السلع في دول الخليج صااارت نار ( وبذات في قطر !! ) .. وقانون حمايه المستهلك غير موجود

[المخلب]

السلام عليكم

الكلام ماينفع .. والمفروض نوقف هذي الظاهره عند حدها ..

السلع والمواد في الخليج صارت ناااار !! .. وبذات في بلادي قطر !! ..

ودام اني قطري بتكلم عن بلادي قطر ! ..

تروح اي مكان في البلاد : محلات , مطاعم , مراكز تجاريه , بقالات وسوبر ماركت ! , حلاليق ...الخ

كلهم ناار !! :mad:

ما صارت علينا بورصه الي قلبت حالهم !! .. وماصارت علينا زيادات ومكارم الا وزادوا اسعارهم !!! ..

بالاول كانت الزياده بسيطه وماتفرق ! .. لدرجه ان الناس ما تفكر تجيب بضايعها من بره ! لكن اليوم صارت الاسعار فوق فوق وماتلحق ! كل شهر سعر ! ..

نضرب لكم كم مثال حي :

اول البقالات تروح صوبهم رافع سعره ربع ريال او نص ريال عن السعر الي في المجمعات الكبيره ..

الحين لاء وييين !!! صار السعر يفرق من ريال الى 6 ريالات وساعات يطوف !! .. والمشكله حتى المجمعات الكبيره صارت رافعه اسعارها فوق السعر الطبيعي الي المفروض تبيع به السلعه !! ..

وله من قبل ست شهور تقريبا ماكنا نشوف 6.25 او 10.75 او 3.40 في المراكز الكبيره !! صاروا يلعبون على الربع والنص والثلاث ارباع ..

والي لاحظته في الفتره الاخيره اللوح الي كانوا يحطونها في المجمعات المكتوب عليها حمايه المستهلك ! ماقمنا نشوفها ابد !! (( اظاهر مكتب حمايه المستهلك معطينهم اجازه جامده !! وله ساحبين ترخيصهم ! )) وصارت الامور سردح مردح ! لا قانون ولا غيره !! .. :mad: ..

.....

مثال ثاني :

المطاعم ! .. رفعوا اسعارهم رفعه جامده ! .. كل شئ ارتفع !! .. صار الي يبي يشتري له ولاربع اشخاص مثلا من اي مطعم حلييو (( حليو مو حلو ! :deal: )) لازم يجيب فوق 500ريال براحه ! .. وين اول نعشيهم وله نغديهم والسعر مايعدي 200 ريال .. شامل التحليه والحمص ..

وحتى المطاعم الخايسه - الله يعزكم - المكسره ومابقى شئ الا وتطيح ! والجدور وصخه والزيت شهر ماتغير ! اسعارها نار !! حاط راسه وراس المطعم الزين ! ..

...........

نجي للمحلات :

ياااشيخ اسكت عن المحلات !! .. crazy

معروفه التجاره في قطر للاسف شئ فاشل ! .. كل واحد يقلد الثاني !! ذاك زاد ذي يزيد ! على وشو على الفاضي !! بضايع قديمه ! حاجات تفشل واسعار نار !! ..

مانلوم الشركات الاجنبيه لين جات قطر وسحبت منهم البساط ! ..

وله بذمتكم ثياب للجهال !! (( ثياب اطفال ! )) اسعارها ناار واشكالها قديمه ! ويجيك البياع يحلف انها جديده !! ورحت لدوله مجاوره !! شفت نفس الثياب سعرها 15 ريال !! لعنبو دارهم كذابين حتى في الموديلات !!

ويبون يصيرون تجار !! لا منافسه في الاسعار ! ولا انتاج محلي ! ولا بضايع جديده ! ويبون يصيرون تجار غصب !! ..

ثياب نسائيه !! ( فستان سهره ) في سوق الجبر مايسوى وربي يفشل قيمته 2000 ريال ! رحنا لسوق في احدى الدول القريبه لقينا احلى منه واجدد منه وشغل عدل مدل !! شغل مصمم لبناني على 750 !! .. شوفوا الفرق بين فستان في قطر فستان فقر !! مايسوى حتى لونه مع الغسيل يطير !! وفستان شييك تصميم لبناني مصمم خبره مو زبال - وانتوا بكرامه - !

هذي بعض الامثله الي اقدر اذكرها وغيرها كثير الي مايعد ولا يحصى !!


الغلاء صار فاحش في قطر ! .. ومطلوب التدخل بشكل كبير واكيد من حمايه المستهلك !! ..

ومانبي فقط اقوال ومن دوون تطبيق ! ..

مع تحياتي المخلب ..

