وين احصل دهن عود زين ؟

[ABO MUBARAK]

عيدكم مبارك يا اعضاء المنتدى, اخوكم غاوي دهن عود وفي المدة الاخيرة لاحظت ان نوعيات دهن العود اللي تطرح عندنا في الاسواق ما عادت مثل الاول يعني النوع الممتاز الاصلي,وحتى دهن العود اللي في القرشي لك عليه... بالعربي الفصيح صار لي حول السنه وانا اشتري انواع استعملها شويه وادور غيرها وهكذا, اخواني واخواتي حد يعرف وين احصل النوع الطيب ويكون سعره معقول التوله مثلا 3000ريال او في ها الحدود.وشاكر لكم مقدما.

[ريال قطري]

اخوي

في اجمل يبيعون دهن عود يعني تقدر اتقول جيد جدا وفيه خلطه دهن العود مع الورد الطايفي في باريس غليري

ويسلم

[البيرق]

انتبه اخوي كل دهن العود مغشوش
حتى الغالي مصنع ويشبه في الريحة اجود واحسن انواع دهن العود والتجار نفسهم ينغشون فيه
كنت اعرف واحد من البنغاليين الي يتاجرون بالعود يصنع دهن العود بنفسه ويقول عنه (دهن العود) انه اصلي ومضمون بس العود مايندرى به وين مصدره
فاعتقد اخوي طلبك صعب وايد

[إنتعاش]

والله اخوي ابومبارك
صعب الواحد يقول لك محل معين لأن العود يبيله خبره في انواعه والمغشوش من الاصلي
لكن عموما ما اعتقد انه يوجد عود افضل من عود عبدالصمد القرشي في قطر
روح لهم انت . . ولا تشوف الخلطات الموجوده ومعروضه للناس . .
قوله ابي العود والخلطات - الخاصه - تلقاها عندهم بالمكتب الداخلي لهم . .
عندك خلطات لا يعلى عليها :
1- خلطة عبدالله بن خالد
2- خلطة مشعل بن عبدالعزيز
3- خلطة جاسم بن حمد
4- خلطة الملوك


واسعارها صحيح عاليه لكن خذ اخوي 1/4 تولة . . ربع توله انت
من كم نوع منهم للتجربة
وصدقني بيعجبونك . .

[إنتعاش]

تذكرت شي اخر . .
اذا انت من محبين العود والخلطات - بالبخاخ -
فأحسن محل في قطر يبيع هالنوعيات هو
الجزيرة للعود والعطور
الموجود في الرويال بلازا السد
عند الاصنصيرات . .
شوف عندهم عود بخاخ رائع جدا ً . .
عندهم :
1- الشقب
2- السد
3- السلطان

هاذيلا حلوين عندهم وريحتهم رائعه . .


وبنفس الوقت عندهم بخاخات رائعه فرنسية بدهن العود
لون الغرشه تلقاه كحلي وغرشه لونها اسود . .
يعني الوان . .
اسعارها هالفرنسية حدود 250 ريال
وفيه نوع اللي هو عود بالورد . . او شي جذيه اسمه
حلو

[pinky-qtr]

اخوي فيه دهن عود اسمه كلاكاسي التوله ب 1600
عند محل الجزيره اللي في حياه بلازا مدري الرويال قايلين لي عنه

وعندك دهن عود اجمل الشيوخي ممتاااااااااااااااز