ابي شوركم ياجماعة الخير!! [الأرشيف] - منتديات شبكة الأسهم القطرية

مشاهدة النسخة كاملة : ابي شوركم ياجماعة الخير!!

ام الحلوين

13-01-2007, 08:10 PM

السلام عليكم ورحمة الله وبركاته

في البدايه اقدم اعتذاري لو كتبت موضوعي بالمكان الخاطئ بصراحه ماعرف وين اكتبه قلت بالمنتدى العام اعتقد

اما شوركم ابيه في شي محيرني شوي

ودي اقنع ابو العيال اسافر انا وهو من غير العيال لمدة اسبوع لكن قبل اقدم اقتراحي وقبل يرفضه او يقبله
ابي ابين له مكان السفر حتى اشجعه واقوله هذي الديره فيها وفيها وفيها!!!!

شوركم ياجماعة الخير وين نروح غير دول الخليج ولمده اسبوع تعرفون صعب نخلي العيال مده طويله وودي يكون مكان مناسب امكانياتنا الماديه تعرفون مابي اضغط عليه
هي رحله صح لكن بعد لازم اراعي ظروفه الماديه

والله يجزيكم الف خير لو تقدمون مشورتكم الطيبه لي
ودمتم بود

rashid-1

13-01-2007, 08:35 PM

غير دول الخليج

روحوا مصر

بس بيني وبينج السفر هالوقت ماينفع

أحسن شي بالصيف

وكنصيحة روحوا دبي ثلاثة ايام وتعالوا وبالصيف شوفوا دولة برا

abo rashid

13-01-2007, 08:43 PM

بالعكس مصر الحين ما فيها زحمه و الشقق و الفنادق متوفرة

ام الحلوين

13-01-2007, 08:46 PM

الله يجزيكم الف خير
ابو العيال مايحب مصر
ياريت لو تنصحوني بمكان ثاني

الراقية

13-01-2007, 09:38 PM

اختي الغالية أم الحلوين

انتي وابوالعيال ( خلاوي يعني ):con2:

فكرة وايد حلوة ورائعة وبدون العيال اصبحت اكثر من روعة:nice:

لان لازم الزوجة تطلع من هالروتين من تتزوج صار لازم العيال برقبتها اشيد على يدك هالفكرة الحلوة :app:

اختي

طلعي من التفكير بدول الخليج ( خلاص صرنا حافظينهم عن ظهر قلب )

ومن دول اوروبا لان لو رحتي بتثلجون

والدول العربية ابتعدي عنها حاليا

اختاري احد الدول الشرق اسيوية

صراحة الجو فيها حاليا معتدل وفي نفس الوقت اسعارهم زينه وبلدان اعتقد جديدة ممكن تكون عليكم اكثر من دول الخليج

انصحك بدول شرق اسيا ومنها ( بانكوك وعندي استعداد امدك بالشقة المناسبة والاماكن السياحية فيها لاني زرتها)
ماليزيا زرتها وهم حلوة ( وروحي لتقرير اخوي بو صالح رهيبة البلاد )
او الصين
او هونغ كونغ والكل يمدحها واسبوع كفاية عشان تستمتعين

وفي الاخير لو يكون باحد الدول اللي قلتها وفي منتجع يكون افضل مثال ....في منتجعات او فلل بدول شرق اسيا يتوفر فيها الجو الرومانسي منها انها تطل على البحر وفيها مسابح خاصة تابعة للفلل يعني عشان تعيشون الجو بعيد عن العيال والمسئوليات
وخلي سفرتك اكثرها جلسات ووناسة وتمشية اكثر منها تفكير بالتسوق ....وحجي عن المشاكل وتذكرينه بمسؤلياته وكل دقيقة تتصلين بالعيال لا خلك قد السفرة .

وما راح اقولك المالديف او سيشل لانها دول تطل على البحر ولكني ما رحتها شفتها بالصور يمكن حلوة مدري .

