عودتنا البورصه

[قطري]

السلام عليكم
مع دخولنا اليوم الثاني على التوالي في ارتفاع البورصه الحد الاقصى لكل الشركات
وكميات الطلب الكبيره على جميع الاسهم وقلة العرض خطرة في باليه نقطه
عودتنا البورصه دائماً ثلاثه ايام لمت اب وفي نهاية اليوم الثالث تعكس الآية
من لمت اب الى لمت داون والسبب جني الارباح هذه الحالة مرت علينا او على الاغلبيه
ولكن الظروف كانت مختلفه اذ ان في هذه المره تتوقع البورصة ضخ الاموال الفائضه عن
اكتتاب ناقلات وقرب موعد دخول الاجانب البورصه.
بكره يوم مهم جدأ للمضاربين ولابد من متابعة التداول من اول دقيقه الى اخر دقيقه
واتخاذ القرار في الوقت المناسب.
اتمنى من الله التوفيق للجميع

[Le7dan-Qatar]

مششششكور اخوي قطري على النصيحه

وانشالله اني باحطها في عين الاعتبار

وباقي المساهمين

وبالتوفيق للجميع

[ضايق الصدر]

مشكور اخوي

[qatar_moon]

يعني شنو اتوقع على نهاية الاسبوع بيحصل ارتفاع ولا انخفاض

وهذا استبعده هالاسبوع

مشكور اخوي قطري على الموضوع

[قطري]

قطرمون
وانا بعد استبعده لكن الحذر واجب خصوصاً للمضاربين
بكره بندخل اليوم الثالث للارتفاع وان شاء الله الرابع والخامس
الله يوفق الجميع
شكراً لكم اخواني على التعليق

[سهم عتيج]

بالنسبة لكلامك ياقطري,, فهو صحيح عن ال limit up وانه بعد ال3 أيام ممكن يعكس,, بس هذا الكلام يوم كان الاتفاع المسموح به أو الانخفاض 10%,, بس بعد تخفيض نسبة الارتفاع والانخفاض الى 5%,, فأعتقد بأن الlimit up أو ال down ممكن يستغرق أكثر من 3 جلسات تداول والله أعلم

[سموالأخلاق]

السلام عليكم ورحمة الله وبركاته..

تعليق بسيط...
بخصوص الارتفاع.... استحالة يستمر الارتفاع بهذا الشكل... يعني لو يوميا لميت آب ...!!وباقي 35 يوم تقريبا لدوخول الاجانب.....
هذا يعني 30 يوم تقريبا لميت اب !! يعني السهم كل سهم بزيد 100 ريال على الاقل...
وحتى لو افترضنا كل يوم يزيد ريال لكل شركه هذا معناته 30 ريال زياده لكل شركه...
وهذا ايضا مستحيل جدا لا بالعقل ولا بالمنطق...

عموما .. رح يصير ثبات ورح يصير انخفاض ورح يصير ارتفاع ... لكن الاستمرار والثبات بهذا الشكل...

مستحيل....

عموما بالتوفيق للجميع ان شاءالله

وتحيــــاتي
نـــواف

[qatar_moon]

اخوي نواف انا اتوقع الارتفاع بيستمر هالاسبوع وبعدها ممكن يحصل انخفاض

ليش الناس تبي تشتري قبل لايردون فلوس كبار المستثمرين ويرفعون الاسعار عليهم


هذا رايي مادري يمكن صح ويمكن غلط

[سوبر سهم]

بالنسبة لكلامك ياقطري,, فهو صحيح عن ال limit up وانه بعد ال3 أيام ممكن يعكس,, بس هذا الكلام يوم كان الاتفاع المسموح به أو الانخفاض 10%,, بس بعد تخفيض نسبة الارتفاع والانخفاض الى 5%,, فأعتقد بأن الlimit up أو ال down ممكن يستغرق أكثر من 3 جلسات تداول والله أعلم

عين العقل والله نفس كلامي


يالقطري انا كنت اقول من قبل سوقنا 3 ايام لمت اب بيع
3 ايام لمت داون اشتر

بس هذا يوم كانت النسبه 10%

لكن الحين 5% والله يستر

ماتوقع لحد الحين اشبعوا من الارباح وعلى مايوصلون الدرجة المطلوبه
قد السيولة وصلت السوق مما لا يسمح بالانخفاض الكبير

هو اكيد بيصير انخفاض بس مب بالشكل اللي ايخوف

وترى يومين لمت داون مايخوف لان نسبة 5% ولا شي

وشكرا على الموضوع :cool:

[qatar_moon]

اخوي ابوعلي اليافعي

صج ردودك تحطم الي مايتحطم :(

بننتظر ونشوف

يمكن انا الجديده يطلع تفكيري صح ماتدري انت عن الدنيا

[ابوعلي اليافعي]

