خليجيه .. خليجيه

[عالي الهمة]

خليجيه .. خليجيه




ألا يابنـت يازيـن الـوشـاح الـلـي يـلـف الــراس
يعرفـك كــل مــن شـافـك يـقـول انــك خليجـيـه
خليجيـه تربيتـي عـلـى الحشـمـه وزيــن لـبـاس
تمـيّـزتـي عـــن الـعـالــم اذا شــافــوك يـابـنـيّـه
خليجيه نعرف اصلك اصيله من عرب من ساس
اصــولــك لــــو نـتـابـعـهـا نـهـايـتـهـا قـبـيـلـيـه
ترى انتي كرّمك ربي بدينـك واختـلاف اجنـاس
طبـيـعـه مانغـيّـرهـا.. مــــادام انــهــا إلاهــيــه
تربيتـي علـى ديـنـك وديـنـك يـرفـض الادنــاس
يعصـمـك ديـنـك الطـاهـر وعلّـمـك الاصولـيـه
خليجـيـه ولايهـمـك دعــاة الفـسـق لـلـوسـواس
علـى الموضـه ينـادو لــك بصـرخـاتٍ جنونـيـه
يابنـت النـاس موضتهـم تبلّـد عنـدك الاحـسـاس
فــلا.. تخلّـيـن نظـراتـك يابـنـت الـنـاس دونـيـه
وشوفي كـل ماتطلـع لهـم موضـه يضيـق قيـاس
هدفـهـم جسـمـك الطـاهـر يبـونـه يـبـرز شـويـه
ترى اللي يصنـع لباسـك دياناتـه هـوى واونـاس
ماعنـده غيـره لعرضـه ولـقـى فـيـك النجومـيـه
تراهـم شعـب مايرضـى بدينـك قارعيـن الكـاس
ولايـرضـون مـادمـتـي عـلــى الـمـلـه حنيـفـيـه
يلمع صنعتـه وانتـي علـى جهلـك غشـاك نعـاس
يـــروّج سلـعـتـه بـأتـفــه أسـالـيــب احتـيـالـيـه
يابنت انتـي مثـل حلـوى لذيـذه داخـل القرطـاس
اذا قرطاسهـا شالـو... جهلـنـا مــن اي جنسـيـه
يبنـت النـاس مـن بيـن الجواهـر يبـرز الألمـاس
وانـتـي حشمـتـك تـبــرز مـــادام انـــك مثـالـيـه
مدام انـك ذهـب صافـي ماقـارن لمعتـك بنحـاس
وانـتــي مـعـدنـك غــالــي وأثـمـانــك خـيـالـيـه
اشوف النـاس تتغيـر وزمنـا صـار بـه هوجـاس
نسـيـنـا جـنــة الـخـالـق ومـبـاديـنـا الـسـمـاويـه
بعضنا ضعف في دينه يحـس ان لبسهـم نومـاس
يـقـول: انّـــا تـطـورنـا وموضـتـهـم حـضـاريـه
غنـي واشتـرى منهـم وهـو فـي قـمـة الافــلاس
لانـــه مـامـلـك كـنــز الحشـيـمـه والـرجـولـيـه
الاياكيف مـا نفكّـر.. وطهارتهـم هـي الانجـاس
ونلـهـث مــن ورا المـوضـه نبيـهـا للرومنسـيـه
حسافـه طبلهـم يضـرب وانتـي غايـة المـرواس
ومـدام انـك تراقصـتـي حسـافـه جيـتـي السّـيـه
يابنت الناس يغوونـك بحجـة موضـة الاعـراس
يشيـلـون الحـيـاء وانـتـي اصيـلـه واحتشـامـيـه
وانــادي ياخليجـيـه يــادرة فــي بـحـر غـطـاس
وانـــادي ا سـلامـنـا كـلــه بهالـدنـيـا شـمـولـيـه
وانـادي كــل عالمـنـا واحــط اسلامـنـا نـبـراس
واعـــــم اسـلامــنــا كــلـــه دول والاّ أقــلــيّــه
انــا يابـنـت خصّيـتـك وميّـزتـك مابـيـن الـنــاس
لأنــــك مــنــي وفـيـنــي وانــتــي دوم مـبـلـيـه
خليجـيـه تمـيـزتـي بـغـطـوه مـــع عـبـايـة راس
يعرفـك كــل مــن شـافـك يـقـول انــك خليجـيـه

[خفايا الروووح]

خليجيـه تربيتـي عـلـى الحشـمـه وزيــن لـبـاس
تمـيّـزتـي عـــن الـعـالــم اذا شــافــوك يـابـنـيّـه
خليجيه نعرف اصلك اصيله من عرب من ساس
اصــولــك لــــو نـتـابـعـهـا نـهـايـتـهـا قـبـيـلـيـه


بيض الله ويهك..وصح السانك

[عنزي قطر]

مشكور اخوي مافى احلا من الخليجيه والله شكرا على النقل المميز


اخوك الوايلي

[حمد خالد]

تستاهل الخليجيه وهذا اللي محليها اصلاً حشمتها

يعطيك العااااااافيه اخوي

[زعيم البورصة]

تستاهل بنت الخليج واهدي القصيد حق بنات ديار التميمي حمد