مطلوب شقة للايجار بــ لندن بسعر معقول جدا

[ام الحلوين]

مرحبا اخواني واخواتي

ياليت من يقدر يساعدني
عندي ناس يعزون علي رايحين لندن شهر 1
للعلاج وعلى حاسبهم ويبون شقه لمدة شهرين او ثلاثه شهور للايجار بوسط لندن بسعر معقول جدا تعرفون مصاريف علاج وتذاكر وسكن بيكلفهم واجد
فياريت من يقدر يدلنا على شقه بسعر معقول وكيف يأجرونها ويدفعون من قطر
وجزاكم الله الف خير ادري النشامى بالمنتدى مهم مقصرين ومن كذا قلت مافي الا منتدى الاسهم به الخيروالبركه

[alwahesh]

اسهل شي الاتصال بالسفاره القطريه بلندن وتحديد مكان العلاج مثال لندن كلينيك او مستشفى كروم ول او اي عياده وهم يحددون اقرب واحسن فندق مع مراعاة العادات والتقاليد و....الامان

وممكن بعد عن طريق مكاتب السفريات مثل كيلوباترا وريجينسي وتورست بس هذ يله تهمهم مصلحتهم ,,,,,,,, وما تشوفون شر ولا اراكم الله مكروها في عزيز وخطاكم اللاش

[السنافي555]

احسن مكان وعائلي وامان روح العنوان هذيه
كروم ويل رود - اشبن جاردن(1)
على فكره كل اهل قطر بتلقاهم فيه

[قطري طموح]

ابشري اختي باجيب لك شقق ممتازه في مكان ممتاز يقع بين الادجور رود وبين وشارع اكسفورد ، انا شخصيا جربتها مستواها ممتاز وموقع ممتاز وخدمه ممتازه وفيها خدمه خاصه للعرب ويرتادها الكثير من العوائل الخليجيه ، وسعرها بشهر يناير مخفض والاكثر من هذا انها تتميز بالامان طول الوقت .
ويمكنك الدفع من هناك افضل لك وكل ماكانت المده اطول كل ماكان السعر مخفض اكثر .
بابحث عنها وباجيب لك موقعهم بالكامل ان شاء الله .

[قطري طموح]

http://www.presidentialapartments.co.uk/images/propertyimages/new1BedroomT.jpg

هذي صور للشقه .

http://www.presidentialapartments.co.uk/images/propertyimages/1BKingLounge.jpg

وهذي بعد بعض الصور

http://www.presidentialapartments.co.uk/images/homepageimage3.gif



باذن الله ستعجبكم الشقق .

وهذا هو العنوان ولازم تكتبينه عندج وتحتفظين فيه بشكل دائم عند الخروج من الشقق


(1- الموقع )
( في 102 شارع جورج ستريت المتقاطع مع بيكر ستريت - وهو خلف بورتمان سكوير )
يعنى تنزلين من الشقة تروحين يمين على اجور رود وتروحين يسار وتأخذين اول يمين تطلعين بين سلفرج وماركس وسبنسر في اكسفورد استريت)

وانصحكم باشراء الاكل اما من الادجور رود او شرائه من ماركس سبنسر وكذلك يمكنكم الطبخ داخل الشقه .
لكن انا انصح وبقوه شرائه من ماركس سبنسر لانه اكل صحي وطيب جدا واسعاره ممتازه وخصوصا وان ماركس سبنسر قريب جدا من الشقق

ويوجد مسجد يبعد مسافه ثلاثه كيلو تقريبا من الشقق ويوجد به مكان كبير للنساء وحتى تصلين للمسجد اخذي الوصف التالي
اول ماتطلعين من الشقق توجهي لليسار حتى نهاية الشارع ومن ثم يسار وتمشين مسافه 3 كيلو او تركبين الباص المتجه للامام وستجدين المركز الاسلامي وخلفه حديقه كبيره للزهور .


