اي الأحسن التغبير ولا الصابون( الفيري)

[العنان]

السلام عليكم
شباب ان شاءالله مسافر يوم الخميس وبغيت احط على موتري صابون حق الخط بس في شباب يقولون لي التغبير احسن وناس يقولون الصابون(الفيري) احسن ، بغيت اعرف شنهو الاحسن من بينهم من ناحية انه مايأثر على صبغة الموتر وياحفظ عليه ، مع اني كل سفراتي استعمل الفيري بس هالمره قلت خل اشوف ايش الفرق ، ووين يسون التغبير ، وشكرا..

[مستثمر-قطر]

والله ياخوى انا استخدم الفيرى واشوفه احسن بس خلك مثلى احط الفيرى عند محطه بونخله واول مااوصل المكان الى ابيه اشله اول ماادش الاحدود اشله عشان اذا له تاثير ماياثر لن فيناس يخلونه لين يوصلون ويتمون 3 او 4 ايام ولا يشلونه فاانت اول ماتوصل المنطقه الى تبيها شله واذا بترجع حطه مره ثانيه

واتمنى انى افدتك وانا اخوك ...,

[qatari1]

أنا أشوف التغبير أفضل، فمن ناحية يتم تغطية جميع أجزاء مقدمة السيارة بشكل متكامل عكس الفيري، اللي ما تقدر تغطي فيه السيارة كاملة، وثانياً لأن الفيري غير مناسب لصبغة السيارة ويأثر على اللمعة، وثالثاً تقدر تخلي التغبير طول سفرتك لما ترجع بالسلامة!

هذي وجهة نظري في الموضوع، ولك الاختيار.

[الأختصاصي]

التغبير افضل اخوي وان شاء الله
تروح وترجع بالسلامه

[مرحوم قطر]

هل ابوي انا اقولك التغبيره

لان الصابون يجف و اذا جف ممكن يخربلك الصبغ

و في نفس الوقت الصابون ما يحمي وجه موترك ابذاك الزود

[مستثمر خطير]

التغبيره افضل وانا كنت احط الفيري وكان يشيل لمعة الموتر ،،، تروح وترج بالسلامة .

[العنان]

مشكورين اخواني على ردودكم ماقصرتوا والله لايهينكم ، شكلي هالمره باجرب التغبير وشوركم وهداية الله ، بس وين اقدر اسوي التغبير في الدوحة وكم سعره ، وانا باروح السعوديه ويمكن امر البحرين فهل في محلات في السعوديه تسوي التغبير ووين مكانها
وشكراِ

[مستثمر خطير]

اخوي الله لايهينك مر على محطة السلام اللي بعد دوار الصناعية الكبير " القلعة" وبتحصل

مال التغبيره في داخل المحطة... ناسي بخصوص السعر بس اعتقد 30 ريال.

[العنان]

مشكور اخوي مستثمر خطير ولا يهونون الباقي

[qatari1]

اخوي الله لايهينك مر على محطة السلام اللي بعد دوار الصناعية الكبير " القلعة" وبتحصل

مال التغبيره في داخل المحطة... ناسي بخصوص السعر بس اعتقد 30 ريال.

كلامك صحيح ..
السعر 30 ريالاً، بس تأكد أخوي العنان إن العامل يغبر وجه الموتر كامل مع البانة(ما عدا الليتات)، وخلف المنظرتين، وجانبي الزجاج الأمامي..

[hamoor4ever]

اذا تبي الصج كلهم فاشلين ... الفيري يطير لك اللمعه .. والتغبيره اذا في غبار قوي يطير ولا منه فايده ..

بصراحه احسن شي تسوق بالعدال ..

تروح وترجع بالسلامه

[جنيه ذهب]

اذا تبي الصج كلهم فاشلين ... الفيري يطير لك اللمعه .. والتغبيره اذا في غبار قوي يطير ولا منه فايده ..

بصراحه احسن شي تسوق بالعدال ..

تروح وترجع بالسلامه

هذا الكلام وبس وعين العقل كلهم ما منهم فايدة والله ...


ياخوي
(( في التاني السلامة وفي العجلة الندامة ))

والله يحفظك وتروح وترجع بالسلامة ،،،

[doha_vip]

صح التغبيره ماتبقى توصل حدود قطر الا هي طايره وتجوف ويه الموتر .. امش شوي شوي احسن لك .. والله يحفظك

[قطري رافع الراس]

اخوي انصحك بمحل زيبارت الي على طريق سلوى هو يحطلك مادة خاصة عن العج والغبار

واحسنلك من التغبيرة والصابون .

وان شاء الله تروح وترجع بالسلامة وعن السرعة اخوي