شاتنصحوني في

[سراب الامل]

السلام عليكم ورحمة الله وبركاته


اخواني بغيت منك استشارة ونصيحه حابه اشتري لي سيارة فور ويل والصراحه راح تكون اول سيارة لي بس لا تخافون تراني فنانه بالسواقة خذت الليسن بامتياز لا واسطة ولا شي

انصحوني اي نوع اخذ ، انا حاطه عيني على ثنتين ومو عارفه اختار اي وحده


لكزس او بي ام دبليو x5

وانتو اخبر وادرى عطوني رايكم

اختكم
سراب

[Bint Qatar]

:app: :app: :app: :app:

بورش كيان

:nice:

http://www.germancarfans.com/tuners/7040521.002/7040521.002.1M.jpg

[كويتي فهمان]

والله يا اخت سراب انا اقول

لو تاخذين طوارق فعلا راح تكونين مميزه عن الناس

والاخت بنت قطر تقول كيان

اختاري بس لا تاخذين لا نكروز ولا نيسان

وتحملي تدعمين ترا اميبن عليج للحين اعليميه

وانا اتوقع انج راح تدعمين

الشباب ما يخلي احد
خخخخخخخخخخخخخخخخخخخخخخخخخخخخخخخخخخخخخ
اتغشمر معاج
بالمبارك والله يوفقج وما تشوفين شر يارب






عشان ما تقولين كويتي عينه حاره

[الخفوس]

كروزر = كشخة + بر + بحر + أقتصادية بمعنى الكلمة + قطع غيار رخيص

لكزس = كشخة ورزة + بر + بحر + أقتصادية بمعنى الكملة + قطع غيار رخيص

X5 = كشخة وزقرت + مب عملية للبر + مب عملية للبحر + قطع غيار غالي


والخيار لج أولا وأخيرأ وبتوفيق

[دنيا الاسهم]

السلام عليكم
اختي سراب اعتقد المنتدى للاسهم والاقتراحات اللي تفيد الناس :anger2:
مو لاخذ راي وش تبين تشترين وش تخلين :funny:
اعتقد لو تاخذين فوكس واجن ولا بيكم ام غمارتين واجد عملية واقتصادية حق شوارعنا :app: :app:
واني ابخص :looking: اللة يهديج بس :p

[shared]

اقولك نصيحة انطر شوي لان اللكزس شكاها بيتغير ...................
و خلك علي الياباني احسن لك من اي سيارة ثانية ..................
عندك النيسان مثلآ انفنتي ؟؟؟؟؟؟؟؟؟؟؟؟؟
شكله توه نازل وما بتتغير بعد سنة او سنتين

[سراب الامل]

السلام عليكم
اختي سراب اعتقد المنتدى للاسهم والاقتراحات اللي تفيد الناس :anger2:
مو لاخذ راي وش تبين تشترين وش تخلين :funny:
اعتقد لو تاخذين فوكس واجن ولا بيكم ام غمارتين واجد عملية واقتصادية حق شوارعنا :app: :app:
واني ابخص :looking: اللة يهديج بس :p

دنيا الاسهم مشكورة اختي على الكلام الطيب وجزاك الف خير

انا عارفه ان المنتدى للاسهم بس الموضوع مكتوب بـــــ (( بمنتدى الوسيط التجاري ،

قسم السيارات )) بمنتدى شبكة الاسهم القطرية طال عمرك ولو ابي اناقش بالاسهم او اخذ مشورة تخص الاسهم هناك المنتدى النقاش الاقتصادي ولو عندي مشوره تخص التحليل الفني هناك منتدى التحليل الفني ومو محتاجه اكمل اكثر .


على العموم الف شكر لك على المرور الطيب

اختك
سراب الدوحه

[سراب الامل]

اختي بنت قطر

اخوي كويتي فهمان

اخوي الخفوس

اخوي شارد

اشكر لكم مروركم وكلامكم الطيب لي وجزاكم الف خير

والظاهر اني باصبر على الكزس الجديدة مثل ماقترح علي اخوي شارد لاني خاطري فيها

ويعطيكم الف الف عافيه

اختكم
سراب

[أمة الله]

الله يوفقج يارب وصج شوارعنا مال فور ويل والا الصالون قلبج يعورج عليها والله :eek3:

:) :) :)

[دنيا الاسهم]

لا تاخذينا اختي
اللة يحفظك من سرعة السيارات وانتبهي لنفسك ما وصيك

[سراب الامل]

لا تاخذينا اختي
اللة يحفظك من سرعة السيارات وانتبهي لنفسك ما وصيك


مشكورة اختي دنيا الاسهم على نصيحتج ودعاءج لي والله يحفظ الجميع انشاءالله

اختك
سراب

[ROSE]

السلام عليكم ورحمة الله وبركاته


اخواني بغيت منك استشارة ونصيحه حابه اشتري لي سيارة فور ويل والصراحه راح تكون اول سيارة لي بس لا تخافون تراني فنانه بالسواقة خذت الليسن بامتياز لا واسطة ولا شي

انصحوني اي نوع اخذ ، انا حاطه عيني على ثنتين ومو عارفه اختار اي وحده


لكزس او بي ام دبليو x5

وانتو اخبر وادرى عطوني رايكم

اختكم
سراب


سراب

بي ام + بي ام + بي ام



:app: :app: :app: :app: :app: :app: :app:

[roadrunner]

السلام عليكم.