[بيبي هامور]

والله كلامك عدل يالمخلب كل شي ارتفع ومايندرى الاسعار بتوصل لين وين اتصدق عاد يالمخلب امس رحت الحلاق للا ايقول لي لحية احين 20 ريال قلت لة ليش قال لي احين في سوي زيادة ايجار وبعدين انتا فية فلوس واجد مال بورصة قلت لة ولاكلمة يبة معاك البيبي :eek2: اشبلاك تبي اتقص علي قطيت بوجة 15 وقلت لة واجد عليك بعد

[الناوي]

الله يعطيك العافية على طرح هذا الموضوع الهام الذي صار الهم الاول للمواطن القطري
هذه الامثلة واقعية وهي هيض من فيض
اصبح الواحد منا في دوامة ولا يعرف كم بيكلفه كل شهر يدخل عليه والمشكلة ان الجهال والحريم مايعذرون يعني يبون شي لازم يصير ولا انكسرت خطرهم وكسروا خاطرك

[الامير]

لا وزيدك اول امس طرشت دريول يشتري لي دفايه قالي سايق 180 ريال قلته اشتر وزاد البرد وقلتله روح حق المحل نفسه واشتر ثانيه والفرق يوم 24 ساعه ويمكن اقل اتصل فيني دريول متخرع وقالي بابا الدفايه صارت 245 ريال قلتله خلها تولي اها وينكم يا حمايه المستهللك واين انتم من لعبه .ان ادري ان في ناس وايد يقولون هذا عرض وطلب مثل اذا رحت تشتري سياره وقلتلهم غاليه قالو الين غالي او المارك ايام يامارك .وهذا المارك والين ماينزلون كلش.......على العموم انا اجزم بعد سنه اوسنتين بتكون الدوحه من الدول المصنفه في غلا المعيشه مثل طوكيو او لندن اونيويورك

[al5of]

تخيل ياخوي المخلب اني دافع مصاريف الروضه لولدي بالفصل الاول 1400

ولما قلت لهم بدفع الرسوم للسنه كامله قالولي كل فصل بروحه

ولما جا الفصل الثاني يبون 1950 ولا بيطلعون الولد من الروضه

فكرت اطلع الولد من الروضه واشوف له شغله بالجيش ولا بالبترول

كنت اصرف بأحد المطاعم الفاخره 300 ريال بالليله والحين 650 شامله الضرايب

والله بجد هل توجد عندنا هيئه للرقابه وحماية المستهلك؟؟

[المخلب]

والله كلامك عدل يالمخلب كل شي ارتفع ومايندرى الاسعار بتوصل لين وين اتصدق عاد يالمخلب امس رحت الحلاق للا ايقول لي لحية احين 20 ريال قلت لة ليش قال لي احين في سوي زيادة ايجار وبعدين انتا فية فلوس واجد مال بورصة قلت لة ولاكلمة يبة معاك البيبي :eek2: اشبلاك تبي اتقص علي قطيت بوجة 15 وقلت لة واجد عليك بعد


صحيح .. الحلاقه صارت نار !! .. ولد خالي بامريكا يحلق هناك اللحيه على 30 ريال والشعر على 30 وشكله مو بعيد هل السعر يوصلنا ! .. اذا الرقابه غايبه الفيران يلعبون ! .. :deal:

[بيبي هامور]

صحيح .. الحلاقه صارت نار !! .. ولد خالي بامريكا يحلق هناك اللحيه على 30 ريال والشعر على 30 وشكله مو بعيد هل السعر يوصلنا ! .. اذا الرقابه غايبه الفيران يلعبون ! .. :deal:
اي والله صادق يالمخلب يعني الفرق صار 10 ريال اصبر 5 شهور وبنطوفهم

[المخلب]

الله يعطيك العافية على طرح هذا الموضوع الهام الذي صار الهم الاول للمواطن القطري
هذه الامثلة واقعية وهي هيض من فيض
اصبح الواحد منا في دوامة ولا يعرف كم بيكلفه كل شهر يدخل عليه والمشكلة ان الجهال والحريم مايعذرون يعني يبون شي لازم يصير ولا انكسرت خطرهم وكسروا خاطرك


اي والله .. بس على الله يستجيبون ويخفضون ! .. القانون هذا شئ اساسي ومطلوب ! .. كيف يبون يحاربون التضخم وهم مايحاربون مصدره !! :con2:

[السهم الكلاسيكي]

بدون تعليق
انكسرت عندى مراية السايق CX رحت الوكالة قالو 750 ريال
جبتها من الحساء 150 ريال وعليكم الحساااب

[خبير البورصه]

الله يستر من الايام الجايه

[عتيج الصوف]

لابد ان يكون هناك دور لحماية المستهلك ,,,,والله المستعان

[واحد ثقة]

ومتى كان هنالك دور لما يسمى بـ حماية المستهلك ؟!!

