المساعد الشخصي الرقمي

مشاهدة النسخة كاملة : طلبات الاكتتاب للبطاقات المباعة لن يعتد بها



Spread Trader
28-02-2005, 02:38 AM
طلبات الاكتتاب للبطاقات المباعة لن يعتد بها

علمت الراية من مصادر موثوقة ان البطاقات الشخصية المباعة للاكتتاب في اسهم شركة قطر لنقل الغاز ناقلات لن يعتد بها. كما علمت الراية ان عمليات تدقيق طلبات الاكتتاب اسفرت عن اكتشاف بيع بطاقات شخصية لاكثر من شخص. وكان مسؤولو شركة ناقلات قد حذروا في وقت سابق من بداية الاكتتاب في 16 يناير.. والذي استمر شهرا كاملا من ظاهرة بيع البطاقات الشخصية. كما حذرت ادارة سوق الدوحة للاوراق المالية في الوقت ذاته من بيع البطاقات وأكدت انها ستلتزم بتنفيذ الاجراءات القانونية المنصوص عليها في لوائح السوق.. مشيرة الي ان الشيكات الصادرة عن بيع الاسهم ستصدر باسم مالك السهم.

الشمالي
28-02-2005, 06:09 AM
هذا هو الصح

بطاقات صارت تنباع وتشترى

وكأننا في جمعية

صارت البطاقة سلعة لهذه الدرجة

ما باقي ألا نضع على كل بطاقة تسعيرة

ونعرضها في السوق

الهانم
28-02-2005, 07:02 AM
الى سمعتة انة لم يعتد بها على اساس فى ناس بايعين بطاقتهم اكثر من مرة على عدة اشخاص

يعنى سارت فيها بعض الاعيب يبيعون بطاقاتهم لاكثر من شخص وهذا شى على ماسمعت سوف يؤدى الى تاخر تخصص وترجيع المبالغ ......... والاخبار صحيحة على الطريق

يا ناس وين ضميركم احد يرضا بلحرام

الله الهادى

بنت قطر
28-02-2005, 07:50 AM
الله يستر بس

من يعني اللي ما شراء بطاقات بذمتكم

يعني تبون اتفهموني
ان كل واحد في قطر شراء حق نفسه

او انتم كلكم يا اللي تتعاملون مع البورصه ما تشترون إلا بأسمائكم بس؟

بلا خدع ..؟
كذا رحنا فيها

يعني اي واحد شراء بطاقة شخص ودفع من احسابه
بيصدونه

واللي دفع كاش ماني ما اظن بينصاد

Spread Trader
28-02-2005, 08:52 AM
الله يستر بس

من يعني اللي ما شراء بطاقات بذمتكم

يعني تبون اتفهموني
ان كل واحد في قطر شراء حق نفسه

او انتم كلكم يا اللي تتعاملون مع البورصه ما تشترون إلا بأسمائكم بس؟

بلا خدع ..؟
كذا رحنا فيها

يعني اي واحد شراء بطاقة شخص ودفع من احسابه
بيصدونه

واللي دفع كاش ماني ما اظن بينصاد


انا ماعمري شريت بطاقه, لانها بصراحه ماتسوى ومشاكل وضحايا الصناعات تارسه المحاكم.
وهذا رأي شخصي وناس وايد مثلي :)

alkaabi
28-02-2005, 09:50 AM
السلام عليكم

اعتقد هالمشاكل هي اللي معطلة موضوع الاعلان عن التخصيص ...!!!!

ومادري كيف بيحلونها

بس تركيزهم اكثر على التستر

والقطريين اللي داخلين بفلوس اجنبية

او الاجانب اللي اكتتبوا ببطاقات قطرية

تخيلوا لقوا كذا اجنبي مكتتب عن طريق حسابه ...!!!

بس بالنسبة لمشكلة بيع البطاقات مادري كيف بيحلونها بصراحة

في ناس مالهم ذنب

واكتتبوا عن طريق صديق او جار او غيره

شالحل في هالحالة ..!!!

