الكويت طالبت الدوله بأسقاط القروض على المواطنين ورفضوا! ليش مانطالب احنا بسداد سهم...

[المخلب]

السلام عليكم

والله لو علي لمليت كامل جملتي في العنوان !! بس ما كفى !! ..

موضوعي يقول !

الكويت الشقيقه !! طالبوا المواطنين فيها الدوله بأسقاط ( او تسديد ) القروض عن المواطنين !!

وبعد العفسه والعفيسه !! جات المحكمه الكويتيه ورفضت الطلب !! ..

(( وبكل صراحه الله يكون بعونهم !! وعز الله بورصتهم بتروح ملح !! ان كان صحيح ان 60% من الكويتيه متوهقين بديييون لين قمه راسهم ! )) ..

ماعلينا ..

نجي لقطر ! .. ماحنا بطالبن شئ من الدوله من ناحيه تسديد الديون وخلافه ! ..

بس على الاقل نطالب الدوله بتسديد باقي سعر سهم السم الناقلات ! ..

كيف نسدد واغلبنا خسران من الانهيار الماضي ! كيف نسدد واحنا شارينه على غالي ! كيف نسدد وهو سهم حاله حال المواشي ! (( حتى المواشي وانتوا بكرامه افضل منه ! )) ..

كيف نسدد وماحصلنا منه خير !! وشره سابق خيره !! كيف نسدد وهو من الناحيه الشرعيه مشكوك فيه ! .. كيف وكيف ..الخ

وان ماسددناه باعوا اسهمنا ! عسى ماشر ! .. كيف تبيعونه وانتوا عارفين ان الي شراه شاريه على الغالي !!

وين الي طالبوا بالبقاء بالسوق !! وين الي فخفخوا الناقلات !! وين الي توعدوا بأزدها السهم !! ..

لاحد يقولي بعد 2010 !! وله 2008 !! .. وله اصبر .. :mad:

اي نعم ما عندي صبر ! خسايرنا افطحت وياه ! .. وهو سهم اسم على غير مسمى ! ..

لنا الحق بأن نطالب الدوله بتسديد قيمه السهم !! .. وللدوله الحق بالرفض وله بالقبول !! ..

بس على الاقل ضميري ما راح يقولي ياريت سويت وله قلت ! ..

وأخر كلمه بقولها واختم ..

تبون سوق يوقف على رجله !! ساعدوا الي فيه !! ..

أخوكم المخلب ..

[الرحال]

صح لسانك
والمصيبة إن السهم اليوم وصل إلى القاع اللي ملوش قرار
يعني رحنا ملح وذبنا بعد

والمطلوب شراء اسهم الناقلات بأعلى سعر وصل خلال تاريخه .....
رفقا بالمساهمين

[الامير]

كلام صحيح اقولكم (ناقلات)اسمه اكبر من حجمها ......

[مضارب جديد]

أخوي المخلب


محد بيدفع عن حد :eek2:


واللي مش عاجبه crazy

[Taj]

قيمة سهم ناقلات في محفظتي :
71.27+5=76.27

50+5=55

لا مفر من الدفع

لا حول ولا قوة الا بالله

[مضارب جديد]

قيمة سهم ناقلات في محفظتي :
71.27+5=76.27

50+5=55

لا مفر من الدفع

لا حول ولا قوة الا بالله

الله يعوض عليك و يرزقك من حيث لا تحتسب

[رايق]

الأمور كانت واضحه من البداية ...

بالنسبة للكويت .. واحد ماخذ قرض علشان يدلع نفسه او يسافر استجمام في جزر الكاريبي او يبني له قصر بحدائقه الغناء و بعدين يجي و يطالب الدولة تسدد عنه .. أتكالية و عدم شعور بالمسؤلية .. شنو ذنب اللي معتمد على نفسه و كان متزن في قراراته الأستثمارية و تجنب القروض .. عين العقل اللي سواه برلمان الكويت برفض المشروع ..

ناقلات شركة مدفوع نصف راس المال .. و كل واحد يعرف ان هناك قسط مستحق .. والله يعين ملاكها

[أبوتركي]

بس على الاقل نطالب الدوله بتسديد باقي سعر سهم السم الناقلات ! ..

