طلب نصيحة في أسهم الصرافة

[رياني1212]

مرحبا بالاخوة رواد المنتدى ارجو مساعدتي هناك اسهم شركة للصرافة تسمى الدار وهي شركة يملك اسهمها جهات حكومية مثل وزارة الدفاع الداخلية البريد وبعض الشركات المدرجة في البورصة ومجموعة من الاشخاص هذي الشركة تم تأسيسها من سنة تقريبا وقيمة السهم 10 ريال مدفوع بالكامل المهم معروض علي السهم 50 ويمكن ينزل شوي هل فيه فايدة اشتريها ولا غالي السعر؟ولي عنده معلومات عن الشركة يعلمني ؟ والف شكر للي يفيدني قبل لا اتخذ قرار من دون نصيحة وبعدها اندم=== جزاكم الله خير ورحم والديكم فيدوني في هذا الموضوع

[مليت]

والله يا خوي ما سمعت عنه وياليت انك التاكد

[أضحك وتبكي]

سمعت عنها ، وأعرف بعض مشاريعها المستقبلية

ما أنصحك تشتريها حتى بـ 25 ريال ، لين أدرجت بالبورصة خذها رسمي أضمن لفلوسك

[رياني1212]

اشكر الاخوان مليت+اضحك وتبكي على الردود === ولو تكرم الاخوه اللي لهم مصادرهم ومعرفتهم بالسوق يعلمونا عن هذي الشركة وتكفون اللي يعرف لا يبخل علينا يمكن نصيحه منك تنفع بها مسلم وتكون في ميزان حسناتك

[فاهد العذبة]

سمعت عنها ، وأعرف بعض مشاريعها المستقبلية

ما أنصحك تشتريها حتى بـ 25 ريال ، لين أدرجت بالبورصة خذها رسمي أضمن لفلوسك

هذا الكلام الصحيح بعد ماتدرج ف البورصه اخذها حتى لو خذتها من البورصة ب 100 بس اهم شي فلوسك ماتكون مجمده 3 او 4 او 5 سنوات شاللي حادك تحتاتي مجرد وجه نظر

[عتيج الصوف]

عليك ان تعرف ربحية السهم ونسبة النمو للشركه ومشاريعها المستقبليه وموعد المتوقع للادراج ,,,,,وبعد ذلك تسأل اهل الخبره والله يوفقك ياخوي

[أضحك وتبكي]

أخوي رياني : أنا كان أسمي مدرج مع المؤسسين وأتتني رسالة على الجوال تفيد بموعد سداد المبلغ ، ثم تم تأجيل بعض الأسماء وكنت من ضمن المؤجلين أي لم أدخل معهم في الإكتتاب .

هي شركة تحت التأسيس ، وسوف تقوم بفتح فروع لها في معظم مناطق الدولة ، وسوف تفتح لها فرع في البريد العام وجميع فروع البريد العام ولهذا تم إدخال إدارة البريد كمؤسس .

مستقبلها جيد كإستثمار طويل الأجل (بمعنى فلوس زايدة عندك) .

ـــ وأرجع وأنصحك مثل ما أنصح أخوي : لا تشتري من السوق السوداء ، فلو اشتريتها بـ40 ريال مثلاً وبعد سنتين أو ثلاث أنزلت السوق بـ18 ريال !! أنت خسرت الكثير ليس فرق السعر ولكن خسرت فرص كثيرة خلال الثلاث سنوات التي جمدت فيها فلوسك .

ـــ ولو أفترضنا أنزلت البورصة بسعر 120 ريال ، ما هو الضمان أن مالك الأسهم ما يرجع لك الـ 40 ريال التي دفعتها له ويتهمك أنك ضحكت عليه واستغليته ويطلعك أنت الغلطان ، ترى صارت مع أحسن العائلات .
ـــ نصيحة أخيرة حتى لو قال لك خذها برأسمالها : أرفض

[رياني1212]

مشكور اخواني سبيايسي وعتيج الصوف على النصيحة

[رياني1212]

الف شكر يا اخوي اضحك وتبكي فعل انك قاعد تفتح عيني على اشياء كانت غامضه عني واككر الشكر مليون مره للي انصحوني