ليش يوم انهم صاجين

كان حطوا بند قسم في طلب الاكتتاب وفكوا الناس من هالسالفة

واللي بيشتري بعدين هو وضميره

واعتقد القليل فقط اللي راح يقسم كذب وراح يكتتب

ولا هم مسوينها مصيدة وساكتين لين خلص الاكتتاب

وفيه بعض الكبارية عندهم خبر وكانوا حذرين وما اكتتبوا عن طريق حسابهم ...!!!

يبيلهم سنة لين يخلصون هالمشكلة اذا هم ناويين يكتشفون كل بطاقة مباعة

ولا هم ماشيين على المثل اللي يقول

الخير يخص والشر يعم ...!!!

qatar_moon
28-02-2005, 10:32 AM
وانا قسم بالله ماشريت الا بطاقتي وحتى هلي نفس الشي مع ان البطاقات المعروضه جدامنا كثير

بس اهم شي محد يظلم بالسالفه

qatar_moon
28-02-2005, 10:38 AM
ياجماعه الحين بتردون علي والا اقط نفسي من الدريشه

ياعالم واحد من هلي شرالنا كلنا يعني كيف بتصير

يعني بيلغون طلبي

alkaabi
28-02-2005, 10:42 AM
ياخوي دامك واثق

لاتخاف ولاتحاتي

يقولك لاتبوق ولاتخاف

وان شاء الله خير

بس محد عنده العلم الاكيد

بس انا متأكد انهم ماراح يظلمون حد

الا اذا كانت هناك قرارات متهورة واتخذت بعجالة ....!!!!

سهم عتيج
28-02-2005, 11:39 AM
ياجماعه الحين بتردون علي والا اقط نفسي من الدريشه

ياعالم واحد من هلي شرالنا كلنا يعني كيف بتصير

يعني بيلغون طلبي

باذن الله مافيها شي,, مثلا واحد اشترى لأهله أسهما وتم السحب من حسابه,, فهذا الوضع سيكون عاديا جدا عند التدقيق,, لأن علاقتكم راح تكون من الدرجة الاولى,, وهذا مافيها شي باذن الله


المشكلة اللي حادثة تقريبا مش مثل هالنوع :rolleyes:

المشكلة اللي دارت حولها زوبعة هي كالتالي,,, وسأضرب لكم مثلا ,, واسمحجوا لي بأن أستعير أسماء بعض أعضاء هذا المنتدى كمثال حتى تتضح الصورة أكثر :D

مثلا qatar_moon باعت بطاقتها على قطرية,, وقامت قطرية بشراء أسهما ببطاقة قطر مون ,, وتم سحب المبلغ من حساب قطرية,, لحد الآن اهني مافي أي مشكلة,, حتى لو مثلا صار أي شي,, فممكن تقول قطرية ان قطر مون صديقتي,, وآنه ساعدتها وسلفتها مبلغ لشراء الأسهم,, بس آنه دفعت لها الفلوس,,, حلو :o

بس

لو قامت قطر موون وباعت بطاقتها مثلا لسوبر سهم,, وقام سوبر سهم بشراء أسهم ببطاقة قطر مون وتم سحب المبلغ من حساب سوبر سهم

في هذه الحالة
عند التدقيق راح يكتشفون ان هناك طلبين لقطر مون,, واحد تم عن طريق قطرية,, وواحد تم سحب المبلغ عن طريق سوبر سهم

اذا
في هذه الحالة هناك احتمالين :confused:
يا أما سوبر سهم وقطرية هم اخوان قطر مون,, وبالتالي في هذه الحالة مافي شي لأنهم يعتبرون أقارب,, وممكن كل واحد فيهم سلف قطر مون مبلغ بس تم هذا عن طريق شراء أسهم لها كل واحد من حسابة

بس لو تم اكتشاف انه لا توجد علاقة بين قطر مون وسوبر سهم وقطرية
هني تبدأ ملابسات القضية ويتم فتح ملف بالقضية ويبدأ التحقيق <<<< ( الأخ صار محقق)

يالله اعترفي ياقطر موون,, ايش صلة القرابة بينك وباللي اكتتب باسمك؟

وتوتة ياتوتة,, خلصت الحتوتة

بيـــزات
28-02-2005, 11:47 AM
اخوي سهم عتيج
شكله ذيه اللي حاصل
ما تشوف قطر مون بتقط نفسها من الدريشه :p

qatar_moon
28-02-2005, 11:50 AM
ههههههههههههههههههههه سهم عتيج انا احب القصص

مشكور اخوي على اسلوبك الرائع بالتوضيح

بنت قطر
28-02-2005, 12:02 PM
صح كلامك سهم عتيج

وانا اشوف الناس كانت تسحب الفلوس وتدفع كاش ماني!!!!!!!? راحت علي!!!!!!!