............................

لنا الحق بأن نطالب الدوله بتسديد قيمه السهم !! .. وللدوله الحق بالرفض وله بالقبول !! ..

..................................

أخوكم المخلب ..



أخوي المخلب ، لا أوافقك الرأي أن الدولة تقوم بتسديد باقي سعر سهم ناقلات.

رغم أن الشركة قد أفادت وقت التأسيس بأن استحقاق المتبقي (أو جزء منه) سيكون في سنة 2007 إلا أنني ارى انه من الأفضل أن تقوم شركة ناقلات بإستقطاع المتبقي من رأس المال تدريجياً من أرباح الشركة عندمــا تحقق الشركة أرباح تشغيلية في السنوات القادمة.

[ابو الاسهم]

قالوا التسديد 2.5 ريال آخر 2007 والباقي عام 2009

ليش العجلة؟؟؟؟؟؟؟؟؟؟؟؟؟؟؟؟

[بيبي هامور]

بتصدقون اذا قلت لكم شي
يمكن احين قالو بناخذ 5 ريال ومع الاكتتاب ايغيرون رايهم وياخذون ريالين ونص كالعادة متعودين على المفاجاءت الغير سارة

[الزاجل]

قالوا التسديد 2.5 ريال آخر 2007 والباقي عام 2009

ليش العجلة؟؟؟؟؟؟؟؟؟؟؟؟؟؟؟؟

يمكن محتاجين فلوس
قالوا خلوننا ناخذها من الناس بدل ما ناخذها على شكل قروض ربوية..


عاد انهم ما يحبون القروض الربوية ويكرهونها:d

[الزاجل]

يالمخلب

لا اتييب لهم طاري سداد اقساط
لا يحسبون عليك الكهربة والماي والعلاج والتعليم بفلوس

[فارس العنزي]

الأمور كانت واضحه من البداية ...

بالنسبة للكويت .. واحد ماخذ قرض علشان يدلع نفسه او يسافر استجمام في جزر الكاريبي او يبني له قصر بحدائقه الغناء و بعدين يجي و يطالب الدولة تسدد عنه .. أتكالية و عدم شعور بالمسؤلية .. شنو ذنب اللي معتمد على نفسه و كان متزن في قراراته الأستثمارية و تجنب القروض .. عين العقل اللي سواه برلمان الكويت برفض المشروع ..

ناقلات شركة مدفوع نصف راس المال .. و كل واحد يعرف ان هناك قسط مستحق .. والله يعين ملاكها


مرحبا أخوي رايق ، وأتمنى أن تكون رايق علشان تقرأ كلامي عدل .

الشعب الكويتي ليس بالسذاجه إللي تتكلم عنها ، أن يأخذ قرض ويذهب للكاريبي أو أمور أخرى تافهه ، ولكن يا سيدي الفاضل من أخذ قرض وبنسبة كبيره منهم لشراء بيت له ولإسرته وكم تتصور أسعار الأراضي والبيوت بالكويت عندها شي مب طبيعي ، ليس بإستطاعة الشخص أن يشتري بيت أو حتى يبني إلا بوجود قرض يسانده ، وليس كما تقول للسفر ولا أنكر وجود فئه من هالنوع ولكن ليس ظاهره عدد قليل وهم سفهاء بكل تأكيد والقرض لا يتعدي بضع مئات من الدنانير أو ألف دينار وهذا لايشكل مشكله تستوجب إسقاط القروض .
والأمر الآخر لسبب المشكلة ربط الدينار مع الدولار الأمريكي وما صاحبه من زيادة بالفائدة على المقترض هذا سبب آخر من الأسباب التي أثقلت كاهل المقترض ، وأمور أخرى كثيره ، من الأجدى أن تتحرى عنها قبل أن تتهم الشعب الكويتي بعدم تحمل المسئولية .

وكل عام وأنت بخير ، بمناسبة قرب حلول عيد الأضحى المبارك

[السيالى]

الأمور كانت واضحه من البداية ...