اما عن الحجز فابامكانك الجحز عن طريق التلفون

رقم التلفون 0097 7486 020
رقم الموبايل 534912 07747


كذلك يمكنك طلب خدمة توصيل من والى المطار فقط اتصلي بهم واعطيهم رقم الرحله وشركة الطيران وستجدين مندوبهم ينتظرك في المطار برسوم اعتقد انها 20 باوند


الحقيقه المشرفين على الشقق والعاملين فيها طيبين جدا وسيقدمون لك اي معلومه تطلبينها ومكتب الاستقبال يفتح من 9 صباحا الى 5 مساءا ويوجد موظفين عرب قمة في الاحترام .

فيه خدمة تنظيف الغرف لحد الساعة الواحدة ظهرا .. وتبديل المناشف

نصيحه اخرى لاتخرجين بعد الساعه الـــ 10 ليلا .

واي خدمة اخرى انا حاضر
والله يوفقكم ويشفى مرضانا ومرضاكم ومرضى جميع المسلمين .

[رايق]

على القوة اخوي قطري طموح .. حقيقة اشكرك على فزعتك الطيبة اللي تدل على طيب اصلك

[المزن الرياني]

قطري طموح
انا أشهد انك كفيت ووفيت ... الصراحه بيض الله وجهك



أختي ام الحلوين
بالتوفيق ان شاءالله ومايشوفون شر

[مريديان]

ام الحلوين..ماتشوفون شر ان شاء الله

قطري طموح ماشاء الله عليك...ماقصرت والله...الله يعطيك العافية

[ام الحلوين]

اخوي قطري طموح ماقصرت بيض الله وجهك
كلمتهم اليوم ماعندهم غرفتين بس غرفه وحده
وبالاسبوع1155 باوند حسبها لي

[N7eEeS]

اختي إنشاء الله نقدر نخدمج بس اول شي لازم توضيحن الامور التالية :
العلاج في اي مستشفى على اساس نشوف شقه قريبة من المستشفى.
كم عدد الغرف المطلوبة وكم عدد الاشخاص.
هل مطلوب شقة فيها خدمة نظافة او لا؟ وحماية؟
القدره على الدفع الاسبوعي كم ؟
وصراحة الشقة اللي حطها اخوي قطري طموح ومن وجهة نظري غالية خاصة انج تقولين شقة فيها غرفة على 1155باوند في الاسبوع تقريبا 8000 ريال في الاسبوع اعتقد بتكون مكلفة على شخص رايح علاج على حسابه خاصة إن الفترة من بعد نص شهر 9 إلى نهاية شهر 3 تعتبر لو سيزن بالنسبة حق الشقق.
والله يشفي مريضكم

[ام الحلوين]

اشكرك اخوي نحيس على تجاوبك
وبالفعل العلاج على حسابنا وشقه بهالسعر بيكون ملف جدا
مش مهم الشقه تكون جنب المستشفى المهم وسط لندن
ونبيها على الاقل غرفتين وياليت يكون فيها خدمة النظافه والحمايه تعرف بلاد غربه مافيها امان
واكرر شكري لكل من تجاوب معي

[قطري طموح]

السلام عليكم
اخواني الكرام جزاكم الله خير كلكم وهذا اقل واجب اقدمه لاعضاء المنتدى .

اختي ام الحلوين والله تفاجات من السعر اللي ذكرتيه .
انا في شهر مايو اللي راح كنت ماخذ استيديو لمدة اسبوعين بمبلغ 650 باوند في الاسبوع .
ومثل ماقال الاخ ان هذي القتره تعتبر فترة لو سيزون غريبه يكون هذا السعر
على كل حال بابحث لج عن شقق ثانيه وبارد عليج في اقرب وقت ان شاء الله
بس ياليت لو تحددين لي كم مدة الاقامه وفي اي منطقه تفضلين .

[قطري طموح]

جربي هذا الرابط واختاري اللي يناسبج من الشقق ولو احتجتي للترجمه ان شاء الله اقدر اساعدج .
http://www.apartmentsapart.com/london_hotels/index.htm


او اتصلي بهذا الرقم لرجل سمسار عقارت في لندن عربي الجنسيه اسمه ضياء .


004478317222722


بس تاكدي من الضروري ان يرسل لج تاكيد الحجز بواسطة الفاكس او الايميل يحوي اسم الشقق العنوان الكامل وقبل السفر اتصلي بالشقق للتاكد من ان الحجز مؤكد .

