقنا الي احسن منها انشاء الله << مع اني مااتوقع في احد احسن منها

7 سنين راحت من حياتي على الفاضي ! :(
الله يكون بالعون
RayeG
22-06-2005, 06:24 PM
ما اعتقد راح تشوف ردود كثيرة لأن الموضوع شخصي جدا ... عموما اللي خلقها خلق غيرها ..

طيب قولها اوكي اعتبريني مثل اخوج بس خلينا نتزوج واللي يرحم والديج .. يمكن البنت تقتنع
قطريه فديتني
22-06-2005, 09:29 PM
الله يعينك اخوي بس يتراوالي هاي المكان مش مناسب لمثل هذا المواضيع الشخصيه :eek3:
سهم طايش
22-06-2005, 09:50 PM
شدراك يمكن خيره من الله لك

تعوذ من ابليس و دور لك بنت الحلال ذات الدين و الخلق

و جابل اسهمك و ركز في البورصه هالايام ايام خير على قطر و هذي فرص ما اتكرر في البورصه

و الله يوفقك بالزوجه الصالحه
The Edge
23-06-2005, 12:28 AM
والله ما تدري وين الله كاتب لك الخير ... أسمع كلامي و أنساها و تمنى لها التوفيق و بتمر الأيام و بتحصل غيرها و راح تتذكر هالأيام بأبتسامة و تقول الحمد لله هناك مقولة أنجليزية تقول:
If you want something so bad and you can't get it , let it go, If it comes back its yours forever, and if it does't, it is never meant to be yours
مصير الأيام تنسيك و انا أخوك
سراب الامل
23-06-2005, 12:35 AM
اخوي المخلب ماتدري يمكن خيره لك

وانشاءالله ربي بيعوضك بأحسن منها
المخلب
23-06-2005, 02:59 PM
الف تحيه للكل والله يساعدني ويساعدكم السموحه لاني دخلت مشاكلي الشخصيه لكم بس من القهر والله
سا لي الذكرى
23-06-2005, 03:29 PM
انا اعتب على كل انسا ن يفكر انة يحب اكبر جر يمة هي الحب تعب وجع را س ريح با لك النسوان مزا جين اذ حبت حبت واذ اكرهت اكرهت انا مجرب اذ انت 7 سنين انا 15 سنة وبعد ين ولا شي صد قني البور صة افظل
سا لي الذكرى
23-06-2005, 03:32 PM
يمنع وضع الايميل في المنتدى

يرجى الالتزام بقوانين المنتدى
نورس الخليج
23-06-2005, 06:39 PM
النساء بشكل عام ناقصات عقل ودين
ونصيحة انسى الموضوع وفكر بشيا اهم و في النهاية الخيره فيما اختاره الله
وهناك مثل يقول
الي يبيعك بالبصل بيعه بقشوره
والدنيا تجارب ودروس والله يوفقك
قطر
23-06-2005, 06:42 PM
من كلامك الظاهر انها تقرب لك...

وانها كانت على علم بالموضوع وانها كانت موحيه لك انها موافقه ...

ويوم تقدمت بكل برود اتقول لا ...


اعرف ان هذي وحده ماتستاهل اخلاصك .. ولا حبك...

ومن باعك بيعه ....

ويمكن الله مخلي رفضها لك خيره لك ...

واعرف ان الزواج قسمه ونصيب ...

وهي مب نصيبك دور لك البنت الافضل واستخير قبل لا تتقدم حق حد ..

والله ايسر لك
مساهم عادي
23-06-2005, 08:06 PM
صحيح .. اظن اهي تقرب لك.. لأنها قالت لك انت مثل اخوي

بعدين في سؤوال مهم جدا .. انت كنت متأكد انها تبادللك نفس الشعور ولا بس من طرفك انت.. ؟؟

يعني انت كنت تفترض انها تبادلك نفس الشعور ولا هي صرحت لك هالشي؟؟ ترى في فرق كبير

اذا هي ماتدري انك عندك شعور ناحيتها طول هالسنين الأمر يختلف كليا... تقدر تصرح لها الحين بشعورك ناحيتها .. اهني احتمال كبير انها تغير موقفها منك..