المره الجايه<<<=== (خبركم شاريه بطاقات ما اتشفوني ادافع) باشتري كاش ماني


انزين يعني عادي الأقارب من الدرجه الأول؟!!!!?

يقولون لكم حولو الموضوع لنيابه العامه

شوفو خبر منيه مناك اذا حد تم استدعائه

ما يسوا علينا ذي الأسهم بيبهدلون عيشتنا

أخرتها نيابه عامه

تخيلو صادو السالفه بلالالا؟ كم قضيه بتصير؟
ما عاد فيه اسهم ولا راح تنزل السوق حتى

والمحاكم بتصير فول..
والناس كلها بتداوم في المحاكم..

صج بيسون ذي الطريقه بتكبر السالفه وبتصير هناك دوامه ما لها اخر

وما اعتقد هم بذا الغباء

m_taha123
28-02-2005, 12:12 PM
حتى لو بعد مباع من قطري لقطري نفس الشي ؟ ولا غير حسب القانون طبعا ؟

قـطـريـه
28-02-2005, 01:14 PM
سهم عتيج الخوف يسرقون القصه ويسون لنا مسلسل رمضاني
ياوليهم اذا عطو دوري لمنى شداد,,,,,,,,,,

بوجبر
28-02-2005, 01:20 PM
آخر خبر ناقلات 3000سهم والخبر أكيد

ضايق الصدر
28-02-2005, 01:24 PM
انشاء الله خير
والنسبة كم

المستثمر القطري
28-02-2005, 01:25 PM
الله يسمع منك يابو جبر و يعطونا على 3000 ولا اقل من ال3000 تعتبر خساره

المستثمر القطري
28-02-2005, 01:29 PM
الحمدلله انا ماشريت الا بطاقتي و بطايق العايله

بس اتمنى المره الجايه اذا طرحت شركه للأكتتاب يطلع قانون بعدم بيع البطايق للغرباء باسثناء اصحاب صلة القرابه من الردجه الاولى

ابوعلي اليافعي
28-02-2005, 01:38 PM
ممكن يالمستثمر القطري تشرح لنا شلون لو خصصوا اقل من 3000سهم بتكون خساره..تراني فعلا ما قدرت استوعب هالنقطه....قال تعالى((ولان شكرتم لازيدنكم))صدق الله العضيم

مساهم صغير
28-02-2005, 02:58 PM
الي شرو البطاقات بينصادون وخصوصاً اذا كانت مباعاه اكثر من مره

ترى الشي سهل و بسيط ...

خلهم يصيدونهم خلونا نستفيد و تزيد النسبه

qatar_moon
28-02-2005, 05:40 PM
انزين في شي يدور براسي وارجوكم ردوا علي

ماقالوا هم اصلا ان بيع البطاقات ممنوع وهالشي درينا عنه من زمان وقبل الاكتتاب

عيل كيف الناس يروحون السجل العقاري ( هذا الي سمعته ) ويبيعون بطايقهم هناك مابينهم وبين بعض

يمكن ماعرفت اوضح بس ان شاء الله تفهموني

المستثمر القطري
28-02-2005, 06:16 PM
اخوي اليافعي

في ناس متسلفين من البنوك وناس بايعين بيوتهم وناس بايعين سيايرهم وناس مبهدلين نفسهم عشان هالناقلات
افترض انه واحد عنده 10 بطايق وخصصوا 1500 سهم للبطاقه