وفقكم الله

[N7eEeS]

ان شاء الله من اليوم لين الاثنين او الثلاثاء أجيب لج الاسعار والارقام.
بس حطي في بالج كل ماقل سعر يكون على حسب مستوى الشقة وعدم وجود خدمة نظافة والامن إنشاء الله مابه خوف لندن أمن من قبل بكثير.

[ام الحلوين]

الله يجزيكم الف الف خير على وقفتكم الرجوليه
وانا والله ماكتبت وسالت بالمنتدى الا اني متوقعه انه في نشامى بيساعدوني
الله يجعلها في ميزان حسناتكم ويكتب لكم الخير في هذه الايام الفضيله
حصلنا شقه يااخواني بسعر مقعول ولله الحمد
واكرر لكم الشكر الجزيل

[سهم طايش]

بيض الله وجوهكم اخواني قطري طموح و نحيس

ما عليكم شر اختي ام الحلوين و الله يوفقكم بالعلاج الزين و السكن الممتاز

[ام الحلوين]

بيض الله وجوهكم اخواني قطري طموح و نحيس

ما عليكم شر اختي ام الحلوين و الله يوفقكم بالعلاج الزين و السكن الممتاز

اي والله خجلوني باخلاقهم وفزعتهم
الله يقدرني واقدر اخدمهم بيوم

[خطر]

اخوي قطري طموح ماقصرت بيض الله وجهك
كلمتهم اليوم ماعندهم غرفتين بس غرفه وحده
وبالاسبوع1155 باوند حسبها لي
بصراحه:o
غاليه وايد. لاني كنت هناك شهر6.و7و8 وكنت اخذالشقه ام غرفتين وصاله وحمامين ومطبخ ب650 الى 800 باوند في الاسبوع . وهذا كان سعر غالي لاني كنت اخذها عند الاكسفورد ستريت والادجوررود. لكن انشالله بحاول اطلع رقم وحده لبنبنيه كنت ااجرمنها الشقق اللي كنت اسكن فيها. ومايشوفون شر

[قطري كشخه]

هلا اختي

بالنسبه للشقق انا اقدر اساعدج فيها ممكن ادبرلج شقق في الاماكن التاليه
في الاجور رود وعندج في الاكسفورد وفي شقق في لانكستر قيت

بالنسبه لي انا مثل الوقت الى تستفسرين عنه جوني اهلي وقعدو في لانكستر قيت لمده اسبوع
الشقه مكونه من
غرفه دبل روم غرفه ثانيه سريرين مفصولين وعندج صاله وماذكر بالضبط عزج الله وعز الموجودين حمامين وله وحده وموقعه من تفتحين باب البلكونه اطالعين الهايد بارك ,,,

وانا بالنسبه لي هذا احسن شقه شفتها لانه شويه بعيده عن حشرت البوعراب ومن عدتنا اهل قطر ندور الراحه لحريمنا..

واذا كان محطتهم احد المستشفيات الى ذكروها تبعد تقريبا عن لنكستر حول 15 دقيقه بالتاكسي والله العالم كتقدير مني

اسعارهم من 450 لين 800 باوند يعتمد على موقع الشقه وجودتها

وبالنسبه للفنادق اذا كنتو تفكرون انكم تقدون فيهااا

عندج فندق جرجل هذا قريب جدا للكسفور وسعره 130باوند باليوم للدبل روم طبعا من ارقى الفنادق في لندن ولهل قطر خاصه خصم خاص لهم عن طريق السفاره او اى مكتب موجود لانه الفندق ملك دوله قطر

فندق كامبر لند 30 متر عن الاكسفور سعر الدبل روم ب115 باوند باليوم

اقترح عليج الشقه لانه اريح شوووي وفيه سكيروتي على الشقق ومو اى حد يقدر يدخل صوب الشقه

وعلى فكره المستشيات المذكوره شويه بعيده عن الاكسفور وفي حولها شقق وفنادق

اذا حابه افيدج اكثر انا حاظر

[ولـــد قطـــر]

والله إنكم تبيضون الوجه

أخواني قطري طموح ’ ونحيس , وقطري كشخة

والنعم فيكم أخواني ولنا الشرف إن يكون بالمنتدى شرواتكم