بالنسبة للكويت .. واحد ماخذ قرض علشان يدلع نفسه او يسافر استجمام في جزر الكاريبي او يبني له قصر بحدائقه الغناء و بعدين يجي و يطالب الدولة تسدد عنه .. أتكالية و عدم شعور بالمسؤلية .. شنو ذنب اللي معتمد على نفسه و كان متزن في قراراته الأستثمارية و تجنب القروض .. عين العقل اللي سواه برلمان الكويت برفض المشروع ..

ناقلات شركة مدفوع نصف راس المال .. و كل واحد يعرف ان هناك قسط مستحق .. والله يعين ملاكها

الله يهداك اخوي الرايق اللي يسمعك يقول انك مطلع علي كل من اخذ قرض - الظاهر ربعك من اهل الدماء الزرقاء بس يتحدثون عندك عن القصور والسفر

لاحول ولاقوة الا بالله

[المخلب]

صح لسانك
والمصيبة إن السهم اليوم وصل إلى القاع اللي ملوش قرار
يعني رحنا ملح وذبنا بعد

والمطلوب شراء اسهم الناقلات بأعلى سعر وصل خلال تاريخه .....
رفقا بالمساهمين


ياريت ! .. وبكل صراحه الي جالس يصير على السهم قمه المصخره !! ..

وله معقوله خلال سنه كامله ماحققوا ارباح ؟؟؟؟ خلاص خل يستقطعون المبلغ من الارباح الي حققوها !!

[المخلب]

كلام صحيح اقولكم (ناقلات)اسمه اكبر من حجمها ......


لا وازيدك !! الناس قبل ما يطلع السهم بالبورصه حاسدتنا عليه :court: مادري من زينه تصدق نعرضت علي وقتها مبالغ علشان يشترونه لكن رفضت ! مادري وش استفدت الحين ! :eek3:

[المخلب]

أخوي المخلب


محد بيدفع عن حد :eek2:


واللي مش عاجبه crazy


اولا استغرب من ردك ! .. لكن زين انك غيرته !!

محد يدفع عن حد هذا كلام سليم !! لكن الغلط ان يتم بيع اسهمك غصبن عنك مو بكيفك !! :mad: وله من رايك هذا شئ يفرح :confused:

والي مش عاجبه يطق راسه بالطوفه هذا كلام ينقال بس مو لنا ! :court:

[المخلب]

قيمة سهم ناقلات في محفظتي :
71.27+5=76.27

50+5=55

لا مفر من الدفع

لا حول ولا قوة الا بالله


الله بيخرب بيتهم مثل ماخربوا بيوت الناس !

حسبي الله ونعم الوكيل !

[المخلب]

الأمور كانت واضحه من البداية ...

بالنسبة للكويت .. واحد ماخذ قرض علشان يدلع نفسه او يسافر استجمام في جزر الكاريبي او يبني له قصر بحدائقه الغناء و بعدين يجي و يطالب الدولة تسدد عنه .. أتكالية و عدم شعور بالمسؤلية .. شنو ذنب اللي معتمد على نفسه و كان متزن في قراراته الأستثمارية و تجنب القروض .. عين العقل اللي سواه برلمان الكويت برفض المشروع ..
ناقلات شركة مدفوع نصف راس المال .. و كل واحد يعرف ان هناك قسط مستحق .. والله يعين ملاكها


اخي الكريم ! .. اولا موضوعي طرحت فيه الكويت الشقيقه كضرب لمثال حي من واقع مشهود وقريب مو من الخيال !! .. فرجاء لا نترك الاساس ونروح للجزئيات ! ..

ثانيا الكويتيين الي في بالك مو الكويتيين الي في بالي ! ..

يمكن انت تشوفهم من نظره المفتري على النعمه ! (( وهذي حقيقه في بعضهم وترى حتى عندنا موجودين !! )) ..

لكن انا الي كنت اتكلم عنهم الناس العاديه ! الي تسلفت علشان تعيش روحها وعيالها !! ..