في الحقيقة أنا ومنذ وعيت على هذه الدنيا لم أرى موقفاً أو دور لحماية المستهلك ، أسمع أن هنالك إدارة أو هيئة تسمى حماية المستهلك فقط ، ولكن بدون وجود أو فاعلية ابداً !

الأسعار في ازدياد مند فترة ، ولكن خلال الشهر الفائت انفجرت فجأة وبدون مقدمات ، بعضها زاد 40 و 50% والبعض الآخر تضاعف ، والحكومة راقدة ولادرت فينا !

قولولي وين مقر حماية المستهلك هذه !

هل لها وجود أصلاً ؟ أي وزارة تتبع ؟ من هو مديرها ؟ ما إسمه ؟ كم عدد موظفيها ؟

[بـوصـالـح]

حماية المستهلك (( على تفسير كلام وزير الاقتصاد ))

تحميك من الغش (( فقط )) وضرب مثال في كوب (( الماء )

اذا مكتوب عالقرشه (( 1.5 لتر )) (( ولكن )) تبين انها فالحقيقه (( 1 لتر فقط ))

هنا (( تشتكي عالمحل )) وبالتالي (( يجي دور حماية المستهلك ))

اما فالغلاء (( فعلى تفسيره )) هذا عرض وطلب

اسرع مثال

(( كرتون البيض ب 14 ريال ))

اللي كان ب 8 و 9 ريال



(( اذا السالفه عرض وطلب )) عز الله رحنا وطي (( وحماية المستهلك )) دورها دور صفر عالشمال

وعظم الله اجرك ب ناقلات يالمخلب

(( ترى يمدحون تغيير المراكز )) وتفتك من النحاسه الي انت فيها مع هالسهم

[المخلب]

لا وزيدك اول امس طرشت دريول يشتري لي دفايه قالي سايق 180 ريال قلته اشتر وزاد البرد وقلتله روح حق المحل نفسه واشتر ثانيه والفرق يوم 24 ساعه ويمكن اقل اتصل فيني دريول متخرع وقالي بابا الدفايه صارت 245 ريال قلتله خلها تولي اها وينكم يا حمايه المستهللك واين انتم من لعبه .ان ادري ان في ناس وايد يقولون هذا عرض وطلب مثل اذا رحت تشتري سياره وقلتلهم غاليه قالو الين غالي او المارك ايام يامارك .وهذا المارك والين ماينزلون كلش.......على العموم انا اجزم بعد سنه اوسنتين بتكون الدوحه من الدول المصنفه في غلا المعيشه مثل طوكيو او لندن اونيويورك


شايف كيف .. والله قمه المصخره ! ..

لحق على ايش وله ايش !!

يجب تدخل القانون بشكل مباشر وضروري !! ..

والا بينهار العايش على البلاد قبل الاقتصاد !

[المخلب]

تخيل ياخوي المخلب اني دافع مصاريف الروضه لولدي بالفصل الاول 1400

ولما قلت لهم بدفع الرسوم للسنه كامله قالولي كل فصل بروحه

ولما جا الفصل الثاني يبون 1950 ولا بيطلعون الولد من الروضه

فكرت اطلع الولد من الروضه واشوف له شغله بالجيش ولا بالبترول

كنت اصرف بأحد المطاعم الفاخره 300 ريال بالليله والحين 650 شامله الضرايب

والله بجد هل توجد عندنا هيئه للرقابه وحماية المستهلك؟؟


وين الرقابه !!!!! الغريبه ان بكل دول العالم المنافسه بالاسعار هي الرائده

الا بقطر الكل يتنافسون على رفع السعر وكل واحد يسابق الثاني

المشكله والعيب الكبير ان هذي مواد تموينيه ! مواد للحياه العاديه !! مش اشياء لها فتره طويله !! وهذي امور ضروريه لكل بيت !! ان صارت نار ! بتتحول قطر افريقيا وبنعيش على الامم المتحده تطرش لنا عيش وسكر من الطياره !

[al5of]

بالامس تم تخفيض البترول الى 25 %

في المملكة العربية السعودية

وتخصيص رقم هاتف ارضي مجاني للبلاغ عن اي زيادة في السلع الاستهلاكية

عقبالنا يارب

[المخلب]

اي والله صادق يالمخلب يعني الفرق صار 10 ريال اصبر 5 شهور وبنطوفهم


ياااخوفي والله ..

[المخلب]

بدون تعليق
انكسرت عندى مراية السايق CX رحت الوكالة قالو 750 ريال
جبتها من الحساء 150 ريال وعليكم الحساااب


والله ثم والله ! اكبر الوكالات في الربح اذا مو في العالم في الخليج !! وكالات قطر !! ..