اما اذا كان الشعور متبادل من الطرفين ... وفجأة لين جيه وقت الجد تهربت .!! هذا كلام ثاني

انا مريت بتجربة مثلك بالضبط.. من زمان واستمرت شهور مب 7 سنوات.

واثرت فيني تاثير كبير وفي دراستي .. كنت طالب سنة اولى جامعة...وكان هاي اكبر خطا ارتبكته في حياتي واتمنى انه يرجع فيني الزمن حتى احكم عقلي ولا اخلي عواطفي تتحكم فيني ...


حط في بالك انه هالموضوع لازم مايسيطر عليك وحاول انك تتداركه بسرعة وإلا بياثر تاثير شامل على حياتك .. انت شاب تقدر تخلي عقلك هو اللي يحكمك ...
المخلب
24-06-2005, 05:05 PM
صحيح .. اظن اهي تقرب لك.. لأنها قالت لك انت مثل اخوي

بعدين في سؤوال مهم جدا .. انت كنت متأكد انها تبادللك نفس الشعور ولا بس من طرفك انت.. ؟؟

يعني انت كنت تفترض انها تبادلك نفس الشعور ولا هي صرحت لك هالشي؟؟ ترى في فرق كبير

اذا هي ماتدري انك عندك شعور ناحيتها طول هالسنين الأمر يختلف كليا... تقدر تصرح لها الحين بشعورك ناحيتها .. اهني احتمال كبير انها تغير موقفها منك..

اما اذا كان الشعور متبادل من الطرفين ... وفجأة لين جيه وقت الجد تهربت .!! هذا كلام ثاني

انا مريت بتجربة مثلك بالضبط.. من زمان واستمرت شهور مب 7 سنوات.

واثرت فيني تاثير كبير وفي دراستي .. كنت طالب سنة اولى جامعة...وكان هاي اكبر خطا ارتبكته في حياتي واتمنى انه يرجع فيني الزمن حتى احكم عقلي ولا اخلي عواطفي تتحكم فيني ...


حط في بالك انه هالموضوع لازم مايسيطر عليك وحاول انك تتداركه بسرعة وإلا بياثر تاثير شامل على حياتك .. انت شاب تقدر تخلي عقلك هو اللي يحكمك ...


هلا عزيزي والله اي نعم تصيرلي

وانا وياها متبادلين نفس الشعور ! وقلتلها من قبل سنه تراني ناوي اخطبك قالت موافقه بس شد حيلك بالمذاكره وخلص جامعه ! <<< طبعا ان للحين ماخلصت !

بس الحمد لله على كل حال

اشكرك اخوي برنس على ردك وبسوي خيره شدراك يمكن ترجع وتوافق وتصير نصيبي ! ياااااااارب

والف شكر للجميع على ردهم الي اثر فيني معنويا والله تحياتي للجميع اخوكم المخلب
المخلب
24-06-2005, 05:13 PM
النساء بشكل عام ناقصات عقل ودين


شكرا اخوي على ردك لكن حبت اقولك على شئ ! من قال ان النساء ناقصات عقل ودين! اجل بكذا الكل بنظرك صايعات ! وغبيات !

لا اخوي استميحك عذرا طبعا !

النسوان الحمد لله الي تعلمت والي اهلها ربوها والله بتكون عقلها كامل ودينها شامل !

اما الي ماتربت ولا درست ولا تفهم الا الخرابيط بهذي الدنيا فهذي الي تقول عنها ناقصه عقل ودين ! وانشاء الله مااتكون وحده من الموجودات من هذا النوع

تحياتي لك وشكرا على تداخلك
الحالمه بالجنان
24-06-2005, 09:47 PM
اخوي المخلب

روح هالموقع هاذي وهم بيفيدونك

يمنع منعاً باتاً وضع وصلات لمنتديات أخرى
يرجى الالتزام بقوانين المنتدى
وشكرا لتعاونك