على العموم موضوعي كان عن طلب تسديد الحكومه للشعب باقي السعر من هذا السهم النحيس والمنحوس بنفس الوقت ! .. اما مثل ماتكرمت وقلت ان السهم مدفوع نصف قيمته ! والكل عارف ان هناك اقساط لازم ندفعها عليه !! انا اوافقك لكن انا بعد ابي مثل مااادفع (( كما تفضلت )) تجي الشركه تعطيني ارباح الاسهم الي صابر عليها وحاطها بجبدي ! وله حلال عليهم ذي وحرام علينا هذي ! .. بتقولي والله الشركه قالت مابتوزع ارباح ! بقولك يمكن كلامك سليم ! لكن معقوله ماحققت ارباح !؟؟؟؟ خلاص دام حققت ارباح خلها تاخذ الارباح الي مابيها بالوقت الحالي وتسدد فيها قيمه الاسهم ! .. طبعا هذا الكلام مابيصير !! لذلك من حقي وحق اي شخص ان يطالب الحكومه بتسديد باقي القيمه ! (( خاصه انهم شرطوا ان الي ما يسدد نبيع اسهمه !! )) بكذا الناس ما بتستفيد شئ !! - لان حزتها بيصير سعر السهم 7 ريال مثلا !! يعني يبنون الشركه على كتوفي وكتوف الناس وبسعر خسران ! .. :mad:

[المخلب]

أخوي المخلب ، لا أوافقك الرأي أن الدولة تقوم بتسديد باقي سعر سهم ناقلات.

رغم أن الشركة قد أفادت وقت التأسيس بأن استحقاق المتبقي (أو جزء منه) سيكون في سنة 2007 إلا أنني ارى انه من الأفضل أن تقوم شركة ناقلات بإستقطاع المتبقي من رأس المال تدريجياً من أرباح الشركة عندمــا تحقق الشركة أرباح تشغيلية في السنوات القادمة.

تدريجيا لن يحدث ! .. ودعايتهم على التلفزيون اليوم اكدد انه مافي نيه يرجعون عن كلامهم ! ..

والمشكله انهم بدليلهم القديم اكتبوا ان ريالين ونصف 2007 وريالين ونصف السنه الي وراها ! (( حسب مااذكر ))

وطلع كلامهم كالعاده كلام على الورق !

[المخلب]

قالوا التسديد 2.5 ريال آخر 2007 والباقي عام 2009

ليش العجلة؟؟؟؟؟؟؟؟؟؟؟؟؟؟؟؟


العجله لانهم يبون يسبقون غيرهم قبل السيوله ما تروح لهم ! ..

ماتشوف الوزير قال يبي يدخل مليارات بالبورصه تتوقع من وين ؟؟

الاموال في البورصه ماتطلع منها ابد ! (( صايره مثل الدائره )) ارباح من هنا ! وسحب من هناك ! .. والشاطر يفهم !! ..

[المخلب]

بتصدقون اذا قلت لكم شي
يمكن احين قالو بناخذ 5 ريال ومع الاكتتاب ايغيرون رايهم وياخذون ريالين ونص كالعادة متعودين على المفاجاءت الغير سارة


كنت امفكر مثلك ! .. بس عقب ماااعلنوا بالتلفزيون خلاص مستحيل الا لو طلع قرار من جهات عليا ! ..

[المخلب]

يمكن محتاجين فلوس
قالوا خلوننا ناخذها من الناس بدل ما ناخذها على شكل قروض ربوية..


عاد انهم ما يحبون القروض الربوية ويكرهونها:d

ابي اسالك .. اخوي الزاجل ! تتوقع هم مايحبون القروض الربويه صح ؟؟ زين الناس ببتسلف من وين ؟؟ من البنوك واغلب البنوك ربويه !! .. يعني بكل الحالات ما يتوهق فيها الا صاحب السهم ! .. ومعروفه مابني على حرام فهو حرام ! ..

[المخلب]

يالمخلب

لا اتييب لهم طاري سداد اقساط
لا يحسبون عليك الكهربة والماي والعلاج والتعليم بفلوس


وهذي كانت نبره الوزير على فكره في المقابله !! ..