رابحين من رفع الاسعار ولا يهتمون لا بصيانه السيارات !! ولا بغيرها !

ماقول الا الله يبليهم ! ويارب تجيهم ايام مايبيعون ابد ! كساااااد يارب omen :mad:

[المخلب]

الله يستر من الايام الجايه


الله يستر ..

[المخلب]

لابد ان يكون هناك دور لحماية المستهلك ,,,,والله المستعان


الدور نايم !! ولازم التدخل بشكل سريع ومباشر !! وعلاج التضخم يبتدي من المستهلكات !

[بولينجر]

كلامك عدل يا المخلب...إلا في أي دولة فستان اللبناني ب 750؟

[المخلب]

ومتى كان هنالك دور لما يسمى بـ حماية المستهلك ؟!!

في الحقيقة أنا ومنذ وعيت على هذه الدنيا لم أرى موقفاً أو دور لحماية المستهلك ، أسمع أن هنالك إدارة أو هيئة تسمى حماية المستهلك فقط ، ولكن بدون وجود أو فاعلية ابداً !

الأسعار في ازدياد مند فترة ، ولكن خلال الشهر الفائت انفجرت فجأة وبدون مقدمات ، بعضها زاد 40 و 50% والبعض الآخر تضاعف ، والحكومة راقدة ولادرت فينا !

قولولي وين مقر حماية المستهلك هذه !

هل لها وجود أصلاً ؟ أي وزارة تتبع ؟ من هو مديرها ؟ ما إسمه ؟ كم عدد موظفيها ؟


والله حتى انا ماعرف من مديرهم ؟ وله كم عدد موظفينهم ! توقع والله اعلم انهم مجرد مكتب فيه كم صعيدي والسلام ختام ! .. crazy لا يهشون ولا ينشون ! .. وهذا اكبر غلط ترتكبه الدوله !!

[المخلب]

حماية المستهلك (( على تفسير كلام وزير الاقتصاد ))

تحميك من الغش (( فقط )) وضرب مثال في كوب (( الماء )

اذا مكتوب عالقرشه (( 1.5 لتر )) (( ولكن )) تبين انها فالحقيقه (( 1 لتر فقط ))

هنا (( تشتكي عالمحل )) وبالتالي (( يجي دور حماية المستهلك ))

اما فالغلاء (( فعلى تفسيره )) هذا عرض وطلب

اسرع مثال

(( كرتون البيض ب 14 ريال ))

اللي كان ب 8 و 9 ريال



(( اذا السالفه عرض وطلب )) عز الله رحنا وطي (( وحماية المستهلك )) دورها دور صفر عالشمال

وعظم الله اجرك ب ناقلات يالمخلب

(( ترى يمدحون تغيير المراكز )) وتفتك من النحاسه الي انت فيها مع هالسهم

وهذي الحقيقه!! وحتى هذي مو فالحين فيها !! ..

المفروض رقابتهم تكون واسعه ومتشدده من نواحي التضخم !! وله كيف بنحد من التضخم واحنا تاركينه ! يتحرك كما يحلو له ! :mad:


اجرنا واجرك بس ماني هادهم !! وراهم والزمن طويل !! وله لعبه القطو الفار الي يسوونها ما تمشي علينا :mad:

[المخلب]

بالامس تم تخفيض البترول الى 25 %

في المملكة العربية السعودية

وتخصيص رقم هاتف ارضي مجاني للبلاغ عن اي زيادة في السلع الاستهلاكية

عقبالنا يارب


اي والله .. تخيل صار سعر اللتر على 45 هلله (( درهم بفلوسنا ! ))

يا بلاش ! .. وان شاء الله يوصلنا الدور !! ..

ياريت يتم تطبيق هذا القرار ولكن مب بس واحد يرد عليك وله وحده ترد وكله ان شاء الله وحاظرين وبالاخير خرطي ! ..

قوووول وفعل نبي !

[المخلب]

كلامك عدل يا المخلب...إلا في أي دولة فستان اللبناني ب 750؟


هلا يا بوبنجر .. الله يسلمك في البستان ! ومو محتاج اعلمك وين البستان مول :deal: اكيد تخربه !

[حسين بن عاقول]

انا اقول لكم تجربة شخصيا صارت معاي
والله العظيم ثم والله العظيم كانت معاي وحدة بريطانية تقول غلا الفاحش بقطر ما شفتة لا بلندن ولا بنيويورك ولا في دبي ولا في سعودية قالت لي والله انها اشتغلت بلندن ونيويوك ودبي اغلي اماكن من ناحية سكن والمواد التموينية والخ والخ والخ تقول استغربت من الاسعار بقطر اكثر بكثير من هالبلدان ماقول غير صباح الورد لذوي الدخل المحدود