مع تمنياتي لكم بقضاء اسبوع جميل وممتع وترجعين لنا بالسلامة

التيما

13-01-2007, 09:39 PM

تقدرون تروحون الاردن او سوريا انا رحت سوريا وعجبتني بس ماكو سهر بالليل لان كل شي يصكر بالليل ماعدا الملاهي وانا مالي بهالسوالف لان اخواني بيذبحوني قبل ما يودوني خخخخخخخخخخخ وفي الاردن فيها اماكن حلووه وايد واذا حابه برا الدول العربيه ممكن تروحون رومانيا او تركيا او بلغاريا تعتبر اماكن سياحيه روووووعه وبالتوفيق

ROSE

13-01-2007, 09:42 PM

سوريا / الاردن / مصر

في هالوقت ماتحصلين فيهم زحمه والاسعار منااااااااااااسبه وايد

واحسن شي سوريا الجو والطبيعه هناك روعه

ونصيحتي لج قبل ماتفاتحينه بموضوع السفر

جمعي شوية صور عن البلدة وراويه الطبيعه وراويه المناطق السياحية هناك

وعيشيه الجو كأنه في البلاد وبعدين فتحي الموضوع :looking:

ام الحلوين

13-01-2007, 09:45 PM

اختي الراقيه واختي التيما كل الشكر الجزيل لمروركم الكريم وبجرب مشورتكم

ام الحلوين

13-01-2007, 09:46 PM

مريديان

14-01-2007, 12:24 AM

انا كان ببالي سيشل..بس يوم قلتي ظروف مادية..اعتقد ماتناسب...

الله يهنيكم ان شاء الله..ويحفظ الحلوين اللي عندج:)

مناحي السادس عشر

14-01-2007, 12:56 AM

للظروف الماديه وللمسافات والوقت الحل الوحيد (((النعيريه)))

ام الحلوين

14-01-2007, 07:27 AM

للظروف الماديه وللمسافات والوقت الحل الوحيد (((النعيريه)))

الله يسلمك بس هههههههههه

ظروف ماديه عاد مب فقر قاتل ههههههههههههه
اقصد يعني مانقدر على امثال مستوى برج العرب

اني مفكره بفينا لكن مدري هل تناسب لمده اسبوع او لا
وهل تناسب بوقت الشتاء او لا

وافكر باليونان شرايكم؟؟؟

قطرية عسل

14-01-2007, 07:37 AM

بالتوفيق :nice:

{راشد}

14-01-2007, 07:48 AM

والله اختي اذا بدك بلد عربي سوريا لانها رخيصه وفيها اماكن سياحيه كثير,,

بس بـــــــــرد يقطع القلب واللي مايعرف لهم ولايعرف احد هناك ينقص عليه,,,,,

اما عن الاسعار قيمة اسبوع الحين سكن واكل ومواصلات تكفيكم سبعة الاف قطري!!
يعني حوالي مية الف ليره سوري !!
بدون البخشيش والتسوق طبعا ,,!!

>> وش عنده الخبره <<

البعد الخامس

14-01-2007, 08:57 AM

للظروف الماديه وللمسافات والوقت الحل الوحيد (((النعيريه)))

:funny: :funny: :funny: :funny: ياسلام على نعيريه

ام الحلوين

14-01-2007, 05:54 PM

جزاكم الله خير
لتشرفكم بالرد
لكن محد رد علي على اليونان ولا فينا؟؟

الرميحي

14-01-2007, 06:09 PM

والله فينا حلوووه يا ام الحلوين

بس شرايج في بيروت... عاااااااد ذي بيروت مب مصر crazy

اّل ثاني 77

14-01-2007, 06:43 PM

أختي نصيحتي لج بعد ماسمعتي رأي الأعضاء أتصلي بأحد مكاتب السفر وأسئليهم عن أفضل المنتجعات في هذي الفتره وراح يفيدونج بالأماكن والأسعار والمكاتب وايد مثل (الرحله السعيده،سفريات المتحده) انا دائما اتعامل مع هذي المكاتب بيعطونج أفضل الأماكن وممكن تشوفين صور الفنادق وعن اليونان في منتجعات روووووعه...
وبالتوفيق لكم انشالله...................................... .....

بدور

14-01-2007, 06:58 PM

بالنسبه لليونان انا رحت لها وقت الصيف وفيها جزر جميله

اما الشتا اكيد روعه وراح تستانسين انتي جربي ومو غاليه اليونان

انا اللي اتعبني فيها عندي دوار البحر مقدر على البواخر

وربي يوفقك اختي

ام الحلوين

15-01-2007, 11:19 AM

الرميحي-ال ثاني-بدور
اشكركم على الرد

أبو راكان

15-01-2007, 12:00 PM

بدون البخشيش والتسوق طبعا ,,!!
المشكله في البخشيش!!!!
من أول ماتنزل من الطياره وعدّاد البخشيش شغّال
يعني اذا تكلفة السفر بدون بخشيش 7000 ريال
مع البخشيش 14000 ريال
وخصوصا اللي مايعرف لهم بياكلونه