وسداد الاقساط مو عيب ولا حرام ! .. ياخي الفلوس بدل ما تطلع برع وينبني فيها فندق يتسدد فيها سعر سهم ! .. من جهه تستفيد الدوله ! ومن جهه تستفيد البورصه !! ويرتفع شر البليه الي توهقنا فيه !

[المخلب]

مرحبا أخوي رايق ، وأتمنى أن تكون رايق علشان تقرأ كلامي عدل .

الشعب الكويتي ليس بالسذاجه إللي تتكلم عنها ، أن يأخذ قرض ويذهب للكاريبي أو أمور أخرى تافهه ، ولكن يا سيدي الفاضل من أخذ قرض وبنسبة كبيره منهم لشراء بيت له ولإسرته وكم تتصور أسعار الأراضي والبيوت بالكويت عندها شي مب طبيعي ، ليس بإستطاعة الشخص أن يشتري بيت أو حتى يبني إلا بوجود قرض يسانده ، وليس كما تقول للسفر ولا أنكر وجود فئه من هالنوع ولكن ليس ظاهره عدد قليل وهم سفهاء بكل تأكيد والقرض لا يتعدي بضع مئات من الدنانير أو ألف دينار وهذا لايشكل مشكله تستوجب إسقاط القروض .
والأمر الآخر لسبب المشكلة ربط الدينار مع الدولار الأمريكي وما صاحبه من زيادة بالفائدة على المقترض هذا سبب آخر من الأسباب التي أثقلت كاهل المقترض ، وأمور أخرى كثيره ، من الأجدى أن تتحرى عنها قبل أن تتهم الشعب الكويتي بعدم تحمل المسئولية .

وكل عام وأنت بخير ، بمناسبة قرب حلول عيد الأضحى المبارك




تحياتي لك .. مع اني ماحبيت الموضوع يخرج عن اطاره الاساسي !! ..

شكرا على التوضيح

[المخلب]

الله يهداك اخوي الرايق اللي يسمعك يقول انك مطلع علي كل من اخذ قرض - الظاهر ربعك من اهل الدماء الزرقاء بس يتحدثون عندك عن القصور والسفر

لاحول ولاقوة الا بالله


شكرا على المرور ..

[بوخالد2]

لاتعليق 00 اذا كل مره الدوله بتدفع الديون للمواطنين كلن بسدد دينه وبرد ياخذ غيره


الحمدالله الامير ولى العهد الامين زادوا الرواتب وكل الامور الحمدالله في التمام

الناااس مايملي عينها الترااااااب



اسمحوا لى على صراحتي:nice:

[المخلب]

لاتعليق 00 اذا كل مره الدوله بتدفع الديون للمواطنين كلن بسدد دينه وبرد ياخذ غيره


الحمدالله الامير ولى العهد الامين زادوا الرواتب وكل الامور الحمدالله في التمام

الناااس مايملي عينها الترااااااب



اسمحوا لى على صراحتي:nice:


صراحتك حلوه ! لكن ياخوي ما طلبنا تسديد ديون !! .. ( شكلك يا بوخالد ماقريت الموضوع كامل ! ) ..

طلبنا تسديد قيمه السهم !!!!!!!!!!!


واذا الدوله لا تقدر على ذا !!

على الاقل ما تسمح للشركه تبيع الاسهم !! ..

[بوخالد2]

الأمور كانت واضحه من البداية ...

بالنسبة للكويت .. واحد ماخذ قرض علشان يدلع نفسه او يسافر استجمام في جزر الكاريبي او يبني له قصر بحدائقه الغناء و بعدين يجي و يطالب الدولة تسدد عنه .. أتكالية و عدم شعور بالمسؤلية .. شنو ذنب اللي معتمد على نفسه و كان متزن في قراراته الأستثمارية و تجنب القروض .. عين العقل اللي سواه برلمان الكويت برفض المشروع ..