اخوي نواف انا اتوقع الارتفاع بيستمر هالاسبوع وبعدها ممكن يحصل انخفاض

ليش الناس تبي تشتري قبل لايردون فلوس كبار المستثمرين ويرفعون الاسعار عليهم


هذا رايي مادري يمكن صح ويمكن غلط
خليج ربي مون يعني كبار المستثمرين ناطرين فلوس الغاز علشان يشترون الاسهم ماهم شروا وخلصوا ولا تفكرين الي قاعدين يطلبون هالايام بعشرات الملايين لصغار...وحلوه منج كلمة يرفعون لسعار يعني تعتقدين الاسعار لحين ببلاش....مساء الخيييييييييير

[sulai6i]

نصيحه

لا تشترون اول ما ترجع فلوس ناقلات

اصبروا 3 - 4 ايام بس

وعقب شيل اللي تبيه


ويا هلاااا

[qatar_moon]

:mad: :mad: :mad:


ابوعلي اليافعي

خلاص انا ابيك تقول رايك وتحليلك علشان اقدر ارد عليك :cool:

[ابوعلي اليافعي]

بكل بساطه..ستستمر حالة الطلوع والنزول والاستقرار بالسوق لحين دخول المستثمر الاجنبي وحينها الله اعلم شبيصير ...هناك عوامل اخرى تتحكم بالسوق واسعاره غير اوامر البيع والشراء يعني الي احنا قاعدين شوفه عالشاشه في قاعت التداول انا من وجهة نظري ليس واقعي 100% ولكن هناك خبراء في الفتره الحاليه يديرون البورصه والمقصود من ذلك الوصول بها الى بر الامان حين دخول المستثمر الاجنبي وان لا يحدث مالا يحسب عقباه..ان مايحدث في البورصه هذه الايام ان بعض المستثمرين اصبحوا مغيبين ذهنيا يعني يشترون بدون تفكير اي سهم وباي سعر الى درجة ان احد العاملين باحد المكاتب ذكر بان البعض يعمل امر شراء باللمت اب لبعد يومين حتى يضمن الشراء..الا تعتقدين ان مثل هولاء يحتاجون الى مرشد ومقرر قد يوقف هذا الهوس حتى وان ادا ذلك الى زعل البعض ولكن فالنهايه هذا يصب في مصلحت المستثمر القطري.........والنتذكر ماحدث يوم الاربعاء قبل الماضي..الخلاصه ان البورصه تحتاج في الوقت الحالي عملية موازنه بين الطلوع والنزول..على الاقل حتى تبقى اسهمنا مغريه للمستثمر الاجنبي...........مع التحيه للجميع

[Spread Trader]

الى درجة ان احد العاملين باحد المكاتب ذكر بان البعض يعمل امر شراء باللمت اب لبعد يومين حتى يضمن الشراء

والله يابوعلي ما أخفي عليك انا سويتها كذا مره وتصيب معاي, يعني الصناعات في طلوعها الماضي ماحد قدر يشتري للطلب الكبير وامسك دورك كل يوم . وترى هذا نوع من المضاربه يتسمى Future Market اي اذا اتوقع ان الصناعات بتروح 200 انا ممكن علشان امسك الدور احط طلب لمت اب ليومين وبعد مايتنفذ احط العرض على 200 وابيع .
بس ها ترى هذا اسلوب خطر وما تستخدمه وايد الا اذا كانت عندك نظره ثاقبه للسهم.
للقراءه عن هذا النوع من المضاربات ابحث عن Future Market Contract
or Option Market Call/Put

[Spread Trader]

ترى المثال مال الصناعات خيالي يعني لتوضيح الفكره فقط ولا انا ماتوقع اي شي :rolleyes:

[qatar_moon]

اخوي ابوعلي اليافعي

انا كنت اقصد ان الحين الي بيشتري اسهم غير عن 10 مارس مثلا

والفلوس الي بتنرد حق الناس اكيد بيدخلونها الاسهم او في العقار يعني مش منطقي يخلونها كذيه

صج ان الاسعار الحين مش بلاش بس بعد اشوفها فرصه قبل لاتنرد الفلوس حق الناس

هذا رايي والله اعلم

[ضايق الصدر]

انا اتوقع ايزيد الطلب على الاسهم يوم ما ترجع الفلوس
وهنا تبدا لعبة الهوامير اينزلون الاسهم الي عندهم ويركضون وراهم المساكين
ويبيعون ويصير تكدس بالعرض ثم ينزل ليمت داون كم يوم ويقومون يشترون اشوي اشوي
وايجمعون ويركضون وراهم الناس وتشتري
ويرتفع ليمت اب
لكن اتوقع مع قوة الطلب مع رجعة الفلوس من ناقلات
انة العرض الي بينطرح ما بيكفي السوق وهذا رايي
ولا اشرايج يا قطر مووون

[qatar_moon]

والله انا اتفق معاك ياضايق الصدر

وهذا الشي الي كنت ابي اوصله حق الاخ ابوعلي اليافعي

بس ماعرفت اعبر

[ضايق الصدر]

انا اصلا اقرى افكارج

[قطري]

شكراً لكم اخواني على التعليق
اليوم مثل مالاحظتو صار جني ارباح وكبير بعد
لكن السوق قدر يستوعب هذه الكمية
خل انشوف بكره شبيصير ان شاء الله يقاوم لو في بيع
تحياتي لكم

[ضايق الصدر]

الحمد لله نجيت منها