فمجموع الاسهم بيكون 15000سهم

ولو فرضنا انه انطرحت في السوق ب 30

بيطلع بجموع 450000

هالمبلغ بغطي المبالغ الاخرى الي رهن بها البيت او تسلف او او او ....؟

سهم عتيج
28-02-2005, 06:32 PM
انزين في شي يدور براسي وارجوكم ردوا علي

ماقالوا هم اصلا ان بيع البطاقات ممنوع وهالشي درينا عنه من زمان وقبل الاكتتاب

عيل كيف الناس يروحون السجل العقاري ( هذا الي سمعته ) ويبيعون بطايقهم هناك مابينهم وبين بعض

يمكن ماعرفت اوضح بس ان شاء الله تفهموني

آحس ياقطر مون انك انشاءالله بتكونين من كبار المستثمرات في يوم من الأيام,, لأن أسئلتك بالفعل نابعة من شخص يريد أن يتعلم في البورصة من الألف الى الياء,, مش بس ايش يشتري ويبيع,, لذلك فاسمحي لي اني أرد على استفسارك

سالفة السجل العقاري عادة تتم بعد تخصيص الأسهم,, وبعدها قد يشتري الشخص أسهما من آخر,, ونتيجة لعدم قبول البورصة لنقل الأسهم,, فيضطر هذان الشخصان أن يلجئا الى وسيلة اخرى لحفظ الحقوق,, اما بالذهاب الى المحكمة الشرعية,, أو السجل العقاري حتى تثبت ملكية الأسهم,, وهذا ليس مخالفا لقانون التستر,, لأن هذه العملية عادة تتم بين القطريين أنفسهم,, وقد يكون هناك دينا بين البائع والمشتري,, لذلك فقد يتفق الطرفان على تنازل المشتري للبائع بالأسهم نتيجة ذلك,, وبما أنه لم يتم طرح الأسهم في البورصة,, فان السجل العقاري هو أحد الطرق لاثبات ملكية الأسهم بين البائع والمشتري
والله أعلم

محمد بن حمد
28-02-2005, 07:34 PM
السلام عليكم .. قطر مون اسمحيلي ادخل معاكم في نقاشكم وموضوعكم بصراحه شيق

بالنسبه حق الوكالة .. طبعا كانت المحكمه تسوي وكالة باسهم شركة غاز وعقب جاها الامر بالمنع من رئيس المحاكم الشرعيه ..
اما السجل العقاري واللي هو يعتبر بعد وكالة معتمده ما وقف من قبل اي جهه ..
بس هناك شي ..
وطرق كثيره ودائما هناك ثغرات ..
المحكمة منعت الوكالة على اسهم غاز .. والسجل العقاري يسويها ما عنده مشاكل عليها ..
فعشان ها الشي اصدر السوق قرار ان اي وكالة على اسهم الغاز قبل تاريخ التخصيص على ما اعتقد تعتبر لاغيه ..
وفي ها الحاله لجؤوا بعد لطريقه ثانيه واللي هي الوكالة العامة على جميع الاملاك ..
المهم هذي وراها مصالح وناس شغاله على ها الشي وما اظنهم صغار المستثمرين واللي يمتلك عدد معين من الاسهم واظن الهامور عنده ناس ينورونه ويدلونه على طرق كثيره ومستشارين وغيره .. يعني الموضوع مختلف
الحين السالفه ونقطة النقاش هي
هي ان التجاره شطاره وتبيح كل شي .. ولا ان التجاره لها اداب وقوانين ولو كانت على حساب المكاسب والفايده ؟
وشكرا

qatar_moon
28-02-2005, 09:27 PM
مشكور اخوي سهم عتيج وان شاء الله اكون من كبار المستثمرات وانت من كبار المستثمرين

وبعدين ندخل المنتدى نلقى ناس يحشون فينا ( كبار المستثمرين ) :D

مشكور اخوي على التوضيح

***************

اخوي بو نورة

مشكور على التوضيح

واله مايسوى على هالناس

بس مثل ماقلت التجاره شطاره :cool:

ضايق الصدر
28-02-2005, 10:08 PM
يا سهم عتيج ترى قطر مووون من كبار المسثمرات
وهي مريضة تبي اترد من صغار المسثمرين عشان يعطونهم اسهم مثل الصغار
ومسكينة ما تبي احد ايحسدها
ولا شرايج يا كبيرة المستثمرات او ( هامورة )<---------مش قطري