ناقلات شركة مدفوع نصف راس المال .. و كل واحد يعرف ان هناك قسط مستحق .. والله يعين ملاكها

عزيزي رايق احترم الاخرين في ردودك كلنا واحد ان شاءالله 000 مثل ماعندهم عندنا يالغالي

لاتزعلون عليه يالربع 000 اسمحلي يارايق

[بوخالد2]

صراحتك حلوه ! لكن ياخوي ما طلبنا تسديد ديون !! .. ( شكلك يا بوخالد ماقريت الموضوع كامل ! ) ..

طلبنا تسديد قيمه السهم !!!!!!!!!!!


واذا الدوله لا تقدر على ذا !!

على الاقل ما تسمح للشركه تبيع الاسهم !! ..

لا اخوى قاري الموضوع عدل وعارفه انك اتكلم عن قيمه السهم المتبقيه اخووى المخلب

هذا اكتتاب وكلن وافق على شروطه يوم اكتتبوا الناس لاعيب في الشركه ان تطلب قيمه السهم المتبقيه :deal: 00 معا اني استغرب كل الارباح الى سوتها الشركه بي مبالغ خياليه اين ذهبت لا اعلم crazy

[المخلب]

لا اخوى قاري الموضوع عدل وعارفه انك اتكلم عن قيمه السهم المتبقيه اخووى المخلب

هذا اكتتاب وكلن وافق على شروطه يوم اكتتبوا الناس لاعيب في الشركه ان تطلب قيمه السهم المتبقيه :deal: 00 معا اني استغرب كل الارباح الى سوتها الشركه بي مبالغ خياليه اين ذهبت لا اعلم crazy


هذاك جبتها ! .. يالله بالله عليك وين راحت الارباح ؟؟؟ مو المفروض الارباح هي الي تسدد القيمه ؟؟؟؟؟؟؟

[الرحال]

الأمور كانت واضحه من البداية ...

بالنسبة للكويت .. واحد ماخذ قرض علشان يدلع نفسه او يسافر استجمام في جزر الكاريبي او يبني له قصر بحدائقه الغناء و بعدين يجي و يطالب الدولة تسدد عنه .. أتكالية و عدم شعور بالمسؤلية .. شنو ذنب اللي معتمد على نفسه و كان متزن في قراراته الأستثمارية و تجنب القروض .. عين العقل اللي سواه برلمان الكويت برفض المشروع ..

ناقلات شركة مدفوع نصف راس المال .. و كل واحد يعرف ان هناك قسط مستحق .. والله يعين ملاكها
الله يسامحك يا الرايق ظلمت الشعب الكويتي بكلامك والظاهر إنك ما تعرف شيء عن الكويت
وبعدين سالفة جزر الكاريبي ابشرك إن نص الشعب الكويتي ما يعرف موقعها على الخريطة لأن معرفة موقعها ليس ضرورة وهو ما يطلق عليه ( علم لا ينفع وجهل لا يضر)
لمعلوماتك : اسعار البيوت والاراضي بالكويت اتوقع أنها تفوق اسعارها في طوكيو !!!!
فهل تعلم أن ارخص بيت بالكويت وتخيل شكله يعادل بالعملة القطرية مليون ريال
فهل المليون مواطن كويتي كل واحد منهم يملك مليون ...............!!!

وقفة :
النية لدي الاعضاء تكرار المداولة مرة أخرى في دور الانعقاد القادم والحرب سجال !!!!!!!!

[الزاجل]

ابي اسالك .. اخوي الزاجل ! تتوقع هم مايحبون القروض الربويه صح ؟؟ زين الناس ببتسلف من وين ؟؟ من البنوك واغلب البنوك ربويه !! .. يعني بكل الحالات ما يتوهق فيها الا صاحب السهم ! .. ومعروفه مابني على حرام فهو حرام ! ..

من قال لك انهم ما يحبونها؟!!

الا غرامهم هالقروض
اعضاء ورؤساء البنوك الربوية هم .. واهم احرار في انفسهم
لكن الشي هذا ما يعطيهم الحق في انهم
يسحبون الناس معاهم ..

فنقطة السداد معروفة من زمان
لكن تحديدها ب 15 يوم كأن جزا مب تسديد
هو القرار اللي المفروض يراجعونه ..

