هل تعتقد بأن سعر الايجارات الحالي مرتفع [الأرشيف]

مشاهدة النسخة كاملة : هل تعتقد بأن سعر الايجارات الحالي مرتفع

مثمن معتمد

04-01-2007, 02:32 PM

من اللي يقول ان الايجارات زادت وان الملاك هم اللي مستغلين المؤجرين وان الملاك اللي قبل كانوا احسن من الحين بالايجارات

انا اقول العكس ان المؤجرين الأولين اللي كانوا يأجروان ب1500 و2000 هم الجشعين وذلك للاسباب التالية

نسوي مقارنه بين عام 2000 و2006

ونتكلم عن المنتزه كمثال

سعر الأرض في عام 2000 كان الفوت 40 ريال وأقل من هالسعر
سعر الارض في عام 2006 الفـــــــوت 650 ريال وأكثر من هالسعر
سعر المتر المربع للبيان كان في عام 2000 سعر 500 للمتر المربع إلى 800 ريال
سعر المتر المربع للبيان الان في عام 2006 سعر 1700إلى 2200 للمتر المربع

يعني ارتفعت تكلفت البناية على المالك الجديد في سعر الارض من 40 إلى 650 ريال يعني أكثر من 15 ضعف وفي السعر البناء الضعفين يعني معدل الزيادة عشرة أضعاف وأكثر وسعر الشقه الان الغرفتين اللي كان ايجارها 1500 واصبح الان 5500 كم ضعف اكيد اقل بكثير من سعر التكلفة

اللي اقصده ان اللي كان يأجر في الاول بسعر 1500 ريال كانوا جشعين وزاد جشعهم عندما زادت نفس الشقه إلى 5500 ريال

ولكن الله يعين المستثمرين الجدد اللي مكلفهم البنيان ملايين وأجروا الحين الشقق ب 5500 ريال ونزلت الإيجارات شنوا بيكون موقفه الله يعني الجميع

طالب علم

04-01-2007, 11:17 PM

سهم طايح

05-01-2007, 10:52 AM

كلام منطقي اخوي مثمن

الله المستعان

ابن ادم

05-01-2007, 11:24 AM

ABO MUBARAK

05-01-2007, 11:46 PM

http://www.qatarshares.com/vb/showthread.php?t=78658

استغفرالله

06-01-2007, 12:24 AM

صاج يا مثمن

the engneer

06-01-2007, 01:19 AM

اللة يعين

مثمن معتمد

11-01-2007, 09:27 AM

أخوي ما تنقاس بهالشكل. يعني إذا زاد شي لازم تنقله على اللي تحتك وش هالمنطق؟
أخوي الإجارات أغلي من باريس. يعني شقة غرفتين تتأجر على 6500 وين صارت؟

أخوي تبي تعرف شلون تنحسب ؟
إحسبها على العائد على الإستثمار، يعني العقار في كل مكان لازم يجيب من 10 - 13% سنوياً من ثمنه. يعني ترجع ثمن العمارة من 8 إلى 10 سنين.
أما اللي يبي يرجع تكلفة العمارة بخمس أو حتى ثلاث سنين هذا والله حرام
وسلامتك

اخوي طالب علم ادري ان الحسبه ان العقار يجيب من 9- 10 % سنويا من ثمنه وهو اللي حاصل حالياً

بس اللي كنت اتكلم عنه ان في السابق كانت الاسعار تجيب من 30 ـ 35 % سنوياً

وهم اللي كانوا يربحون اكثر بس المستثمرين الحاليين معذورين بسبب شجع أصحاب الأرضي لأنهم يطلبون في الفوت 700 إلى 800 ريال وجشع المقاولين وبائعين مواد البناء والذي يكون في وجه المدفع هو مالك العقار أي المستثمر فتكون فاتورة العمارة كبييييييييره فليس امامه سوى ان يرفع الايجار لكي يغطي المبلغ المدفوع من جيبه او من خلال تمويل البنك

مثمن معتمد

11-01-2007, 09:28 AM

كلام منطقي اخوي مثمن

الله المستعان

جزاك الله خير اخوي سهم طايح على المرورك

صدقت اخوي الله المستعان

مثمن معتمد

11-01-2007, 09:36 AM

sorry for the English, but my pc don’t have Arabic windows

yes yes yes, you are right. in this
not the building is the only problem, the electricity ,pumping ,piping, ...etc have huge increase in cost

هلا اخوي عبد الرحمن مشكور على الاضافه الحلوه

اكيد عوامل كثيره مثل ما تفضلت ادت الى ارتفاع الاسعار

واللي هم متوجهين له هو تنقيص سعر الاراضي

بدون الاخذ بالاعتبار الامور الاخرى وهل يعقل ان ينزل سعر المقاول في المتر المربع حتى لو نزلت قيمة مواد البناء وسوف ياخذ فترة طويله لكي يفكر في انقاص سعره لسبب واحد وهو كثرة المشاريع وقلة المقاولين والله المستعان

مثمن معتمد

11-01-2007, 09:37 AM

http://www.qatarshares.com/vb/showthread.php?t=78658

مشكور اخوي بو مبارك على الوصلة

قريب موضوعك وهو اكثر من رائع وجزاك الله خير على مرورك

مثمن معتمد

11-01-2007, 09:38 AM

صاج يا مثمن

جزاك الله خير اخوي استغفر الله على المرور

والله يهدي الجميع

مثمن معتمد

11-01-2007, 09:39 AM

اللة يعين

جزاك الله خير على مرورك

والله يعين

مؤثر

11-01-2007, 04:49 PM

يا اخوي اعرف واحد بنى عماره بالثمانينات ودخل قيمتها عشرات المرات ورفع الايجار على المساكين !!
ست شقق على اربعة الآف من 1200 ريال !!
طيب على نفس حسبتك كم التكلفه وكم الدخل ؟؟؟
كلامك معقول بالنسبة للبنيان الجديد !!

السحر الأسود

14-01-2007, 10:39 PM

في احد المكاتب فيلا كان طالب فيها صاحبها 3 مليون ولما يائس وشافها مانباعت وومالها زباين صرفها قبل يومين بمليونين وكل تفاصيلها موجوده عند احد مكاتب العقارات
يعني نزل من سعرها مليون ريال

ANONYMOUS

20-01-2007, 06:37 AM

خلال دراستي برا ( دوله غربيه ).. كنت ساكن بشقه في عماره..

غرفتين وحمامين وصاله ومطبخ مفتوح عالصاله.. وبلكون.. وكان جمب العماره بارك محترم عالنهر.. صج ماشوف النهر.. بس لو اطلع من البيت مشي 4 دقايق اشوفه.. ولا بالسياره تستغرق الرحله حول 40 ثانيه بالكثير..

مالكم بالطويله.. الشقه مفروشه من والى .. يعني تجيب هدومك.. و المواد التموينيه .. بس

كل شي موجود بالشقه.. وديكور وديزاين..

المراد..

كان ايجارها بالقطري 3000 ريال.. وكنت اروح البريد ادفع الايجار.. وانا اقول في نفسي.. الله يكرههم الحراميه..

اتوقع لو هالشقه في قطر... كان ايجارها حاليا 70 الف ريال في الشهر.. لا.. وكل يوم راعي الشقه بيرفع عليك 10 في الميه..

اهنيه.. 3000 ريال.. يادوب تجيب لك ملحق.. والسقف كيربي..

الله يكون بالعون