تحممممممملي تاخذين طوارق.


انا واحد متعقد من الطوارق .... لآنه فعلاً كششششششششره .. ديكور وبس... وصيانته تقص الضهر قص ... لا وينني ... على كل تشيكة تطلع لي فيه عله.


اللكزس الصغير حلو حق البنات ... البي ام لا يعلى عليه ... النيسان المورانو حلو حق البنات (قالوا لي ان فيه عيوب بس بصراحة ما جربته).

وبالمبارك على الموتر مقدماً .. ويعطيج خيرها ويكفيج شرها انشالله..

[عزيز]

السلام عليكم

نصيحه أختي لاتشيلين عينج عن الأفالون اليديد وربي قمه في الفخامه لدرجه أني انصدمت فيه والله :nice:

لو مب ولائي و حبي للفور ويل جان خذت لي وحده وأنا مغمض بس الصالون شايله من رأسي من صغري بس أعتقد أنه بيناسبج وبالنسبه لكلام الأخوان الحفر وماغيره

مب شرط الحفر تكسر موترج لازم تحافظين عليه وتعرفين الشارع ألي تمشينه عليه والله يوفقج أن شاء الله ويعطيج خير الموتر ويكفيج شره مقدما وياهلااا بج :) ..

[ابن قطر]

البانشي وبسسسسسسسسسسسسسسسسسسسسسسسسسسسسسسسسسسسسسسسسس

[بوفيصل]

البانشي وبسسسسسسسسسسسسسسسسسسسسسسسسسسسسسسسسسسسسسسسسس

خخخخخخخخخخخخخخخخخخ
وين رايحة سيلين علشان تاخذ بانشي :funny:


اختي سراب انصحج بالياباني
ابرك لج واحسن لج من الالماني
الي خرابه وايد واسعاره الغالية واسعار قطع الغيار
والاهم ان انتي لو بغيتي اتبيعين الالماني راح تلقين سعره طاح
اما الياباني ماعليه كلام :deal:

والله يوفقج اختي
في اختيارج :nice:
ويعطيج خير الموتر الي بتاخذينه ويكفيج شره

[سراب الامل]

اخوي رود رونر مشكور على نصحيتك بخصوص الطوارق صدق انها عاجبتني بس بعد نصيحتك صرفت نظر عنها والصراحه اللكزس عاجبتني اكثر شكل حلو وسعر حلو وصيانتها رخيصة

اخوي عزيز مشكور وايد على نصيحتك ومرورك بس صارفه نظر عن الصالون وافكر في الفورويل ومثل ماقلت الافالون هي الاختيار الاول لي اذا غيرت رايي وفكرت بالصالون

اخوي ابن قطر مشكور على نصيحتك الغاليه بس عاد مره وحده بانشي على قولة اخوي بوفصيل رايحه سيلين

اخوي بوفيصل الف شكر على النصيحه الغاليه ومثل ماقلت الياباني ماعليه اي كلام لو انشاءالله بعد عشر سنين تبي تبيعها ماتخسر فيها مثل غيرها

ويعطيكم الف عافيه

اختكم
سراب

[ابن قطر]

سراب مافي احلى من الحوت الجديد وانتي كسبانه زين ولله الحمد اللهم لاحسد وسلامتج بس السواقه غثى الله يعينج ولا تزعلين يوم قلت للك عن البانشي

[سهم123]

سراب الدوحة
اشوف البي ام افضل للنساء

لو قلتي بالتفصيل أيش تبين من الموتر كان فدناج أكثر
مثلاً تبين سيارة عملية أو ملفتة أو من ناحية الخدمة والصيانة
وإيضاً السعر يحدد نوع السيارة المطلوبة

شكراً لك و بالتوفيق بالسيارة الجديدة
ويعطيك خيره ويكفيك شره

[ضايق الصدر]

صالون = مرسدس

فور ويل = رنرج روفر فوج

وبس

وغير الجيرمني ولا بلاش

تصليح كل شي على الضمان

والبي ام دبليو حتى الايل الحين على الضمان بس صبي بترول

و الله الله في الجريمني (الالماني)