على حد علمنا الشركة ما حققت ارباح
واللي حققته كان من فوائد البنوك اللي اودعت فيها المبالغ
حتى الفوائد هذه فوائد بنوك ربوية ..

فيا المخلب
اكتتبنا وحطينا فلوس الاكتتاب في بنوك ربوية
وتم هالفلوس تقريبا 3 اسابيع او اكثر
في بنوك ربوية ..

يعني في الأخير مب فارقة معاهم
المهم عندهم انهم يستردون باقي القيمة ..

ياليت في المرات الياية ياخذون اللي لهم اول بأول

لأن المتأذي اللحين اللي خذ الاسهم على 60 و50 و40 و30 و20
اما اصحاب الاكتتاب باستطاعتهم بيع جزء وسداد جزء
اذا مازالوا يحتفظون بالاسهم ..

[الرحال]

تحياتي لك .. مع اني ماحبيت الموضوع يخرج عن اطاره الاساسي !! ..

شكرا على التوضيح

وشكرا لك يا المخلب
على الحيادية الراقية

[رايق]

مرحبا أخوي رايق ، وأتمنى أن تكون رايق علشان تقرأ كلامي عدل .

الشعب الكويتي ليس بالسذاجه إللي تتكلم عنها ، أن يأخذ قرض ويذهب للكاريبي أو أمور أخرى تافهه ، ولكن يا سيدي الفاضل من أخذ قرض وبنسبة كبيره منهم لشراء بيت له ولإسرته وكم تتصور أسعار الأراضي والبيوت بالكويت عندها شي مب طبيعي ، ليس بإستطاعة الشخص أن يشتري بيت أو حتى يبني إلا بوجود قرض يسانده ، وليس كما تقول للسفر ولا أنكر وجود فئه من هالنوع ولكن ليس ظاهره عدد قليل وهم سفهاء بكل تأكيد والقرض لا يتعدي بضع مئات من الدنانير أو ألف دينار وهذا لايشكل مشكله تستوجب إسقاط القروض .
والأمر الآخر لسبب المشكلة ربط الدينار مع الدولار الأمريكي وما صاحبه من زيادة بالفائدة على المقترض هذا سبب آخر من الأسباب التي أثقلت كاهل المقترض ، وأمور أخرى كثيره ، من الأجدى أن تتحرى عنها قبل أن تتهم الشعب الكويتي بعدم تحمل المسئولية .

وكل عام وأنت بخير ، بمناسبة قرب حلول عيد الأضحى المبارك



مرحبا أخوي فارس العنزي ...

للأسف انت ما فهمت القصد من كلامي .. انا لما تكلمت عن شعب الكويت و قضية أسقاط القروض كان الكلام عن مبدأ و قضية عامة و لا تخص شعب الكويت فقط اللي أكن له كل محبه و ود ..

هل تضمن يا عزيزي ان كل من أخذ قرض سواء في (حبيبة قلبي) الكويت او قطر او اي مكان ثاني أخذه لحاجه ضرورية .. و هل كان قراره صحيح من ناحية مالية ..

القصد يا عزيزي انه سيكون هناك ظلم و عدم مساواة .. الأولى اذا فعلا هناك نية لرفع مستوى معيشة الشعب ان تكون المساعدة شاملة و عادلة بين أفراد الشعب .. كزيادة في الرواتب او مساعدة مالية مباشرة لكل فرد ..

أتمنى تكون الفكرة وصلت و صدقني انا لما أتكلم عن الكويت كأني أتكلم عن ديرتي قطر .. و كل عام و انت بخير يا العنزي :)

(أشكر كل من عقب على ملاحظتي و ارجو ان يكون الرد اعلاه كافي)

[فارس العنزي]

تحياتي لك .. مع اني ماحبيت الموضوع يخرج عن اطاره الاساسي !! ..

شكرا على التوضيح



تحياتي لك يالمخلب

[فارس العنزي]

مرحبا أخوي فارس العنزي ...

للأسف انت ما فهمت القصد من كلامي .. انا لما تكلمت عن شعب الكويت و قضية أسقاط القروض كان الكلام عن مبدأ و قضية عامة و لا تخص شعب الكويت فقط اللي أكن له كل محبه و ود ..
هل تضمن يا عزيزي ان كل من أخذ قرض سواء في (حبيبة قلبي) الكويت او قطر او اي مكان ثاني أخذه لحاجه ضرورية .. و هل كان قراره صحيح من ناحية مالية ..

القصد يا عزيزي انه سيكون هناك ظلم و عدم مساواة .. الأولى اذا فعلا هناك نية لرفع مستوى معيشة الشعب ان تكون المساعدة شاملة و عادلة بين أفراد الشعب .. كزيادة في الرواتب او مساعدة مالية مباشرة لكل فرد ..

أتمنى تكون الفكرة وصلت و صدقني انا لما أتكلم عن الكويت كأني أتكلم عن ديرتي قطر .. و كل عام و انت بخير يا العنزي :)

(أشكر كل من عقب على ملاحظتي و ارجو ان يكون الرد اعلاه كافي)


أخوي رايق ، مافي ذره شك بحبك لبلدك الثاني الكويت وأنا أعشق قطر وباقي دول الخليج أيضاً ، لأننا أهل ........... والله لا يفرقنا ودوم يجمعنا على العز والكرامه

[المخلب]

شكرا لكم .. على التعقيب ..

[ابوالجازي]

أخوي المخلب ، لا أوافقك الرأي أن الدولة تقوم بتسديد باقي سعر سهم ناقلات.

رغم أن الشركة قد أفادت وقت التأسيس بأن استحقاق المتبقي (أو جزء منه) سيكون في سنة 2007 إلا أنني ارى انه من الأفضل أن تقوم شركة ناقلات بإستقطاع المتبقي من رأس المال تدريجياً من أرباح الشركة عندمــا تحقق الشركة أرباح تشغيلية في السنوات القادمة.

كلام معقول

اذا كل ماصار شي قلنا الدوله تدفع او تساعد اعتقد ماراح نخصل من هالشي

الف شكر لك اخوي المخلب بس لازم الواحد يصبر

[الرحال]

مرحبا أخوي فارس العنزي ...

للأسف انت ما فهمت القصد من كلامي .. انا لما تكلمت عن شعب الكويت و قضية أسقاط القروض كان الكلام عن مبدأ و قضية عامة و لا تخص شعب الكويت فقط اللي أكن له كل محبه و ود ..

هل تضمن يا عزيزي ان كل من أخذ قرض سواء في (حبيبة قلبي) الكويت او قطر او اي مكان ثاني أخذه لحاجه ضرورية .. و هل كان قراره صحيح من ناحية مالية ..

القصد يا عزيزي انه سيكون هناك ظلم و عدم مساواة .. الأولى اذا فعلا هناك نية لرفع مستوى معيشة الشعب ان تكون المساعدة شاملة و عادلة بين أفراد الشعب .. كزيادة في الرواتب او مساعدة مالية مباشرة لكل فرد ..

أتمنى تكون الفكرة وصلت و صدقني انا لما أتكلم عن الكويت كأني أتكلم عن ديرتي قطر .. و كل عام و انت بخير يا العنزي :)

(أشكر كل من عقب على ملاحظتي و ارجو ان يكون الرد اعلاه كافي)


الشكر لك يا الرايق على ردك الراقي الذي وإن دل يدل على سمو اخلاقك

[الرحال]

أخوي رايق ، مافي ذره شك بحبك لبلدك الثاني الكويت وأنا أعشق قطر وباقي دول الخليج أيضاً ، لأننا أهل ........... والله لا يفرقنا ودوم يجمعنا على العز والكرامه


شكرا لفارس الكويت

[المخلب]

كلام معقول

اذا كل ماصار شي قلنا الدوله تدفع او تساعد اعتقد ماراح نخصل من هالشي

الف شكر لك اخوي المخلب بس لازم الواحد يصبر


العفو أخوي .. والله يكون بالعون ..

[الشقيان]

والله عندي القرض لو يسددونه اهم من الاسهم الفاااشله